ߞߵߊ߬ ߓߍ߲߬ ߂߀߃߄ ߖߊ߯ߓߊ߫ ߖߌߟߊߝߍ߫ ߣߊ߬ߕߐ ߓߟߏߘߐߓߍ߲ ߠߎ߬ ߡߊ߬߸ ߊߙߊߓߌ߫ ߛߊߥߎߘߌߕ ߦߴߊ߬ ߝߍ߬ ߞߊ߬ ߘߎߢߊ߫ ߢߊߞߘߐߛߋ߫ ߓߊ߯ߙߊ ߘߏ߫ ߞߍ߫߸ ߡߍ߲ ߢߐ߲߰ ߕߍ߫ ߝߊ߲߬ ߜߘߍ߫ ߝߍ߬ ߡߎߣߎ߲߬، ߓߊߏ߬߸ ߊ߬ߟߎ߬ ߦߴߊ߬ ߝߍ߬ ߞߊ߬ ߕߏ߬ߟߊ߲߬ߕߊ߲߬ ߓߙߊ ߘߏ߫ ߟߋ߬ ߟߐ߬߸ ߜߟߊ߬ߜߟߊ߫ ߃߅߀ ߦߋ߫ ߡߍ߲ ߣߌ߫ ߘߎ߰ߡߊ߬ߟߊ ߕߍ߫߸ ߊ߬ߟߎ߬ ߟߊ߫ ߘߎ߱ ߘߏ߫ ߟߊ߫߸ ߞߏ߫ ߖ߭ߋ߳ ߟߊߦߣ، ߏ߬ ߞߍߕߐ߫ ߢߊߞߎߘߦߊߟߌߓߊ߫ ߟߋ߬ ߘߌ߫߸ ߝߐ߰ߓߍ߬ߦߊ߬ߟߊ ߟߎ߬ ߓߘߴߊ߬ߟߎ߬ ߘߊ ߟߊߓߏ߬ߙߌ߬ ߡߍ߲ ߞߊ߲߬ ߞߊ߬ߦߌ߯ ߛߊߙߏ߲߬، ߓߊ߬ߙߌ߬߸ ߖߌ߬ߦߊ߬ߓߍ ߡߍ߲ ߦߋ߫ ߡߐ߱ ߟߎ߬ ߓߟߏߟߊ߫ ߣߌ߲߬߸ ߏ߬ ߦߋ߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߠߊ߫ ߖߌ߬ߦߊ߬ߓߍ߬ ߡߊߘߓߊ߬ߙߌ߬ߣߍ߲ ߠߋ߬ ߘߌ߫ ߤߊ߲߫߸ ߕߎ߬ߢߊ߬ ߕߍ߫ ߖߌ߬ߦߊ ߣߌ߲߬ ߘߌ߫ ߡߎ߰ߡߍ߫.
ߖߌ߬ߦߊ ߢߌ߲߬ ߠߎ߬ ߓߘߊ߫ ߛߊ߲ߞߊ ߕߊ߬߸ ߤߊߟߌ߬ ߝߐ߰ߓߍ߬ߘߊ߬ ߡߊߟߐ߲ߣߍ߲ ߛߌߦߊߡߊ߲߫ ߓߘߴߊ߬ ߟߊߞߊ߬ߟߌ߬ ߞߵߊ߬ ߟߊߖߍ߲ߛߍ߲߫، ߓߊ߬ߙߌ߬ ߥߊߦߌߞߊ߫߸ ߛߋߥߐ߲ ߛߑߕߋߘߌߦߐߡ߸ ߊ߬ߟߋ ߡߍ߲ ߟߐ߬ߕߐ߫ ߞߵߊ߬ ߡߊߕߊ߯ ߘߎ߱ ߟߊ߫ ߔߏ߲߫߸ ߊ߬ ߟߐ߬ߕߐ߫ ߞߵߊ߬ ߓߍ߲߬ ߂߀߃߄ ߖߊ߯ߓߊ߫ ߖߌߟߊߝߍ ߟߋ߬ ߡߊ߬ ߛߊ߬ߥߎ߬ߘߌߦߊ ߞߣߐ߫߸ ߡߍ߲ ߞߏ ߓߘߊ߫ ߡߐ߰ ߛߌߦߊߡߊ߲߫ ߘߊ ߓߐ߫ ߊ߬߬ ߞߎ߲߬ ߡߎߣߎ߲߬߸ ߓߊߏ߬ ߛߎ߯ ߡߊ߫ ߞߍ߫ ߝߟߐ߫، ߏ߬ ߟߋ ߖߍ߬ߘߍ ߞߏߛߐ߲߬߸ ߞߊ߬ߦߌ߯ ߕߙߊߓߊ߫ ߕߊ߬ߡߌ߲߬ߣߍ߲ ߠߊ߫߸ ߘߋ߬ߣߌߛ ߤߌߞߋߦߌ߫ ߞߵߊ߬ ߝߐ߫ ߞߏ߫: <<ߊ߬ ߞߍߕߐ߫ ߓߙߊߞߣߍ߫ ߟߋ߬ ߘߌ߫߸ ߡߍ߲ ߢߐ߲߰ ߕߎ߲߬ ߡߊ߫ ߦߋ߫ ߢߊ ߟߊ߫ ߡߎߣߎ߲߬.>> ߘߋ߬ߣߌߛ ߡߍ߲ ߞߊ߬ ߞߎߡߊ ߣߌ߲߬ ߝߐ߫߸ ߏ߬ ߦߋ߫ ߣߋߥߐ߲߫ ߓߙߊߞߣߍ߫ ߞߎߘߊ ߣߌ߲߬ ߥߙߎߞߟߌ ߗߋߕߌ߮ ߟߋ߬ ߘߌ߫، ߏ߬ ߞߍ߫ ߘߊ߫ ߖ߭ߋ߳ ߟߊߦߣ ߦߌߘߞߊߟߌ ߟߋ߬ ߝߍ߬.
ߡߎ߲߬ ߦߋ߫ ߖ߭ߋ߳ ߟߊߦߣ ߏ߬ ߘߌ߫߸ ߏ߬ ߦߋ߫ ߡߞߊߞߊ ߟߎ߬ ߟߊ߫ ߛߏ߫ ߞߎߘߊ߫ ߟߐ߬ߕߊ ߘߏ߫ ߟߋ߬ ߖߊ߬ߕߋ߬ߘߐ߬ߛߌ߮ ߘߌ߫߸ ߡߍ߲ ߟߐ߭ ߦߋ߫ ߞߎߘߍ߫ ߁߇߀ ߘߌ߫߸ ߊ߬ ߞߊ߲߬ߞߊ߲ ߦߋ߫ ߜߟߊ߬ߜߟߊ߫ ߂߀߀ ߘߌ߫߸ ߊ߬ ߟߐ߭ ߦߋ߫ ߜߟߊ߬ߜߟߊ߫ ߅߀߀ ߘߌ߫، ߏ߬ ߟߊߘߊ߲ߕߐ߫ ߊ߬ߟߎ߬ ߓߟߏ߫ ߊߙߊߓߌ߫ ߛߊߥߎߘߌߕ ߞߐ߰ߘߎ߯ ߕߟߋ߬ߓߋ ߟߋ߬ ߘߐ߫.
