ߕߋ߬ߟߋ߫ ߝߌ߬ߟߊ߫ ߡߊ߲߬ߞߊ߲ ߞߐߝߍ߬ ߛߌ߯ߙߌ߲߫ ߞߣߐ߫߸ ߣߌ߫ ߘߋ߲ߡߌߛߍ߲ ߠߎ߬ ߓߐ߫ ߘߊ߫ ߞߵߊ߬ ߞߎ߲߭ ߞߍ߫ ߓߐ߰ߝߍ ߘߐߖߊߛߌ ߞߍ߬ߟߍ ߘߌ߫، ߒ߬ߓߊ߬߸ ߘߋ߲ߡߌߛߍ߲ ߏ߬ ߟߎ߫ ߟߋ߬ ߣߌ߫ ߞߎ߲߬ߠߊ߬ߛߌ߮ ߟߊ߫ ߞߏߕߌ߯ ߗߋߘߋ߲ ߘߏ߫ ߟߎ߫ ߞߊ߬ ߢߐ߲߯ ߦߋ߫ ߓߌ߬߸ ߡߍ߲ ߠߎ߬ ߞߋߟߊߣߍ߲߫ ߞߊ߬ ߝߘߊ߫ ߞߊ߲ߕߌ߯ߘߊ ߟߊ߫، ߊ߬ ߢߐ߲߯ߦߋ ߞߎߡߊ ߛߌߦߊߦߊ߫ ߘߊ߫ ߞߊߕߌ߫߸ ߓߊ߬ߙߵߊ߬ ߞߍ߫ ߘߊ߫ ߞߌ߬ߛߍ߬ߡߊ ߟߋ߬ ߘߌ߫.

ߞߎߡߊ ߟߊߛߌ߰ ߘߊ߫ ߡߊ߰ߛߎߓߊ ߟߎ߬ ߟߊ߫ ߓߏ߬ߟߏ߲ ߠߋ߬ ߟߊ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߏߟߌ߲ߞߏߟߌ߲ ߕߋ߬ߟߋ߫ ߂، ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߓߟߏߝߘߊ߫ ߗߋߘߋ߲ ߘߏ߫ ߟߎ߫ ߟߋ߬ ߟߊ߫߸ ߡߍ߲ ߠߎ߬ ߦߋ߫ ߞߎ߲߬ߠߊ߬ߛߌ߰ ߛߌ߲ߝߏ߲ ߠߎ߬ ߘߌ߫߸ ߣߊߟߌ߬ߡߎ߲߫ ߞߐߞߊ߲ߞߏ ߟߎ߬ ߞߏߕߌ߮ ߘߌ߫߸ ߞߏ߲߬ߓߏ߫ ߡߏ߬ߙߌ߬ߛߊ߲߬ߘߊ߬ ߞߎߦߊߕߍ߫߸ ߊ߬ ߣߌ߫ ߘߌ߯ߣߊ߫ ߞߏ ߟߎ߬ ߝߘߏ߬ߓߊ߬ ߞߟߊ߬ߕߌ߮߸ ߞߊ߬ߙߊ߲߬ߡߐ߮ ߖߊߥߙߊ߫، ߊ߬ߟߎ߬ ߟߊ߫ ߗߋߦߊߟߌ ߣߌ߲߬ ߞߎ߲߭ ߕߍ߬ߘߍ߫ ߟߋ߬: ߞߵߊ߬ߟߎ߬ ߕߟߏߡߊߟߐ߬ ߛߌ߯ߙߌ߲߫ ߝߊ߬ ߓߘߊ߬ ߞߊ߬ߣߌ߲߬ ߘߋ߲ߡߌߛߍ߲ ߢߌ߲߬ ߠߎ߬ ߟߊ߫߸ ߞߵߊ߬ߟߎ߬ ߢߊߦߋ߫߸ ߞߊ߬ ߓߊ߲߫ ߞߵߊ߬ߟߎ߫ ߖߎ߬ߛߎ ߡߊߝߊ߰.

