ߊ߬ߟߌ ߗߊߡ ߡߌ߬ߣߊ ߞߐ ߟߋ߬ ߞߍߣߍ߲߫ ߡߊ߲߬ߞߊ߲ ߥߟߌ߬ߣߍ߲ ߘߌ߫ ߛߌ߯ߙߌ߲߫ ߞߣߐ߫߸ ߊ߬ߟߋ ߦߋ߫ ߘߋ߲ߡߌߛߍ߲߫ ߝߊ߬ ߓߘߊ߬ ߞߊ߬ߣߌ߲߬ߠߊ ߟߋ߬ ߘߌ߫ ߛߌ߯ߙߌ߲߫ ߟߊ߬ߡߌߣߌ߲ ߘߐߖߊߛߌ ߞߟߍ߬ߓߊ߮ ߟߎ߬ ߘߏ߫ ߞߊ߬ߣߌ߲߬، ߒ߬ߓߊ߬߸ ߛߎߘߐߟߊ ߞߟߊߦߊ߫ ߘߊ߫ ߟߋ߬ ߞߏߛߓߍ߫߸ ߝߏ߫ ߞߊ߬ ߡߐ߰ ߞߋߟߋ߲߫ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߞߋߟߋ߲߫ ߜߘߍ߫ ߖߐߞߌ߫ ߞߏߖߎ߯ߦߊ ߞߍ߫.
ߔߊߞߌߛߦߊ߫ ߟߞߊߟߌߟߊ߲ ߘߏ߫ ߟߋ߬ ߥߟߌ߬ ߘߊ߫ ߞߎߣߎ߲߬ ߞߍ߲ߘߍߟߏ߲ ߛߎ߸ ߂߀߂߅ ߣߍߣߍߓߊ ߕߋ߬ߟߋ߫ ߂߉߸ ߞߵߊ߬ ߓߍ߲߬ ߘߋ߲ߡߌߛߍ߲ ߘߏ߫ ߡߌ߬ߣߊ ߡߊ߬߸ ߊ߬ߟߋ ߡߍ߲ ߦߋ߫ ߟߊ߬ߡߌߣߌ߲ ߘߐߖߊߛߌ߫ ߞߏ ߟߎ߫ ߞߟߍ߬ߓߊ߰ ߥߣߊ ߘߏ߫ ߘߌ߫߸ ߊ߬ ߕߌ߯ߕߌ߯ <<ߔߏߞߑߟߍ߲߫ ߞߏ>> ߏ߬ ߡߍ߲ ߦߋ߫ ߘߊ߬ߡߊ߲߬ ߓߊ߰ߙߊ߬ ߕߙߏߞߏ ߘߏ߫ ߘߌ߫ ߓߌ߬߸ ߡߍ߲ ߡߐߣߍ ߦߋ߫ ߡߐ߰ ߛߌߦߊߡߊ߲߫ ߘߐ߫ ߘߊ߬ߡߊ߲߬ߘߊ߬ ߓߏߟߏ߲ ߠߎ߬ ߟߊ߫، ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߊ߬ߟߌ ߗߊߡ ߡߌ߬ߣߊ߬ ߘߊ߫ ߂߀߂߅ ߣߍߣߍߓߊ ߕߋ߬ߟߋ߫ ߂߉ ߟߋ߬ ߡߊ߬ ߞߍ߲ߘߍߟߏ߲ ߁߈ߙߋ߲ ߝߊ߲߭ ߝߍ߬߸ ߞߐ߲߬ߛߏ߬ ߖߛߊ ߘߏ߫ ߞߣߐ߫ ߋߣߍߙߑߖ߭ߌ߫ ߞߌ߲߬ߘߊ ߟߊ߫߸ ߊ߬ ߡߌ߬ߣߊ߬ ߘߊ߫ ߘߏ߲߬ߖߟߎ߬ߡߊ߬ߟߌ ߝߊ߲߬ߞߊ ߡߐ߱ ߟߎ߫ ߟߋ߬ ߓߟߏ߫، ߏ߬ ߟߋ ߞߍ߫ ߘߊ߫ ߕߙߎ߬ ߘߌ߫߸ ߘߋ߲ߡߌߛߍ߲ ߠߎ߬ ߟߊ߫ ߣߌߛߐߜߏߦߊ ߡߊ߬߸ ߊ߬ߟߎ߫ ߞߊ߬ ߞߐ߲߬ߡߘߊ߬ ߖߋߣߌ߲ ߘߊߡߌ߬ߣߊ߬ ߛߌߟߊ ߞߊ߲߬.