ߒ߬ߓߊ߬߸ ߊ߬ߟߎ߬ ߦߋ߫ ߛߏ߫ ߞߓߊߞߏߡߊ ߏ߬ ߟߊ߫ ߞߏ ߞߊ߲߬ ߢߊ ߡߍ߲߸ ߊ߬ߟߎ߬ ߦߴߊ߬ ߝߍ߬ ߞߊ߬ ߕߏ߬ߟߊ߲߬ߕߊ߲߬ ߓߙߊ߫ ߞߓߊߞߏߡߊ ߘߏ߫ ߝߣߊ߫ ߟߐ߬ ߕߋ߲߬ ߠߋ߬߸ ߜߟߊ߬ߜߟߊ߫ ߃߅߀ ߦߋ߫ ߡߍ߲ ߣߌ߫ ߘߎ߰ߡߊ߬ߟߊ ߕߍ߫߸ ߊ߬ ߘߏ߲߬ ߘߌ߫ ߛߋ߫ ߡߐ߰ ߄߆ ߀߀߀ ߕߊ߬ ߟߊ߫ ߝߛߊߦߌ߫߸ ߞߊ߬ ߓߍ߲߬ ߖߊ߯ߓߊ߫ ߖߌߟߊߝߍ ߡߊ߬ ߂߀߃߄ ߠߊ߫، ߕߏ߫ ߓߘߊ߫ ߞߍ߫ ߏ߬ ߟߋ ߘߐ߬ߓߍ߲ ߠߎ߬ ߞߊ߲߬߸ ߖߌ߬ߦߊ߬ߖߟߎ ߘߏ߫ ߓߘߊ߫ ߝߙߋ߬ߟߋ߲߬ߝߙߋߟߋ߲ ߘߊߡߌ߬ߣߊ߫ ߘߍ߬ߞߙߏߝߏ ߟߎ߫ ߞߊ߲߬߸ ߝߐ߰ߓߍ߬ߘߊ߬ ߛߌߦߊߡߊ߲߫ ߓߘߊ߫ ߡߍ߲ ߕߊ߬ ߞߵߊ߬ ߟߊߖߊ߲ߞߏ߫، ߓߊ߬ߙߌ߬ ߥߊߦߌߞߊ߫߸ ߣߌ߲߬ ߦߋ߫ ߞߎ߲߬ߘߐ߬ߕߍ߮ ߟߋ߬ ߘߌ߫߸ ߡߍ߲ ߠߊߘߊ߲ߣߍ߲߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߓߟߏ߫߸ ߣߴߊ߬ ߟߊߖߍ߲ߛߍ߲߫ ߞߏ߫ ߝߟߐ ߞߍ߫ ߘߊ߫ ߊߙߑߕߟߏߖ߭ߌ ߓߟߏ߫߸ ߕߎ߬ߢߊ߬ ߕߴߊ߬ ߘߐ߫ ߡߎ߰ߡߍ߫.
ߖߊ߬ߕߋ߬ߘߐ߬ߛߌ߮ ߣߌ߲߬ ߖߌ߬ߦߊ߬ߓߍ߫ ߞߎ߲߬ߝߟߐ ߟߎ߬ ߦߌ߬ߘߊ߬ ߘߊ߫ ߂߀߂߄ ߠߋ߬ ߟߊ߫، ߏ߬ ߞߍ߫ ߘߊ߫ ߘߋߣߌߛ ߟߋ߬ ߓߟߏ߫، ߌߞߏߡߌ߲߬ ߛߏ߫ ߞߎߘߊ߫ ߟߐ߫ ߞߏ ߖߊ߬ߕߋ߬ߘߐ߬ߛߌ߮ ߦߴߊ߬ ߓߟߏ߫߸ ߊ߬ ߞߊ߬ ߓߙߊߞߣߍ߫ ߖߌߦߊ ߘߏ߫ ߟߎ߫ ߡߊߘߓߊ߬ߙߌ߫ ߏ߬ ߟߋ ߘߐ߫߸ ߞߵߏ߬ ߟߊߓߐ߫.
ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߊ߬ ߓߘߊ߫ ߦߌ߬ߘߊ߬ ߞߏ߫ ߕߏ߬ߟߊ߲߬ߕߊ߲߬ ߓߙߊ ߣߌ߲߬ ߓߊ߯ߙߊ ߘߊߡߌ߬ߣߊ߬ߕߐ߫ ߂߀߂߇ ߟߋ߬ ߟߊ߫߸ ߊ߬ ߘߌ߫ ߓߊ߲߫ ߂߀߃߂ ߟߊ߫߸ ߞߊ߬ ߛߊ߲߭ ߝߌ߬ߟߊ߬ ߕߏ߫ ߖߊ߯ߓߊ߫ ߖߌߟߊߝߍ ߟߊ߫.
