ߖߌ߬ߣߍ߬ ߞߐߞߊ߲ߞߏ ߟߎ߬ ߞߏߕߌ߮ ߟߊ߫ ߓߐߒߡߊߟߌ ߝߍ߬ ߛߌ߯ߙߌ߲߫ ߞߣߐ߫ ߞߏߟߌ߲ߞߏߟߌ߲ ߕߋ߬ߟߋ߫ ߂ ߣߌ߲߬ ߡߊ߬߸ ߞߏ߲߬ߓߏ߫ ߡߏ߬ߙߌ߬ߛߊ߲߬ߘߊ߬ ߞߎߦߊߕߍ߫ ߞߊ߬ ߓߐ߰ߝߍ ߘߊߖߊߛߌ߫ ߢߊ߫ ߛߎ߮ ߢߌ߲߬ ߠߎ߬ ߘߐߜߏߦߊ߫ ߟߋ߬ ߔߐ߫߸ ߡߍ߲ ߕߎ߬ߙߎ ߞߍߣߍ߲߫ ߘߊ߬ߡߊ߲߬ ߓߊ߯ߙߊ ߘߌ߫ ߕߙߏ߬ߞߏ ߟߎ߬ ߟߊ߫ ߞߊ߬ߣߌ߲߬. ߊ߬ߟߎ߫ ߕߍ߬ߘߴߊ߬ ߝߍ߬ ߓߐߒߡߊߟߌ ߣߌ߲߬ ߡߍ߲ ߦߋ߫ ߞߍ߫ ߜߎ߲߬ߘߎ߬ ߘߐ߫߸ ߓߊ߬ߙߵߊ߬ ߞߏ ߟߊߥߢߊ߫ ߘߊ߫ ߟߋ߬ ߝߛߊߦߌ߫.

ߞߏ߲߬ߓߏ߫ ߡߏ߬ߙߌ߬ߛߊ߲߬ߘߊ߬ ߞߎߦߊߕߍ߫ ߡߊ߫ ߓߎ߬ ߕߏ߫ ߞߟߏ߫ ߡߊ߬، ߊ߬ߟߋ ߡߍ߲ ߞߋߟߦߊߣߍ߲߫ ߞߊ߲ߓߍ߲ ߞߊ߲ߕߌ߮ ߓߟߏ߫ ߞߊ߬ߣߌ߲߬߸ ߞߏ߫ ߊ߬ ߦߋ߫ ߥߊ߫ ߛߌ߯ߙߌ߲߫ ߛߌ߰ߝߊߘߌ ߘߐߜߍ߫߸ ߞߊ߬ ߘߊ߬ߡߊ߲߬ ߓߊ߯ߙߊ ߕߌߢߍߟߌ߫ ߣߐ ߟߎ߬ ߘߐߜߍ߫، ߏ߬ ߟߋ ߘߐ߫߸ ߞߏߕߌ߮ ߖߘߍ߬ߓߊ߬ߞߎ߲ ߞߊ߬ ߕߏ߲ ߕߊ߬߸ ߞߊ߬ ߥߊ߫ ߦߙߐ߫ ߕߌߢߍߣߍ߲ ߠߎ߬ ߡߊߝߟߍ߫߸ ߕߌߢߍߟߌ߫ ߕߙߏߞߏ߫ ߓߟߏߞߟߊ߫ ߖߊ߲ ߣߐ߬ ߡߍ߲ ߠߎ߬ ߞߍ߫ ߟߴߊ߬ߟߎ߫ ߛߊ߬ߥߏ ߘߌ߫ ߞߊ߬ߣߌ߲߬، ߊ߬ ߡߐߣߍ߫ ߞߏߖߎ߯ߦߊ ߡߊ߬߸ ߊ߬ ߖߍ߬ߘߍ ߟߋ߬ ߞߊ߬ ߜߋߟߋ߲ߜߋߟߋ߲ ߕߊ߬ ߞߊ߬ ߕߌߢߍߟߌߣߐ ߟߎ߬ ߖߌ߬ߦߊ߬ߖߟߎ߬ߦߊ߬߸ ߊ߬ ߞߎߡߊ߫ ߘߊ߫ ߣߌ߫ ߞߎߡߊ߫ ߡߊߟߍߟߍ߫ ߕߍ߫.

<<ߒ ߡߊ߫ ߣߊ߬ ߒ ߖߘߍ߬ ߢߍ߫ ߤߊ߲߫߸ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߞߊ߬ ߒ ߞߋߟߊ߫ ߞߏ߫ ߒ ߧߋ߫ ߣߊ߬߸ ߡߍ߲ ߘߏ߲߰ߣߴߊ߬ ߡߊ߬ ߞߵߊ߬ ߦߌ߬ߘߊߞߵߊ߬ ߟߊ߫، ߡߍ߲ ߕߍ߫ ߝߐ߫ ߟߴߊ߬ ߢߍ߫߸ ߞߵߏ߬ ߝߐ߫ ߊ߬ ߢߍ߫، ߒ ߕߍ߫ ߡߐ߰ ߟߊ߫ ߥߊߘߌ߫ ߞߐ߫߸ ߒ ߕߍ߫ ߝߏߦߌ߬ ߞߐ߫، ߣߌ߫ ߒ ߖߍ߬ߘߍ ߡߊ߫ ߣߊ߬ ߞߊ߬ ߣߊ߬ ߣߌ߲߬ ߦߋ߫߸ ߡߍ߲ ߠߎ߬ ߓߊ߯ ߣߊ߬߸ ߊ߬ߟߎ߬ ߘߌ߫ ߥߊ߫ ߏ߬ ߟߎ߫ ߕߍ߬ߘߍ߫ ߘߌ߬ߓߌ ߘߐ߫ ߞߊ߬ ߥߊߘߌߓߊ ߟߊߘߍ߬ ߞߵߊ߬ ߘߴߏ߬ ߟߎ߫ ߡߊ߬߸ ߊ߬ߟߎ߬ ߘߴߊ߬ߟߎ߬ ߞߐߛߊ߬ߦߌ߲߫ ߞߊ߬ ߥߊ߫، ߡߍ߲ ߓߊ߯ ߞߋ߲߬ߥߟߎ߫ ߂߀߀ ߛߐ߬ߘߐ߲߬ ߞߵߏ߬ ߓߌ߬ߟߵߊ߬ ߖߎߝߊ ߘߐ߫߸ ߏ߬ ߘߌ߫ ߥߊ߫ ߞߎߡߊ߫ ߜߘߍ߫ ߝߐ߫ ߊ߬ ߡߊ߫ ߡߍ߲ ߦߋ߫ ߞߣߍ ߞߊ߲߬.>>

