ߕߊ߯ߡߊ߫ ߘߐ߫ ߕߊ߯ ߛߓߍ߫ ߞߎߘߊ߫ ߓߘߊ߫ ߛߌ߰ ߛߋ߲߬ߠߊ߫ ߞߞߢ ߖߡߊ߬ߣߊ ߟߎ߬ ߓߟߏ߫߸ ߏ߬ ߡߍ߲ ߓߘߊ߫ ߞߍ߫ ߛߊߓߎ߫ ߘߌ߫ ߞߵߊ߬ߟߎ߬ ߞߏߟߊߘߍߢߐ߲߮ ߠߎ߬ ߡߊߝߊ߬ߟߋ߲߬، ߓߊߏ߬߸ ߊ߬ ߟߊߞߊ߬ߟߌ߬ ߘߊ߫ ߗ߭ߋߣ ߊߝߙߌߞ ߓߟߏ߫ ߥߊ߯ߕߌ߫ ߘߐ߫߸ ߞߏ߫ ߞߞߢ ߛߌ߲߬ߝߏ߲ ߠߎ߬ ߛߐ߲߭ߖߊ߬ߣߴߊ߬ߟߎ߬ ߟߊ߫ ߕߊ߬ߡߌ߲߬ߛߓߍ߬ ߞߏ ߞߊ߲߬߸ ߓߊ߬ߙߵߊ߬ ߦߋ߫ ߟߊߘߊ߲߫ ߠߊ߫ ߝߊ߬ߙߊ߲߬ߛߌ߬ ߞߏߟߊߘߍ ߟߋ߬ ߓߟߏ߫، ߒ߬ߓߊ߬߸ ߊ߬ߟߎ߬ ߟߊ߫ ߕߊ߬ߡߌ߲߬ߛߓߍ ߞߏ ߣߌ߲߬ ߘߐ߫ ߣߌ߲߬ߛߋ߲߭߸ ߊ߬ߟߎ߬ ߓߘߊ߫ ߝߊ߬ߙߊ߲߬ߛߌ ߟߎ߬ ߟߊ߫ ߞߏߟߊߘߍ߫ ߌߘߋߡߌߦߊ ߟߊ߫ ߓߊ߯ߙߊߢߐ߲߯ߦߊ ߟߊߟߐ߬߸ ߞߵߊ߬ߟߎ߫ ߞߎ߲߬ߛߌ߲߫ ߛߌ߯ߣߌ߲ߞߊ ߟߎ߬ ߟߊ߫ ߞߙߎ ߘߏ߫ ߟߊ߫߸ ߞߏ߫ ߊ߲ߔߑߕߍߞ.

ߕߊ߬ߡߌ߲߬ߛߓߍ߬ ߞߏ ߣߌ߲߬ ߖߊ߲߬ߖߏ߲ ߞߍ߫ ߘߊ߫ ߓߡߊ߬ߞߐ߫ ߟߋ߬ ߞߎߣߎ߲߬ ߞߏ߲ߓߌߕߌ߮ ߕߋ߬ߟߋ߫ ߂߇ ߡߊ߬߸ ߕߊ߬ߡߌ߲߬ߛߓߍ߬ ߞߏ ߢߊߓߐ߫ ߕߊ߲ߓߊ߲ ߠߊ߫ (Centre de traitement des passeports de Bamako)، ߊ߬ ߖߊ߲߬ߖߏ߲ ߞߎ߲߬ߠߊߛߌ߮ ߘߊ߫ ߘߊ߯ߓߊ ߞߟߍ߬ߕߌ߯ ߘߊߎߘ ߊ߬ߟߌ ߡߏ߬ߤߊ߬ߡߋ߬ߘߌߣ ߠߋ߬ ߓߟߏ߫، ߏ߬ ߞߵߊ߬ ߦߌ߬ߘߊ߬ ߞߏ߫ ߟߊ߬ߞߎ߬ߘߦߊ߬ߟߌ ߢߌ߲߬ ߠߎ߫ ߞߎ߲߭ ߦߋ߫ ߓߐߒߣߘߐ ߟߊߣߐ߰ߦߊ ߟߋ߬ ߘߌ߫ ߟߊߞߊ߲ߘߊ ߞߣߐ߫߸ ߊ߬ ߣߌ߫ ߞߊ߬ ߛߋ߫ ߞߎ߲߬ߠߊ߬ߛߌ߮ ߟߊ߫ ߛߓߍ߫ ߞߏߢߊߓߐ ߟߎ߬ ߝߣߊ߫ ߟߊߣߐ߰ߦߊ߬ ߟߊ߫ ߡߊ߬ߟߌ߬ߞߊ ߟߎ߫ ߡߊ߬.

