ߊ߲ ߖߌ߲ߞߌ߲ߣߍ߲߫ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߛߓߍߟߌߣߐ߫ ߞߟߊߒߞߋ ߘߏ߫ ߟߋ߬ ߡߊ߬߸ ߒߞߏ ߛߓߍߛߎ߲߫ ߞߊ߲ߡߊߛߙߋߡߊ ߛߌ߲ߘߌߓߊ߮، ߛߓߍߟߌߣߐ ߏ߬ ߦߋ߫ ߖߌ߬ߣߍ߬ ߞߊ߲ߓߍ߲ ߛߌ߰ߞߊ߲߬ ߝߟߐߝߟߐ ߟߋ߬ ߘߌ߫߸ ߡߍ߲ ߠߊߘߊ߲߫ ߘߊ߫ ߖߘߍ߬ߕߌ߰ߦߊ ߞߐߝߍ߬ ߞߎ߲߬ߢߐ߲߰ ߘߊ߲ߘߐ߫ ߟߊ߫ ߁߉߅߈ ߣߍߣߍߓߊ ߕߟߋ߬ ߁߀ ߡߊ߬، ߛߓߍߟߌ ߣߌ߲߬ ߦߋ ߞߍߣߍ߲߫ ߛߊߣߌ߲߫ ߦߋ ߟߋ߬ ߘߴߊ߲ ߓߟߏ߫߸ ߡߍ߲ ߦߋ߫ ߕߊ߬ߡߌ߲߬ ߠߊ߫ ߒߞߏ ߟߊ߫ ߛߊ߲ߡߊߟߏߟߏߦߊ ߣߌ߫ ߟߐ߲ߞߏߕߌ߯ ߛߟߏ߬ߡߣߊ߬ ߟߊ߫ ߛߌߣߌ߲ߦߋ ߦߌ߬ߘߊ߬ ߟߊ߫ ߞߏߞߎߘߊ߫ ߟߐ߲ߠߌ߲ ߠߊߥߙߎߞߌ ߘߐ߫߸ ߞߎߡߊߕߍ߫ ߛߊ߬ߙߌ߬ߦߊ ߟߎ߬ ߦߟߍ߬ߡߊ߲ ߡߊ߬ ߒߞߏ ߛߓߍߟߌ ߘߐ߫ ߊ߬ߟߎ߬ ߢߊߦߋ߫ ߞߊ߲ߡߊ߬.

Cover page of the Constitution of Guinea, featuring text in multiple languages, including Arabic and French.
An old document showing the constitution of Guinea, with faded text and frayed edges, presenting sections about sovereignty and territorial collectives.
An old, worn page of a handwritten document with visible aging and damage, featuring text in a decorative script.

ߊ߲ ߢߊ ߛߙߋߦߊ߫ ߘߊ߫ ߡߍ߲ ߡߊ߬߸ ߏ߬ ߦߋ߫ ߞߐߜߍ߫ ߝߌ߬ߟߊ߫ ߟߋ߬ ߘߌ߫߸ ߒߞߏ ߦߋ߫ ߝߊ߲߬ ߘߐ߸ ߝߊ߬ߙߊ߲߬ߛߌ ߦߋ߫ ߝߊ߲߬ ߘߐ ߝߍ߬، ߊ߬ ߛߓߍߟߌ ߛߊߣߌ߲ߡߊ߲߫߸ ߤߊߟߌ߬ ߖߏ߰ߛߟߌ߬ߣߐ߫ ߕߴߊ߬ ߘߐ߫߸ ߝߏ߫ ߦߙߋߟߋ߲ ߘߌ߲߬ߞߌߙߊ ߡߍ߲ ߠߎ߬ ߓߘߊ߫ ߡߎ߯ߡߍ߮ ߘߊߡߌ߬ߣߊ߫ ߥߎ߬ߛߎ ߟߊ߫ ߖߊ߲߰ߧߊ ߓߟߏ߫، ߣߌ߲߬ ߠߋ߬ ߦߋ߫ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߟߐ߲ߞߏߕߌ߯ߦߊ ߦߌ߬ߘߊ߬ߟߊ߲ ߘߌ߫߸ ߞߵߊ߬ ߦߌ߬ߘߊ߬ ߞߏ߫ ߛߓߍߛߎ߲ ߡߊ߫ ߟߊߘߊ߲߫ ߗߋߛߓߍߢߐ߲߯ߦߊ ߘߐߙߐ߲߫ ߞߊ߲ߡߊ߬߸ ߊ߬ ߟߊߘߊ߲ߣߍ߲߫ ߡߊ߬ߞߏ߬ߢߊ߬ ߞߊ߲ ߠߋ߬ ߡߊ߬ ߟߐ߲ߠߌ߲ ߠߎ߬ ߟߊߕߊ߬ߡߌ߲ ߘߐ߫ ߝߘߊ߬ߝߌ߲߬ߠߊ߬ ߞߣߐ߫.

