ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫ ߛߋ߲߬ߠߊ߬ߓߐ߬ߟߌ ߡߍ߲ ߞߊ߲߬ ߘߎ߰ߣߍ߲ ߠߎ߬ ߛߌ߰ߝߊߘߌ ߢߊߢߌߣߌ߲ ߘߐ߫߸ ߊ߲ ߛߋ߫ ߘߊ߫ ߜߙߋߘߎ߯ ߕߊ߬߬ߞߎ߬ߙߊ߬، ߏ߬ ߡߍ߲ ߦߋ߫ ߜߙߋߘߎ߯ ߓߙߊߣߊ߬ߡߊ߫ ߡߙߊ߬ߘߊ߬ߙߋ߲ ߣߐ߬ߘߎ߮ ߘߏ߫ ߘߌ߫ ߞߎߘߍ߫ ߃߀ ߢߐ߲߰ ߠߊ߫߸ ߊ߬ ߣߌ߫ ߞߊ߲ߞߊ߲߫ ߡߙߊ߬ߓߊ߰ߘߊ ߕߍ߫.

ߞߵߊ߬ ߕߊ߬ ߖߌ߬ߣߍ߬ ߞߊ߲ߓߍ߲߫ ߞߊ߲ߕߌ߯ ߝߌߟߊߣߊ߲ ߠߊ߫ ߡߙߊ߬ߞߊ߲ ߡߊ߬߸ ߊ߲ ߧߴߏ߬ ߡߍ߲ ߦߟߍ߬ߘߐ߬ߞߍ ߃ ߢߐ߲߰ ߘߐ߫ ߕߋ߲߬ ߸ߜߙߋߘߎ߯ ߕߊ߬߬ߞߎ߬ߙߊ߫ ߦߋ߫ ߓߊ߯ߙߊ߫ ߟߊ߫ ߖߌ߫ ߥߙߏߝߋ߫ ߣߊ߯ߣߌ߲߫ (߄) ߠߋ߬ ߟߊ߫ ߤߊ߲߯ ߕߋ߲߬߸ ߦߟߍ߬ߡߊ߲߬ ߛߌ߫ ߡߊ߫ ߘߏ߲߬ ߊ߬ߟߎ߫ ߛߌ߰ߝߊߘߌ ߘߐ߫، ߖߊ߬ߡߊ ߟߊ߫ ߛߌߦߊߦߊ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߥߙߏ߬ߝߋ߬ ߄ ߏ߬ ߘߛߍ߫ ߊ߬ߟߎ߬ ߘߐ߫߸ ߏ߬ ߡߍ߲ ߓߘߊ߫ ߞߐ߬ߟߐ߲߬ ߞߎ߬ߘߎ߲߬ߣߍ߲߬ ߖߌ ߕߊ߭ ߟߊ߫ ߛߌߦߊߦߊ߫ ߡߐ߰ ߛߌߦߊߡߊ߲߫ ߓߟߏ߫ ߸ߥߙߏ߬ߝߋ߬ ߞߏ߬ߖߊ ߡߊ߬.

 ߕߊ߬߬ߞߎ߬ߙߊ߫ ߁߭ ߘߎ߰ߕߌ߮  ߡߊ߬ߡߊ߬ߘߌ߬ ߞߐ߲ߘߍ߫ ߞߵߏ߬ ߟߊߛߙߋߦߊ߫ :

