ߞߊ߲ߞߊ߲߫ ߞߣߐ߫߸ ߞߕߌߘߊ ߦߌߟߡߊ߫ ߝߟߐ ߞߊ߲ߓߍ߲ ߞߕߌߓߋߟߋ߲ ߓߘߊ߫ ߗߏ ߟߊߥߟߌ߬ ߘߊ߲ߘߊߟߌ߫ ߦߙߐ߫ ߟߎ߫ ߞߊ߲ߡߊ߬߸ ߡߍ߲ ߠߎ߬ ߕߍ߫ ߞߊ߬ߟߊ߫ ߞߊ߲߬ ߛߊ߬ߙߌ߬ߦߊ߬ ߞߏ ߡߊ߬ߝߊ߲ ߝߍ߬߸ ߡߍ߲ ߠߎ߬ ߦߋ߫ ߘߊ߲ߘߊߟߌ ߞߍ߫ ߟߊ߫ ߞߵߊ߬ ߛߐ߬ߘߐ߲߬ ߖߡߊ߬ߙߌ߬ ߖߐ߲ߖߐ߲߫ ߛߌ߫ ߕߴߊ߬ߟߎ߬ ߓߟߏ߫ ߓߊ߯ߙߊ ߏ߬ ߘߊߞߎ߲ ߘߐ߫، ߢߊߢߌߣߌ߲߫ ߛߌߦߊߡߊ߲߫ ߠߋ߬ ߛߋ߲߬ߠߊ߫ ߕߋ߲߬߸ ߜߋ߬ߟߎ߲߬ߠߌ߲߬ ߛߌߦߊߡߊ߲߫ ߠߋ߬ ߦߴߌߘߐ߫ ߕߋ߲߬߸ ߞߊ߲ߞߊ߲߫ ߞߌ߲߬ߘߊ߬ ߓߐߣߍ߲߫ ߢߐ߲߰ ߡߊ ߟߎ߬ ߞߣߐ߫߸ ߞߵߊ߬ߟߎ߬ ߓߟߏ ߟߴߊ߬ ߓߊ ߘߐ߫.
ߞߊ߲ߓߍ߲ ߞߕߌߞߊ߲ߘߊ߸ ߝߏߘߋ߫ ߓߌ߲ߕߎ߬ ߞߋߕߊ߬ ߞߵߊ߬ ߝߐ߫ ߞߵߊ߬ ߝߊ߬ߘߊ ߓߐ߫ ߊ߬ ߡߊ߬߸ ߞߏ߫ ߡߍ߲ ߠߎ߬ ߦߋ߫ ߓߊ߯ߙߊ߫ ߟߊ߫ ߦߏ߫ ߛߊ߬ߙߌ߬ߦߊ߫ ߞߵߊ߬ ߝߐ߫ ߢߊ ߡߍ߲ ߡߊ߬߸ ߞߎߡߊ߫ ߛߌ߫ ߕߴߏ߬ ߟߎ߬ ߞߐ߫، ߒ߬ߞߊ߬߸ ߡߍ߲ ߠߎ߬ ߕߍ߫ ߓߊ߯ߙߊ߫ ߟߊ߫ ߞߵߊ߬ ߓߍ߲߬ ߛߊ߬ߙߌ߬ߦߊ ߟߊ߫ ߛߙߊߕߌ߫ ߝߐߣߍ߲ ߠߎ߬ ߡߊ߬ ߛߊ߫߸ ߏ߬ ߟߎ߫ ߟߋ߬ ߢߌߣߌ߲ ߦߴߌߘߐ߫ ߞߵߊ߬ߟߎ߫ ߡߌ߬ߣߊ߬߸ ߞߊ߬ ߞߏߟߊߕߐ߲߫ ߊ߬ߟߎ߬ ߟߊ߫.