ߖߐߞߌߓߊ߯ߕߐ ߡߍ߲ ߦߋ߫ ߕߋ߲߬߸ ߊߡߌߣߊߕߊ߬ ߡߟߌ߬ߡߣߏ߫߸ ߊ߬ߟߋ ߦߋ߫ ߟߞߊ߬ߙߊ߲߬ߠߌ߲߬ߠߊ ߟߋ߬ ߘߌ߫ ߓߏ߬ߟߌ߬ߓߊ߬ߣߊ߫ ߞߊ߬ߙߊ߲߬ߕߊ߬ ߓߊߖߎߟߞߊ ߟߊ߫߸ ߊ߬ߟߋ ߟߊߣߍ߲ ߕߏ߫ ߘߴߊ߬ ߘߊ߲ߘߊ ߟߋ߬ ߟߊ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߞߵߊ߬ ߟߊ߫ ߕߙߐߦߊ ߛߐ߬ߘߐ߲߬ ߢߊ ߢߊߝߐ߫ ߒ߬ ߧߋ߫: <<ߊ߲ ߓߐߣߍ߲߫ ߕߍ߬ߘߍ߫ ߝߏ߬ߟߌ߬ ߞߊ߲ ߠߋ߬ ߡߊ߬، ߊ߲ ߛߋ ߝߐ߬ߙߍ߬ ߜ߭ߊߙ ߟߊ߫߸ ߞߵߊ߬ ߛߐ߬ߘߐ߲߬ ߞߟߍ߬ߡߐ߮ ߟߎ߬ ߦߋ߫ ߢߊߖߌߓߐߥߊߦߌ߲ ߝߌ߬ߟߌ ߞߊ߲߬ ߡߐ߱ ߟߎ߬ ߕߎ߫ ߘߐ߫ ߦߋ߲߬، ߊ߲ ߘߏ߲߬ ߘߊ߫ ߞߏߞߏ ߘߏ߫ ߞߣߐ߫ ߒ߬ ߢߊ ߟߊߞߏ߬ ߞߊ߲ߡߊ߬߸ ߊ߲ ߞߊ߬ ߥߊ߯ߕߌߣߍ߲߫ ߞߍ߫ ߦߋ߲߬، ߊ߬ߟߎ߫ ߕߊ߬ߡߌ߲߸ ߒ ߞߵߊ߬ ߝߐ߫ ߔߏߔߏ߫ ߕߌ߮ ߦߋ߫ ߒ ߞߏ߫ ߊ߬ ߦߋ߫ ߥߊ߫ ߒ ߡߊߟߐ߬ ߟߎ ߡߊ߬ ߝߐ߬ߙߍ߬ ߜ߭ߊߙ ߞߢߊߡߊ ߘߐ߫߸ ߡߢߊ߬ ߓߊߛߌߓߏ߲ ߘߊߝߍ߬ ߌߞߘߐ߫، ߒ߬ߓߊ߬߸ ߞߟߍ߬ߡߐ߮ ߟߎ߬ ߟߊ߫ ߜߋ߬ߕߋߜߋ߬ ߥߊߜߏߡߊ ߏ߬ ߣߊ߬ ߢߊ ߟߋ߬ ߞߍߣߍ߲߫ ߝߢߐ ߘߐ߫ ߏ߬ ߘߌ߫߸ ߞߊ߬ ߣߵߊ߲ ߠߊߜߊ߬ߛߌ߬߸ ߞߊ߬ ߒߠߋ ߟߊߓߋ߬ ߒ ߞߌߣߌ߲߫ ߝߊ߲ ߞߊ߲߬، ߊ߬ߟߎ߫ ߞߵߊ߲ ߕߏ߫ ߘߎ߱ ߡߊ߬ ߢߊ ߏ߬ ߡߊ߬ ߞߊ߬ ߥߴߊ߬ߟߎ߬ ߦߋ߫، ߝߐ߬ߙߍ߬ ߜ߭ߊߙ ߘߋ߲ߡߌߛߍ߲ ߠߎ߬ ߟߋ߬ ߣߊ߬ ߘߊ߫߸ ߞߊ߬ ߒ ߕߊ߬ ߞߊ߬ ߣߊ߬ ߒ ߘߌ߫ ߘߊ߲ߘߊߛߏ ߟߊ߫.>> ߡߏ߬ߛߏ ߕߍ߬ߘߍ߫ ߣߌ߲߬ ߝߐ ߞߊ߲߬ ߜߟߍ߬ߦߊ߬ߓߊ߫ ߟߋ߬ ߘߐ߫ ߊ߬ ߟߊ߫ ߖߐߞߟߌ ߞߏߛߐ߲߬.
ߘߊ߲ߘߊߟߌߟߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߘߓߊ߫ ߟߋ߬ ߦߴߊ߬ ߓߟߏߞߌߣߌ߲߫ ߛߋ߲ߞߘߎ ߟߊ߫߸ ߊ߬ ߣߌ߫ ߞߌߣߌ߲߫ ߝߊ߲ ߏ߬ ߟߎ߬.
ߛߙߋ ߘߏ߫ ߘߟߊߛߎ߲ߓߎ߫ ߘߴߊ߲ ߓߟߏ߫߸ ߡߍ߲ ߕߐ߮ ߦߋ߫ ߜߎ߬ߕߙߎ ߞߣߐ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߊ߲ߡߋߙߋ߲߫ ߞߋߟߋ߲߫ ߓߣߐ߬ ߘߴߊ߬ ߣߌ ߘߐ߫߸ ߊ߬ ߓߐ߫ ߘߊ߫ ߞߊ߲ߓߋ߲ ߠߋ߬ ߞߣߐ߫ ߞߊ߬ ߓߋ߬ ߢߊߖߌߓߐߥߊߦߌ߲ ߡߊ߲߬ߕߙߐ ߞߏߛߐ߲߬.
