ߡߙߌߘߐ ߘߏ߫ ߟߊߛߋ߫ ߘߊ߫ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߀ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߝߎ߬ߙߎ߲߬ߞߎ߬ߟߌ߬ ߞߏ ߓߘߊ߫ ߟߊߘߎ߲߫، ߏ߬ ߡߍ߲ ߕߎ߲߬ ߓߘߴߊ߬ ߣߐ߭ ߟߊ߫ ߖߡߊ߬ߣߊ ߞߊ߬ߙߊ߲߬ ߞߏ ߞߊ߲߬ ߕߋ߬ߟߋߝߌ߬ߟߊ ߣߌ߲߬ ߘߐ߫ ߞߏߛߓߍ߫، ߞߊ߬ߕߎ߲߯߸ ߟߞߊ߬ߙߊ߲߬ߠߌ߲ ߕߐ߰ߕߐ߰ߟߌ߬ߟߊ ߟߎ߫ ߟߋ߬ ߞߵߊ߬ߟߎ߫ ߝߎ߬ߙߎ߲߬ߞߎ߫ ߞߵߊ߬ ߓߍ߲߬ ߡߞߊ߬ߛߟߌ߬ ߞߊ߲߬ߠߊ ߘߏ߫ ߟߎ߫ ߡߊ߬، ߒ߬ߓߵߊ߬ߟߎ߬ ߣߌ߫ ߞߎ߲߬ߠߊ߬ߛߌ߮ ߓߘߊ߫ ߓߍ߲߬ ߞߋߟߋ߲߫ ߘߐ߫ ߓߌ߬ ߖߛߎ߬ߛߎ߬ߡߊ ߟߊߘߏ߲ ߞߊ߲߬߸ ߞߊ߬ ߝߎ߬ߙߎ߲߬ߞߎ߬ߟߌ ߟߊߥߟߌ߬.
ߖߌ߬ߣߍ߫ ߟߞߊ߬ߙߊ߲߬ߠߌ߲ ߕߐ߰ߕߐ߰ߟߌ߬ߟߊ ߟߎ߬ ߞߵߊ߬ ߟߊߛߋ߫ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߅ ߞߏߟߌ߲ߞߏߟߌ߲ ߕߟߋ߬ ߁߀߸ ߞߏ߫ ߊ߬ߟߎ߬ ߓߘߊ߫ ߝߎ߬ߙߎ߲߬ߞߎ߬ߟߌ߬ ߞߏ ߟߊߘߎ߲߫߸ ߡߍ߲ ߘߊߡߌ߬ߣߊ߬ ߘߊ߫ ߖߡߊ߬ߣߊ ߡߎ߰ߡߍ ߞߣߐ߫ ߞߏߟߌ߲ߞߏߟߌ߲ ߕߟߋ߬ ߁߭ ߡߊ߬ ߞߊ߬ߣߌ߲߬، ߕߟߋ߬ ߦߙߌߞߊ ߕߍߝߐ ߞߐ ߟߋ߬ ߞߍߣߍ߲߫ ߣߌ߲߬ ߘߌ߫߸ ߣߊ߲߬ߒ߬ߕߊ߲߬ ߘߍ ߟߎ߬ ߓߍ߯ ߞߵߊ߬ߟߎ߫ ߛߋ߲߭ߓߌ߬ߟߊ߫ ߟߵߊ߬ ߞߏߢߊ ߘߐ߫߸ ߊ߬ ߣߌ߫ ߖߌ߬ߣߍ߫ ߕߐ߰ߕߐ߰ߟߌ߬ ߕߏ߯ߝߏ߸ ߞߏ߫ ߛߊ߫ ߞߏ ߞߊߣߊ߬ ߕߊ߬ߡߌ߲߫ ߜߟߍ߬ߦߊ߬ ߟߊ߫ ߞߊ߬ ߥߴߊ߬ ߝߍ߬.
