ߓߌ߬ߟߊ߬ ߞߍߣߍ߲߫ ߓߟߐߟߐ߫ ߞߊ߲ߠߊ ߘߋ߲ߡߛߏߣߍ߲߫ ߛߘߊߡߊ ߣߌ߲߬ ߞߐ߫ ߣߊ߬ߣߌ߲߬ߠߌ߲߬ ߞߏ ߣߌ߫ ߞߐ߲߬ߞߐ߲߬ߒ߬ߡߊ߬ߟߌ ߜߊ߬ߟߏ߬ߡߊ߬ߦߌߘߊ ߟߋ߬ ߘߐ߫߸ ߊ߬ ߘߴߊ߬ ߞߎ߲߬ߞߕߌ ߟߐ߲߫ ߞߏߟߌ߲ߞߏߟߌ߲ ߕߟߋ߬ ߁߀ ߣߊ߬ߕߐ ߡߊ߬، ߊ߬ ߞߏ߬ߣߌ߲߸ ߞߕߌߓߋߟߋ߲ ߣߐ߬ ߓߌ߲߬ߓߊ߬ߥߏ߬ ߜߌߟߌ߲߫ ߠߋ߬ ߞߏߝߐ߫ ߟߴߊ߬ ߝߍ߬.
ߓߍ߯ ߢߊ ߦߋ߫ ߞߕߌ ߡߍ߲ ߝߍ߬ ߖߐ߫߸ ߏ߬ ߟߊ߬ߥߟߍ߬ߟߌ ߟߋ߬ ߞߍ߫ ߘߊ߫ ߓߌ߬ ߞߎߣߎ߲ߟߏ߲ ߡߊ߬ ߣߍߣߍߓߊ ߕߋ߬ߟߋ߫ ߂߆߸ ߞߊߟߎߡ ߖߏ߯ߘߏ߲ ߞߕߌߘߊ ߟߊ߫، ߓߟߐߟߐߛߙߏߝߋ߫ ߡߊߙߌߦߡߊ߫ ߛߌߙߋ߬ ߞߡߊ߬ߙߊ߬ ߡߍ߲ ߞߊ߲߬ߕߐ߮ ߦߋ߫ « ߍߡ.ߛߋ » ߘߌ߫߸ ߓߌ߬ߟߊ߬ ߞߍߣߴߊ߬ ߞߐ߫ « ߞߊ߲ߕߌ߮ ߘߐ߯ߦߊ߫ ߞߏ ߟߋ߬ ߘߐ߫߸ ߊ߬ ߣߌ߫ ߜߍߘߐ߫ ߖߓߍߟߌ ߣߌ߫ ߜߊ߬ߟߏ߬ߡߊ߬ߦߌߘߊ߸ ߞߊ߬ ߓߊ߲߫ ߞߊ߬ ߘߏ߲߬ ߝߘߏ߬ߓߊ߬ ߟߊ߬ߞߊ߲߬ߘߊ߬ߟߌ ߕߊ߬ߣߊ ߘߐ߫ ߕߟߋ߬ߓߊ߰ߞߊ߲ߞߋ ߛߌߟߊ ߝߍ߬. »
ߒ߬ߓߊ߬߸ ߞߕߌߞߊ߲ߘߊ ߣߐ߬ߞߊ߲߬ߛߌ߮ ߓߌߥߐ߲߫ ߡߟߌ߬ߡߣߐ߫ ߣߐ߬ ߛߊ߲߬ ߅ ߟߊ߬ߥߛߎ߬ߟߌ߬ ߞߏ ߟߋ߬ ߝߐ߫ ߟߴߊ߬ ߝߍ߬߸ ߞߵߏ߬ ߟߊ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߁߀߀ ߢߍ߬ߢߌ߲߬ߘߐ߬ߓߍ߲ ߛߊ߬ߙߊ ߞߊ߲߬، ߓߊߏ߬߸ ߞߕߌߞߊ߲ߘߊ ߣߐ߬ߞߊ߲߬ߛߌ߮ ߞߊ߬ ߡߊߙߌߦߊߡߊ߬ ߖߊ߬ߕߋ߫ ߛߐ߬ߡߛߊ߬ߦߌ߲߬ߠߊ ߟߋ߬ ߘߌ߫: <<ߡߞߊ߬ߛߌ߬ߒ߬ߞߊ߲߬ߓߊ߰ ߗߋ ߟߋ߬ ߣߌ߲߬ ߞߏ߫ ߛߎ߮ ߘߌ߫، ߊ߬ ߡߊߟߐ߲ߣߴߊ߬ ߘߐ߫ ߟߋ߬ ߝߋߎ߫، ߘߋ߲ߡߛߏߣߍ߲߫ ߝߢߊߣߍ߲ ߠߋ߬߸ ߡߍ߲ ߘߟߊߞߏߖߎ߮.>> ߊ߬ ߞߵߏ߬ ߟߋ ߝߐ߫ ߞߕߌߘߊ ߟߊ߫.
