ߡߙߊ߬ߒ߬ߡߊ߬ߟߌ߬ ߞߎߘߊ߫ ߟߋ߬ ߞߍߣߍ߲߫ ߖߋ߬ߟߌ߬ߓߊ߬ߟߊ߫ ߞߐ߰ߘߎ߮ ߘߐ߫߸ ߞߵߊ߬ ߛߐ߬ߘߐ߲߬ ߦߋ߲߬ ߞߎ߲߬ߠߊ߬ߛߌ߮ ߣߌ߫ ߞߐߜߊߟߌ߫ ߟߋ߬ ߢߐ߲߯ ߓߟߏ߫ ߕߋ߲߬߸ ߞߵߏ߬ ߞߎ߲߭ ߞߍ߫ ߊߡߙߌߞߊ ߟߎ߬ ߟߊ߫ ߘߐ߬ߛߌ߬ߟߊ߲߬ߠߌ߲߬ ߞߊ߲ ߠߎ߬ ߘߌ߫ ߘߌ߯ߣߊ߫ ߡߐ߮ ߟߎ߬ ߟߊ߫ ߞߊ߲ߠߊߓߌߟߊ߫ ߞߏ ߘߐ߫.
ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߞߍߣߍ߲߫ ߡߊߦߌߘߜ߭ߎߙߌ߫ ߢߐ߲߬ߞߌ߲߬ߘߊ ߘߏ߫ ߟߊ߫ ߖߋ߬ߟߌ߬ߓߊ߬ߟߊ߫ ߕߊ߲ߓߊ߲ ߘߐ߫߸ ߏ߬ ߞߍ߫ ߘߊ߫ ߞߎߣߎ߲߬ ߞߎߣߎ߲ߟߏ߲ ߠߋ߬ ߡߊ߬߸ ߞߊ߬ ߡߐ߰ ߝߌ߬ߟߊ߫ ߓߐ߬ߣߐ߫ ߊ߬ ߣߌ ߘߐ߫߸ ߡߐ߰ ߛߌߦߊߡߊ߫ ߝߣߊ߫ ߕߎߣߎ߲ߣߍ߲߫ ߊ߬ ߞߏ ߘߐ߫.
ߣߌ߲߬ ߞߏ ߘߏ߲߬ ߞߍߣߍ߲߫ ߥߊ߯ߕߌ ߡߍ߲ ߠߊ߫߸ ߞߟߊߦߊ ߟߋ߬ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߞߐ߫ ߕߋ߲߬، ߞߊ߬ߕߎ߲߯߸ ߛߌߣߌ߲߫ ߓߌߟߏ߲ ߡߊ߬߸ ߊߡߙߌߞߌ߬ ߞߎ߲߬ߜߙߊ ߓߍߣߊ߬ ߡߙߌߘߐ߫ ߞߋߟߋ߲߫ ߕߊ߬߸ ߣߌ߫ ߖߋ߬ߟߌ߬ߓߊ߬ߟߊ߫ ߘߌ߫ ߓߌ߬ߟߊ߫ ߖߡߊ߬ߣߊ߬ ߟߎ߫ ߞߊ߲߬ <<ߢߊ ߞߊ߫ ߞߊ߲߫ ߕߏ߫ ߡߍ߲ ߠߎ߬ ߝߍ߬ ߓߘߍߓߘߍߞߍ߬>> ߘߌ߯ߣߊߞߏ ߞߊ߲ߠߊߓߌߟߊ ߘߐ߫، ߣߴߏ߬ ߘߏ߲߬ ߞߍ߫ ߘߊ߫߸ ߏ߬ ߣߌ߫ ߓߌ߲߬ߓߊ߬ߥߏ߬ߟߌ ߟߋ߬ ߦߋ߫ ߢߐ߲߯ ߝߍ߬.
