ߛߌ߯ߙߌ߲߫: ߥߟߏߒߘߐ߫ ߕߎ߬ߡߘߊ߬ߓߊ߲ߣߍ߲ ߠߎ߬ ߞߍ߬ߟߍ ߓߘߊ߫ ߝߊ߲߬ߞߊ߫ ߛߐ߬ߘߐ߲߫ ߝߘߏ߬ߓߊ߬ ߞߍ߲ߘߍߦߊ ߟߊߕߊ߲߬ߞߊ߬ ߞߊ߲ߡߊ߬

ߛߌ߯ߙߌ߲߫ ߞߣߐ߫߸ ߝߊ߰ߡߊ ߟߎ߬ ߓߘߊ߫ ߥߌ߬ߟߌ߫ ߥߟߏߒߘߐ߫ ߡߊߛߌߟߊ߲ߣߍ߲ ߠߎ߬ ߞߍ߬ߟߍ ߘߌ߫ ߘߊߥߎ߲ߕߊ ߟߎ߬ ߞߊߡߊ߲ ߘߐ߫، ߊ߬ߟߎ߫ ߣߐ߬ ߞߙߊ߬ߖߊ߬ߥߏ߬ ߟߊߜߍߓߊߟߌ ߞߙߌߕߌ߫ ߃߀ ߟߋ߬ ߖߋ߬ߣߌ߲߬ ߠߊ߫ ߕߐ߲߬ߞߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߙߌߘߐ߫ ߜߍߟߍ߲߫ ߕߊ߬ ߝߋ߲߫ ߞߙߌߞߙߊ ߟߎ߫ ߞߍ߬ߟߍ ߘߐ߫߸ ߞߊ߬ ߖߡߊ߬߬ߣߊ߬ߘߋ߲ ߠߎ߬ ߟߊ߫ ߞߍ߲ߘߍߦߊ ߟߊߕߊ߲߬ߞߊ߬.

ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂߂ ߞߍ߫ ߘߊ߫ ߖߊ߬ߡߊ ߟߊ߫ ߞߍ߲ߘߍߦߊ ߟߊߕߊ߲߬ߞߊ ߟߏ߲ߓߊ ߟߋ߬ ߘߌ߫߸ ߏ߬ ߟߋ ߦߙߍߞߍߟߌ ߛߌ߰ ߘߊ߫ ߛߋ߲߬ߠߊ߫ ߛߌ߯ߙߌ߲߫ ߞߣߐ߫، ߘߐ߬ߜߏ߲߬ߜߏ߲߬ߠߌ߲߬ ߦߙߐ ߡߍ߲ ߦߋ߫ ߕߐ߬ߞߊ߫߸ ߥߟߏߒߘߐ߫ ߘߊߥߎ߲ߕߊ߫ ߟߊߜߍߓߊߟߌ ߞߙߌߕߌ߫ ߃߂ ߟߋ߬ ߖߋ߬ߣߌ߲߬ ߘߊ߫ ߦߋ߲߬ ߓߌ߬߸ ߏ߬ ߡߍ߲ ߓߊ߯ߙߊ ߞߍ߫ ߘߊ߫ ߥߟߏߒߘߐ ߟߎ߬ ߛߎ߯ߦߊ ߜߋ߬ߟߎ߲߬ߠߌ߲ ߗߋߢߘߊ ߓߟߏ߫߸ ߞߊ߬ ߕߊ ߓߌ߬ߟߴߊ߬ߟߎ߬ ߟߊ߫ ߞߵߊ߬ߟߎ߬ ߞߍ߫ ߞߎߙߍ߫، ߏ߬ ߘߏ߲߬ ߞߍ߫ ߘߊ߫ ߟߋ߬߸ ߞߵߊ߬ ߛߐ߬ߘߐ߲߬ ߡߊ߬ߡߙߊ߬ߟߌ ߝߊ߰ߡߊ ߟߎ߫ ߕߍ߬ߘߍ߫ ߦߋ߲߬߸ ߞߵߏ߬ ߟߊ߫ ߞߊ߬ߝߏ߬ߙߋ߲ ߣߌ߫ ߞߕߌ ߞߏߟߊߕߍ߮ ߟߎ߫ ߞߊ߲߬.