ߘߟߊߡߌߘߊߟߌ ߣߌ߲߬ ߘߏ߲߬ ߡߊ߫ ߣߊ߲߬ߝߟߏ߬ߦߊ߫ ߞߎ߲߬ߠߊ߬ߛߌ߯ ߓߟߏ߫߸ ߊ߬ ߞߍ߫ ߘߴߊ߬ ߖߘߍ߬ߞߊߣߌ߲ ߠߋ߬ ߓߟߏ߫ ߟߐ߲ߞߏߕߌ߯ߦߊ ߟߊ߬ߢߌߣߌ߲ ߞߊ߲߬: ߒߞߏ ߦߋ߫ ߛߋ߫ ߘߎߢߊ߫ ߟߐ߲ߠߌ߲ ߓߍ߯ ߘߊ߲߭ߕߍ߰ ߟߊ߫߸ ߟߐ߲ߞߏ ߘߐ߫߸ ߡߟߋߞߎߦߊ ߘߐ߫߸ ߘߌ߯ߣߊ ߘߐ߫߸ ߞߎ߬ߙߎ߲߬ߘߎ ߘߐ߫، ߛߌ߰ߞߊ߲ ߣߌ߲߬ ߦߴߊ߬ ߟߊ߫ ߓߊ߯ߙߊ ߟߎ߬ ߘߐ߫ ߛߌߣߍߣߍ߲߫ ߠߋ߬ ߘߌ߫، ߓߊߏ߬ ߁߉߄߉ ߣߌ߫ ߁߉߈߂ ߕߍߟߊ ߘߐ߫߸ ߊ߬ ߛߋ߫ ߘߊ߫ ߞߊ߬ߝߊ߫ ߁߈߅ ߛߓߍ߫ ߟߊ߫، ߊ߬ ߟߊ߫ ߞߝߊ߬ ߛߓߍ ߟߊߓߊ߲ ߞߍ߫ ߘߊ߫ ߤߊߕߍ߫ ߟߋ߬ ߘߌ߫߸ ߏ߬ ߡߍ߲ ߦߋ߫ ߞߊ߬ߙߊ߲߬ ߞߝߊ߫ ߘߌ߫߸ ߡߍ߲ ߛߓߍ߫ ߘߊ߫ ߒߞߏ ߛߓߍߟߌ ߛߊ߬ߙߌ߬ߦߊ߬ ߞߎߘߊ ߟߎ߬ ߟߊ߫߸ ߊ߬ ߣߌ߫ ߛߓߍߘߋ߲߫ ߡߊߝߊ߬ߟߋ߲߬ߣߍ߲ ߠߎ߬ ߟߊ߫، ߒ߬ߓߊ߬߸ ߛߌ߰ߞߊ߲ ߡߍ߲ ߛߓߍߣߍ߲ ߦߋ߫ ߘߴߊ߲ ߓߟߏ߫߸ ߏ߬ ߛߓߍߣߍ߲߫ ߕߘߍ߬ ߛߓߍ߫ ߢߊ߫ ߞߘߐ ߟߋ߬ ߘߐ߫߸ ߖ ߣߌ߫ ߗ ߣߌ߫ ߙ ߟߎ߬ ߟߊߖߌ߰ߣߍ߲߫ ߕߘߍ߬ ߥߊ߯ߕߌ ߡߍ߲ ߠߊ߫ ߞߊ߬ߣߌ߲߬߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߘߐ߬ߛߙߋ߬ ߞߘߐ ߟߋ߬ ߝߋߎ߫.