ߖߋ߬ߟߌ߬ߓߊ߬ߟߊ߫ ߕߏߣߍ߲߫ ߊߡߙߌߞߌ߬ ߟߊߛߐ߲߬ ߓߟߏ ߟߋ߬ ߡߊ߬ ߕߋ߲߬߸ ߞߏ߫ ߡߊ߬ߝߌ߲߬ߞߊ߲߬ߠߊ ߝߏߦߌ߬ ߦߋ߫ ߝߐ߫ ߟߊ߫߸ ߏ߬ ߕߍ߫ ߕߎ߬ߢߊ߬ ߘߌ߫، ߓߊ߬ߙߌ߬ ߤߎ߲߫߸ ߏ߬ ߟߋ ߣߌ߫ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߟߊ߫ ߡߊ߲߬ߞߊ߲߬ߕߋ߬ ߛߌߦߊߡߊ߲ ߓߘߊ߫ ߓߍ߲߬ ߣߌ߲߬.
ߖߋ߬ߟߌ߬ߓߊ߬ߟߊ߫ ߞߐ߰ߘߎ߯ ߕߟߋ߬ߓߐ ߘߐ߫߸ ߞߟߍ߬ߕߌ߰ ߞߋߟߋ߲߫ ߓߘߊ߫ ߝߊ߰ ߦߋ߲߬߸ ߏ߬ ߟߊߞߊ߬ߟߌ߬ ߘߊ߫ ߞߌ߬ߓߊ߬ߙߏ߬ߘߊ߬ ߛߌߦߊߡߊ߲߫ ߓߟߏ߫، ߣߴߌ ߘߏ߲߬ ߞߊ߬ ߞߋߓߌ߫ ߞߊ߬ߝߏ ߕߊ߬߸ ߏ߬ ߝߣߊ߫ ߕߊ ߡߊߞߓߊߣߍ߲߫ ߞߏߛߓߍ߫، ߓߊߏ߬߸ ߊ߬ ߕߋ߬ߟߋ߫ ߛߊ߬ߓߊ ߟߋ߬ ߕߋ߲߬߸ ߛߌ߬ߟߊ߬ߡߊ ߟߎ߬ ߟߊ߫ ߞߊ߬ߙߊ߲߬ߘߊ߬ߓߊ ߘߏ߫ ߦߋ߫ ߦߋ߲߬߸ ߡߐ߰ ߡߎ߬ߥߊ߲߬ ߣߌ߫ ߞߐ߫ ߟߋ߬ ߥߊ߫ ߘߊ߫ ߖߊ߬ߛߏ߲߫ ߦߋ߲߬ ߞߊ߯ߙߌ ߡߊ߬߸ ߏ߬ ߟߎ߫ ߘߏ߲߬ ߦߋߣߍ߲߫ ߕߍ߫ ߡߎߣߎ߲߬، ߞߊ߬ߙߊ߲߬ߘߋ߲ ߏ߬ ߟߎ߫ ߖߊ߬ߛߏ߲߬ߕߐ߬ߟߊ߸ ߊ߬ߟߎ߬ ߟߊ߫ ߞߊ߬ߙߊ߲߬ߕߊ ߗߋߕߌ߯ ߛߙߍߞߍ߸ ߤߊߛߊ߲߫ ߡߊߞߎߞߎ ߝߊ߰ ߘߊ߫߫ ߟߋ߬، ߛߊ߲߬ ߣߊ߯ߣߌ߲ ߣߌ߲߬ ߞߣߐ߫߸ ߖߊ߬ߛߏ߲߬ߠߌ߲߬ߓߊ ߞߍߞߏ߫ ߝߌߟߊߣߊ߲ ߠߵߏ߬ ߘߌ߫ ߞߊ߬ߝߏ߬ ߞߋߟߋ߲ ߏ߬ ߞߣߐ߫.
ߡߊ߲߬ߞߊ߲߬ߓߊ ߢߌ߲߬ ߠߎ߬ ߞߏߛߐ߲߬߸ ߞߊ߲ߕߌ߯ ߓߏ߬ߟߊ߫ ߕߌ߬ߣߓߎ߬ ߞߊ߲߫ ߞߏ߫ ߣߴߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߥߟߌ߬ ߘߊ߫ ߟߏ߲ ߡߍ߲߸ ߏ߬ ߘߌ߫ ߜߊ߬ߟߏ ߟߴߊ߬ߟߎ߫ ߞߊ߲߬ ߞߏߛߓߍ߫߸ ߏ߬ ߘߌ߫ ߓߍ߯ ߖߎ߬ߛߎ ߛߎߡߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.