ߦߙߍߞߍߟߌ ߣߌ߲߬ ߓߎ߲ߓߎ߲ߣߍ߲߫ ߕߍ߬ߘߍ߫ ߘߊߥߎ߲ߕߊ ߟߎ߫ ߟߋ߬ ߡߊ߬߸ ߡߍ߲ ߠߎ߬ ߕߎ߬ߡߊ߬ߘߊ ߓߘߊ߫ ߕߊ߬ߡߌ߲߬߸ ߊ߬ ߣߌ߫ ߟߊ߬ߗߋ߲߬ߧߊ߬ߟߌ߬ߝߋ߲ ߠߎ߬ ߣߌ߫ ߓߊߛߌ ߘߏ߫ ߟߎ߫߸ ߊ߬ ߦߋ߫ ߘߊ߫ ߞߏ߫ ߡߍ߲ ߠߎ߬ ߡߊ߲߫ ߘߌ߫ ߊߘߡߊߘߋ߲ ߠߊ߫ ߞߍ߲ߘߍߦߊ ߟߊ߫، ߘߊߥߎ߲ߕߊ ߏ߬ ߟߎ߬ ߞߙߌߕߌ߫ ߃߁߸ ߟߊ߬ߗߋ߲߬ߧߊ߬ߟߌ߬ߝߋ߲ ߠߎ߬ ߞߌߘߊ߫ ߅߀߀߸ ߞߵߏ߬ ߟߊ߫ ߓߊߛߌ߫ ߕߌߢߍߣߍ߲ ߞߌߘߊ߫ ߅߀߀ ߞߊ߲߬، ߊ߬ߟߎ߬ ߟߊ߫ ߓߊ߯ߙߊ ߣߌ߲߬ ߘߐ߫߸ ߝߊ߰ߡߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߞߍ߲ߘߍߦߊ ߖߐ߬ߘߐ ߟߋ߬ ߡߊߕߊ߲߬ߞߊ߬، ߞߊ߬ ߓߊ߲߫߸ ߝߋ߲߫ ߛߌ߫ ߣߌ߫ ߝߋ߬ߙߋ ߡߊ߲߫ ߞߊ߲߫߸ ߥߟߴߊ߬ ߣߌ߫ ߘߊߥߎ߲ ߡߊ߲߫ ߞߊ߲߫߸ ߏ߬ ߟߎ߬ ߘߌ߫ ߛߋ߫ ߕߊ߲߬ߞߊ߬ ߟߊ߫ ߟߐ߯ ߞߣߐߟߊ ߡߊ߬ ߢߊ ߡߍ߲߸ ߊ߬ߟߎ߬ ߦߴߏ߬ ߟߋ ߢߊߢߌߣߌ߲ ߞߊ߲߬.

ߒ߬ߓߊ߬߸ ߡߊߡߊߘߎ߫ ߛߊߟߌߥߎ߬ ߛߊ߲ߜ߭ߊߙߋ߫ ߡߍ߲ ߦߋ߫ ߛߎ߯ߦߊ ߟߎ߫ ߜߋ߬ߟߎ߲ ߓߏ߲ߘߋ߲ ߞߎ߲߬ߕߌ߮ ߘߌ߫߸ ߏ߬ ߞߎߡߊ߫ ߘߊ߫ ߖߋ߬ߣߌ߲߬ߠߌ߲߬ ߞߏ ߣߌ߲߬ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߞߏ߫ ߛߌߦߊߡߊ߲߫ ߠߋ߬ ߢߍߓߍ߲߬ ߠߊ߫.

<<ߊ߲ ߧߋ߫ ߓߌ߬ ߡߍ߲ ߘߐ߫ ߕߋ߲߬߸ ߥߟߏߒߘߐ߫ ߕߌߢߍߣߍ߲ ߡߍ߲ ߦߴߊ߲ ߓߟߏ߫ ߦߊ߲߬߸ ߏ߬ ߟߋ ߞߙߌߕߌ߫ ߃߂ ߘߌ߫، (…) ߂߀߂߅ ߞߎ߲߬ߕߊ߮ ߞߣߐ߫߸ ߊ߲ ߠߊ߫ ߓߊ߯ߙߊ߫ ߘߊߞߎ߲ ߣߌ߲߬ ߛߋ߫ ߘߊ߫ ߥߟߏߒߘߐ߫ ߕߌߢߍߣߍ߲ ߞߙߌߕߌ߫ ߁߁߂ ߟߋ߬ ߖߋ߬ߣߌ߲߬ ߠߊ߫ ߞߎߙߍ߫.>>

ߖߎ߬ߟߊ߬ߦߊ ߝߊ߰ߡߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߊ ߡߍ߲ ߞߍߣߍ߲߫ ߣߌ߲߬߸ ߏ߬ ߕߴߛߋ߫ ߣߐ߰ߦߊ߬ ߟߊ߫ ߢߊ߫ ߛߌ߫ ߡߊ߬߸ ߣߌ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߘߍ߬ߡߍ߲ ߕߍ߫، ߊ߬ߓߎ ߛߎߡߊߥߙߏ߫ ߡߍ߲ ߦߋ߫ ߡߙߊ߬ߓߊ߰ߘߊ ߖߎ߬ߟߊ߬ߦߊ ߗߋߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߝߏ߫ ߖߡߊ߬ߣߊ߬ߘߋ߲ ߠߎ߬ ߣߌ߫ ߛߋߒߞߏߟߊ߫ ߗߋߢߘߊ ߟߋ߬ ߦߴߊ߬ ߓߟߏ ߘߌ߫ ߢߐ߲߮ ߡߊ߬ ߞߊ߬ ߓߊ߯ߙߊ߫:

<<ߊ߲ ߠߊ߫ ߥߛߊ߬ߘߊ߬ߕߌ߮ ߟߎ߬ ߦߋ߫ ߞߝߍ ߞߊ߲߬ ߠߋ߬ ߛߊ߲߭  ߺ ߊ ߺ ߛߊ߲߬߸ ߞߊ߬ ߥߟߏߒߘߐ߫ ߟߎ߫ ߓߐ߫ ߟߐ߮ ߞߣߐ߫߸ ߡߍ߲ ߠߎ߬ ߟߊߜߍߣߍ߲߫ ߕߍ߫߸ ߡߍ߲ ߠߎ߬ ߕߴߛߋ߫ ߘߊߥߎ߲߫ ߠߊ߫ (…)، ߖߡߊ߬ߣߊ߬ߘߋ߲ ߠߎ߬ ߟߋ߬ ߞߊ߫ ߞߊ߲߫ ߞߊ߬ ߝߋ߲߫ ߘߊߥߎ߲ߕߊ ߟߎ߬ ߡߊߝߟߍ߫߸ ߞߵߊ߬ ߕߌߢߍߣߍ߲ ߠߎ߬ ߞߏߝߐ߫ ߝߊ߰ߡߊ ߟߎ߬ ߦߋ߫.>>

ߞߕߌ ߝߊ߰ߡߊ ߟߎ߬ ߟߊ߫ ߞߎ߲߬ߠߊ߫߸ ߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߞߕߌߞߊ߲ߘߊ߸ ߞߊ߬ߙߊ߲߬ߡߐ߰ ߘߏߡߣߌߞ ߟߎ߬ߥߊ߬ ߞߎߡߊ߫ ߘߊ߫ ߞߵߊ߬ ߦߌ߬ߘߊ߬ ߞߏ߫ ߥߟߏߒߘߐ߫ ߡߌ߬ߣߊ߬ߣߍ߲ ߠߎ߫ ߝߋ߬ߙߋ ߦߋ߫ ߞߎ߲߬ߞߏ ߟߋ߬ ߘߌ߫ ߛߊ߬ߙߌ߬ߦߊ߬ ߢߊߞߘߐ߫߸ ߡߍ߲ ߠߊߕߐ߲ߣߍ߲߫߸ ߓߌ߲߬ߓߊߥߏ ߦߴߊ߬ ߘߊ ߝߍ߬، ߝߏ߫ ߣߐ߬ߝߍ߬ߜߍ߲߬ߠߌ߲ ߘߌ߫ ߛߋ߫ ߓߐ߫ ߟߴߊ߬ ߘߐ߫:

<<ߥߟߏߒߘߐ ߟߎ߬ ߟߊߕߊ߬ߡߌ߲߸ ߣߴߊ߬ߟߎ߬ ߣߌ߫ ߘߊߥߎ߲ ߡߊ߲߫ ߞߊ߲߫߸ ߏ߬ ߟߋ ߛߊ߬ߙߌ߬ߦߊ ߘߌ߫، ߒ߬ߞߊ߬ ߣߴߊ߬ ߡߌ߬ߣߊ߬ ߘߴߌ ߟߊ߫߸ ߏ߬ ߦߋ߫ ߞߎ߲߬ߞߏ ߟߋ߬ ߘߌ߫߸ ߣߐ߬ߝߍ߬ߜߍ߲߬ߠߌ߲ ߘߌ߫ ߛߋ߫ ߓߐ߫ ߟߊ߫ ߡߍ߲ ߘߐ߫.>> ߏ߬ ߟߋ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߜߋ߬ߟߎ߲߬ߠߌ߲߬ߘߊ ߦߴߊ߬ ߞߊߘߊ߲߫߸ ߊ߬ߟߎ߬ ߓߊ߯ ߡߍ߲ ߠߎ߬ ߕߊ ߡߌ߬ߣߊ߬߸ ߣߴߊ߬ߟߎ߬ ߡߊ߫ ߣߵߊ߬ ߘߴߊ߬ߟߎ߫ ߖߘߍ߬ ߦߋ߫߸ ߊ߬ߟߎ߬ ߦߴߏ߬ ߟߎ߬ ߞߏߝߐ߫ ߛߊ߫ ߕߍ߮ ߘߌ߫ ߞߍ߫ ߊ߬ߟߎ߬ ߘߐ߫.

ߦߙߍߞߍߟߌ ߣߌ߲߬ ߛߋ߲߭ߝߍ߬߸ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߟߐ߯ߝߍ߫ ߞߣߐߟߊ ߛߊߣߌ߲ߧߊ߫ ߟߋ߬ ߛߎߋ߫، ߞߊ߬ ߛߋ߫ ߖߎ߬ߟߊ ߟߎ߬ ߓߌ߬ߟߊ߬ ߟߊ߫ ߛߊ߬ߙߌ߬ߦߊ ߞߣߐ߫߸ ߊ߬ ߣߌ߫ ߞߊ߬ ߛߋ߫ ߘߊߥߎ߲ߠߌ߲ߠߊ ߟߎ߬ ߟߊ߫ ߞߍ߲ߘߍߦߊ ߞߣߐ߬ߜߍ߲߬ ߠߊ߫.

ߛߌ߯ߙߌ߲߫ ߛߍߝߍ߲ߘߊ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.