ߝߐ߰ߓߍ߬ ߜߙߊ ߘߏ߫ ߟߋ߬ ߞߍ߫ ߘߊ߫ ߛߌ߯ߙߌ߲߫ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߃ ߣߌ߲߬ ߡߊ߬߸ ߞߊ߬ߝߏ߬ߙߋ߲ ߡߙߊ߬ߓߊ߮ ߟߎ߫ ߞߵߊ߬ߟߎ߬ ߟߊ߫ ߓߊ߯ߙߊ߫ ߞߍߣߍ߲ ߠߎ߬ ߘߊ߲߭ߕߍ߰ ߡߍ߲ ߘߐ߫ ߛߓߍ߫ ߟߊߘߊ߲ ߡߊ߬ߘߎ߮ ߘߐ߫، ߓߊ߯ߙߊ߫ ߡߎߙߊ߲߫ ߞߏ߫ ߜߟߍߦߊ ߣߴߊ߬ ߕߊ߫߸ ߊ߬ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߠߎ߬ ߞߵߊ߬ߟߎ߬ ߟߊ߫ ߛߌߦߊߡߊ߲߫ ߞߍ ߦߌ߬ߘߊ߫ ߟߊ߬ߢߎ߬ߡߍ߬ߙߋ߲߬ߧߊ߬ߟߌ ߡߊ߬ߘߎ߮ ߘߐ߫߸ ߊ߬ ߣߌ߫ ߛߓߍ ߟߎ߬ ߟߊߞߎ߲߬ߘߎ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߡߊߟߐ߲ ߓߊ߯ߙߊ ߘߐ߫ ߛߊ߬ߙߌ߬ߦߊ߬ ߞߎ߲ߘߊ߫.

ߛߌ߯ߙߌ߲߫ ߞߊ߬ߝߏ߬ߙߋ߲ ߣߐ߬ ߛߋ߲߬ߕߊ߬ߓߊ߫ ߟߋ߬ ߞߍ߫ ߟߊ߫ ߘߎ߰ߘߋ߲߬ߧߊ ߛߓߍ߫ ߟߊߘߊ߲ ߠߎ߬ ߘߐ߫ ߛߊ߲߭ ߂߀߂߅ ߞߎ߲߬ߕߊ߮ ߞߣߐ߫،  ߞߊ߬ߕߎ߲߯߸ ߊ߬ߟߎ߫ ߞߊ߬ ߝߐ߰ߓߍ߬ ߜߙߊ ߘߏ߫ ߟߋ߬ ߡߊߞߟߌ߫߸ ߡߍ߲ ߢߊ߰ߘߐ߬ߘߌߦߊ ߕߎ߲߬ ߦߋ߫ ߞߊ߬ߝߏ߬ߙߋ߲ ߘߎ߰ߘߋ߲߬ߧߊ ߞߎ߲߬ߠߊ߬ߛߌ߰ ߞߎ߲ߕߌ߮ ߓߟߏ߫߸ ߟߏ߲߬ߛߋߣߌ߲߫ ߞߊ߲ߛߊ߲߫ ߘߎ߲߬ߓߎ߬ߦߊ߬، ߝߐ߰ߓߍ߬ ߜߙߊ ߣߌ߲߬ ߘߐ߫߸ ߊ߬ ߞߊ߬ ߞߐߝߟߌ߫ ߛߐ߬ߘߐ߲߬ߣߍ߲ ߠߎ߫ ߘߊ߲߭ߕߍ߰ ߛߐ߬ߘߐ߲߬ ߛߓߍ߬ ߞߏ ߡߊ߬ߘߎ߮ ߘߐ߫߸ ߊ߬ ߣߌ߫ ߝߘߎߛߘߌ߫ ߛߓߍ߫ ߞߏ ߣߌ߫ ߛߊ߲߬ߞߊ߬ ߛߓߍ߬ ߞߏ.

ߞߊ߲ ߡߍ߲ ߠߎ߬ ߝߐ߫ ߘߴߊ߬ߟߎ߬ ߓߟߏ߫߸ ߛߐ߬ߘߐ߲߬ ߛߓߍ߫ ߂ ߉߉߇ ߛߋ߫ ߘߊ߫ ߟߊߘߊ߲߫ ߘߊ߫ ߞߊߙߏ߫ ߥߐ߯ߙߐ߫ ߞߎ߲߬ߕߊ߮ ߞߣߐ߫، ߛߐ߬ߘߐ߲߬ ߛߓߍ ߞߏߢߊ ߏ߬ ߘߐ߫߸ ߘߋ߲ߣߍ߲߫ ߗߍ߬ߡߊ߲߬ ߁ ߅߁߉ ߦߴߊ߬ ߘߐ߫߸ ߞߵߏ߬ ߟߊ߫ ߡߛߏ߬ߡߊ߲߬ ߁ ߄߇߇ ߞߊ߲߬، ߞߵߊ߬ ߟߊ߫ ߡߎ߲߬ ߞߊ߲߬߸ ߛߐ߬ߘߐ߲߬ ߛߓߍ߫ ߆߆߅߸ ߏ߬ ߟߋ ߟߊߘߊ߲߫ ߘߊ߫ ߕߎ߬ߡߊ ߞߐߝߍ߬ (ߡߍ߲ ߠߎ߬ ߡߊ߫ ߞߍ߫ ߊ߬ ߥߊ߯ߕߌ ߟߊ߫)߸ ߗߍ߬ ߄߈߃ ߦߴߏ߬ ߘߐ߫߸ ߡߏ߬ߛߏ߫ ߁߈߂.

