ߊ߬ߟߎ߬ ߟߊ߫ ߢߐ߲߯ߦߋ ߣߌ߲߬ ߘߐ߫߸ ߘߏߣߊߟ ߕߑߙߐ߲ߔ ߣߌ߫ ߝ߭ߑߟߊߘߡߌߙ ߔߎߕߌߣ ߞߊ߬ ߞߟߍ߬ߟߊ߬ߟߐ߬ ߞߏ߬ ߞߎߡߊ ߟߊ߫ ߞߍ߬ߙߍ߲߬ߞߍߙߍ߲ ߝߍ߬ ߟߋ߬߸ ߞߊ߬ ߖߐ ߓߍ߲߬ߞߊ߲߬ ߞߏ ߓߌ߬ߟߊ߬ ߢߍߝߍ߬، ߞߍߢߊ ߏ߬ ߡߍ߲ ߓߘߊ߫ ߞߌߦߍߝ߭ ߣߴߊ߬ ߘߍ߲߬ߒ߬ߞߏ߬ߡߊ߬ߢߐ߲߮ ߠߎ߬ ߞߣߐ ߞߟߦߊ߫ ߞߊ߬ߣߌ߲߬.

ߞߊ߬ ߞߐ߲߰ ߞߎߡߊ ߓߍ߯ ߢߍ߫ ߡߎߣߎ߲߬߸ ߊߟߎ߫ ߦߴߊ߬ ߟߐ߲߫ ߞߏ߫ ߘߏߣߊߟ ߕߑߙߐ߲ߔ ߟߊ߫ ߞߊ߲ߕߌ߯ߦߊ ߕߎ߬ߡߊ߸ ߂߀߁߇ ߣߌ߫ ߂߀߂߁ ߕߍߟߊ ߘߐ߫߸ ߊ߬ ߣߌ߫ ߔߎߕߌߣ ߞߊ߬ ߢߐ߲߮ ߦߋ߫ ߛߋ߲߬ߢߊ߬ ߛߌߦߊߡߊ߲߫ ߠߋ߬߸ ߞߊ߬ ߞߎߡߊߢߐ߲߯ߦߊ߫ ߞߏ߫ ߛߌߦߊߡߊ߲߫ ߝߣߊ߫، ߊ߬ߟߎ߬ ߟߊ߫ ߢߐ߲߯ߦߋ߫ ߝߟߐߝߟߐ ߞߍ߫ ߘߊ߫ ߂߀߁߇ ߟߋ߬ ߟߊ߫ ߤߊ߲ߓߎߙߖ߭߸ ߖ߭ߋ߫ ߝ߭ߍ߲ ߠߊ߫ ߢߐ߲߯ߦߋ ߘߏ߫ ߛߋ߲߭ߝߍ߬، ߊ߬ ߟߊߓߊ߲ ߞߍ߫ ߘߊ߫ ߂߀߁߈ ߞߊ߬ߙߌ߬ߝߐ ߟߋ߬ ߟߊ߫߸ ߤߍߟߑߛߞߣߌ߫، ߊ߬ߟߎ߬ ߟߊ߫ ߢߐ߲߯ߦߋ ߓߍ߯ ߞߎߡߊ ߦߋ߫ ߛߌߦߊߦߊ߫ ߟߊ߫ ߟߋ߬ ߝߋߝߋ߫߸ ߞߵߏ߬ ߞߎ߲߭ ߞߍ߫ ߖߡߊ߬ߣߊ߫ ߝߌ߬ߟߊ ߟߊ߫ ߕߍߜߟߍߦߊ ߘߌ߫. ߒ߬ߓߊ߬߸ ߛߊ߲߬ ߥߐߙߐ߲ߝߌ߬ߟߊ߫ ߕߊ߬ߡߌ߲ ߞߐߝߍ߬߸ ߊ߬ߟߎ߫ ߞߊ߬ ߢߐ߲߮ ߦߋ߫ ߞߎߣߎ߲߬ ߞߍ߲ߘߍߟߏ߲ ߡߊ߬.