ߟߊ߬ߛߋ߬ߟߌ ߞߟߊ߬ߣߐ߬ߦߊ߬ ߘߊ߫ ߍߝ.ߍߛ.ߔߋ ߣߌ߫ ߍߛ.ߍߣ.ߋ ߝߘߏ߬ߓߊ߬ ߞߟߊ߬ߕߌ߰ ߛߙߍߞߍ ߟߎ߫ ߟߋ߬ ߓߟߏ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߣߴߌ ߞߵߊ߬ ߦߋ߫ ߊ߬ߟߎ߫ ߞߊ߬ ߝߎ߬ߙߎ߲߬ߞߎ߬ߟߌ ߟߊߘߎ߲߫߸ ߏ߬ ߡߊߛߐ߬ߘߐ߲߬ߣߍ߲߫ ߡߎ߲߬ ߝߍ߬߸ <<ߢߣߊߕߊߟߌ߫ ߢߊߞߘߐߟߊ>> ߟߋ߬ ߕߋ߲߬߸ ߞߏߛߊ߫ ߞߛߌ߫߫ ߘߌ߫ ߞߍ߫ <<ߝߛߏ߬ߝߛߊ>> ߡߊ߬߸ ߊ߬ ߣߌ߫ ߛߊ߫ <<ߖߛߎ߬ߛߎߡߊ>> ߘߌ߫ ߣߊ߬ ߢߊ ߡߍ߲ ߡߊ߬، ߊߟߎ߫ ߦߴߊ߬ ߟߐ߲߫߸ ߣߍߣߍߓߊ ߕߟߋ߬ ߅ ߟߋ߬ ߡߊ߬߸ ߊ߬ߟߎ߫ ߞߵߊ߬ߟߎ߬ ߟߊ߫ ߖߊ߲߬ߓߌ߬ߟߊ߬ ߞߝߊ ߟߊߘߏ߲߬߸ ߏ߬ ߡߍ߲ ߞߍ߫ ߘߊ߫ ߝߎ߬ߙߎ߲߬ߞߎ߬ߟߌ ߟߊ߬ߛߏ߬ߓߌ߬ߟߌ ߘߌ߫ ߞߊ߬ߣߌ߲߬، ߏ߬ ߟߋ ߞߐ߫߸ ߊ߬ߟߎ߫ ߞߊ߬ ߝߎ߬ߙߎ߲߬ߞߎ߬ߟߌ ߘߊߡߌ߬ߣߊ߬ ߞߏߟߌ߲ߞߏߟߌ߲ ߕߟߋ߬ ߁߭ ߡߊ߬، ߒ߬ߓߊ߬߸ ߏ߬ ߟߋ ߓߍ߯ ߟߊߘߎ߲ߣߍ߲߫ ߣߌ߲߬ ߛߊ߫.
ߢߐ߲߯ߦߋ ߞߍ߫ ߞߍ߫ ߘߊ߫ ߞߏߟߌ߲ߞߏߟߌ߲ ߕߋ߬ߟߋ߫ ߉ ߟߋ߬ ߡߊ߬ ߓߎߙߛ ߘߎ߳ ߕߙߊߝ߭ߊߦ ߟߊ߫߸ ߕߐ߰ߕߐ߰ߟߌ߬ߟߊ ߟߎ߬ ߞߐߦߌߘߊ ߣߌ߫ ߝߘߏ߬ߓߊ߬ ߗߋߘߊ ߞߏߕߌ߯ߘߊ ߣߌ߫ ߢߐ߲߯ ߕߍ߫߸ ߕߍߝߐ߬ ߏ߬ ߡߍ߲ ߞߍߣߍ߲߫ ߕߙߎ߬ ߘߌ߫ ߞߵߊ߬ߟߎ߬ ߡߊߘߏ߲߬ ߢߐ߲߮ ߠߊ߫، ߕߐ߰ߕߐ߰ߟߌ߬ߟߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߘߊߘߐߖߊߥߏ ߣߌ߲߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߛߌߟߊ ߘߏ߫ ߟߊߞߊ߬߸ ߞߊ߬ <<ߞߏߖߊ ߡߊߛߍ߬ߟߍ߲߬ߓߍ߬>>.
ߊ߬ߟߎ߬ ߟߊ߫ ߟߊ߬ߛߋ߬ߟߌ ߘߐ߫߸ ߊ߬ߟߎ߫ ߞߊ߬ ߝߏ߬ߟߌ ߟߊߛߋ߫ ߟߞߊ߬ߙߊ߲߬ߠߌ߲߬ߠߊ ߟߎ߫ ߡߊ߬߸ ߡߍ߲ ߠߎ߬ ߞߵߊ߬ߟߎ߬ ߓߟߏ ߛߌ߰ ߊ߬ߟߎ߬ ߟߊ߫ ߝߎ߬ߙߎ߲߬ߞߎ߬ߟߌ ߞߘߐ߫߸ ߊ߬ߟߎ߬ ߡߊ߫ ߛߌߟߊ߲߫ ߡߊ߬ߛߌ߬ߟߊ߲߬ߠߌ߲߬ߓߊ ߟߎ߬ ߢߍ߫، ߊ߬ߟߎ߬ ߓߊ߲߫ ߘߊ߫ ߞߵߊ߬ ߟߊߛߋ߫ ߞߏ ߓߍ߯ ߦߋ߫ ߘߏ߲߬ ߞߊ߬ߙߊ߲߬ߓߏ߲ ߞߣߐ߫ ߞߏߟߌ߲ߞߏߟߌ߲ ߕߟߋ߬ ߁߁ ߡߊ߬߸ ߞߊ߬ ߞߊ߬ߙߊ߲ ߘߊߡߌ߬ߣߊ߬ ߈ߙߋ߲.
ߊ߬ߟߎ߫ ߞߏ߬ߣߌ߲ ߞߵߊ߬ ߝߐ߫ ߞߵߊ߬ ߟߊߕߍ߰߸ ߞߏ߫ <<ߝߎ߬ߙߎ߲߬ߞߎ߬ߟߌ ߟߊߘߎ߲ߣߍ߲߫ ߠߋ߬ ߘߐߙߐ߲߫>>߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߘߊߘߐߖߊߥߏ߫ ߜߘߍ߫ ߟߎ߫ ߞߊ߫ ߞߊ߲߫ ߞߊ߬ ߞߍ߫߸ ߛߊ߫ ߝߎ߬ߙߎ߲߬ߞߎ߬ߟߌ ߞߊߣߊ߬ ߘߊߡߌ߬ߣߊ߬ ߞߏߞߎߘߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.