<<ߞߍ߫ ߦߴߌߘߐ߫ ߡߐ߰ ߟߎ߫ ߟߋ߬ ߞߐ߫߸ ߛߊ߬ߙߌ߬ߦߊ߬ ߕߍ߫ ߡߍ߲ ߠߎ߬ ߓߟߏ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߣߴߊ߬ ߞߍߟߌ ߦߊ߫ ߞߊ߲߫߸ ߊ߬ߟߎ ߓߊ߬߸ ߊ߬ ߣߌ߫ ߡߍ߲ ߠߎ߬ ߓߟߏ ߦߴߊ߬ ߞߘߐ߫ ߓߊ߬߸ ߏ߬ ߟߎ߫ ߟߋ߬ ߢߌߣߌ߲ ߦߴߌߘߐ߫، ߏ߬ ߘߐ߫߸ ߓߎ߬ߙߋ ߡߍ߲ ߠߎ߬ ߟߊߘߌ߬ߢߍ߬ߣߍ߲߫߸ ߏ߬ ߟߎ߫ ߛߋ߲߬ ߕߴߊ߬ ߘߐ߫ ߝߋߝߋ߫.>> ߛߊ߬ߙߌ߬ߦߊ߬ߓߊ߰ߙߊ߬ߟߊ ߞߵߏ߬ ߟߋ ߝߐ߫ ߞߵߊ߬ ߔߘߋߔߘߋߟߊߕߍ߰.
ߞߕߌߓߋߟߋ߲ ߠߊ߫ ߝߐߟߌ߫ ߘߐ߫߸ ߊ߬ߟߎ߫ ߣߐ߬ ߢߌ߲߬ ߠߊߥߟߌ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߟߊߞߊ߲ߘߊ ߟߋ߬ ߡߊ߬߸ ߛߴߊ߬ߟߎ߬ ߘߌ߫ ߞߛߌ߫ ߞߏ߫ ߡߊߛߌߟߊ߲ߣߍ߲߫ ߖߘߐ߬ߡߊ ߟߎ߫ ߡߊ߬، ߞߊ߬ߕߎ߲߯߸ ߓߎ߬ߙߋ ߘߏ߫ ߟߎ߫ ߓߍ߫߸ ߕߌߢߍߟߌ ߓߘߊ߫ ߦߋ߫ ߏ߬ ߟߎ߫ ߣߐ߬ ߘߐ߫߸ ߊ߬ߟߎ߬ ߘߴߊ߬ߟߎ߬ ߓߟߏ ߛߌ߰ ߖߊ߲߬ߞߊ߬ߙߏ߬ߕߐ ߘߏ߫ ߟߎ߫ ߞߘߐ߫߸ ߊ߬ߟߎ߬ ߣߴߏ߬ ߟߎ߬ ߘߊ߲ߘߊ ߡߊ߲߫ ߞߊ߲߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߡߊ߲߬ߕߙߐ ߟߊߛߋ߫ ߡߐ߰ ߛߌߦߊߡߊ߲߫ ߡߊ߬.
