ߊ߬ ߓߘߊ߫ ߦߋ߫ ߛߐ߲߬ߡߊ߬ ߘߌ߫ ߓߌ߬ߟߊ߬ߒ߬ߘߐ߬ߖߎ߮ ߘߏ߫ ߘߐ߫߸ ߡߍ߲ ߞߊ߬ ߟߎߕߌ߮ ߘߏ߫ ߓߐ߬ߣߐ߫ ߊ߬ ߣߌ ߘߐ߫، ߒ߬ߓߊ߬߸ ߖߌ߬ߣߍ߫ ߘߐ߲߬ߞߟߌ߬ߟߊ߬ߟߊ ߓߘߊ߫ ߞߛߌ߫ ߥߛߎ߫ ߘߊߕߎ߲߯ߣߍ߲ ߡߊ߬ ߛߊ߫߸ ߊ߬ ߞߏ߬ߣߌ߲ ߓߍߣߊ߬ ߥߊߘߌߓߊ߫ ߛߊ߬ߙߊ߫ ߣߘߐ߬ߓߍ߲ ߣߌ߫ ߕߐ߬ߣߐ ߘߌ߫.

ߡߏ߬ߤߊ߬ߡߍ߬ߘ ߛߊߦߌߘߎ߬ ߓߊ߲߬ߜ߭ߎߙߊ߬ ߡߍ߲ ߦߋ߫ ߞߟߌ߫ ߟߊ߫ ߓߍ߯ ߓߟߏ߫ ߞߏ߫ ߛߍ߲ߜ߭ߑߟߋߕߐߣ߸ ߏ߬ ߓߘߊ߫ ߦߋ߫ ߛߐ߲߬ߡߊ߬ ߘߌ߫ ߡߐ߰ ߝߊ߰ ߞߏ ߘߏ߫ ߘߐ߫ ߡߟߊߥߟߌߒߡߊ߫ ߓߟߏ ߡߊ߬ ߞߐ߰ߦߊ߬ ߞߕߌߘߊ ߦߌߟߡߊ߫ ߝߟߐ ߟߊ߫، ߞߕߌ ߓߘߊ߫ ߕߍ߰ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߕߎߟߊߝߌ߲ ߕߟߋ߬ ߁߀߸ ߞߊ߬ ߘߏ߬ߣߌ߲߬ ߟߊ߫ ߘߐ߲߬ߠߊ߫ ߘߐ߲߬ߞߟߌ߬ߟߊ߬ߟߊ ߣߌ߲߬ ߞߎ߲߬߸ ߊ߬ ߣߌ߫ ߡߍ߲ ߦߊ߫ ߞߊ߲߫.

ߞߕߌߘߊ ߟߊ߫ ߡߙߌߘߐ߫ ߢߊߝߐߣߍ߲ ߠߊ߫ ߝߐߟߌ߫ ߘߐ߫߸ ߞߏ߫ ߛߊ߲߬ ߞߋߟߋ߲߫ ߥߛߎ߫ ߘߐ߲ߘߐߣߍ߲ ߓߘߊ߫ ߟߊ߫ ߛߍ߲ߜ߭ߑߟߋߕߐߣ ߞߎ߲߬، ߊ߬ ߓߍߣߊ߬ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߕߊ߲߫ ߛߊ߬ߙߊ߫ ߓߌ߲߬ߓߊߥߏ ߘߌ߫.

ߓߌ߲߬ߓߊ߬ߥߏ߬ߟߌ ߖߊ߲߬ߞߌ߬ߟߌ ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߝߊ߰ߓߊ߰ߕߐ߫ ߡߏ߬ߤߊ߬ߡߍߘ ߕߙߊߥߟߋ߫ ߕߐ߬ߢߍ߰ ߞߏ ߓߊ߲ ߞߐ ߟߊߟߐ߬ ߟߴߊ߬ ߘߐ߫ ߛߊ߬ߙߌ߬ߦߊ߬ ߓߟߏ߫، ߊ߬ ߓߘߊ߫ ߦߌ߬ߘߊ߫ ߏ߬ ߘߐ߫ ߞߏ߫ ߛߍ߲ߜ߭ߑߟߋߕߐߣ ߓߘߊ߫ ߖߊߞߌ߲߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߉߀߀ ߛߊ߬ߙߊ ߟߊ߫ ߓߟߏߢߐ߲߯ߠߛߊߦߌ ߘߌ߫ ߝߊ߰ߓߊ߰ߕߐ ߞߐߙߍ ߦߋ߫.

ߡߙߌߘߐ ߏ߬ ߟߋ ߣߊ߬ߣߍ߲߫ ߘߊ߲߭ߛߌ߰ ߟߊ߫ ߞߎ߲߬ߢߐ߲߰ ߞߋߟߋ߲߫ ߣߌ߫ ߞߐ ߞߕߌ ߟߊ߫ ߣߌ߲߬߸ ߓߍ߯ ߟߊߘߍ߬ߣߍ߲ ߢߊ ߕߘߍ߬ ߡߍ߲ ߝߍ߬ ߖߡߊ߬ߣߊ ߝߊ߲߭ ߓߍ߯ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫

Administrateur Général

Lonkassia CAMARA