ߊߟߎ߫ ߦߴߊ߬ ߟߐ߲߫߸ ߊ߬ ߕߟߋ߬ ߘߊ߲ߘߐ ߟߋ߬ ߕߍ߬ߘߍ߫ ߣߌ߲߬߸ ߛߌ߯ߙߌ߲߫ ߠߊߡߊ߰ ߘߊ߫ ߔߊߞߌߛߦߊ ߘߏ߫ ߟߎ߫ ߟߊ߫ ߢߐ߲߮ ߞߐ߫߸ ߞߵߊ߬ ߓߍ߲߬ ߔߏߞߑߟߍ߲߫ ߞߏ ߡߊ߬߸ ߊ߬ ߣߌ߫ ߓߐ߰ߝߍ ߘߐߖߊߛߌ ߞߍ߬ߟߍ ߡߊ߬، ߊ߬ߟߎ߬ ߘߊߘߐߞߊ߲ ߕߍ߬ߘߍ߫ ߡߎ߲߬ ߘߌ߫: ߞߏ߫ ߛߌ߯ߙߌ߲߫ ߝߊ߰ߡߊ ߟߎ߬ ߣߌ߫ ߖߡߊ߬ߣߊ ߝߊ߰ߡߊ ߟߎ߬ ߛߋ߲߬ ߦߴߊ߬ ߞߏ ߘߐ߫߸ ߞߏߏ߫ ߊ߬ߟߎ߬ ߓߘߊ ߘߐߖߊߛߌ ߡߍ߲ ߦߴߌߘߐ߫ ߣߌ߲߬߸ ߝߊ߰ߡߊ ߟߎ߫ ߖߍ߬ߘߍ ߟߋ߬ ߣߐ߬ ߛߌ߯ߙߌ߲߫ ߝߙߋ߬ ߟߊ߫ ߝߊߦߌߘߊ߫.

A man with short black hair and a beard stands against a red wall, looking directly at the camera.
ߡߊ߬ߡߊ߬ߘߌ߫ ߛߌ߬ߟߊ߬߸ ߕߏ߰ߝߏ ߓߋߟߋ߲ߕߌ߮

ߡߊ߬ߡߊ߬ߘߌ߫ ߛߌ߬ߟߊ߬ ߡߍ߲ ߦߋ߫ ߕߏ߰ߝߏ ߣߌ߲߬ ߓߋߟߋ߲ߕߌ߮ ߘߌ߫߸ ߏ߬ ߞߊ߬ ߞߎߡߊ ߕߊ߬ ߣߌ߫ ߞߎߡߊ߫ ߡߊߟߍߟߍ߫ ߛߌߦߊߡߊ߲߫ ߕߍ߫߸ ߞߵߊ߬ ߦߌ߬ߘߊ߬ ߞߏ߫:

<<ߛߟߊߕߌ߮ ߞߏߕߌ߮ ߟߎ߬߸ ߊߟߎ߫ ߘߌ߫ ߤߊߞߍ߬ߕߏ߫ ߘߋ߬߸ ߓߌ߬ ߢߐ߲߰ ߟߏ߲߫߸ ߒ ߧߋ߫ ߞߎߡߊ߫ ߟߊ߫ ߟߋ߬ ߓߌ߬߸ ߦߏ߫ ߒ ߣߌ߫ ߒ ߝߊ߬ ߟߎ߫ ߟߋ߬߸ ߊ߬ ߣߌ߫ ߒ ߓߊߘߋ߲ ߠߎ߬߸ ߓߊ߬ߙߌ߬ ߝߊ߰ߡߊ߬ߦߊ ߞߊߡߊ߲߫ ߕߍ߫، ߊߟߎ߫ ߓߘߴߊ߬ ߝߐ߫ ߛߌߛߍ߲߬ ߞߏ߫ ߕߙߏ߬ߞߏ ߟߎ߬ (ߟߊ߫ ߓߊ߯ߙߊ) ߟߊߟߐ߭ ߡߊ߲߫ ߜߍ߬ߟߍ߲߬، ߓߊ߬ߙߌ߬߸ ߊ߲ߠߎ߬ ߘߴߊ߬ ߝߐ߫߸ ߞߏ߫ ߝߏߦߌ߬ ߕߍ߫ ߖߌ߬ߣߍ߬ ߞߣߐ߫ ߓߌ߬ ߡߍ߲ ߜߍ߬ߟߍ߲߬ߡߊ߫ ߞߊ߬ ߛߴߏ߬ ߟߊߟߐ߭ ߘߐ߫، ߓߊߏ߬߸ ߌ ߡߙߊ߬ߓߊ߯ ߓߊ߬߸ ߌ ߞߎ߲߬ߠߊ߬ߛߌ߰ߟߊ߫ ߓߊ߬߸ ߌ ߞߏߕߌ߯ ߓߊ߬ ߡߍ߲ ߠߎ߬ ߦߋ߫ ߞߐߣߊߞߙߌ߫߸ ߏ߬ ߟߎ߫ ߟߋ߬ ߣߌ߫ ߛߣߌߥߊ ߟߎ߬ ߘߊ ߦߋ߫ ߝߎ߬ߟߋ߬ ߞߋߟߋ߲ ߠߊ߫، ߛߣߌߥߊ ߦߴߊ߬ ߓߍ߯ ߓߟߏ߫ ߛߌ߯ߙߌ߲߫ ߥߊ߭ ߞߣߐ߫ ߦߊ߲߬߸ ߞߵߊ߲ ߠߊ߫ ߓߐ߰ߝߍ ߘߐߖߊߛߌ߫߸ ߊ߬ߟߎ߫ ߖߘߍ߬ߞߊ߬ߣߌ߲߬ ߕߣߐ ߞߏߛߐ߲߬.>>