ߢߌ߲߬ ߠߎ߬ ߦߋ߫ ߡߊ߲߬ߛߊ߬ߘߋ߲߫ ߡߏ߬ߤߊߡߍߘ ߓߎ߬ߣ ߛߊߟߑߡߊߣ ߠߊ߫ ߖߊ߬ߕߋ߬ߘߐ߬ߛߌ߰ ߝߊߕߐ ߟߎ߫ ߟߋ߬ ߘߌ߫߸ ߂߀߃߀ ߦߋߝߊߘߌ ߕߐ߯ ߞߘߐ߫، ߓߊߏ߬߸ ߊ߬ ߦߴߊ߬ ߝߍ߬ ߟߋ߬ ߦߊ߬ߣߌ߫ ߂߀߃߀߸ ߞߏ߫ ߛߌߦߊߡߊ߲߫ ߦߋ߫ ߡߊߝߊ߬ߟߋ߲߬، ߊ߬ ߟߊ߫ ߓߊ߯ߙߊ ߡߍ߲ ߠߎ߬ ߦߋ߫ ߕߋ߲߬߸ ߛߏ߫ ߞߎߘߊ߫ ߟߐ ߡߍ߲ ߦߴߌߘߐ߫߸ ߏ߬ ߓߊ߯ߙߊ ߞߍ߫ ߥߊߘߌ ߥߊߣߍ߲߫ ߠߋ߬ ߝߏ߯ ߋߙߏ ߥߟߎ߬ߡߊ߫ ߅߀߀ ߢߐ߲߰.
ߊ߬ߟߎ߬ ߟߊ߫ ߞߍߙߍ߲ߘߊ ߡߍ߲ ߦߋ߲߬ ߞߏ߫ ߣߋߥߐߡ ߍߛߑߛߋ߸ ߏ߬ ߛߊ߲߬ ߘߊ߫ ߖߡߊ߬ߣߊ ߓߟߏ߫ ߂߀߂߃ ߟߋ߬ ߟߊ߫߸ ߊ߬ ߦߋ߫ ߟߊߞߐ߯ ߟߊ߫ ߞߙߌߛߑߕߏߝߍߙ ߜ߭ߊߟߑߕߌߦߋ߫ ߟߋ߬ ߓߟߏ߫߸ ߏ߬ ߓߘߴߊ߬ ߟߐ߭ ߘߊߡߌ߬ߣߴߊ߬ ߟߐ߬ ߦߌߟߊ ߞߏߛߓߍ߫߸ ߞߊ߬ ߕߏ߬ߟߊ߲߬ߕߊ߲߬ߠߊ߬ ߞߎߘߊ ߟߎ߫ ߕߊ߬ ߟߌߜ߭ ߍ߲ ߘߐ߫، ߏ߬ ߟߋ ߘߐ߫߸ ߊ߬ ߟߊ߫ ߡߐ߰ ߞߎߘߊ ߏ߬ ߘߏ߫ ߟߎ߫ ߟߋ߬: ߊߟߍߞߑߖ߭ߊ߲ߘߙ ߟߞߊߖ߭ߍߕ߸ ߊߓߘߎߟߊߦߌ߬ ߘߎߞߎ߬ߙߋ߬߸ ߣߊߕߊ߲ ߖ߭ߋߖ߭ߋ߫߸ ߛߊߦߌߡߐ߲ ߓߎ߬ߥߊ߬ߓߙߋ߫߸ ߡߊߙߑߛߌ߲߫ ߓߎߟߑߞߊ߫߸ ߊ߬ ߣߌ߫… ߏ߬ ߟߎ߬ ߓߘߊ߫ ߕߊ߬ ߞߍߙߍ߲ߘߊ ߘߐ߫߸ ߏ߬ ߟߎ߬ ߦߋ߫ ߕߏߟߏ߲߫ ߠߊ߫ ߕߏ߬ߟߊ߲߬ߕߊ߲߬ ߓߙߊ߫ ߞߘߐ߬ߡߊ߲ ߠߋ߬ ߘߐ߫ ߕߋ߲߬߸ ߡߍ߲ ߦߋ߫ ߡߐ߰ ߁߂ ߀߀߀ ߕߊ߬ ߟߊ߫ ߕߊ߬ߓߎ߯ߞߊ߫ ߘߎ߱ ߞߣߐ߫߸ ߞߎߘߍ߫ ߁߅߀ ߟߋ߬ ߦߋ߲߬ ߣߌ߫ ߛߏ߫ ߞߎߘߊ߫ ߟߐ߬ߕߊ ߕߍ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.