ߡߊ߬ߟߌ߸ ߓߙߎߞߌߣߊ߫ ߝߊ߬ߛߏ߬߸ ߊ߬ ߣߌ߫ ߖߋ߬ߟߌ߬ߓߊ߬ߘߎ߯߸ ߖߡߊ߬ߣߊ߫ ߛߊ߬ߓߊ ߏ߬ ߟߎ߬ ߡߍ߲ ߠߎ߬ ߟߊߞߊ߬ߝߏ߬ߣߍ߲߫ ߘߍ߬ߓߊ߬ ߞߋߟߋ߲߫ ߘߐ߫ ߞߵߊ߬ ߝߐ߫ ߏ߬ ߡߊ߬ ߞߏ߫ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ߸ ߣߴߊ߬ߟߎ߬ ߓߘߴߊ߬ ߞߍ߫ ߞߙߎߝߊߢߐ߲߯ߦߊ ߘߌ߫، ߒ߬ߓߊ߬߸ ߏ߬ ߖߡߊ߬ߣߊ߫ ߛߊ߬ߓߊ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߟߎ߫ ߟߋ߬ ߣߐ߬ ߊ߬ߟߎ߬ ߟߊߘߍ߬ ߟߊ߫ ߢߊߡߍ߫߸ ߞߵߊ߬ߟߎ߫ ߘߍ߬ߒ߬ߡߊ߬ ߝߊ߲ߞߊ ߘߏ߫ ߛߌ߰ ߞߏ ߟߞߊߟߌߦߊ߫ ߛߋ߲߬ߠߊ߫، ߞߊ߬ߕߎ߲߯߸ ߓߊ߰ߓߊ߰ߟߌ߬ߟߊ߫ ߘߌ߯ߣߝߊߕߐ߫ ߜߘߋߜߘߋߦߟߊ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߣߌ߫ ߡߙߊ߬ߒ߬ߡߊ߬ߟߌ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߖߌߥߎ߫ ߞߏߖߊ ߟߊߘߏ߲߬ ߡߊ߬ߟߌ ߞߣߐ߫ ߕߋ߲߬.

ߖߋ߬ߟߌ߬ߓߊ߬ߘߎ߯ ߞߊ߲ߕߌ߮߸ ߊߓߘߎߙߊߤߑߡߊߣߌ߲߬ ߗߊ߬ߣߌ߬ ߣߌ߫ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߟߎ߫ ߟߋ߬ ߞߊ߬ ߢߐ߲߯ߦߋ߫ ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬߸ ߊ߬ߟߎ߬ ߦߋ߫ ߣߊ߲߬ߕߌ߰ ߟߞߊ߬ߝߏ߬ ߞߏ ߡߍ߲ ߞߊ߲߬߸ ߛߊ߫ ߏ߬ ߛߌ߲ߘߟߌ ߓߊ߯ߙߊ ߟߎ߬ ߘߌ߫ ߟߊߞߎߙߊ߲߫߸ ߊ߬ߟߎ߫ ߖߡߊ߬ߣߊ߫ ߛߊ߬ߓߊ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߣߊ߲߬ߕߌ߰ ߞߏ ߡߊ߬ߘߎ߮ ߘߐ߫߸ ߞߵߊ߬ߟߎ߫ ߝߊ߲߬ߞߊ ߞߍ߫ ߞߋߟߋ߲߫ ߘߌ߫.

ߞߣߍ ߞߊ߲߬ ߦߋ߫߸ ߛߊߖߐ߬ ߞߡߊ߬ߙߊ߫߸ ߡߊ߬ߟߌ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮߸ ߛߋߟߍߛߑߕߍ߲ ߛߍ߲ߔߏߙߋ߫߸ ߓߙߎߞߌߣߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮߸ ߊ߬ ߣߌ߫ ߛߊߟߌߝߎ߬ ߡߏߘߌ߫߸ ߖߋ߬ߟߌ߬ߓߊ߬ߘߎ߯ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮߸ ߏ߬ ߟߎ߬ ߓߍ߯ ߕߘߍ߬ ߜߍ ߘߐ߫.

ߊ߬ߟߎ߬ ߟߊ߫ ߟߊ߬ߘߍ ߣߌ߲߬ ߞߍߣߍ߲߫ ߟߊ߬ߘߍ߬ ߜߘߍ߫ ߟߋ߬ ߞߐ ߘߐ߫ ߢߊߦߋ߲߬ ߞߎ߲߬ߢߐ߲߯ ߛߊ߬ߓߊ߫ ߢߐ߲߰ ߠߊ߫߸ ߏ߬ ߡߍ߲ ߞߍ߫ ߘߊ߫ ߞߏ߲ߓߌߕߌ߮ ߕߟߋ߬ ߁߉ ߡߊ߬߸ ߖߡߊ߬ߣߊ߫ ߛߊ߬ߓߊ ߢߌ߲߬ ߠߎ߫ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߟߎ߫ ߞߊ߬ ߣߊ߲߬ߕߌ߰ ߟߊ߬ߞߊߝߏ ߞߍߢߊ ߣߴߊ߬ ߦߙߍߞߍߟߌ ߓߊߖߎ ߟߎ߬ ߘߊ߲߬ߠߊߕߍ߰ ߏ߬ ߟߊ߬ߘߍ ߟߋ߬ ߘߐ߫، ߡߎߛߊ߫ ߖߊߟߏ߫ (ߓߙߎߞߌߣߊ߫ ߝߊ߬ߛߏ߬)߸ ߎߡߊߙ ߖߙߊ߬ (ߡߊ߬ߟߌ)߸ ߊ߬ ߣߌ߫ ߡߎߛߊ ߛߊ߬ߟߊߥߎ߬ ߓߊ߬ߙߑߡߎ߬ (ߖߋ߬ߟߌ߬ߓߊ߬ߘߎ߯)߸ ߏ߬ ߟߎ߫ ߟߋ߬ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߟߎ߬ ߘߌ߫߸ ߡߍ߲ ߠߎ߬ ߞߊ߬ ߟߊ߬ߛߏ߬ߓߌ߬ߟߌ ߟߊߛߋ߫ ߢߐ߲߰ ߡߊ ߣߌ߫ ߦߙߍߞߍߟߌ ߘߏ߲߬ߖߟߎ߬ߡߊ߬ߟߌ ߛߙߊߕߌ ߟߎ߬ ߟߊߕߍ߰.