<<ߖߌ ߟߊߛߐߘߐ߲ ߛߌߟߊ߫ ߝߍ߬ ߸ ߥߙߏ߬ߝߋ ߦߴߊ߲ ߓߟߏ߫ ߦߊ߲߬، ߞߐ߬ߟߐ߲߬ ߞߎ߬ߘߎ߲߬ߣߍ߲ ߝߣߊ߫ ߦߴߊ߲ ߓߟߏ߫ ߦߊ߲߬߸ ߞߊ߬ߦߌ߯  ߁߉߉߀ ߟߊ߫  ߥߙߏ߬ߝߋ߬ ߄ ߠߋ߬ ߦߊ߲߬، ߞߊ߬ ߝߘߊ߫ ߞߟߍ߬ߕߌ߯ ߟߊ߲߬ߛߣߊ߬ ߞߐ߲ߕߍ߬ ߟߊ߫߸ ߓߊ߬ߙߌ߬ ߝߌ߬ߟߊ߫ ߟߋ߬ ߘߐߙߐ߲߫ ߦߋ߫ ߓߊ߯ߙߊ߫ ߟߴߏ߬ ߞߐ߫߸ ߊ߬ ߕߐ߬ ߝߌ߬ߟߊ߫ ߟߎ߬ ߓߘߊ߫ ߕߌߢߍ߫ ߸ߡߏ߬ߛߏ ߟߎ߬ ߓߍ߯ ߦߋ߫ ߥߊ߫ ߟߊ߫ ߝߊ߬ߙߊ ߟߋ߬ ߞߣߐ߫ ߞߊ߬ ߕߊ߯ ߖߌ ߕߊ߬ ߞߊ߬ ߣߊ߬ ߸ ߝߏ߬ߣߊ߲߬ ߖߊ߲ ߠߋ߬ ߘߏ߲߬ ߦߋ߫ ߝߊ߬ߙߊ ߣߌ߫ ߛߏ ߕߍ߫ ߸ߊ߬ ߖߌ ߞߏ ߞߊ߫ ߜߍ߬ߟߍ߲߬ ߞߏߖߎ߯ߦߊ߫ >>.

ߢߣߊߡߦߊ ߕߍ߫ ߥߊ߫ ߖߌ ߡߍ߲ ߞߐ߫߸ ߏ߬ ߟߊߛߐ߬ߘߐ߲ ߕߍ߫ ߥߊ߫ ߛߍ߱ ߞߐ߫ ߕߊ߬߬ߞߎ߬ߙߊ߬ ߞߣߐ߫ ߕߋ߲߬߸ ߊ߬ ߕߌ߯ߕߌ߯ ߒ߬ ߣߊߡߛߏ ߟߎ߬ ߟߊ߫ ߞߎ߲߬ߠߊ߫، ߏ߬ ߟߋ߬ ߞߏߛߐ߲߬ ߘߎ߰ߕߌ߮ ߞߵߊ߬ ߦߌ߬ߘߊ߬ ߌߞߐߕߎ߲߯ ߞߏ߫ :

<< ߣߌ߫ ߖߌ ߞߏ ߓߌ߬ߟߊ߬ ߘߊ߫ ߡߏ߬ߛߏ ߡߍ߲ ߠߎ߬ ߡߊ߬ ߞߵߊ߬ ߓߍ߲߬ ߖߌ ߟߊߛߐ߬ߘߐ߲߫ ߡߊ߬ ߸ߏ߬ ߕߌ߱ ߕߍ߫ ߓߊ߯ߙߊ߫ ߛߌ߫ ߢߊߛߐ߬ߘߐ߲߫ ߏ߬ ߟߏ߲ ߡߎ߰ߡߍ߫ ߘߐ߫ ߸ ߞߐ߬ߟߐ߲߬ ߞߎ߬ߘߎ߲߬ߣߍ߲ ߏ߬ ߟߎ߫ ߘߏ߲߬ ߝߣߊ߫ ߦߋ߫ ߖߊ߬ ߟߊ߫ ߟߋ߬ ߕߎ߬ߡߊ ߘߏ߫ ߟߎ߫ ߟߊ߫ ߛߐ߲߬ ߸ߏ߬ ߘߏ߲߬ ߓߊ߯ ߞߍ߫߸ ߝߏ߫ ߦߴߌ ߛߌ߰ ߟߋ߬ ߡߎߣߎ߲߬ ߞߊ߬ ߡߊ߬ߞߐ߬ߣߐ߲߬ߠߌ߲ ߞߍ߫.>>