ߟߊ߬ߘߍ ߡߍ߲ ߞߍ߫ ߘߊ߫ ߘߏߣߊߟ ߕߑߙߐ߲ߔ ߣߌ߫ ߝ߭ߑߟߊߘߡߌߙ ߔߎߕߌߣ ߕߍ߫߸ ߏ߬ ߞߎߡߊ ߡߊ߫ ߥߊ߫ ߦߙߐ߫ ߖߊ߲߫: ߞߊ߬ ߖߐ ߟߊߘߏ߲߬ ߞߏ ߢߊߢߌߣߌ߲߫ ߡߎߣߎ߲߬߸ ߞߊ߬ ߞߐ߲߰ ߞߟߍ߬ߟߊ߬ߟߐ߬ ߜߊ߲ߛߊ߲ ߢߍ߫ ߦߋ߲߬ ߕߋ߲߬، ߊߡߙߌߞߌ߬ ߞߊ߲ߕߌ߮ ߞߐߛߊ߬ߦߌ߲ ߥߊ߲ߛ߭ߌ߲ߕߐ߲߫߸ ߊ߬ ߞߵߊ߬ ߡߙߌߦߊ ߦߌ߬ߘߊ߬ ߞߏ߫ ߝߏ߫ ߞߊ߬ ߞߍ߬ߟߍ ߟߊߟߐ߬ ߞߏ ߢߊߢߌߣߌ߲߫ ߢߊ߫ ߟߋ߬ ߡߊ߬߸ ߡߍ߲ ߘߌ߫ ߕߏ߫ ߊ߬ ߡߊ߬ ߞߘߊߎ߫، ߓߊ߬ߙߌ߬ <<ߞߟߍ߬ߟߊ߬ߟߐ߬ ߜߊ߲ߛߊ߲ ߦߋ߲߬ ߕߋ߲߬߸ ߡߊ߬ߞߏ߬ ߕߴߏ߬ ߟߊ߫.>> ߊ߬ ߞߵߏ߬ ߝߐ߫ ߊ߬ ߟߊ߫ ߘߍ߬ߞߙߏߝߏ ߟߋ߬ ߞߊ߲߬.

ߥߊ߫ ߢߊ ߏ߬ ߦߋߣߍ߲߫ ߡߐ߱ ߟߎ߬ ߓߟߏ߫ ߙߎ߬ߛߌ߬ ߟߊ߫ ߞߌ߬ߦߊ ߟߋ߬ ߘߌ߫߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߕߑߙߐ߲ߔ ߡߊ߫ ߣߐ߭ ߛߐ߬ߘߐ߲߫ ߊ߬ ߡߊ߬، ߞߊ߬ߦߌ߯ ߙߎ߬ߛߌ߬ ߥߊ߫ ߘߊ߫ ߓߋ߬ ߎ߳ߞߑߙߍߣߌ߲߬ ߞߊ߲߬ ߂߀߂߂ ߞߏ߲ߞߏߜߍ ߟߊ߫߸ ߝߑߟߊߘߡߌߙ ߔߎߕߌߣ ߞߵߊ߬ ߦߌ߬ߘߊ߫ ߟߋ߬ ߞߏ߫ ߣߌ߫ ߞߍ߬ߟߍ ߡߊ߫ ߢߊ߬ ߟߊߟߐ߭ ߞߐ߫߸ ߏ߬ ߦߋ߫ ߞߍ߫ ߊ߬ ߟߊߟߐ߬ߣߍ߲ ߘߌ߫ ߝߋߝߋ߫߸ ߞߊ߬ ߖߐ ߟߊߘߏ߲߬߸ ߊ߬ ߞߊߣߊ߬ ߞߍ߫ ߝߊ߲߬ߞߋ߬ߟߋ߲߬ߡߊ ߘߌ߫ ߘߋ߬، ߏ߬ ߘߏ߲߬ ߞߘߐ ߕߍ߫ ߘߏ߫ ߜߘߍ߫ ߘߌ߫߸ <<ߞߎ߲߬ ߓߟߋߓߟߋ>> ߡߍ߲ ߦߋ߫ ߞߍ߬ߟߍ ߟߊ߫߸ ߞߵߏ߬ ߟߋ ߓߊߛߌ߫߸ ߣߴߏ߬ ߦߋ߫ ߎ߳ߞߑߙߍߣߌ߲߬ ߘߏ߲߬ ߞߏ ߘߌ߫ ߏߕߊ߲ ߘߐ߫، ߏ߬ ߡߍ߲ ߦߋ߫ ߙߎ߬ߛߌ߬ ߟߊ߫ ߟߊ߬ߞߊ߲߬ߘߊ߬ߟߌ ߓߌ߬ߟߊ߬ ߟߊ߫ ߖߐ߬ߘߐ ߘߐ߫ ߌߞߘߐ߫.

