ߣߍߣߍ߫ ߘߊ߲߬ߠߊߕߊ߬ߡߌ߲߬ߣߍ߲ ߠߋ߬ ߖߌ߰ ߘߊ߫ ߊߡߋߙߞߌ߫ ߟߊߕߌߣ ߝߊ߲߬ߝߍ߬ߟߊ ߏ߬ ߟߎ߬ ߘߐ߫߸ ߝߏ߫ ߞߊ߬ ߡߐ߰ ߁߅ ߓߐ߬ߣߐ߫ ߊ߬ ߣߌ ߘߐ߫ ߊߙߑߗ߭ߊ߲ߕߌߣ ߞߣߐ߫߸ ߊ߬ ߣߌ߫ ߛ߭ߟߌ߫ ߣߌ߫ ߎ߳ߙߌߖߋߦߌ߫، ߖߌߞߓߊ ߟߊ߫ ߖߌ߬ߟߌ ߟߋ߬ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߓߊ߲ߘߊߖߌߦߊ ߞߛߊߞߊ ߖߌ߰ ߔߙߐߔߙߐ߫߸ ߡߍ߲ ߡߊ߲߬ߕߙߐ ߛߋ߫ ߘߊ߫ ߡߐ߱ ߛߍ߰ߣߍ߲ ߠߎ߬ ߡߊ߬ ߖߊ߲߬ߞߊߙߏ ߣߌ߫ ߞߐ߬ߘߐ ߓߟߏ߫.

ߊߙߑߗ߭ߊ߲ߕߌߣ ߞߣߐ߫߸ ߡߐ߰ ߉ ߟߋ߬ ߝߊ߰ ߘߊ߫ ߦߋ߲߬߸ ߡߊ߬ߞߍ߬ ߦߙߐ߫ ߕߎ߲߬ ߕߴߏ߬ ߟߎ߬ ߡߍ߲ ߠߎ߬ ߓߟߏ߫ ߞߊ߬ߣߌ߲߬߸ ߏ߬ ߟߊߛߙߋߦߊ߫ ߘߊ߫ ߛߘߞ ߘߏ߫ ߟߋ߬ ߓߟߏ߫߸ ߞߏ߫ ߔߙߏߦߍߞߑߕߏ߬ ߇، ߣߴߌ ߞߊ߬ ߓߎߦߋߣߐߛ ߍߙ ߡߊߝߟߍ߫߸ ߏ߬ ߟߎ߬ ߟߊ߫ ߓߊ߲ߘߊߖߌߦߊ ߞߛߊߞߊ ߖߌ߰ ߘߊ߫ ߟߋ߬ ߤߊ߲߯ ߞߛߊߞߊ߫ ߁،߉߸ ߏ߬ ߞߍ߫ ߘߊ߫ ߞߎߣߎ߲ߟߏ߲ ߠߋ߬ ߡߊ߬߸ ߊ߬ ߘߏ߲߬ ߛߊ߲߬ ߃߄ ߠߋ߬ ߕߋ߲߬߸ ߏ߬ ߢߐ߲߰ ߛߎߡߦߊ߫ ߕߎ߲߬ ߡߊ߫ ߖߌ߰ ߦߋ߲߬ ߝߟߐ߫، ߝߏ߫ ߢߎߡߍ ߟߎ߬ ߕߍ߰ ߘߊ߫߸ ߞߊ߬ ߟߎ߫ ߥߊ߯ ߦߙߌߞߊ߫ ߓߌ߬ߟߊ߫ ߘߌ߬ߓߌ ߘߐ߫ ߕߎ߬ߡߊ߬ߙߋ߲߫ ߂߄ ߞߣߐ߫، ߕߌ߲߬ߞߎߘߎ߲ ߘߏ߫ ߟߎ߫ ߖߍ߬ߘߍ ߞߣߐ߫߸ ߖߌߞߓߊ ߞߊ߬ ߓߊߞߌߢߍ ߘߏ߫ ߟߎ߫ ߡߊߕߎߣߎ߲߫ ߠߋ߬ ߡߐ߲ߕߐ߲߫߸ ߦߏ߫ ߡߌߙߡߊߙ ߝߊ߲߬ߝߍ߬ߟߊ، ߣߴߌ ߘߏ߲߬ ߞߊ߬ ߡߊߗߌ߲ߛ߭ߊߥߏ߫ ߡߊߝߟߍ߫ ߔߕߊߜ߭ߏߣߌ߫ ߞߣߐ߫߸ ߏ߬ ߟߎ߬ ߞߛߊߞߊ ߕߘߍ߬ ߁߈ ߠߋ߬ ߘߐ߫.

