ߛߌ߯ߙߌ߲߫ ߔߊߞߌߛߦߊ: ߕߐ߲߫ ߓߟߏߡߊ ߟߎ߬ ߣߌ߫ ߔߊߞߌߛߦߊߟߊ ߟߎ߬ ߕߍ

ߘߋ߲ߡߌߛߍ߲߫ ߥߣߊ ߊ߬ߟߌ ߗߊߡ ߡߌ߬ߣߊ ߞߐ ߓߘߊ߫ ߞߍ߫ ߡߊ߲߬ߞߊ߲ ߘߌ߫ ߛߌ߯ߙߌ߲߫ ߞߣߐ߫߸ ߊ߬ߟߋ ߡߍ߲ ߦߋ߫ ߓߐ߰ߝߍ ߟߊߕߊ߲߬ߞߊ ߛߍ߬ߘߏ߲߬ߠߊ߬ ߥߣߊ ߘߏ߫ ߘߌ߫، ߓߌ߬ ߞߊ߯ߙߌ ߞߍ߫ ߘߊ߫ ߕߊ߬ߘߌ߬ߓߊ߬ߕߊߘߌߓߊ ߟߋ߬ ߘߌ߫ ߛߌ߯ߙߌ߲߫ ߝߊ߲߬ ߛߌߦߊߡߊ߲߫ ߘߐ߫߸ ߂߀߂߅ ߣߍߣߍߓߊ ߕߟߋ߬ ߃߀ ߣߌ߲߬ ߡߊ߬، ߢߊߖߌߓߐߥߊߦߌ߲ ߠߊߝߟߌ߬ ߘߊ߫ ߝߊ߲߬ ߛߌߦߊߡߊ߲߫ ߠߋ߬ ߘߐ߫߸ ߞߊ߬ ߛߌߟߊ߫ ߛߌߦߊߡߊ߲߫ ߕߍ߰.

ߔߊߞߌߛߦߊߓߊ߫ ߟߋ߬ ߕߎ߲߬ ߦߋ߫ ߛߋ߲߬ߠߊ߫ ߛߌ߯ߙߌ߲߫ ߞߣߐ߫ ߊ߬ߟߌ ߗߊߡ ߡߌ߬ߣߊ ߘߎ߰ߛߊ߬ߜߍ ߣߌ߲߬ ߡߊ߬߸ ߊ߬ߟߋ ߡߍ߲ ߦߋ߫ ߘߋ߲ߡߌߛߍ߲߫ ߥߣߊ߫ ߘߌ߫ ߛߌ߯ߙߌ߲߫ ߓߐ߰ߝߍ ߘߐߞߛߐ ߞߍ߬ߟߍ ߘߐ߫.

ߝߎ߲ߞߎ߲ ߠߎ߬ ߣߌ߫ ߡߣߐ߬ߓߏ߲ ߠߎ߬ ߘߊ ߕߎ߲߯ ߘߊ߫ ߟߋ߬ ߓߌ߬߸ ߞߊ߬ ߛߌߟߊ ߟߎ߬ ߟߊߞߏߟߏ߲ߧߊ߫߸ ߞߊ߬ ߞߐ߲߬ߡߘߊ߬ ߖߋߣߌ߲ ߠߎ߬ ߞߍ߫߸ ߞߊ߬ ߛߌߟߊ߫ ߛߌߦߊߡߊ߲߫ ߕߍ߰ ߘߋ߲ߡߌߛߍ߲߫ ߔߊߞߌߛߦߊߟߊ ߟߎ߬ ߓߟߏ߫: ߏ߬ ߟߋ ߕߘߍ߬ ߛߌ߯ߙߌ߲߫ ߦߋߝߊߘߌ ߘߌ߫ ߓߌ߬ ߣߍߣߍߓߊ ߕߟߋ߬ ߃߀ ߣߌ߲߬ ߡߊ߬، ߊ߲ ߠߊ߫ ߟߌ߬ߤߟߊ ߟߎ߬ ߘߐ߫߸ ߘߋ߲ߡߌߛߍ߲ ߠߎ߬ ߦߋ߫ ߞߊ߬ߛߌ߬ ߟߊ߫ ߡߍ߲ ߞߐ߫߸ ߏ߬ ߟߋ ߊ߬ߟߌ ߗߊߡ ߓߌ߬ߟߊ߬ ߞߏ ߘߴߌߞߘߐߞߘߐߣߌ߲߬، ߟߊ߬ߞߊ߲߬ߘߊ߬ߟߌ ߣߌ߫ ߡߊ߬ߞߊ߲߬ߞߊ߲߬ߠߌ߲ ߕߐ߲߫ ߓߟߏߡߊ ߟߎ߬ ߕߘߍ߬ ߢߊߖߌߓߐߥߊߦߌ߲ ߠߋ߬ ߝߟߌ߬ ߟߴߊ߬ߟߎ߬ ߕߎ߫ ߘߐ߫߸ ߊ߬ ߣߌ߫ ߞߊ߬ ߝߋ߲ ߠߎ߬ ߓߐ߫ ߛߌߟߊ ߘߐ߫.