ߤߊ߲߯ ߊ߲ ߧߋ߫ ߦߙߐ ߡߍ߲ ߞߏ߬ߣߌ߲ ߘߐ߫ ߕߋ߲߬߸ ߞߍ߬ߟߍ ߦߴߌߘߐ߫ ߙߎ߬ߛߌ߬ ߣߌ߫ ߎ߳ߞߑߙߍߣߌ߲߬ ߕߍ߫ ߡߎߣߎ߲߬، ߤߊߟߵߊ߬ߟߎ߬ ߟߊ߫ ߢߐ߲߯ߦߋ߫ ߟߏ߲ ߣߌ߲߬ ߛߎ ߘߐ߫߸ ߙߎ߬ߛߌ߫ ߞߊ߬ ߓߌ߬ߢߍ߬ߞߎ߬ߟߎ߲߬ ߈߅ ߟߋ߬ ߝߎ߬ߝߎ߬ߡߊ߫ ߎ߳ߞߑߙߍߣߌ߲߬ ߞߊ߲߬߸ ߞߌߦߍߝ߭ ߖߍ߬ߘߍ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬، ߞߍ߲ߘߍߟߏ߲߸ ߙߎ߬ߛߌ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߛߏ߫ ߝߌ߬ߟߊ߫ ߕߊ߬ ߎ߳ߞߑߙߍߣߌ߲߬ ߕߟߋ߬ߓߐ ߘߐ߫.

ߛߌߞߊ ߕߏ߫ ߘߊ߫ ߡߐ߱ ߟߎ߬ ߘߐ߫ ߞߎߡߊ߫ ߞߋߟߋ߲߫ ߝߣߊ߫ ߞߊ߲߬: ߏ߬ ߟߋ ߊߡߙߌߞߌ߬ ߟߊ߫ ߣߊ߲߬ߝߟߏ߬ߞߏ ߓߌ߲߬ߓߊߥߏ ߘߌ߫ ߙߎ߬ߛߌ߫ ߞߊ߲߬، ߊߡߙߌߞߌ߬ ߘߏ߲߬ ߕߎ߲߬ ߞߊ߬ ߖߊ߬ߛߙߋ߫ ߞߊ߬ߛߙߋ ߟߋ߬ ߞߍ߫ ߙߎ߬ߛߌ߬ ߦߋ߫߸ ߞߏ߫ ߞߊ߬ ߞߍ߬ߟߍ ߟߊߟߐ߬ ߞߊ߬ ߞߐ߲߰ ߛߌ߬ߣߌ߲߬ߟߏ߲ ߢߍ߫߸ ߏ߬ ߡߍ߲ ߕߎ߬ߡߊ ߓߘߊ߫ ߕߊ߬ߡߌ߲߬، ߊ߬ ߘߏ߲߬ ߝߐ߫ ߘߊ߫ ߟߋ߬ ߞߏ߫ ߣߌ߫ ߕߎ߬ߡߊ ߏ߬ ߕߊ߬ߡߌ߲߬ ߘߊ߫߸ ߓߌ߲߬ߓߊ߬ߥߏ߬ <<ߝߌߟߊߣߊ߲>> ߝߣߊ߫ ߘߌ߫ ߓߋ߬ ߞߵߊ߬ ߓߍ߲߬ ߖߊ߬ߥߏ߬ߞߍ߬ ߖߡߊߣߊ ߟߎ߬ ߣߌ߫ ߙߎ߬ߛߌ߬ ߕߍߟߊ ߡߊ߬، ߓߊ߬ߙߌ߬߸ ߕߑߙߐ߲ߔ ߞߵߊ߬ ߓߏ߬ߙߌ߫ ߟߋ߬ ߞߎߡߊ ߣߌ߲߬ ߢߌ߬ߣߌ߲߬ߞߊ߬ߟߌ ߞߘߐ߫ߟ ߞߵߊ߬ ߝߐ߫ ߕߋ߲߬ ߘߐߙߐ߲߫߸ ߞߏ߫ ߊ߬ <<ߡߊ߫ ߖߊ߬ߕߋ߬ߡߌ߬ߣߊ߬ ߞߍ߫ ߏ߬ ߞߏ ߡߊ߬ ߝߟߐ߫>>. ߞߵߊ߬ ߛߐ߬ߘߐ߲߬ ߜߎ߸ ߊ߬ ߝߐ߫ ߘߊ߫ ߟߋ߬ ߝߋߎ߫ ߞߏ߫ ߕߊ߬ߡߌ߲߬ߘߊ߬ ߛߙߊ %߅߀߀ ߢߐ߲߰ ߘߌ߫ ߓߋ߬ ߙߎ߬ߛߌ߫ ߞߊ߲߬߸ ߊ߬ ߣߌ߫ ߖߡߊ߬ߣߊ ߡߍ߲ ߠߎ߬ ߦߋ߫ ߙߎ߬ߛߌ߬ ߟߊ߫ ߞߟߍ߬ ߞߏ ߣߌ߲߬ ߞߐߡߊߓߌ߲ߓߌ߲߫ ߠߊ߫߸ ߏ߬ ߡߍ߲ ߝߘߊ߫ ߘߊ߫ ߞߊ߲߬ߜߍ߫ ߟߍ߲ߘߑߛߋߦߌ ߜ߭ߙߊߤߊߡ ߠߊ߫.