ߊ߬ ߘߏ߲߬߸ ߣߴߊ߬ ߞߏ߫ ߛߎ߮ ߦߋ߫ ߘߊ߫ ߡߍ߲ ߣߐ߬ ߘߐ߫߸ ߌߟߋ ߦߋ߫ ߘߊ߲ߘߊߟߌ ߞߊ߲߬߸ ߛߓߍ߫ ߕߴߌ ߓߟߏ߫ ߡߍ߲ ߘߴߊ߬ ߦߌ߬ߘߊ߬ ߞߏ߫ ߌ ߣߴߊ߬ ߞߊ߫ ߞߊ߲߫، ߞߎ߲߬ߞߏ߬ ߛߌߦߊߡߊ߲߫ ߣߌ߫ ߞߐߝߟߌ߫ ߛߌߦߊߡߊ߲߫ ߠߋ߬ ߦߴߏ߬ ߟߊ߫ ߛߊ߬ߙߌ߬ߦߊ߬ ߢߊߞߘߐ߫߸ ߞߵߊ߬ ߓߍ߲߬ ߖߌ߬ߣߍ߬ ߞߊ߲ߓߍ߲ ߞߏߟߊߕߐ߲ ߞߎ߬ߙߎ߲߬ߘߎ߬ߛߎ߲ ߞߣߐ߫ ߞߎߡߊ ߡߊ߬، ߏ߬ ߘߏ߫ ߟߋ߬߸ ߘߊ߲ߘߊߟߌ ߞߍ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߕߐ߯ߟߊߒߠߊ ߥߟߊ߫ ߕߐ߯ ߝߏߝߏ߫ ߟߊߡߌߣߊ߸ ߊ߬ ߣߌ߫ ߡߐ߰ ߜߘߍ ߟߊ߫ ߢߣߊߡߦߊ ߓߌ߬ߟߊ ߖߐ߬ߘߐ ߘߐ߫߸ ߞߎ߲߬ߞߏ߫ ߘߍ߬ߜߍ ߟߋ߬ ߘߏ߲߬ ߦߴߏ߬ ߟߊ߫ ߛߊ߬ߙߌ߬ߦߊ߬ ߓߟߏ߫.
ߞߕߌߞߊ߲ߘߊ ߞߵߏ߬ ߟߋ ߝߐ߫߸ ߞߏ߫: <<ߘߏ߫ ߟߎ߫ ߟߵߊ߬ ߞߍ߫ ߟߊ߫ ߕߋ߲߬߸ ߞߵߊ߬ߟߎ߫ ߖߘߍ߬ ߞߍ߫ ߘߊ߲ߘߊߟߌߟߊ ߘߌ߫߸ ߞߵߊ߬ ߛߐ߬ߘߐ߲߬ ߏ߬ ߖߡߊ߬ߙߌ߬ ߕߴߊ߬ߟߎ߬ ߓߟߏ߫، ߞߵߊ߬ߟߎ߫ ߖߘߍ߬ ߞߍ߫ ߕߌ߲߬ߞߘߐ߬ߛߌ߰ߟߊ ߣߌ߫ ߓߊߛߌߦߟߊ ߘߌ߫߸ ߖߡߊ߬ߙߌ߬ ߛߌ߫ ߕߴߊ߬ߟߎ߬ ߓߟߏ߫߸ ߊ߬ ߖߐ߲ߓߐ߲߫ ߝߣߊ߫ ߕߴߊ߬ߟߎ߬ ߓߟߏ߫، ߊ߬ ߘߏ߲߬߸ ߖߊ߬ߡߊ ߟߊ߫ ߞߍ߲ߘߍߦߊ ߕߴߛߋ߫ ߞߍ߫ ߟߊ߫ ߡߐ߰ ߞߋߟߋ߲ ߖߎߝߊ߫ ߞߣߐߟߊ ߟߝߊ ߛߘߊߞߊ ߘߌ߫.>> ߝߏߘߋ߬ ߓߌ߲ߕߎ߬ ߞߋߕߊ߬ ߟߋ߬ ߞߊ߲߫ ߕߋ߲߬.
ߊ߬ ߓߘߊ߫ ߛߓߍ߫ ߞߙߍߞߙߍߣߍ߲߫ ߞߍ߫߸ ߞߊ߬ ߞߕߌ ߕߐ߲ߓߟߏߡߊ߫ ߛߏߝߊ ߟߎ߬ ߟߊߟߐ߲ߠߌ߲߫߸ ߊ߬ߟߎ߬ ߦߋ߫ ߖߡߊ߬ߙߌ߫ ߕߊ߬ߣߍ߲ ߣߌ߲߬ ߓߊ߯ߙߊ ߘߊߡߌ߬ߣߊ߬ ߦߏ߫ ߊ߬ ߝߐߣߍ߲߫ ߢߊ ߡߍ߲ ߡߊ߬، ߡߐ߰ ߛߌ߫ ߡߌ߬ߣߊ߬ ߘߴߊ߬ ߘߐ߫߸ ߥߟߴߊ߬ ߦߋ߫ ߘߊ߫ ߞߏ߫ ߌ ߟߐ߲ߞߏ߫ ߦߴߊ߬ ߞߏ ߘߐ߫߸ ߞߵߏ߬ ߡߌ߬ߣߊ߬ ߞߵߊ߬ ߟߊߟߐ߬ ߛߊ߬ߙߌ߬ߦߊ߬ ߢߊߞߘߐ߫߸ ߞߵߊ߬ ߞߕߌ߫ ߦߏ߫ ߊ߬ ߝߐߣߍ߲߫ ߞߟߏߜߍ ߟߎ߬ ߘߐ߫ ߢߊ ߡߍ߲ ߡߊ߬.