ߛߌߦߊߞߊ߬ ߛߌ߬ߛߋ ߞߵߊ߬ ߦߌ߬ߘߊ߬ ߞߏ߫ ߕߐ߲߫ ߓߟߏߡߊ ߟߎ߬ ߛߋ߫ ߘߴߊ߬ߟߋ ߡߊ߬ ߟߋ߬߸ ߞߵߊ߬ ߛߐ߬ߘߐ߲߬ ߊ߬ ߣߊ߬ߣߍ߲߫ ߞߕߊ߬ߞߕߊ߬ߣߍ߲߬ ߛߊ߲߬ ߦߙߐ ߟߋ߬ ߘߐ߫߸ ߊ߬ ߛߋ߲߭ ߕߎ߲߬ ߕߍ߫ ߔߊߞߌߛߦߊ ߘߐ߫.

<<ߒߠߋ ߣߊ߬ߣߍ߲߫ ߞߕߊ߬ߞߕߊ߬ߣߍ߲߬ ߛߊ߲߬ ߦߙߐ ߟߋ߬ ߘߐ߫߸ ߕߐ߲ߓߟߏߡߊ ߟߎ߫ ߣߊ߬ ߘߊ߫ ߒ ߡߌ߬ߣߊ߬ ߞߊ߬ ߒ ߜߊ߬ߛߌ߬߸ ߒ ߝߊ߬ߘߌ ߝߊ߲߭ ߓߍ߯ ߟߋ߬ ߒ ߘߌߡߌ߲߫ ߠߊ߫ ߕߋ߲߬߸ ߜߏ߲߬ߛߊ߲߬ ߣߙߌ ߦߋ߫ ߒ ߡߊ߬ ߕߎ߲߫߸ ߞߵߊ߬ ߛߐ߬ߘߐ߲߬ ߕߎ߬ ߕߍ߫ ߒ ߜߍ߫ ߕߍ߫ ߔߊߞߌߛߦߊ߫ ߞߏ ߣߌ߲߬ ߘߐ߫، ߒ ߓߘߊ߫ ߒ ߕߊ ߘߴߊߟߊ߫ ߡߊ߬߸ ߒ ߕߍ߫ ߦߊ߬ߝߴߊ߬ߟߎ߫ ߡߊ߬ ߝߋߎ߫.>> ߊ߬ ߞߵߏ߬ ߟߋ ߝߐ߫.