ߕߊ߬ߡߌ߲߬ߛߓߍ ߢߌ߲߬ ߘߏ߲߬ ߠߊߘߊ߲ߣߍ߲߫ ߞߵߊ߬ ߓߍ߲߬ ߘߎߢߊ߫ ߣߊ߲߬ߒ߬ߕߊ߲߬ ߛߊ߲ߡߊߘߊ߲ ߛߌ߲߬ߝߏ߲߬ߘߊ ߟߊ߫ ߛߙߊߕߌ߫ ߞߊ߲ߠߊ ߟߎ߬ ߡߊߓߏ߲߬ߧߊ ߟߋ߬ ߡߊ߬ ߝߛߊߦߌ߫، ߓߊߏ߬߸ ߢߎߡߍߙߋ߲߫ ߔߍߔߘߍ ߘߏ߫ ߦߋ߫ ߕߊ߬ߡߌ߲߬ߛߓߍ ߞߎߘߊ ߢߌ߲߬ ߠߊ߫߸ ߓߟߏߣߙߌ ߟߎ߬ ߦߋ߫ ߡߍ߲ ߞߊ߲߬߸ ߊ߬ ߣߴߊ߬ ߕߌ߱ ߖߌ߬ߦߊ߬ߓߍ.ߟߊ߬ߞߊ߲߬ߘߊ߬ߟߌ ߛߋߒߞߏߟߊߘߐߦߊ ߘߏ߫ ߝߣߊ߫ ߦߴߊ߬ ߟߊ߫߸ ߡߍ߲ ߛߋߞߏߦߊ ߞߊ߫ ߓߏ߲߬ ߞߏߛߓߍ߫߸ ߊ߬ ߘߌ߫ ߛߋ߫ ߞߊ߬ߙߏ߲ ߣߌ߫ ߡߊ߬ߘߓߊ߬ߙߌ߬ߟߌ ߓߍ߯ ߢߍߓߍ߲߬ ߠߊ߫.

ߕߊ߬ߡߌ߲߬ߛߓߍ߬ ߞߘߐ ߘߌ߫ ߛߋ߫ ߟߊߓߊ߯ߙߊ߫ ߟߊ߫ ߡߐ߱ ߟߎ߬ ߓߟߏ߫ ߡߎ߬ߕߎ߲߬߸ ߤߊ߲߯ ߞߵߊ߬ ߛߌ߰ ߊ߬ߟߎ߫ ߕߎ߬ߡߊ߬ߘߊ ߓߊ߲ ߠߊ߫߸ ߓߊ߬ߙߌ߬ ߞߎߘߊ ߓߍ߯ ߞߍߕߐ߫ ߞߞߢ ߕߊ ߢߌ߲߬ ߠߋ߬ ߘߌ߫ ߡߎ߬ߕߎ߲߬.

