ߝߘߊ߬ߝߌ߲߬ߠߊ߫ ߞߊ߬ߝߏ߬ ߞߎ߲߬ߕߌ߰ ߟߏ߯ߟߎ߫ ߕߘߍ߬ ߊߡߙߌߞߌ߬ ߓߏ߲ߜߍ ߞߣߐ߫ ߓߌ߬߸ ߢߐ߲߯ߦߋ ߘߏ߫ ߞߊ߲ߡߊ߬ ߝߘߊ߬ߝߌ߲߬ߠߊ߬ ߣߌ߫ ߞߊ߬ߝߏ߫ ߘߍ߬ߣߍ߲ ߕߍ߫، ߢߐ߲߯ߦߋ ߏ߬ ߘߐ߫߸ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߓߐ߫ ߘߊ߫ ߟߌߓߋߙߌߦߊ߫ ߞߊ߲ߕߌ߮ ߞߐߝߍ߬߸ ߞߵߊ߬ ߝߏ߬ ߊ߬ ߟߊ߫ ߊ߲߬ߜ߭ߌ߬ߟߋ߬ ߞߊ߲߬ ߓߘߍ߬ ߝߐ ߟߊ߫، ߞߵߊ߬ ߛߐ߬ߘߐ߲߬ ߜߎ߸ ߖ߭ߏ߬ߗ߭ߍߝ ߓߏߥߊߞߍ߫ ߟߊ߫ ߖߡߊ߬ߣߊ ߞߎ߲߬ߠߊ߬ߛߌ߰ ߞߊ߲ ߠߋ߬ ߊ߲߬ߜ߭ߌߟߋ ߘߌ߫، ߊ߬ߟߎ߬ ߟߊ߫ ߞߎߡߊ ߏ߬ ߟߋ ߘߐߝߐ߰ߓߍ߬ߝߐ߯ߓߍ ߦߴߌߘߐ߫ ߕߋ߲߬߸ ߡߍ߲ ߝߐ߫ ߢߊ ߓߘߊ߫ ߛߌߦߊߦߊ߫ ߘߍ߬ߞߙߏߝߏ ߟߎ߫ ߞߊ߲߬.

ߘߏߣߏߊߟ ߕߑߙߐ߲ߔ ߞߵߊ߬ ߝߐ߫ ߟߋ߬ ߞߏ߫: <<ߌ ߞߎߟߎ߲ߖߋ߫߸ ߌ ߣߌ߫ ߗߋ߫ ߊ߲߬ߜ߭ߌߟߋ ߝߐ߫ ߢߊ ߓߘߍ ߢߌ߲߬ ߠߊ߫߸ ߡߍ߲ ߗߋ߲߰.>> ߏ߬ ߓߙߊ߬ ߘߊ߫ ߟߌߓߋߙߌߦߊ߫ ߞߊ߲ߕߌ߮ ߘߐ߫ ߞߏߛߓߍ߫، ߕߑߙߐ߲ߔ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫: <<ߌ ߞߵߌ ߟߊ߫ ߊ߲߬ߜ߭ߌߟߋ ߝߐ߫ ߢߊ߫ ߗߋ߲߱ ߣߌ߲߬ ߟߐ߲߫ ߝߊ߲߭ ߢߌ߬ߡߊ߲߬؟ ߌ ߞߊ߬ߙߊ߲߬ ߘߊ߫ ߡߌ߲߫؟ ߟߌߓߋߙߌߦߊ߫ ߓߊ߬؟>> ߖ߭ߏ߬ߗ߭ߍߝ ߓߏߥߊߞߍ߫ ߘߐߜߍ߬ߘߍ߲߬ߣߍ߲ ߞߊ߲߫ ߢߌ߬ߣߌ߲߬ߞߊ߬ߟߌ ߏ߬ ߖߋ߬ߓߌ ߘߐ߫߸ ߦߟߍߣߍ߲ߜߍ ߘߐ߫ ߕߋ߲߬ ߞߏ߫: <<ߞߏߛߓߍ߫ ߛߟߊߕߌ߮ (ߒ ߞߊ߬ߙߊ߲߬ ߘߊ߫ ߟߌߓߋߙߌߦߊ߫ ߖߡߊ߬ߣߊ ߟߋ߬ ߞߣߐ߫ ߖߐ߫).>>

