ߞߊ߬ߦߌ߯ ߂߀߂߅ ߟߋ߬ ߟߊ߫߸ ߥߊ߲ߛߌ߲ߕߐ߲߫ ߞߊ߬ ߓߌ߲߬ߘߌ߲߬ߓߊ߲߬ߘߊ߲߬ ߞߏ ߞߍ߬ߟߍ ߘߏ߫ ߛߌ߰ ߛߋ߲߬ߠߊ߫߸ ߡߍ߲ ߞߏ ߣߊ߬ ߘߊ߫ ߥߟߏ߫ ߣߊ߲߬ߕߌ߮ ߟߎ߬ ߟߊ߫ ߞߍߒߞߊ߲ߠߌ߲ ߠߊ߫߸ ߝߏ߫ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߂ ߛߎ ߞߵߊ߬ ߘߎ߰ߛߊ ߜߍ߫ ߊ߬ ߃ ߟߊ߫߸ ߝߏߘߏ߲ ߘߏ߫ ߟߎ߫ ߥߟߌ߬ ߘߊ߫ ߞߊ߯ߙߞߊߛ߸ ߊ߬ ߣߌ߫ ߞߎߡߊ ߘߏ߫ ߟߎ߫ ߓߘߊ߫ ߝߌߙߌ߲ߝߌߙߌ߲ ߘߊߡߌ߬ߣߊ߬߸ ߞߏ߫ ߝ߭ߣߋߖ߭ߎߥߋߟߊ߫ ߞߊ߲ߕߌ߮ ߓߘߊ߫ ߡߌ߬ߣߊ߬، ߒ߬ߓߊ߬߸ ߞߏߢߊ ߏ߬ ߟߋ ߓߘߊ߫ ߟߊ߲߬ߓߏ߲ ߠߊߘߏ߲߬ ߖߡߊ߬ߣߊ ߞߣߐ߫ ߕߋ߲߬߸ ߞߊ߬ ߘߎߢߊ߫ ߓߍ߯ ߢߊ ߥߛߎߣߍ߲ ߕߏ߫ ߦߋ߲߬ ߘߐ߫، ߊߟߎ߫ ߦߴߊ߬ ߖߊ߲߬ߖߏ߲ ߞߎ߲ߝߊ߲ߓߐ߫ ߞߊߙߏ߫ ߟߏ߯ߟߎ ߣߌ߲߬ ߞߣߐ߫.
߂߀߂߅ ߘߓߊ߬ߓߌߟߊ ߟߋ߬ ߟߊ߫߸ ߊߡߙߌߞߌ߬ ߞߊ߬ ߝ߭ߣߋߖ߭ߎߥߋߟߊ߫ ߞߐߜߊ߭ ߘߊߡߌ߬ߣߊ߬߸ ߞߊ߬ ߞߏ߫ ߛߌߦߊߡߊ߲߫ ߛߌ߰ ߛߋ߲߬ߠߊ߫ ߓߌ߲߬ߘߌ߬ߓߊ߲߬ߘߊ߲߬ ߞߏ ߘߐ߫، ߞߊߙߏ ߏ߬ ߟߊ߫߸ ߊߡߙߌߞߌ߬ ߞߊ߬ ߦߙߍߞߍߟߌ ߘߏ߫ ߛߌ߰ ߛߋ߲߬ߠߊ߫߸ ߊ߬ߟߎ߬ ߦߋ߫ ߡߍ߲ ߞߟߌ߫ ߟߊ߫ ߞߏ߫ << ߛߏߘߍߙߡ ߛߑߔߌ߯ߙ>> ߏ߬ ߡߍ߲ ߞߘߐ ߦߋ߫ ߞߏ߫ ߥߙߏ߬ߘߎ߮ ߡߙߊ߬ߒ߬ߡߊ߬ߟߌ، ߊ߬ߟߎ߫ ߞߊ߬ ߝߋ߲߬ߞߎ߲߬ߝߋ߲ߞߎ߲ ߘߏ߫ ߟߎ߫ ߓߌ߬ߟߊ߬ ߞߊ߯ߙߊߦߌߓ ߞߊ߲߬߸ ߞߊ߬ ߕߊߞߎߟߎ߲ ߘߏ߫ ߟߎ߫ ߘߐߕߌߢߍ ߘߊߡߌ߬ߣߊ߬߸ ߞߏ߫ ߓߌ߲߬ߘߌߓߊ߲߬ߘߊ߲ ߠߋ߬ ߦߋ߫ ߡߊߘߏ߬ߣߌ߲߬ ߠߴߏ߬ ߟߎ߬ ߞߣߐ߫، ߡߊ߲߬ߕߏ߲߬ߕߍ߬ ߝߐ߯ߓߍߘߊ ߟߎ߬ ߟߊ߫ ߝߐߟߌ߫ ߘߐ߫߸ ߊߡߙߌߞߌߞߊ ߟߎ߬ ߟߊ߫ ߥߊ߬ߟߏ߲߬ߠߌ߲ ߡߍ߲ ߠߎ߬ ߕߘߍ߬ ߞߍ߫ ߟߊ߫ ߖߌ ߞߊ߲߬ ߦߋ߲߬߸ ߏ߬ ߞߊ߬ ߡߐ߰ ߁߀߇ ߟߋ߬ ߓߐ߬ߣߐ߫ ߊ߬ ߣߌ ߘߐ߫، ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߊߡߙߌߞߌ߬ ߞߊ߬ ߝ߭ߣߋߖ߭ߎߥߋߟߊ߫ ߕߊߞߎߟߎ߲ ߘߏ߫ ߟߎ߫ ߡߌ߬ߣߊ߬߸ ߞߓߊߕߟߎ ߦߋ߫ ߡߍ߲ ߠߎ߬ ߞߎ߲߬߸ ߞߊ߯ߙߞߊߛ ߞߵߏ߬ ߡߍ߲ ߥߊߟߋ ߖߊ߬ߕߋ߬ <<ߖߊߘߏߦߊ>> ߘߌ߫.
߂߀߂߅ ߞߏߟߌ߲ߞߏߟߌ߲ ߂߄ ߠߋ߬ ߡߊ߬߸ ߝߏߘߏ߲ ߘߏ߫ ߥߟߌ߬ ߘߊ߫ ߡߊ߯ߙߊߞߊߦߌߓߏ߫ ߘߊ߲ߞߊ߲ ߠߊ߫߸ ߞߊ߬ ߕߊߞߎߟߎ߲ ߖߛߐߣߍ߲ ߘߏ߫ ߟߎ߫ ߘߐߕߌߢߍ߫ ߦߋ߲߬، ߘߏߣߊߟ ߕߑߙߐ߲ߔ ߞߵߊ߬ ߦߌ߬ߘߊ߫ ߏ߬ ߟߏ߲ ߝߣߊ߫߸ ߞߏ߫ ߊߡߙߌߞߌ߬ ߣߐ߭ ߟߵߏ߬ ߘߌ߫، ߞߊ߬ߕߎ߲߯߸ ߞߏ߫ ߕߊߞߎߟߎ߲ ߏ߬ ߟߎ߬ ߟߝߊߣߍ߲߫ ߕߍ߬ߘߍ߫ ߓߌ߲߬ߘߌߓߊ߲߬ߘߊ߲ ߠߋ߬ ߟߊ߫، ߊߡߙߌߞߌ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߞߊ߬ ߦߋ߲߬ ߛߎߡߊ߲߫ ߠߋ߬߸ ߞߊ߬ ߝߏߘߏ߲ ߠߊߥߟߌ߬ ߕߌߢߍߟߌߟߊ ߞߙߎ ߘߏ߫ ߟߎ߫ ߞߊ߲߬، ߓߊ߬ߙߌ߬߸ ߥߊߟߌߘߊ ߡߍ߲ ߦߋ߲߬߸ ߞߏ߫ ߔߙߌߡߊߖ߭ߐߟ߸ ߏ߬ ߞߵߊ߬ ߝߐ߫ ߟߋ߬ ߞߏ߫ ߓߌ߬ߟߊ߬ߒ߬ߘߐ ߟߋ߬ ߘߐߙߐ߲߫ ߦߋ߫، ߒ߬ߓߊ߬߸ ߣߌ߫ ߟߌ߬ߤߟߊ ߏ߬ ߕߎ߲߬ ߠߊߕߍ߰ ߘߊ߫ ߝ߭ߣߋߖ߭ߎߥߋߟߊ߫ ߝߊ߰ߡߊ ߟߎ߬ ߓߟߏ߫ ߏ߬ ߟߏ߲߸ ߏ߬ ߟߋ ߞߍߕߐ߫ ߕߘߍ߬ ߊߡߙߌߞߌ߬ ߟߊ߫ ߥߊ߬ߟߏ߲߬ߠߌ߲߬ ߝߟߐ ߘߌ߫ ߊ߬ߟߎ߬ ߟߊ߫ ߘߎ߰ߞߟߏ ߞߊ߲߬ ߦߋ߲߬.