ߘߋ߲ߡߌߛߍ߲߫ ߜߘߍ߫ ߝߣߊ߫ ߞߵߊ߬ ߦߌ߬ߘߊ߬ ߞߏ߫: <<ߣߊ߲߬ߕߌ߮ ߟߎ߫ ߣߊ߬ ߘߴߊ߲ ߛߐ߬ߘߐ߲߫ ߒ߬ ߠߊ߫ ߓߊ߯ߙߊ߫ ߦߙߐ ߟߋ߬ ߘߐ߫߸ ߞߏߟߌߣ ߞߊ߲߬߸ ߞߊ߬ ߢߊߖߌߓߐߥߊߦߌ߲ ߝߌ߬ߟߌ߫ ߒ߬ ߕߎ߫ ߘߐ߫، ߊ߲ߠߎ߬ ߕߍ߫ ߔߊߞߌߛߦߊߟߊ߫ ߘߌ߫߸ ߊ߲ ߛߋ߲߬ ߕߴߊ߬ ߘߐ߫، ߊ߬ߟߎ߫ ߞߊ߬ ߢߊߖߌߓߐߥߊߦߌ߲ ߝߟߌ߬ ߟߎ ߟߋ߬ ߖߍ߬ߘߍ ߞߣߐ߫، ߒ ߘߐ߯ߞߍ߫ ߝߌ߬ߟߊ߫ ߞߙߌ߬ߞߙߊ߬ ߘߊ߫߸ ߏ߬ ߟߎ߬ ߓߘߊ߫ ߛߋ߫ ߘߊ߲ߘߊߛߏ ߟߊ߫ ߕߋ߲߬.>> ߡߐ߰ ߜߘߍ߫ ߟߋ߬ ߞߵߏ߬ ߝߐ߫ ߛߌ߯ߙߌ߲߫ ߞߎߙߑߘߊߞߙߐ߫ ߂߲ ߞߌ߲߬ߘߊ ߟߊ߫.

ߛߎ߬ߟߋ߬ߡߊߣ ߞߏ߬ߦߌ߬ߕߊ߬ ߡߍ߲ ߦߋ߫ ߛߌ߯ߙߌ߲߫ ߞߊ߬ߝߏ߬ߙߋ߲߬ߕߌ߮ ߘߌ߫ (ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߞߊ߲ߕߌ߮)߸ ߏ߬ ߞߊ߬ ߛߏ߫ ߞߣߐ߫ ߡߐ߮ ߟߎ߬ ߞߟߌ߫ ߖߐ ߟߋ߬ ߡߊ߬.

<<ߒ ߧߋ߫ ߒ ߞߊ߲ߠߊߘߌ߫ ߟߊ߫ ߘߋ߲ߡߌߛߍ߲ ߠߎ߬ ߡߊ߬، ߞߊ߬ߝߏ߬ߙߋ߲ ߞߏߟߊߕߍ߮ ߟߎ߫ ߟߋ߬ ߛߎ߬ߘߎ߲߬ߡߊ߲߬ ߊߟߎ߫ ߟߊ߫ ߝߊ߰ߡߊ ߓߍ߯ ߘߌ߫، ߊ߲ ߧߴߊߟߎ߫ ߞߐߦߌߘߊߓߊ߮ ߟߎ߫ ߟߋ߬ ߘߌ߫، ߞߵߊ߬ ߕߊ߬ ߞߎߣߎ߲߬ ߡߊ߬ ߞߵߊ߬ ߛߌ߰ ߓߌ߬ ߟߊ߬߸ ߊ߬ ߞߏ ߓߍ߲߬ߣߍ߲߬ ߕߍ߫ ߛߌ߯ߙߌ߲߫ ߞߣߐ߫، ߒ ߧߴߊ߬ ߢߌߣߌ߲߫ ߠߴߊߟߎ߫ ߝߍ߬߸ ߊߟߎ߫ ߦߋ߫ ߘߏ߲߬ ߘߋ߲ߡߌߛߍ߲ ߠߎ߬߸ ߛߴߊ߲ ߘߌ߫ ߞߛߌ߫ ߕߌߢߍߟߌ ߡߊ߬ ߒ߬ ߓߘߊ ߘߐ߫ ߦߊ߲߬، ߊ߲ ߓߘߊ߫ ߥߛߊ߬ߓߊ߰ߦߊ ߘߏ߫ ߛߌ߰߸ ߞߊ߬ ߛߋ߫ ߓߏ߬ߟߏ߲߬ߘߊ ߓߍ߯ ߡߊ߬߸ ߛߴߊ߲ ߘߌ߫ ߛߌ߰ߞߊ߬ߝߐ߫ ߞߍ߫߸ ߞߊ߬ ߢߊ߫ ߢߌߣߌ߲߫ ߝߙߋߞߋ ߣߌ߲߬ ߡߊ߬.>> ߞߊ߬ߝߏ߬ߙߋ߲߬ߕߌ߮ ߟߋ߬ ߞߊ߲߫ ߕߋ߲߬.

ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.