ߏ߬ ߟߋ ߜߟߍ߬ߦߊ ߞߏߛߐ߲߬߸ ߊߙߑߗ߭ߊ߲ߕߌߣ ߞߎ߲߬ߠߊ߬ߛߌ߮ ߞߊ߬ ߥߊߦߌ߲ ߘߐߕߟߊ ߘߊߡߌ߬ߣߊ߬ ߖߌߥߎߘߊ ߟߎ߬ ߕߍ߫߸ ߖߐ߲߰ߛߊ߫ ߟߎ߫ ߞߣߐ߫ ߞߏ ߟߎ߬ ߘߌ߫ ߣߐ߰ߦߊ߬ ߢߊ ߡߍ߲ ߡߊ߬.

ߣߴߌ ߘߏ߲߬ ߞߊ߬ ߎ߳ߙߌߖߋߦߌ߫ ߕߊ߬߸ ߡߐ߰ ߝߊ߰ ߞߏ ߝߐ߫ ߘߊ߫ ߟߋ߬ ߦߋ߲߬ ߝߣߊ߫ ߘߐ߫ ߣߍߣߍ߫ ߘߊ߲߬ߠߊߕߊ߬ߡߌ߲߬ߣߍ߲ ߓߟߏ߫، ߞߎ߲߬ߠߊ߬ߛߌ߮ ߞߊ߬ ߡߐ߰ ߟߎ߬ ߡߊߘߍ߬ߡߍ߲߬߸ ߡߊߞߍ߫ ߦߙߐ߫ ߕߍ߫ ߡߍ߲ ߠߎ߬ ߓߟߏ߫߸ ߞߵߏ߬ ߟߎ߬ ߟߊߕߊ߯ ߘߌ߲߬ߞߌ߬ߙߊ߬ ߘߐ߫߸ ߊ߬ߟߎ߬ ߘߌ߫ ߛߴߊ߬ߟߎ߬ ߡߝߊ߫ ߟߊ߫ ߦߙߐ ߡߍ߲ ߘߐ߫߸ ߤߊߟߌ߬ ߣߴߊ߬ ߡߊ߫ ߘߌߦߊ߫ ߡߍ߲ ߦߋ߫߸ ߏ߬ ߕߘߍ߬ ߟߊߕߊ߯ ߟߊ߫ ߟߋ߬ ߦߋ߲߬ ߘߌߦߊߜߏߦߊ ߟߊ߫، ߡߐ߲ߕߋߝ߭ߌߘߏ߫ ߝߊ߲߬ߝߍ߬ߟߊ ߟߎ߬ ߘߐ߫߸ ߏ߬ ߟߎ߬ ߞߛߊߞߊ ߖߌ߰ ߘߊ߫ ߟߋ߬ ߤߊ߲߯ ߅،߈߸ ߏ߬ ߞߍ߫ ߘߊ߫ ߥߊ߬ߛߌ߬ߥߙߊ ߕߟߋ߬ ߃߀ ߟߋ߬ ߡߊ߬߸ ߏ߬ ߡߍ߲ ߢߐ߲߰ ߕߎ߲߬ ߡߊ߫ ߞߍ߫ ߦߋ߲߬ ߡߎߣߎ߲߬߸ ߞߵߊ߬ ߕߊ߬ ߁߉߆߇ ߡߊ߬ ߤߊ߲߯ ߕߋ߲߬߸ ߏ߬ ߞߎߡߊ ߟߊߛߙߋߦߊ߫ ߘߊ߫ ߡߐ߲ߕߐ߲ߟߐ߲ߘߐߦߟߊ߫ ߡߊߙߌߦߏ ߓߌߘߋߖߍ߲߫ ߠߋ߬ ߓߟߏ߫.