ߏ߬ ߞߐߝߍ߬ ߕߟߋ߬ ߟߏ߯ߟߎ߫߸ ߞߏߟߌ߲ߞߏߟߌ߲ ߕߋ߬ߟߋ߫ ߂߉ ߡߊ߬߸ ߕߑߙߐ߲ߔ ߞߵߊ߬ ߞߐߛߊ߬ߦߌ߲߫ ߊ߬ ߞߎߡߊ߫ ߞߊ߲ ߡߊ߬ ߌߞߐ߫، ߞߵߊ߬ ߦߌ߬ߘߊ߬ ߞߏ߫ ߝߏߘߏ߲ ߡߍ߲ ߥߟߌ߬ ߘߊ߫ ߡߊ߯ߙߟߊߜ߭ߏ߫߸ ߊ߬ߟߋ ߞߊ߲߫ ߞߏ߫ ߊߡߙߌߞߌ߬ ߣߊ߲߬ߕߌ߮ ߟߎ߫ ߟߋ߬ ߞߵߏ߬ ߞߍ߫߸ ߊ߬ ߞߏ߬ߣߌ߲ ߡߴߊ߬ ߝߐ߫ ߊ߬ߟߎ߬ ߟߊ߫ ߣߊ߲߬ߕߌ߰ ߓߏߟߏ߲ ߡߍ߲ ߞߵߊ߬ ߞߍ߫، ߊ߬ ߟߊ߫ ߞߎߡߊ ߞߏ߬ߣߌ߲ ߞߊ߬ ߛߌߞߊ ߟߊߘߏ߲߬ ߡߐ߱ ߟߎ߬ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߦߙߍߞߍߟߌ ߘߊ߲߬ ߡߊ߫ ߞߍ߫ ߞߐ߰ߖߌ߬ ߞߊ߲߬ߠߊ ߞߋߟߋ߲߫ ߘߌ߫߸ ߛߋ߫ ߞߍߣߍ߲߫ ߠߋ߬ ߜߙߋ ߡߊ߬.
ߒ߬ߓߊ߬߸ ߂߀߂߆ ߓߌ߲ߠߊߥߎߟߋ߲ ߂ ߛߎ ߞߵߊ߬ ߘߎ߰ߛߊ ߜߍ߫ ߃ ߟߊ߫߸ ߞߵߊ߬ ߕߊ߬ ߂ߙߋ߲ ߡߊ߬ ߞߵߊ߬ ߛߌ߰ ߃ߙߋ߲߁߅ ߟߊ߫ ߞߊ߯ߙߞߊߛ߸ ߝߏߘߏ߲߫ ߛߌߦߊߡߊ߲߫ ߠߋ߬ ߥߟߌ߬ ߘߊ߫ߞߎߓߋߘߊ ߟߊ߫߸ ߊ߬ ߣߴߊ߬ ߟߊߡߌߣߌ߲߫ ߞߐߓߌߘߊ ߛߌߦߊߡߊ߲߫߸ ߦߏ߫ ߡߌߙߊ߲ߘߊ߫߸ ߊߙߊߜ߭ߎߥߊ߫߸ ߊ߬ ߣߌ߫ ߖߌߦߙߊ߫، ߦߋ߲߬ ߛߌ߰ߓߊ߮ ߟߎ߬ ߞߊ߲߫ ߞߏ߫ ߛߊ߲ߡߊߞߎߟߎ߲ ߠߎ߬ ߕߍ߬ߘߍ߫ ߓߏ߬ߙߌ߬ ߟߊ߫߸ ߡߍ߲ ߠߎ߬ ߛߎ߬ߘߎ߲߬ߡߊ߫ ߘߎ߱ ߟߊ߫߸ ߊ߬ߟߎ߫ ߞߊ߬ ߓߌ߬ߢߍ߬ߞߎߟߎ߲ ߠߎ߬ ߡߊ߲߬ߞߊ߲ ߡߍ߲߫߸ ߡߊ߬ߙߌ߬ߝߊ߬ ߞߊ߲ ߘߏ߫ ߟߎ߫ ߕߘߍ߬ ߓߐ߫ ߟߊ߫߸ ߡߍ߲ ߠߎ߬ ߣߌ߫ ߞߌ߬ߛߍ߬ߝߙߎ߬ߟߊ߲ ߞߊ߲ ߓߐߣߍ߲߫ ߢߐ߲߮ ߠߊ߫. ߣߊ߲߬ߕߌ߰ ߘߊ߮ ߡߍ߲ ߦߋ߫ ߝߎߦߍߙߕ ߕߌߥߎߡߊ߫߸ ߢߎߡߍ ߕߍ߰ ߘߊ߫ ߟߋ߬ ߦߋ߲߬، ߣߴߌ ߘߏ߲߬ ߞߊ߬ ߖߌߦߙߊ߫ ߕߊ߬߸ ߡߊ߬ߙߌ߬ߝߊ߬ ߕߋ ߞߍ߫ ߘߊ߫ ߟߋ߬ ߏ߬ ߟߎ߬ ߟߊ߫ ߛߊ߲ߡߊߘߊ߲ ߠߊ߫.