ߋߙߐߔߔߎ߬ ߝߍ߬߸ ߞߎߡߊ߫ ߛߌߦߊߡߊ߲߫ ߕߴߏ߬ ߟߎ߫ ߝߍ߬، ߋߙߐߔߎ߬ ߞߋ߬ߟߋ߲߬ߧߊ ߡߙߊ߬ߓߊ߮ ߟߎ߬ ߞߊ߲߫ ߠߋ߬ ߞߏ߫ ߊ߬ߟߎ߫ ߖߊ߬ߣߍ߲߫ ߊ߬ߟߎ߬ ߡߙߌߦߊ ߞߊ߲߬߸ ߣߴߏ߬ ߦߋ߫ ߣߊ߲߬ߝߟߏ߬ߞߏ ߓߌ߲߬ߓߊߥߏ ߓߋ߭ ߘߌ߫ ߙߎ߬ߛߌ߬ ߞߊ߲߬߸ ߤߊ߲߯ ߖߐ ߦߋ߫ ߘߏ߲߬ ߕߎ߬ߡߊ ߡߍ߲߸ ߊ߬ ߣߴߊ߬ ߕߏߒߡߕߊ، ߝߊ߬ߣߴߏ߬ ߡߊ߫ ߞߍ߫߸ ߞߏ߫ ߊ߬ߟߎ߬ ߕߍ߫ ߓߌ߲߬ߓߊߥߏ ߟߊߥߌ߬ߟߌ߫ ߊ߬ ߞߊ߲߬.

ߞߍ߬ߟߍ ߣߌ߲߬ ߘߐ߫߸ ߎ߳ߞߑߙߍߣߌ߲߬ ߘߎߎ߰ߞߟߏ %߂߀ ߓߘߊ߫ ߛߋ߫ ߙߎ߬ߛߌ߬ ߕߍ߯ ߞߘߐ߫߸ ߓߊ߬ߙߌ߬ ߞߊ߲ߕߌ߯ ߝߌ߬ߟߊ ߣߌ߲߬ ߛߌ߫ ߡߊ߫ ߝߋ߲߫ ߝߐ߫ ߏ߬ ߞߏ ߞߊ߲߬.