ߣߴߌ ߘߏ߲߬ ߞߊ߬ ߛ߭ߟߌ߫ ߡߊߝߟߍ߫߸ ߊ߬ߟߋ߬ ߞߏ߫ ߞߋߟߋ߲ ߠߋ߬ ߟߊߞߙߐ߬ߛߌ߬ ߘߊ߫ ߦߋ߲߬ ߝߣߊ߫ ߘߐ߫، ߛ߭ߟߌߦߊ߫ ߝߊ߲߬ߝߍ߬ߟߊ ߘߐ߫߸ ߛߊ߲ߕߌߦߊߜ߭ߏ߫ ߥߙߏ߬ߘߎ߮ ߘߐ߫߸ ߡߐ߲ߕߐ߲ߟߐ߲ߘߐߦߟߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߞߛߊߞߊ ߖߌ߰ ߘߊ߫ ߟߋ߬ ߤߊ߲߯ ߉،߃߸ ߞߊ߬ ߖߌߞߓߊ ߖߌ߰ ߦߙߐ ߘߏ߫ ߟߎ߫ ߘߐ߫߸ ߦߏ߫ ߊߕߊߞߡߊ߫߸ ߦߋ߲߬ ߡߍ߲ ߖߊ߬ߣߍ߲߬ ߘߎߢߊ߫ ߦߙߐ ߓߍ߯ ߘߌ߫ ߞߊ߬ߣߌ߲߬.

ߓߊ߲ߘߊߖߌߦߊߟߐ߲ߘߐߦߟߊ ߙߊ߬ߎߟ ߞߐߙߑߘߋߙߏ߫ ߡߍ߲ ߦߋ߫ ߛߊ߲ߕߌߦߊߜ߭ߏ߫ ߖߊ߯ߓߘߊ ߟߊ߫߸ ߏ߬ ߞߵߊ߬ ߡߙߌߦߊ ߦߌ߬ߘߊ߫ ߣߛߌ߬ߘߋ߲߬ߣߍ߲߬ ߝߊ߰ ߣߍߣߍ ߣߌ߲߬ ߞߊ߲߬: <<ߝߢߐ ߡߍ߲ ߦߋ߫ ߓߐ߫ ߟߊ߫ ߓߊߙߌ ߘߐ߫ ߥߙߏ߬ߘߎ߰ߞߊ ߞߣߐ߫ (ߊ߲ߕߊߙߞߑߕߌߞ)߸ ߏ߬ ߟߋ ߕߟߊߣߍ߲ ߦߋ߫ ߣߍߣߍ߫ ߛߎ߮ ߢߌ߲߬ ߠߎ߬ ߛߓߊߓߎߦߊ߫ ߟߊ߫.>> ߊ߬ ߞߏ߫ ߛߎ߮ ߦߋ߫ ߡߊ߲߫ ߘߌ߫ ߕߌ߲߬ߞߎߘߎ߲ ߡߍ߲ ߠߎ߬ ߞߣߐ߫߸ ߊ߬ ߥߙߊ߬ ߘߊ߫ ߟߋ߬ ߦߋ߲߬ ߠߎ߬ ߓߍ߯ ߘߐ߫، ߊ߬ߟߎ߫ ߘߏ߲߬ ߓߘߴߊ߬ ߦߌ߬ߘߊ߬ ߝߣߊ߫߸ ߞߏ߫ ߦߊ߬ߣߌ߫ ߕߟߋ߬ ߘߊ߲ߘߐ߫߸ ߊ߬ ߢߐ߲߰ ߜߘߍ߫ ߟߎ߫ ߓߍߣߊ߬ ߞߍ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.