<<ߊ߲ߠߎ߬ ߕߍ߬ߘߍ߫ ߝߐ߬ߙߍ߬ ߜ߭ߊߙ ߟߋ߬ ߟߊ߫، ߞߟߍ߬ߡߐ߮ ߟߎ߫ ߣߊ߬ ߘߊ߫ ߞߐ߲߬ߛߏ ߘߏ߫ ߘߎ߬ߡߊ ߘߐߥߦߊ߬߸ ߞߊ߬ ߓߊ߲߫ ߞߊ߬ ߥߊߟߌߥߊߟߌ߫ ߓߏߙߌߟߊ ߘߏ߫ ߟߊߜߊ߬ߛߌ߬߸ ߏ߬ ߣߴߊ߬ ߟߊ߫ ߟߊ߫ ߦߟߍ߬ߒ߬ߞߊ߲߬ߓߊ߰ ߡߛߏ، ߊ߬ ߖߍ߬ߘߍ߸ ߊ߲ ߞߊ߬ ߡߏ߬ߛߏ ߏ߬ ߕߊ߬ ߞߊ߬ ߥߴߊ߬ ߘߌ߫ ߘߊ߲ߘߊߛߏ ߟߊ߫، ߏ߬ ߞߐߝߍ߬߸ ߊ߬ߟߋ߬ (ߞߟߍ߬ߡߐ߮ ߟߎ߬) ߞߵߊ߬ߟߎ߫ ߞߎ߲߬ߛߌ߲߫ ߛߖߌߙߌ߲ߞߙߐ߫ ߝߊ߲߬ߝߍ߬ߟߊ ߟߊ߫، ߛߌ߬ߛߋ߬ߟߊ߫ ߓߍ߲߬ߕߍ ߛߐ߲ߞߢߊ ߘߐ߫ ߌߞߘߐ߫߸ ߊ߬ߟߎ߫ ߞߊ߬ ߢߊߖߌߓߐߥߊߦߌ߲ ߝߌ߬ߟߌ߫ ߝߊ߲߭ ߓߍ߯ ߘߐ߫، ߏ߬ ߟߋ ߣߌ߫ ߞߊ߲ߓߋ߲ ߘߏ߫ ߣߊ߭ ߓߍ߲߬ ߘߊ߫ ߢߐ߲߮ ߡߊ߬߸ ߞߵߏ߬ ߓߕߐߟߊ ߕߏ߫ ߟߐ߯ߘߎ߮ ߟߊ߫، ߞߊ߲ߡߋߙߋ߲߫ ߞߋߟߋ߲߫ ߕߟߊ߫ ߘߊ߫ ߞߊ߲ߓߋ߲ ߏ߬ ߟߋ ߟߊ߫ ߢߊߖߌߓߐߥߊߦߌ߲ ߡߊ߲߬ߕߙߐ ߞߏߛߐ߲߬ ߞߊ߬ ߓߋ߲߬߸ ߞߵߏ߬ ߞߍ߫ ߊ߬ ߛߊ߬ߣߍ߲ ߘߌ߫ ߦߋ߲߬ ߌߞߘߐ߫، ߊ߲ ߞߊ߬ ߛߎ߭ ߏ߬ ߝߣߊ߫ ߕߊ߬߸ ߊ߲ ߣߌ߫ ߓߊߙߊ߲ߕߏ߲߫ ߥߎߟߋ߲ (ߞߙߏ߬ߥߊ߬ ߙߎߖ߭)߸ ߞߊ߬ ߥߴߊ߬ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߛߎ߬ߓߏ߲ ߠߊ߫.>> ߛߙߋ ߏ߬ ߟߊ߫ ߞߎߡߊ ߟߵߏ߬ ߘߌ߫.
ߊ߲ ߧߋ߫ ߓߐ߫ ߟߊ߫ ߘߌ߲߬ߞߌߙߊ ߏ߬ ߟߎ߬ ߘߐ߫ ߦߋ߲߬ ߕߎ߬ߡߊ ߡߍ߲ ߠߊ߫ ߀߁ߙߋ߲ ߝߊ߲߭ ߝߍ߬߸ ߏ߬ ߞߵߊ߬ ߛߐ߬ߘߐ߲߫ ߠߋ߬ ߘߋ߲ߡߌߛߍ߲ ߠߎ߬ ߦߋ߫ ߞߐ߲߬ߡߘߊ߬ ߖߋߣߌ߲ ߞߊ߲߬ ߡߎߣߎ߲߬߸ ߛߌߟߊ߫ ߞߊ߲ߠߊ ߟߎ߬ ߘߐ߫.
ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.
Aucun commentaire pour le moment.