ߓߟߏߟߊߛߓߍߟߌ ߣߌ߲߬ ߠߊߛߐ߬ߘߐ߲߬ ߘߊ߫ ߒߞߊ߬ߙߊ߲߬ߡߐ߯ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߫ ߟߋ߬ ߟߊ߫ ߛߐ߲߬ߞߐ߬ߟߐ߲߬ߧߊ ߟߊ߫߸ ߞߊ߲ߕߍ߫ ߞߍ߲ߘߍ ߞߵߊ߬ ߟߊ߫ ߞߊ߬ߝߊ ߟߎ߬ ߞߊ߬ߙߌ߬ߝߊ߬ ߡߍ߲ ߠߴߊ߬ߟߎ߬ ߟߊߖߍ߲ߛߍ߲ ߡߙߌߦߊ ߘߌ߫߸ ߛߴߊ߬ߟߎ߬ ߘߌ߫ ߓߍ߯ ߓߟߏߟߊߛߐ߬ߘߐ߲߬، ߒ߬ߓߊ߬߸ ߣߌ߲߬ ߦߋ߫ ߞߏ߫ ߘߝߐ߬ߡߊ߬ߓߊ߫ ߟߋ߬ ߘߌ߫߸ ߟߐ߲ߠߌ߲ ߠߊߡߊ߲߬ߘߌ ߣߴߊ߬ ߟߊߛߋ ߘߐ߫ ߒߞߏ ߛߓߍߟߌ߫ ߞߟߊߒߞߋ ߟߊ߫.

ߛߓߍߟߌ ߣߌ߲߬ ߦߋ߫ ߡߐ߰ ߦߟߌߓߌ߬ߟߊ߬ ߟߊ߫߸ ߞߵߊ߬ ߟߐ߲߫ ߞߏ߫ ߘߎߢߊ߫ ߢߡߊߛߌ߫ ߕߟߋ ߏ߬ ߟߎ߬ ߘߐ߫ ߝߘߊ߬ߝߌ߲߬ߠߊ߫ ߦߊ߲߬߸ ߗߍ߬ ߞߋߟߋ߲ ߦߋ߫ ߛߋ߫ ߥߎߟߊ߫ ߟߊ߫ ߞߏ ߟߎ߬ ߦߋ߫ ߟߊ߫ ߣߌ߲߬ ߢߊ߸ ߞߵߊ߬ ߟߐ߲߫ ߞߏ߫ ߛߓߍߛߎ߲ ߝߊ߲߬ߞߊ ߟߋ߬ ߊ߬ ߞߣߐ߫ ߟߐ߲ߠߌ߲ ߠߊ߫ ߥߊ߬ߙߊ ߘߌ߫߸ ߏ߬ ߦߋ߫ ߡߊ߲߫ ߘߌ߫، ߒ߬ߓߊ߬߸ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߣߐ߭ ߕߍ߫ ߓߊ߲߫ ߠߊ߫ ߦߋ߫ ߟߊ߫ ߕߋ߲߬ ߠߋ߬ ߤߊߛߌ߬ߟߊ߫.

ߘߐ߬ߛߙߋ ߢߌ߲߬ ߞߊ߫ ߞߊ߲߫ ߞߊ߬ ߞߊ߬ߙߊ߲߫ ߠߋ߬ ߓߍ߯ ߓߟߏ߫ ߕߋ߲߬߸ ߞߵߊ߬ ߟߐ߲߫߸ ߟߐ߲ߞߏߕߌ߯ ߛߟߏ߬ߡߣߊ߫ ߞߊ߬ ߛߌ߰ߞߊ߲ ߞߎߡߊߘߋ߲ ߠߎ߬ ߘߟߊߡߌ߬ߘߊ߫ ߘߌ߬߸ ߊ߬ ߞߊ߬ ߞߍߞߌߦߊ ߢߌ߬ߡߊ߲߬ ߠߎ߫ ߟߋ߬ ߟߊߓߊ߯ߙߊ߫ ߛߊ߬ߙߌ߬ߦߊ߬ ߞߎߡߊߘߋ߲ ߠߎ߬ ߘߟߊߡߌ߬ߘߊ ߘߐ߫، ߝߣߊ߫߸ ߊ߬ ߓߌ߬ߟߊ߬ߕߊ ߟߋ߬ ߖߌ߬ߣߍ߫ ߘߐ߬ߛߙߋ߬ߓߊ ߟߎ߬ ߞߊ߲߬߸ ߞߵߏ߬ ߞߎ߲߭ ߞߍ߫ ߞߊ߲ߓߍ߲ ߛߌ߰ߞߊ߲ ߛߓߍ߫ ߞߏ߫ ߝߟߐ ߘߌ߫ ߖߡߊ߬ߣߊ ߞߊ߲ ߘߏ߫ ߘߐ߫ ߖߡߊ߬ߣߊ ߛߓߍߟߌ ߘߏ߫ ߟߊ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.