Un homme portant une casquette lit des documents à une table décorée de tissu jaune avec des motifs. Plusieurs personnes sont assises autour, attentives au discours.

ߊ߬ߟߋ߬ ߖߊ߬ߕߋ߬ ߞߏ ߣߌ߲߬ ߘߐ߫߸ ߡߍ߲ ߥߙߊ߬ ߘߴߊ߬ ߓߍ߯ ߘߌ߫߸ ߏ߬ ߟߋ ߞߍ߫ ߘߊ߫ ߛߐ߬ߘߐ߲߬ ߛߓߍ ߟߎ߬ ߟߊߢߎߡߍߙߋ߲ߦߊ ߘߌ߫،  ߏ߬ ߘߊߞߎ߲ ߘߐ߫߸ ߛߐ߬ߘߐ߲߬ ߛߓߍ߬ ߂߅ ߂߁߇ ߛߋ߫ ߘߊ߫ ߟߊߢߎߡߍߙߋ߲ߧߊ߫ ߟߊ߫ ߞߊ߬ ߞߐ߲߰ ߓߊ߯ߙߊ ߟߊߟߐ߭ ߢߍ߫߸ ߏ߬ ߡߍ߲ ߞߎ߲߭ ߞߍ߫ ߘߊ߫ ߖߐ߯ߙߊߒߕߊ߲ߧߊ ߘߌ߫، ߕߋ߲߭ߕߋ߲߭ ߣߌ߲߬ ߘߐ߫߸ ߛߐ߬ߘߐ߲߬ ߛߓߍ߫ ߃߀߃ ߟߊߘߊ߲ ߦߴߌߘߐ߫߸ ߃ ߂߀߀߸ ߏ߬ ߟߎ߬ ߦߋ߫ ߟߊ߬ߘߏ߲߬ߠߌ߲ ߘߊߞߎ߲ ߘߐ߫ ߡߎߣߎ߲߬.

ߡߍ߲ ߟߐ߬ߣߍ߲߫ ߛߓߍ߫ ߞߏ ߕߐ߭ ߟߎ߫ ߡߊ߬߸  ߝߘߎߛߘߌ߫ ߛߓߍ߫ ߂߅߉ ߟߋ߬ ߟߊߘߊ߲߫ ߘߊ߫ ߛߌ߯ߙߌ߲߫ ߞߊ߬ߝߏ߬ߙߋ߲ ߓߟߏ߫ ߂߀߂߅ ߛߊ߲߭ ߡߎ߰ߡߍ ߞߣߐ߫، ߛߦߊ߬ ߞߏ ߛߌߟߊ ߝߍ߬߸ ߊ߬ߟߎ߫ ߞߊ߬ ߛߊ߲߬ߞߊ߬ ߛߓߍ߫ ߅߀ ߟߊߘߊ߲߫ ߛߊ߬ߙߌ߬ߦߊ߬ ߟߊ߫ ߥߊ߯ߕߌ߫ ߝߐߣߍ߲ ߞߣߐ߫߸ ߏ߬ ߡߍ߲ ߘߊ߲߭ ߦߋ߫ ߛߊ߬ߦߊ ߞߍ ߞߊߙߏ߫ ߝߌ߬ߟߊ ߘߌ߫، ߛߊ߲߬ߞߊ߬ ߛߓߍ߬ ߅߀ ߏ߬ ߘߐ߫߸ ߗߍ߬ ߃߅߸ ߡߛߏ߬ ߁߅، ߊ߬ߟߎ߬ ߡߊ߫ ߛߊ߲߬ߞߊ߬ ߛߓߍ ߝߋ߲߫ ߠߊߘߊ߲߫ ߥߊ߯ߕߌ߫ ߟߊߕߍ߰ߣߍ߲ ߞߐߝߍ߬߸ ߏ߬ ߞߎߡߊ߫ ߡߊ߫ ߝߐ߫ ߊ߬ߟߎ߬ ߓߟߏ߫.

Groupe de personnes assises lors d'une réunion, avec des femmes et des hommes de différentes origines, habillés de manière décontractée et professionnelle. Quelques personnes portent des vêtements colorés et sont attentives.

ߖߊ߬ߕߋ ߡߍ߲ ߠߎ߬ ߦߴߏ߬ ߘߌ߫߸ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߛߌ߯ߙߌ߲߫ ߞߊ߬ߝߏ߬ߙߋ߲ ߛߓߍ߫ ߟߊߘߊ߲ߠߊ ߟߎ߬ ߞߵߊ߬ߟߎ߬ ߟߊ߫ ߓߊ߯ߙߊ ߘߏ߫ ߞߍ߫߸ ߓߊ߯ߙߊ߫ ߡߎߙߊ߲߫ ߞߏ߫ ߜߟߍߦߊ ߣߴߊ߬ ߕߊ߫߸ ߊ߬ߟߎ߫ ߛߋ߫ ߘߊ߫ ߢߌ߲߬ ߠߋ߬ ߞߍ߫ ߟߊ߫، ߣߴߏ߬ ߕߍ߫߸ ߛߓߍ߫ ߛߐߘߐ߲ ߞߏ߬ߣߌ߲ ߦߋ߫ ߓߊ߲߬ߓߊ߬ ߓߏ߬ ߟߊ߬ߦߟߍ ߟߋ߬ ߘߌ߫ ߖߡߊ߬ߣߊ߬ߘߋ߲ ߠߎ߬ ߡߊ߬.

ߌߓߙߊߤߌߡߊ߬ ߝߙߊ߬ߓߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.