ߞߊ߬ߕߎ߲߯߸ ߡߐ߱ ߟߎ߬ ߓߘߊ߫ ߘߋ߬ߙߌ߬ ߡߍ߲ ߠߊ߫߸ ߡߍ߲ ߠߎ߬ ߦߋ߫ ߣߊ߬ ߟߊ߫ ߞߏ߫ ߞߊ߬ ߣߊ߬ ߞߏ ߟߎ߬ ߢߊߢߌߣߌ߲߫ ߞߊ߬ ߥߴߊ߬ ߕߎ߬ߢߊ ߝߐ߫ ߞߊ߲ߕߌ߮ ߦߋ߫߸ ߊ߬ߟߎ߬ ߘߴߏ߬ ߟߎ߬ ߞߟߌ߫ ߘߓߌ߬ ߘߐ߫ ߞߊ߬ ߘߏߣߍ߲߫ ߣߙߊ߫ ߏ߬ ߟߎ߬ ߕߍ߯߸ ߞߊ߬ ߥߊ߫ ߝߎ߯ߘߌ ߞߍ߫ ߕߎ߬ߢߊ ߢߍߡߊ߬، ߡߏ߬ߙߌ߬ߛߊ߲߬ߘߊ߬ ߞߎߦߊߕߍ߫ ߞߵߊ߬ ߦߌ߬ߘߊ߬ ߞߏ߫: <<ߏ߬ ߕߍ߫ ߓߍ߲߬ ߒߠߋ ߓߘߊ ߤߊ߲߫، ߕߎ߬ߢߊ ߡߍ߲ ߘߏ߲߰ߣߴߊ߬ ߡߊ߬ ߖߐ߫߸ ߒ ߧߴߏ߬ ߟߋ ߝߐ߫ ߟߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫.>>

ߛߌ߯ߙߌ߲߫ ߘߊ߬ߡߊ߲߬ ߞߏ ߣߌ߲߬ ߞߎߡߊ ߕߎ߲߬ ߓߘߊ߫ ߛߌߦߊߦߊ߫ ߞߏߛߓߍ߫، ߘߋ߲ߡߌߛߍ߲ ߠߎ߬ ߞߊ߬ߛߌ߬ ߞߊ߲ ߠߋ߬ ߞߏ߫ ߊ߬ߟߎ߬ ߟߊ߫ ߘߎ߱ ߟߋ߬ ߘߐߕߌߢߍ ߦߴߌߘߐ߫߸ ߊ߬ߟߎ߬ ߟߊ߫ ߖߌ ߟߋ߬ ߘߐߕߌߢߍ ߦߴߌߘߐ߫߸ ߊ߬ߟߎ߬ ߟߊ߫ ߕߎ، ߏ߬ ߟߋ ߖߍ߬ߘߍ ߞߏߛߐ߲߬߸ ߞߊ߬ ߞߐ߲߰ ߞߏߕߌ߮ ߢߌ߲߬ ߠߎ߬ ߟߊ߫ ߣߊ߬ߟߌ ߢߍ߫߸ ߘߋ߲ߡߌߛߍ߲ ߠߎ߬ ߣߌ߫ ߛߌ߯ߙߌ߲߫ ߡߐ߰ߓߊ ߟߎ߫ ߟߋ߬ ߝߟߐ߫ ߛߐ߰ ߘߊ߫ ߢߐ߲߯ߦߋ ߡߊ߬ ߡߎߣߎ߲߬.

ߞߏߕߌ߮ ߟߊ߫ ߞߎߡߊ ߣߌ߲߬ ߓߍ߫ ߢߌߣߌ߲߫ ߞߊ߬ ߡߐ߱ ߟߎ߫ ߖߌ߰ߕߎ߲߰ ߣߍ߲ߞߍ߫، ߓߊ߬ߙߌ߬߸ ߛߌ߰ ߞߍߣߍ߲߫ ߞߊ߬ ߡߋ߬ߘߋ ߡߊߞߐ߬ߣߐ߲߬߸ ߦߊ߯ߟߊ߫ ߦߙߐ߫ ߘߐߕߌߢߍߣߍ߲߲ ߡߍ߲ ߠߎ߬ ߖߌ߬ߦߊ߬ߖߟߎ߬ߦߊ߬ߣߍ߲߫ ߣߌ߲߬߸ ߏ߬ ߟߎ߬ ߞߐ ߘߌ߫ ߞߍ߫ ߢߌ߬ߡߊ߬ ߘߌ߫ ߞߊ߬ ߓߐ߫ ߞߐߣߊߞߙߌ߫ ߓߊ߬؟

ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