ߛߐ߰ߡߘߊ߬ ߖߏߣߊ ߟߊ߫߸ ߝ߭ߣߋߖ߭ߎߥߋߟߊ߫ ߞߎ߲߬ߠߊ߬ߛߌ߮ ߞߵߊ߬ ߦߌ߬ߘߊ߬ ߞߏ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ <<ߣߊ߲߬ߕߌ߮ ߟߎ߬ ߓߘߊ߫ ߓߋ߬ߒ߬ߞߊ߲߬ߠߌ߲߬ ߖߎ߰ߓߊ߫>> ߟߐ߬ ߊ߬ߟߎ߫ ߡߊ߬߸ ߦߙߐ߫ ߟߎ߫ ߘߐ߫߸ ߣߊ߲߬ߕߌ߮ ߟߎ߬ ߦߋ߫ ߝߊ߲߭ ߡߍ߲ ߠߎ߬ ߘߐ߫߸ ߊ߬ ߣߌ߫ ߣߊ߲߬ߒ߬ߕߊ߲ ߠߎ߬، ߊ߬ߟߎ߫ ߞߊ߬ ߥߊ߲ߛߌ߲ߕߐ߲߫ ߡߊߝߌ߲߬߸ ߞߏ߫ ߊ߬ߟߎ߬ ߦߴߊ߬ ߝߍ߬ ߞߵߊ߬ߟߎ߬ ߟߊ߫ ߘߎ߰ߘߐ߬ߝߋ߲ ߠߎ߬ ߟߋ߬ ߛߏ߲߬ߧߊ߫ (ߞߓߊߕߟߎ ߣߌ߫ ߘߊ߬ߡߊ߲߬ߘߐ߬ߝߋ߲ ߠߎ߬)، ߊ߬ߟߎ߫ ߞߵߊ߬ ߟߊߛߋ߫ ߝߣߊ߫߸ ߞߏ߫ ߞߊ߲ߕߌ߯ ߣߌߞߏߟߊ ߡߊߘߎߙߏ߫ ߓߘߊ߫ ߟߊ߬ߕߍ߰ߦߊ ߘߏ߫ ߞߟߊ߬ߣߐ߬ߦߊ߬߸ ߡߍ߲ ߦߋ߫ ߞߟߊߡߊ߲ߝߊߘߌ ߝߐ߫ ߟߊ߫، ߊ߬ߟߎ߬ ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߝ߭ߑߟߊߘߡߌߙ ߔߊߘߙߌߣߏ ߟߏߔߍߛ ߞߵߊ߬ ߦߌ߬ߘߊ߬ ߞߏ߫ ߓߌ߬ߢߍ߬ߞߎߟߎ߲ ߠߎ߬ ߣߌ߫ ߓߎ߰ߓߎ߰ߡߊ߬ߟߊ߲ ߠߎ߬ ߞߊ߬ ߞߎ߲߬ߊߠ߬ߛߌ߮ ߟߎ߬ ߡߊߞߍ߫ ߞߌ߲ߘߊ ߘߏ߫ ߟߎ߫ ߥߊ߬ߟߏ߲߫ ߠߋ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߴߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߟߊߕߊ߯ ߦߋ߲߬ ߞߊߟߌߦߊ߫ ߘߐ߫ (ߛߊ߲ߡߕߊ ߟߎ߬ ߣߌ߫ ߘߎ߰ߡߊ߬ߕߊ ߟߎ߬ ߣߌ߫ ߖߌߞߊ߲ߕߊ ߟߎ߬)߸ ߞߊ߬ ߖߡߊ߬ߣߊ ߡߞߊߘߊ߲߫ ߢߊ ߓߍ߯ ߘߏ߫ ߡߊ߬، ߛߌߟߊ߫ ߞߊ߲ߠߊ ߟߎ߬ ߘߐ߫߸ ߘߋ߲ߓߦߊ ߟߎ߬ ߣߴߊ߬ߟߎ߬ ߟߊ߫ ߓߐ߬ߘߐ ߟߎ߬ ߦߋ߫ ߓߏ߬ߙߌ ߞߊ߲߬ ߞߊߟߌߦߊ߫ ߘߐ߫߸ ߊ߬ ߛߌߞߊ ߦߋ߫ ߓߍ߯ ߘߐ߫ ߞߏ߫ ߡߙߊ߬ߒ߬ߡߊ߬ߟߋ߬ ߜߘߍ߫ ߞߊߣߊ߬ ߥߟߌ߬ ߝߣߊ߫.