ߞߕߌߓߋߟߋ߲߫ ߞߵߊ߬ ߟߊߢߌߣߌ߲߫ ߞߏ߫ ߣߴߊ߬ ߓߍ߲߬ ߘߊ߫ ߖߊ߲߬ߞߌ߬ߟߌ߫ ߡߊ߬߸ ߞߕߌߕߍ߯ ߞߊ߲ ߞߊ߫ ߞߊ߲߫ ߞߊ߬ ߟߊߖߍ߲ߛߍ߲߫ ߠߋ߬ ߡߞߊ߬ߛߌ߬ߒ߬ߞߊ߲߬ߓߊ߰ߕߐ ߟߊ߫ ߘߍ߬ߞߙߏߝߏ ߖߊ߬ߕߋ߬ߘߊ ߓߍ߯ ߟߊ߫ ߞߐߘߍ߫߸ ߊ߬ ߣߌ߫ ߊ߬ ߞߊ߬ ߖߌ߬ߦߊ߬ߖߟߎ߬ߦߊ߬ߟߌ ߞߍ߫ ߜߋߟߋ߲ߜߋߟߋ߲ ߡߍ߲ ߠߊ߫ ߞߊ߬ ߞߎ߲߬ߞߏ ߣߌ߲߬ ߘߐߕߍ߰߸ ߏ߬ ߞߊ߫ ߞߊ߲߫ ߞߊ߬ ߡߌ߬ߘߴߊ߬ ߟߊ߫ ߟߋ߬ (ߞߵߊ߬ ߕߵߊ߬ ߓߟߏ߫).
ߡߊߙߌߦߡߊ߫ ߛߌߙߋ߫ ߞߊ߬ ߞߎߡߊ ߕߊ߬ ߢߊߖߌ ߟߋ߬ ߘߐ߫߸ ߞߊ߬ ߦߊ߬ߝߊ ߕߙߊ߫ ߞߕߌߘߊ ߝߍ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ ߓߘߊ߫ ߣߡߌߛߴߊ߬ ߟߊ߫ ߞߍߣߍ߲ ߠߎ߬ ߘߐ߫، ߊ߬ ߡߌ߬ߘߊ߬ ߘߊ߫ ߞߵߊ߬ ߟߊߞߘߎ߬ ߞߊ߬ߦߌ߯ ߣߍߣߍߓߊ ߕߟߋ߬ ߁߀ ߕߊ߬ߡߌ߲߬ߣߍ߲ ߠߋ߬ ߡߊ߬ ߞߐߣߊߞߙߌ߫ ߥߛߎߖߌ߲ߓߊ ߟߊ߫، ߞߕߌߘߊ ߓߍߣߵߊ߬ ߟߊ߫ ߡߙߌߘߐ ߟߊߥߊ߲߬ߞߊ߲߬ ߞߏߟߌ߲ߞߏߟߌ߲ ߕߟߋ߬ ߁߀ ߣߊ߬ߕߐ ߡߊ߬.
ߞߏߢߊ ߣߌ߲߬ ߞߏ߬ߣߌ߲߸ ߊ߬ ߞߎߡߊ ߞߊ߫ ߛߌߦߊ߫ ߘߍ߬ߞߙߏߝߏ ߞߊ߲߬ ߞߏߛߓߍ߫߸ ߊ߬ ߓߘߊ߫ ߡߐ߱ ߟߎ߬ ߦߟߌߟߊߖߌ߰ ߞߏ߫ ߊ߬ߝߐ߫ ߞߓߊ ߟߋ߬ ߛߌ߰ߕߐ ߕߍ߫ ߡߐ߱ ߟߎ߬ ߘߊ ߞߊ߲߬ ߣߌ߲߬ ߓߊ߬߸ ߥߟߊ߫ ߍ߲߬ߍ߲ߍ߲߬ ߖߌ߬ߣߍ߬ ߓߟߐߟߐߞߏ ߟߋ߬ ߘߊߘߐߓߍ߲߭ ߦߴߌߘߐ߫.
ߊߓߎߓߞߊߙ ߞߊ߬ߟߐ ߖߐ߲߬ߡߊߛߌߣߌ߲ߟߐ߲߫ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.