ߣߴߌ ߘߏ߲߬ ߞߵߊ߬ ߡߊߝߟߍ߫߸ ߞߐ߬ߟߐ߲߬ ߞߎ߬ߘߎ߲߬ߣߍ߲߬ ߖߌ ߏ߬ ߟߎ߬ ߕߍ߫ ߖߌ߫ ߘߌ߫߸ ߡߐ߰ ߘߌ߫ ߛߴߊ߬ ߓߟߏ߫ ߞߍ߫ ߟߊ߫ ߡߍ߲ ߠߊ߫ ߖߌ߫ ߛߊߣߌ߲ߡߊ߲߫ ߘߌ߫، ߓߊ߬ߙߌ߬߸ ߘߎ߰ߕߌ߮ ߞߊ߲߫ ߞߏ߫ ߊ߬ߟߎ߬ ߡߴߊ߬ ߞߍߢߊ߫ ߜߘߍ߫ ߟߐ߲߫. <<ߏ߬ ߓߟߏߡߊ߬ ߸ ߊ߲ ߘߌ߫ ߛߴߊ߬ ߝߐ߫ ߟߊ߫ ߞߏ߫ ߊ߬ ߖߌ ߛߊߣߌ߲ߡߊ߲߫ ߓߊߏ߬ ߸ ߝߙߍ߬ ߜߘߍ߫ ߕߴߊ߲ ߧߋ߫ ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߏ߫ ߊ߬ ߡߊ߫ ߖߊ߲߬ߞߊ߬ߙߏ߬ ߟߊߛߋ߫ ߊ߲ ߡߊ߬ ߝߟߐ߫ ߸ߣߴߊ߲ ߞߐ߬ߣߌ߲ ߡߊߘߍ߬ߡߍ߲߬ ߠߊ߫ ߥߙߏ߬ߝߋ߬ ߞߏ ߘߐ߫ ߏ߬ ߘߌ߫ ߓߍ߲߬ ߝߋߎ߫ >>

ߞߎ߲߬ߠߊ߬ߛߌ߮ ߟߊ߫ ߘߍ߬ߡߍ߲߬ߠߌ߲ ߘߏ߫ ߟߎ߫ ߛߋ߫ ߘߊ߫ ߕߊ߬߬ߞߎ߬ߙߊ߫ ߡߊ߬ ߤߊߟߌ߬ ߣߴߊ߬ ߞߵߊ߬ ߕߘߍ߬ ߏ߬ ߞߍ ߣߌ߫ ߛߌߛߍ߲߬ ߕߍ߫ ߓߘߊ߫ ߛߊ߲߬ ߃߀ ߣߌ߫ ߞߐ߫ ߓߐ߫߸ ߛߏ߬ߙߌ߬ ߞߐ߲ߘߍ߫  ߞߊ߬ ߘߏ߫ ߝߐ߫ ߏ߬ ߞߏ ߞߊ߲߬߸ ߕߊ߬ߞߎ߬ߙߊ߬ ߁߭ ߘߎ߰ߕߌ߰ ߞߊ߲ߞߘߐߛߌ߮߸ ߞߵߊ߬ ߓߍ߲߬ ߝߊ߰ߡߊ ߟߎ߬ ߟߊ߫ ߘߍ߬ߡߍ߲߬ߠߌ߲߬ ߞߍߣߍ߲ ߠߎ߫ ߡߊ߬ ߛߏ ߡߊ߬ߝߊ߲ ߝߍ߬ :

<< ߞߵߊ߬ ߕߊ߬ ߞߐ߲ߕߍ߫ ߕߟߋ ߡߊ߬  ߥߙߋ߬ߝߋ߬ ߄ ߡߍ߲ ߛߋ߲߬ ߠߊ߫ ߦߊ߲߬ ߸ߞߵߊ߬ ߕߊ߬ ߏ߬ ߡߊ߬ ߤߊ߲߯ ߕߋ߲߬ ߊ߲ ߡߊ߫ ߘߍ߬ߡߍ߲߬ߠߌ߲߬ ߛߌ߫ ߛߐ߬ߘߐ߲߬ ߞߊ߬ ߝߘߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ >>