ߟߊ߬ߢߌߣߌ߲ ߡߍ߲ ߦߴߊ߬ߟߎ߬ ߟߊ߫ ߝߊ߲߬ߞߊ߬ ߟߊ߬ߞߊߝߏ ߢߌ߲߬ ߠߊ߫߸ ߏ߬ ߟߋ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߛߐ ߘߌ߫ ߣߊ߲߬ߕߌ߰ ߝߊ߲ߞߊ߫ ߟߴߊ߬ߟߎ߬ ߟߊ߫ ߞߙߎߝߊ ߞߣߐ߫߸ ߡߍ߲ ߠߎ߬ ߘߌ߫ ߛߋ߫ ߘߍ߬ ߟߊ߫ ߞߊ߬ ߟߊ߬ߞߊ߲߬ߘߊ߬ߟߌ ߡߊߖߘߐ߬ ߞߏ ߓߍ߯ ߢߍߓߍ߲߬ ߞߌ߬ߢߍ߬ߞߏ߲ߞߏ߫ ߞߣߐ߫߸ ߞߵߊ߬ ߓߍ߲߬ ߊ߬ߟߋ߫ ߖߡߊ߬ߣߊ ߛߊ߬ߓߊ ߖߍ߬ߘߍ ߟߊ߫ ߟߊ߬ߢߌߣߌ߲ ߠߎ߬ ߡߊ߬ ߞߊ߬ߣߌ߲߬.

ߟߊ߬ߘߍ ߣߌ߲߬ ߞߏ߫߬ߣߌ߲ ߞߍߣߍ߲߫ ߞߵߊ߬ ߛߐ߬ߘߐ߲߬ ߜߟߍ߬ߦߊ߬ߓߊ߫ ߟߋ߬ ߓߍ߫ ߦߋ߲߬، ߡߊ߬ߟߌ ߦߋ߫ ߖߋ߬ߣߌ߲߬ߕߊ߬ ߞߏ ߜߟߍ߬ߦߊ ߖߍ߬ߘߍ ߟߋ߬ ߘߐ߫ ߕߋ߲߬߸ ߞߵߏ߬ ߕߎ߬ߙߎ ߞߍ߫ ߓߊ߰ߓߊ߰ߟߌ߬ߟߊ ߟߎ߫ ߡߊ߬ߙߊ ߘߌ߫ ߝߊ߯ߞߊ߲ߓߋ߲ ߠߎ߬ ߞߊ߲߬ ߛߐ߲߬߸ ߏ߬ ߟߎ߬ ߡߍ߲ ߠߎ߬ ߦߋ߫ ߣߊ߬ ߟߊ߫ ߖߋ߬ߣߌ߲߬ߕߊ ߟߎ߬ ߘߌ߫، ߊ߬ߟߎ߬ ߓߘߊ߫ ߓߊ߲߫ ߞߊ߬ ߕߐ߲ ߓߋ߬ ߦߙߐ߫ ߛߌߦߊߡߊ߲߫ ߞߊ߲߬ ߥߟߊ߫ ߞߊ߬ ߦߋ߲߬ ߠߎ߬ ߘߟߊߛߘߌ߬ ߝߊߦߌߘߊ߫، ߊ߬ߟߋ߬ ߓߊ߰ߓߊ߰ߟߌ߬ ߞߙߎ ߟߋ߬ ߕߐ߯ ߞߏ߫ ߖߊ߬ߡߊ߯ߕ ߣߎߛߑߙߊߟ ߌߛߑߟߊߡ ߥߊ߬ߟ ߡߎߛߟߌߡ (ߛߌ߬ߟߦߊ߬ߦߊ ߣߌ߫ ߛߌ߬ߟߊ߬ߡߊ ߟߎ߫ ߞߐߡߊߓߌ߲ߓߌ߲߫ ߞߙߎ)، ߓߙߎߞߌߣߊ߫ ߣߌ߫ ߖߋ߬ߟߌ߬ߓߊ߬ߘߎ߯ ߝߣߊ߫ ߞߣߐ߫߸ ߊ߬ߟߋ߬ ߓߊ߰ߓߊ߰ߟߌ߬ ߞߙߎ ߢߌ߲߬ ߠߎ߬ ߦߋ߫ ߦߋ߲߬߸ ߞߵߏ߬ ߟߊ߫ ߞߙߎ߫ ߜߘߍ߫ ߝߣߊ߫ ߞߊ߲߬߸ ߊ߰ ߝߐ߫ ߟߊ߫ ߡߍ߲ ߠߎ߬ ߡߊ߬ ߞߏ߫ ߞߌ߬ߢߍ߬ߞߏ߲ߞߏ߫ ߛߌ߬ߟߡߊ߬ ߞߊߝߏ ߟߎ߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.