ߊ߬ ߟߊ߫ ߞߎߡߊ ߞߵߊ߬ ߦߌ߬ߘߊ߬ ߝߣߊ߫߸ ߣߴߌ ߞߊ߬ ߓߌ߬ ߛߋߣߍ߲߫ ߦߋ߫߸ ߕߊ߬ߡߌ߲߬ ߞߍߣߍ߲߫ ߞߎߣߎ߲߬ ߠߋ߬ ߘߐ߫، ߏ߬ ߟߋ ߞߏߛߐ߲߬߸ ߞߏ߫ ߡߊ߬ߞߎ߲߬ ߞߍ ߣߌ߲߬ ߞߏ ߡߊ߬߸ ߊ߬ ߦߋ߫ ߓߟߊ߬ߥߎ ߟߋ߬ ߘߌ߫، ߊ߬ ߞߵߊ߬ ߟߊ߫ ߞߎߡߊ ߘߊߓߊ߲߫߸ ߞߵߊ߬ ߦߌ߬ߘߊ߬ ߞߏ߫:

<<ߡߐ߰ߓߊ ߡߍ߲ ߠߎ߬ ߡߊߖߌ߰ߣߍ߲߫ ߦߊ߲߬ ߣߌ߲߬߸ ߌ ߓߴߊ߲ ߛߋߣߍ߲ ߦߋ߫ ߓߌ߬ ߘߐ߫߸ ߏ߬ ߞߎ߲߭ ߠߋ߬ ߞߏ߫ ߊߟߎ ߣߴߊߟߎ߫ ߝߊ߬ߟߎ߫ ߞߵߊߟߎ߫ ߖߊ߲߬ߕߏ߲߬ ߛߎ߲ߞߎ߲ ߘߐ߫ ߊ߲ߠߎ߬ ߦߋ߫ ߟߋ߬ ߞߍ߰، ߡߎ߲߬ ߞߏߛߐ߲߬ ߏ߬ ߘߐ߫߸ ߊ߲ߠߎ߬ ߝߣߊ߫ ߕߴߛߋ߫ ߞߵߏ߬ ߢߐ߲߰ ߞߍ߫ ߒ߬ ߘߋ߲ ߠߎ߬ ߦߋ߫؟ ߒ߬ߓߊ߬߸ ߏ߬ ߟߋ ߦߴߊ߲ ߟߐ߬ ߟߊ߫ ߛߍ߬ߘߏ߲ ߠߊ߫، ߣߴߏ߬ ߕߍ߫ ߒ ߧߋ߫ ߕߡߊ߬ߖߌ ߓߐ߫ ߊߟߎ߫ ߘߐ߫: ߣߴߊ߬ ߞߏ ߥߊ߫ ߘߊ߫ ߕߋ߲߬߸ ߦߊ߬ߣߌ߫ ߛߊ߲߬ ߟߏ߯ߟߎ߫ ߛߌ߯ߙߌ߲߫ ߘߌ߫ ߞߍ߫ ߦߏ߫ ߓߊ߬ߣߊ߲߬ߞߘߐ߬، ߞߵߊ߬ ߛߐ߬ߘߐ߲߬ ߜߎ ߞߊ߲ߕߌ߮ ߞߊ߬ ߟߊ߬ߕߍ߰ߦߊ ߟߋ߬ ߟߊߓߐ߫ ߞߊ߬ ߔߏߞߑߟߍ߲߫ ߞߏ ߟߊߕߐ߲߫، ߞߏ߬ߣߌ߲߬ ߛߌ߯ߙߌ߲߫ ߦߊ߬߸ ߡߊ߬ߞߏ߬ ߡߊ߫ ߞߍ߫ ߟߊ߬ߕߍ߰ߦߊ ߏ߬ ߟߊ߫ ߓߏ߲߬، ߕߙߏ߬ߞߏ ߟߎ߬ ߦߴߊ߲ ߠߊ߫ ߥߊ߬ߞߘߐ߬ߟߊ ߟߎ߬ ߘߐ߫ ߦߏ߫ ߡߣߍߡߣߍ߫.>>