ߌ ߓߴߊ߬ ߦߋ߫߸ ߊ߬ߟߎ߫ ߞߵߊ߬ ߛߌ߰ ߛߋ߲߬ߠߊ߫ ߣߌ߲߬ ߢߊ߸ ߏ߬ ߞߍߣߍ߲߫ ߞߏߘߐߦߟߍߡߊ߲ ߘߏ߫ ߟߎ߫ ߟߋ߬ ߞߐߝߍ߬ ߞߵߊ߬ ߓߍ߲߬ ߓߊ߯ߙߊߢߐ߲߯ ߞߏ ߡߊ߬، ߓߊߏ߬߸ ߡߊ߬ߟߌ ߞߎ߲߬ߠߊ߬ߛߌ߮ ߓߘߊ߫ ߘߊ߲߭ߛߌ߰ ߊ߬ ߣߌ߫ ߝߊ߬ߙߊ߲߬ߛߌ ߟߎ߬ ߟߊ߫ ߞߏߟߊߘߍ߫ ߌߘߋߡߌߦߊ ߟߊ߫ ߓߊ߯ߙߊߢߐ߲߯ߦߊ ߟߊ߫߸ ߞߵߊ߬ ߟߊ߫ ߕߊ߬ߡߌ߲߬ߛߓߍ߬ ߟߊ߬ߘߊ߲ ߘߏ߲߬ ߛߌ߯ߣߌ߲ߞߊ ߟߎ߬ ߟߊ߫ ߞߏߟߊߘߍ ߣߌ߲߬ ߓߟߏ߫߸ ߞߏ߫ ߊ߲ߔߑߕߍߞ (ߛߋߒߞߏߟߊߘߐߦߊ ߝߊ߰ߡߊ߬ߟߊ = Emperor Technology Co., Ltd)߸ ߏ߬ ߦߋ߫ ߥߊߟߌߘߊ߫ ߟߋ߬ ߘߌ߫߸ ߡߍ߲ ߡߊߖߌ߰ߣߍ߲߫ ߛ߭ߍ߲ߖߍߣ߸ ߊ߬ߟߎ ߓߟߏߡߊߞߊ߬ߣߍ߲߫ ߢߎߡߍߙߋ߲ߦߊߟߌ ߡߊ߬ߟߐ߲߬ߠߌ߲ ߞߏߢߊ ߟߎ߫ ߟߋ߬ ߞߊ߲ߡߊ߬ ߝߋߎ߫، ߌ ߘߏ߲߬ ߓߴߊ߬ ߦߋ߫ ߡߊ߬ߟߌ ߞߵߏ߬ ߕߊ߬߸ ߊ߬ߟߎ߬ ߦߴߊ߬ ߝߍ߬ ߟߋ߬ ߞߵߊ߬ߟߎ߬ ߘߍ߲߫ ߊ߬ߟߎ߫ ߖߘߍ߬ ߟߊ߫ ߛߋߒߞߏߟߊߘߐߦߊ ߘߐ߫߸ ߞߊ߬ ߛߴߊ߬ߟߎ߬ ߟߊ߫ ߟߐ߲ߕߊ ߟߎ߬ ߡߊߡߙߊ߬ ߟߴߊ߬ߟߎ߫ ߖߘߍ߬ ߦߋ߫߸ ߞߵߊ߬ߟߎ߫ ߓߌ߬ߟߊ߫ ߟߊ߬ߞߊ߲߬ߘߊ߬ߟߌ ߞߣߐ߫.

ߛߎ߬ߟߋ߬ߡߊߣ ߕߙߊߥߟߋ߫ ߟߊ߫ ߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߡߊ߬ߟߌ ߕߊ߬ߡ-ߟߊ߬ߞ ߝߘߏ߬ߓߊ߬ ߗߋߕߌ߮ ߘߌ߫ (Secupass Mali)߸ ߊ߬ ߣߌ߫ ߖߊ߬ߕߋ߬ߘߐ߬ߛߌ߮ ߣߌ߲߬ ߛߋߒߞߏߟߊ߫ ߞߏߟߊߘߍߢߐ߲߮ ߘߏ߫، ߊ߬ߟߋ߫ ߞߵߊ߬ ߦߌ߬ߘߊ߬ ߞߏ߫ ߞߊ߲ߞߋߦߊ ߟߊߘߊ߲ߣߍ߲߫ ߞߵߊ߬ ߓߌ߬ߟߊ߬ ߘߎߢߊ߫ ߟߊ߬ߞߊ߲߬ߘߊ߬ߟߌ ߛߙߊߕߌ ߟߎ߫ ߟߋ߬ ߞߣߐ߫ ߝߋߎ߫.

ߕߐ߲ߓߟߏߡߟߊ߫ ߝߘߏ߬ߓߊ߬ ߜߋ߬ߟߎ߲߬ߠߌ߲߬ߠߊ ߛ߭ߍߞ ߞߋߕߊ߬ ߡߍ߲ ߦߋ߫ ߕߐ߲ߓߟߏߡߊ ߟߎ߬ ߟߊ߫ ߗߋߕߌ߮ ߘߌ߫ ߓߐߕߏ߲ ߠߎ߬ ߟߊ߫߸ ߊ߬ߟߋ߫ ߞߊ߬߬ ߣߌ߲߬ ߞߏ ߕߊ߲߬ߘߏ߫ ߟߋ߬ <<ߊ߬ ߦߋ߫ ߛߋ߲߬ߕߊ߬ߓߊ߫ ߟߋ߬ ߘߌ߫ ߡߊ߬ߟߌ ߟߊ߫ ߖߘߍ߬ߕߌ߰ߦߊ߫ ߛߐ߬ߘߐ߲߬ߣߍ߲ ߘߐ߫.>>