ߕߑߙߐ߲ߔ ߝߣߊ߫ ߞߵߊ߬ ߝߐ߫ ߏ߬ ߞߐ ߘߐ߫߸ ߞߏ߫: <<ߏ߬ ߞߊ߫ ߢߌ߲߬ ߞߏߛߓߍ߫߸ ߊ߲߬ߜ߭ߌ߬ߟߋ߬ ߞߊ߲߬ ߛߊߣߌ߲ߡߊ߲ ߠߋ߬ ߝߋߎ߫، ߡߐ߱ ߘߏ߫ ߟߎ߫ ߦߋ߫ ߒ ߓߟߏ߫ ߛߌ߰ߥߟߊ ߟߊ߫ ߦߊ߲߬ ߕߋ߲߬߸ ߏ߬ ߟߎ߬ ߣߌ߫ ߊ߲߬ߜ߭ߌ߬ߟߋ߬ ߞߊ߲ ߝߐ߫ ߢߊ߫ ߛߎ߮ ߣߌ߲߬ ߕߍ ߖߊ߲߰ߡߊ߲߬ ߝߋߝߋ߫߸ ߦߏ߫ ߌߟߋ ߦߴߊ߬ ߝߐ߫ ߟߊ߫ ߢߊ ߡߍ߲ ߡߊ߬ ߣߌ߲߬ ߞߊ߬ߣߌ߲߬.>> ߞߎߡߊ ߏ߬ ߓߙߊ߬ ߘߊ߫ ߡߐ߱ ߟߎ߬ ߘߐ߫ ߦߋ߲߬߸ ߞߊ߬ ߢߊ ߛߌ߰ ߦߙߐ ߛߌߦߊߦߊ߫، ߓߊߏ߬߸ ߘߏ߫ ߟߎ߫ ߞߵߊ߬ ߦߋ߫ ߕߏߟߏ߲߫ ߠߋ߬ ߘߌ߫߸ ߡߍ߲ ߞߍߢߊ ߡߊ߫ ߗߋ߲߰ߧߊ߫.

ߊߟߎ߫ ߦߴߊ߬ ߟߐ߲߫߸ ߟߌߓߋߙߌߦߊ߫ ߦߋ߫ ߥߙߎߣߍ߫ ߖߡߊߣߊ߫ ߞߘߐ߫ ߟߋ߬ ߘߌ߫߸ ߡߍ߲ ߜߍ߲߭ߕߍ߰ ߘߊ߫ ߊߡߙߌߞߌ߬ ߝߌ߲߬ߡߊ߲ ߠߎ߬ ߓߟߏ߫ ߁߈߂߂ ߟߊ߫߸ ߌߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߠߊ߫ ߞߐߡߊߓߌ߲ߓߌ߲ߠߌ߲ ߞߣߐߡߊ߬، ߊ߬ ߦߋ߫ ߊ߲߬ߜ߭ߌ߬ߟߋ߬ߞߊ߲߬ߝߐ߬ ߖߡߊߣߊ ߟߋ߬ ߘߌ߫߸ ߞߊ߬ߦߌ߯ ߊ߬ ߛߌ߰ ߛߊ߲ ߏ߬ ߟߊ߫، ߊ߲߬ߜ߭ߌ߬ߟߋ߬ ߞߊ߲ ߠߋ߬ ߊ߬ߟߎ߬ ߟߊ߫ ߖߡߊ߬ߣߊ ߞߎ߲߬ߠߊ߬ߛߌ߰ ߞߊ߲ ߘߌ߫߸ ߊ߬ ߦߋ߫ ߞߊ߬ߙߊ߲߬ ߠߊ߫ ߞߊ߬ߙߊ߲߬ߕߊ ߟߎ߬ ߟߊ߫߸ ߊ߬ ߣߴߊ߬ߟߋ ߟߋ߬ ߝߐ߫ ߟߊ߫ ߡߊ߬ߡߙߊ߬ߟߌ߬ ߘߊߞߎ߲ ߓߍ߯ ߘߐ߫، ߖ߭ߏ߬ߗ߭ߍߝ ߓߏߥߊߞߍ߫ ߛߌ߰ ߘߊ߫ ߖߡߊ߬ߣߊ ߞߎ߲߬ߠߊ߫ ߞߊ߬ߦߌ߯ ߂߀߂߄ ߠߋ߬ ߟߊ߫߸ ߊ߬ ߞߊ߬ ߞߊ߬ߙߊ߲ ߞߍ߫ ߖߊ߯ߓߘߊ ߘߏ߫ ߟߋ߬ ߟߊ߫ ߟߌߓߋߙߌߦߊ߫ ߞߎߓߋߘߊ ߟߊ߫ ߡߣߏߙߏߝ߭ߌߦߊ߫߸ ߊ߬ ߣߌ߫ ߞߊ߲ߛߊߛ ߖߊ߯ߓߘߊ ߟߊ߫߸ ߞߊ߬ߝߏ߫ ߘߍ߬ߣߍ߲ ߞߣߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