ߊ߬ ߞߎߡߊ ߏ߬ ߞߐ߫߸ ߞߏߕߌ߯ ߡߏ߬ߙߌ߬ߛߊ߲߬ߘߊ߬ ߞߎߦߊߕߍ߫ ߞߊ߬ ߞߎߡߊ ߕߊ߬ ߡߐ߱ ߟߎ߫ ߖߎ߬ߛߎ ߡߟߊ߫ ߞߊ߲ߡߊ߬:

<<ߒ ߓߘߴߊߟߎ߫ ߟߊߡߍ߲߫ ߦߟߌߡߊߟߐ ߘߝߊߣߍ߲ ߘߐ߫، ߓߌ߬ ߡߎ߰ߡߍ ߘߐ߫߸ ߒ ߘߴߊߟߎ߫ ߘߏ߫ ߟߎ߫ ߕߊ߬ ߞߊ߬ ߥߊ߫ ߕߌߢߍߟߌ߫ ߣߐ ߟߎ߬ ߡߊߝߟߍ߫ ߞߣߍ ߞߊ߲߬، ߊ߲ ߘߌ߫ ߖߌ߬ߦߊ߬ߓߍ ߟߎ߫ ߕߊ߬߸ ߡߍ߲ ߦߌ߬ߘߊ߬ߕߐ߫ ߞߊ߲ߕߌ߮ ߟߊ߫، ߊ߬ ߘߏ߲߬ ߘߴߊ߬ ߟߊ߫ ߞߍߕߊ ߞߍ߫، ߊߟߎ߫ ߞߊ߲߫ ߡߍ߲ ߝߐ߫ ߟߊ߫ ߣߌ߲߬߸ ߏ߬ ߡߊ߫ ߢߌ߲߬ ߘߋ߬߸ ߞߏߖߎ߯ߓߊ߫ ߟߵߏ߬ ߘߌ߫، ߕߏߟߏ߲߫ ߞߍ ߦߴߌߘߐ߫ ߖߡߊ߬ߣߊ ߟߊ߫ ߕߐ߬ߣߐ ߟߋ߬ ߟߊ߫ ߣߌ߲߬.>>

ߞߏߕߌ߮ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߌ߫ ߘߋ߲ߡߌߛߍ߲ ߠߎ߬ ߟߊ߫ ߡߞߊ߬ߛߌ߬ߞߊ߲߬ߠߊ ߟߊߛߋ߫ ߊ߬ ߟߊߛߋ߫ ߦߙߐ، ߘߋ߲ߡߌߛߍ߲ ߠߎ߬ ߞߏ߬ߣߌ߲ ߞߵߊ߬ߟߎ߫ ߖߊ߬ ߊ߬ߟߎ߬ ߟߊ߫ ߞߎߡߊ ߞߊ߲߬߸ ߞߏ߫ ߊ߬ߟߎ߫ ߡߊ߬ߞߏ ߦߋ߫ ߞߍߟߌ ߟߋ߬ ߟߊ߫߸ ߝߐ߫ ߡߣߍߣߍ ߕߍ߫ ߡߎ߬ߕߎ߲߬ ߝߋߎ߫.

ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