ߕߊ߬ߡߌ߲߬ߛߓߍ ߡߍ߲ ߦߋ߫ ߕߋ߲߬߸ ߞߞߢ ߕߐ߰ߡߊ߬ߛߙߋ ߦߴߊ߬ ߞߊ߲߬ (E-AES)߸ ߞߵߊ߬ ߓߍ߲߬ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߟߊ߫ ߞߙߎߝߊߢߐ߲߯ߦߊ ߕߐ߰ߡߊ߬ߛߙߋ ߡߊ߬߸ ߏ߬ ߟߎ߬ ߡߍ߲ ߠߎ߬ ߦߋ߫ ߖߡߊ߬ߣߊ߫ ߛߓߊ߬ ߘߌ߫ ߕߊ߲߬ߘߐ: ߡߊ߬ߟߌ߸ ߓߙߎߞߌߣߊ߫ ߝߊ߬ߛߏ߬߸ ߖߋ߬ߟߌ߬ߓߊ߬ߘߎ߯. ߡߊ߬ߟߌ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߣߌ߲߬ ߦߋ߫ ߖߡߊ߬ߣߊ߫ ߛߊ߬ߓߊ ߢߌ߲߬ ߠߎ߬ ߟߊ߫ ߞߏ ߟߎ߬ ߘߏ߲߬ߣߍ߲ ߠߋ߬ ߘߌ߫ ߢߐ߲߮ ߘߐ߫ ߏ߬ ߘߌ߫߸ ߡߊ߬ߡߙߊ߬ߟߌ߬ ߞߎ߲ߘߊ߫߸ ߊ߬ ߣߌ߫ ߛߋߒߞߏߟߦߊ߫ ߞߎ߲ߘߊ߫.

ߕߊ߬ߡߌ߲߬ߛߓߍ ߣߌ߲߬ ߘߌ߫ ߞߏ߫ ߝߟߐ ߞߍ߫ ߘߊ߫ ߡߐ߱ ߘߏ߫ ߟߎ߫ ߡߊ߬ ߦߋ߲߬ ߌߞߘߐ߫ ߓߡߊ߬ߞߐ߬ ߞߣߐ߫ ߦߋ߲߬߸ ߊ߬ ߛߐ߬ߘߐ߲߬ߓߊ߮ ߟߎ߫ ߞߊ߬ ߕߊ߲߬ߘߏ߬ߟߌ ߟߊߛߋ߫ ߞߎ߲߬ߠߊ߬ߛߌ߮ ߡߊ߬߸ ߊ߬ߟߎ߬ ߞߍ ߘߐ߫ ߞߵߊ߬ ߞߏ ߟߎ߬ ߟߞߊߟߌߦߊ߫߸ ߊ߬ ߣߴߊ߬ ߟߊߞߎߘߦߊ ߞߵߊ߬ ߓߍ߲߬ ߘߎߢߊ߫ ߕߋ߬ߟߋ ߣߌ߲߬ ߞߏ ߟߎ߫ ߡߊ߬، ߝߊ߬ߛߏ ߕߐ߲ߓߟߏߡߘߊ ߗߋߕߌ߯ߘߊ ߞߵߊ߬ ߦߌ߬ߘߊ߬ ߞߏ߫ ߣߌ߫ ߡߍ߲ ߠߎ߬ ߦߋ߫ ߕߊ߬ߡߌ߲߬ߛߓߍ ߣߌ߲߬ ߞߐ߫߸ ߏ߬ ߟߎ߬ ߞߊ߫ ߞߊ߲߫ ߞߊ߬ ߣߊ߬ ߛߓߍ ߡߍ߲ ߠߎ߬ ߘߌ߫߸ ߊ߬ ߣߌ߫ ߟߊ߬ߘߏ߲߬ߠߌ߲ ߞߍߢߊ ߟߎ߬߸ ߊ߬ߟߎ߬ ߘߌߣߵߏ߬ ߢߊߝߐ߫ ߟߏ߲߫ ߣߊ߬ߕߐ ߟߎ߬ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.