ߊ߬ ߟߊ߫ ߛߙߊ߬ߣߎ߲ ߘߏ߫ ߦߴߊ߬ ߦߌ߬ߘߊ߬ ߟߊ߫ ߞߏ߫ ߕߊ߬ߞߎ߬ߙߊ߫ ߘߎ߰ߘߋ߲ ߠߎ߬ ߝߋ߲߫ ߡߊ߫ ߖߊ߲߬ߞߊߙߏ߫ ߛߐ߬ߘߐ߲߬ ߖߌ ߞߏ ߘߐ߫ ߡߎߣߎ߲߬߸ ߥߙߏ߬ߝߋ߬ ߞߏ߬ߖߊ ߞߐ߬ߣߌ߲ ߦߴߊ߬ߟߎ߫ ߞߊ߲߬ ߞߏߛߓߍ߫߸ ߞߊ߬ߕߎ߲߯  ߞߵߊ߬ ߕߊ߬ ߁߉߉߀  ߡߊ߬ ߞߊ߬ ߣߊ߬ ߸ ߊ߬ߟߎ߬ ߡߊ߫ ߝߋ߲߫ ߛߐ߬ߘߐ߲߫ ߥߙߏ߬ߝߋ ߘߐ߫߸ ߊ߬ ߖߍ߬ߘߍ ߝߏ߫ ߓߐߒߝߘߎߘߐ ߡߐ߮ ߡߍ߲ ߠߎ߬ ߣߐ߬ ߥߙߋ߬ߝߋ߬ ߁ ߞߋߟߋ߲߫ ߛߋ߲߬ ߠߴߊ߬ߟߎ߬ ߦߋ߫ ߛߏ߫ ߞߐߝߍ߬߸ ߏ߬ ߘߏ߲߬ ߝߣߊ߫ ߞߊ߫ ߖߊ߲߬ ߊ߬ߟߎ߬ ߟߊ߫ ߣߍ߲ߞߍ߫.

ߊ߬ ߟߊ߫ ߞߎߡߊ߫ ߞߎ߲߬ߘߏ߲߫ ߘߐ߫ ߛߊ߫ ߸ ߊ߬ ߞߵߊ߬ ߦߌ߬ߘߊ߬ ߞߏ߫ : << ߡߍ߲ ߞߊ߫ ߞߊ߲߫ ߞߊ߬ ߞߍ߫ ߖߐ߲߰ߛߊ߫ ߖߌ ߦߋ߫ ߛߏ ߛߌ߰ߓߊ߮ ߟߎ߬ ߥߛߊ߬ ߸ ߝߏ߫ ߞߎ߲߬ߠߊ߬ߛߌ߮ ߦߴߊ߲ ߘߍ߬ߡߍ߲߬( ߖߡߊ߬ߣߊ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߴߊ߬ ߟߊ߫ ߡߐ߱ ߟߎ߬ ߞߊ߬ߣߌ߲߬) ߸ ߞߵߏ߬ ߟߊ߫ ߡߐ߰ ߢߌ߲ߡߊ߫ ߟߎ߬ ߝߣߊ߫ ߟߊ߫ ߘߍ߬ߡߍ߲߬ߠߌ߲ ߞߊ߲߬߸ ߞߊ߬ߕߎ߲߯ ߕߊ߬ߞߎ߬ߙߊ߫ ߛߌ߰ߓߊ߮ ߟߎ߬ ߦߙߌߞߊ߫ ߓߘߊ߫ ߥߊ߫ ߤߊ߲߯ ߡߐ߱ ߅ ߀߀߀ ߣߌ߫ ߞߐ߫ ߸ߖߊ߬ߡߊ ߓߘߊ߫ ߛߌߦߊߦߴߊ߲ ߠߊ߫ ߖߌ ߛߐߘߐ߲߫ ߦߙߐ߫ ߟߎ߬ ߡߊ߬߸ ߡߐ߰ߦߊ ߘߏ߲߬ ߕߍ߫ ߛߓߊ߬ߕߌ߬ ߖߌ ߞߐ߫ >>. 

ߣߌ߲߬ ߠߋ߬ ߓߍ߯ ߦߴߊ߬ ߦߌ߬ߘߊ߬ ߟߊ߫ ߞߏ߫ ߕߊ߬߬ߞߎ߬ߙߊ߫ ߛߌ߰ߓߊ߮ ߟߎ߬ ߛߍ߰ߣߍ߲߫ ߠߋ߬ ߖߌ ߞߏ ߘߐ߫ ߞߏߛߓߍ߫߸ ߡߊ߲߬ߕߙߐ߫ ߏ߬ ߢߐ߲߰ ߛߌߦߊߡߊ߲߫ ߠߋ߬ ߖߌ߬ߣߍ߫ ߘߎ߰ߣߍ߲߫ ߛߘߍߡߊ߲߫  ߞߣߐ߫ ߕߋ߲߬.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