ߡߍ߲ ߘߏ߲߬ ߓߍ߲߬ߕߐ߫ ߞߌߦߍߝ߭ ߟߊߞߊ߲ߘߊ ߡߊ߬߸ ߊ߬ߟߎ߬ ߡߴߏ߬ ߞߎߡߊ߫ ߞߍ߫ ߜߍ ߘߐ߫ ߥߛߊߞߙߊ߫، ߓߊ߬ߙߌ߬ ߡߍ߲ ߠߎ߬ ߦߋ߫ ߟߊ߬ߘߍ ߣߌ߲߬ ߞߏ ߟߎ߬ ߞߊ߬ߟߊߡߊ߬ ߓߘߍߞߍ߭߸ ߏ߬ ߟߎ߬ ߞߊ߲߫ ߞߏ߫ ߕߑߙߐ߲ߔ ߞߊ߲߫ ߠߋ߬ ߞߏ߫ ߊ߬ ߞߍߕߐ߫ ߎ߳ߞߑߙߍߣߌ߲߬ ߡߊߞߊ߲ߞߊ߲߫ ߠߊ߫ ߟߋ߬ ߞߵߊ߬ ߓߍ߲߬ ߏߕߊ߲߫ ߕߐ߲ߛߋ߲ ߅߲ ߝߐ߫ ߞߊ߲ ߠߎ߬ ߡߊ߬߸ ߓߊ߬ߙߌ߬ ߎ߳ߞߑߙߍߣߌ߲߬ ߕߍ߫ ߘߏ߲߬ ߠߊ߫ ߏߕߊ߲ ߘߐ߫ ߘߋ߬، ߋߙߐߔߎ߬ ߖߡߊ߬ߣߊ߬ ߛߌߦߊߡߊ߲߫ ߓߍ߫߸ ߦߏ߫ ߝߊ߬ߙߊ߲߬ߛߌ߬ ߣߌ߫ ߡߊ߲߬ߛߟߊ߬ ߟߊߘߍ߬ߣߍ߲߸ ߏ߬ ߟߎ߬ ߞߊ߲߫ ߞߏ߫ ߊ߬ߟߎ߬ ߓߌߣߍ߲߫ ߞߊ߬ ߞߟߍ߬ߞߙߎ ߘߏ߫ ߟߎ߫ ߟߊߕߊ߯ ߞߌߦߍߝ߭ ߡߊߘߍ߬ߡߍ߲߬ ߞߊ߲ߡߊ߬߸ ߓߊ߬ߙߵߊ߬ߟߎ߬ ߕߍ߫ ߥߊ߫ ߟߊ߫ ߞߟߍ߬ߘߊ߬ ߘߐ߫.

ߘߏߣߊߟ ߕߑߙߐ߲ߔ ߞߵߊ߬ ߦߌ߬ߘߊ߬ ߞߏߡߊ߫ ߟߊߓߊ߲߫ ߘߐ߫߸ ߞߏ߫ ߝ߭ߟߏߘߡߌߙ ߖ߭ߋߟߍ߲ߛߑߞߌ߫ ߓߍߣߊ߬ ߕߊ߯ ߓߏ߲ߜߍ ߟߊ߫ ߞߐ߬ߓߊ߬ߟߏ߲߫ ߣߊ߬ߕߐ، ߓߊߏ߬߸ ߊ߬ ߦߴߊ߬ ߝߍ߬ ߟߋ߬߸ ߊ߬ߟߎ߫ ߛߊ߬ߓߊ ߕߍ߯ ߢߊ ߦߋ߫ ߓߐ߫ ߜߍ߫ ߞߋߟߋ߲߫߸ ߘߐ߫߸ ߊ߬ߟߋ ߣߌ߫ ߝ߭ߟߏߘߡߌߙ ߖ߭ߋߟߍ߲ߛߑߞߌ߫ ߣߌ߫ ߝߑߟߊߘߡߌߙ ߔߎߕߌߣ، ߕߑߙߐ߲ߔ ߞߊ߲߫ ߞߏ߫ ߏ߬ ߞߏ ߞߐ߬ߣߌ߲ ߓߕߐ߫ ߎ߳ߞߑߙߍߣߌ߲߬ ߞߊ߲ߕߌ߮ ߡߙߌߦߊ ߟߋ߬ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.