ߊ߬ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߊ ߡߍ߲ ߘߏ߲߬ ߘߊߡߌ߬ߣߊ߬ߣߴߊ߬ߟߎ߬ ߓߟߏ߫ ߣߌ߲߬߸ ߏ߬ ߕߍ߫ ߟߊߟߐ߬ ߟߊ߫ ߡߎ߬ߕߎ߲߬، ߊ߬ ߘߏ߲߬߸ ߊ߬ߟߋ ߡߊ߫ ߣߌ߲߬ ߘߊߡߌ߬ߣߊ߫ ߘߋ߬߸ ߊ߬ ߞߵߊ߬ ߛߐ߬ߘߐ߲߫ ߠߋ߬ ߊ߬ ߞߏ ߢߊߢߌߣߌ߲ ߦߋ߫ ߛߋ߲߬ߠߊ߫ ߞߊ߲ߞߊ߲߫ ߕߌ߲߬ߞߎߘߎ߲ ߞߕߌ߫ ߓߊ߯ߙߟߊ ߟߎ߬ ߓߟߏ߫߸ ߊ߬ߟߋ ߦߋ߫ ߓߊ߯ߙߊ߫ ߘߊߓߊ߲ ߠߋ߬ ߞߊ߲߬.
ߊ߬ ߟߊ߫ ߓߊ߯ߙߊ ߣߌ߲߬ ߓߘߊ߫ ߕߊ߬ߡߌ߲߬ ߊ߬ ߦߌ߬ߘߊ߬ ߟߊ߫߸ ߞߏ߫ ߛߊ߬ߙߌ߬ߦߊ߬ ߡߊ߫ ߝߌ߬ߟߊ߬ ߣߌ߫ ߛߓߊ߬ ߟߐ߲߫: ߡߍ߲ ߠߎ߬ ߖߡߊ߬ߙߌ߬ߣߍ߲߫ ߞߏ߫ ߊ߬ߟߎ߬ ߣߌ߫ ߘߊ߲ߘߊߟߌ ߓߊ߯ߙߊ ߦߊ߫ ߞߊ߲߫߸ ߊ߬ ߣߌ߫ ߡߍ߲ ߞߊ߫ ߞߊ߲߫ ߞߵߊ߬ ߛߎ߯ߦߊ ߡߍ߲ ߞߍ߫߸ ߏ߬ ߦߴߏ߬ ߞߍ߫، ߡߍ߲ ߠߎ߬ ߡߊ߫ ߖߡߊ߬ߙߌ߬߸ ߏ߬ ߟߎ߬ ߦߋ߫ ߓߐ߫ ߊ߬ߟߎ߬ ߢߣߊ߫، ߖߐ߲߰ߛߊ߫ ߖߡߊ߬ߣߊ߬ߘߋ߲ ߠߎ߬ ߘߌ߫ ߟߊߕߊ߲߬ߞߊ߬߸ ߞߵߊ߬ߟߎ߬ ߟߊ߫ ߢߣߊߡߦߊ ߓߐ߫ ߖߐ߬ߘߐ ߘߐ߫.
Aucun commentaire pour le moment.