߄ߙߋ߲ ߠߋ߬ ߡߊ߬߸ ߘߏߣߊߟ ߕߑߙߐ߲ߔ ߞߵߊ߬ ߟߊߛߋ߫ ߊ߬ ߟߊ߫ ߘߍ߬ߞߙߏߝߏ ߞߊ߲߬߸ ߞߏ߫ ߞߊ߬ߝߏ߫ ߘߍ߬ߣߍ߲ ߓߘߊ߫ <<ߡߙߊ߬ߒ߬ߡߊ߬ߟߌ߬ ߓߟߋߓߟߋ>> ߘߏ߫ ߛߌ߰ ߛߋ߲߬ߠߊ߫ ߝ߭ߣߋߖ߭ߎߥߋߟߊ߫ ߞߊ߲ߡߊ߬߸ ߊ߬ ߣߌ߫ ߞߏ߫ ߣߌߞߏߟߊ ߡߊߘߎߙߏ߫ ߣߴߊ߬ ߟߊ߫ ߓߐ߬ߟߐ߲߬ߞߊ ߓߘߊ߫ ߡߌ߬ߣߴߊ߬ߟߎ߬ ߓߟߏ߫߸ ߞߵߊ߬ߟߎ߬ ߟߊߓߐ߫ ߖߡߊ߬ߣߊ ߞߣߐ߫، ߊ߬ ߞߊ߲߫ ߞߏ߫ ߞߏ߫ ߊ߬ ߓߍߣߊ߬ ߝߐ߰ߓߍ߬ ߜߙߊ ߘߏ߫ ߞߍ߫ ߁߁ߙߋ߲߸ ߏ߬ ߡߍ߲ ߦߋ߫ ߓߍ߲߬ ߠߊ߫ ߡߊ߲߬ߘߋ߲߬ ߖߡߊߣߊ ߟߎ߬ ߁߆ߙߋ߲ ߡߊ߬߸ ߞߊ߬ ߢߊߝߐߟߌ߫ ߖߐ߲ߖߐ߲߫ ߞߍ߫ ߊ߬ ߞߏ ߞߊ߲߬، ߒ߬ߓߊ߬߸ ߝ߭ߣߋߖ߭ߎߥߋߟߊ߫ ߞߊ߲ߕߌ߯ ߛߙߍߞߍ߸ ߓߐ߬ߟߐ߲߬ߞߊ߬ ߘߍߟߑߛߌ ߙߏߘߙߌߖߋ߫ ߞߵߊ߬ ߝߐ߫ ߖߌ߬ߦߊ߬ߞߊ߲߬ߛߏ ߟߊ߫߸ ߞߏ߫ ߊ߬ߟߎ߬ ߡߴߊ߬ ߟߐ߲߫ ߞߊ߲ߕߌ߮ ߦߋ߫ ߦߙߐ߫ ߞߋߟߋ߲ ߡߍ߲ ߘߐ߫، ߏ߬ ߘߐ߫߸ ߞߏ߫ ߊ߬ߟߎ߬ ߦߴߊ߬ ߢߌߣߌ߲߫ ߠߊ߫ ߊߡߙߌߞߌ߬ ߝߍ߬ ߘߌߦߊߜߏߦߊ߫ ߓߟߏ ߡߊ߬߸ ߊ߬ߟߎ߬ ߦߋ߫ ߘߊ߬ߟߎ߫ ߦߌ߬ߘߴߊ߬ߟߎ߬ ߟߊ߫߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߞߊ߲ߕߌ߮ ߦߋ߫ ߓߊߟߏ߫ ߘߐ߫.
ߣߌ߲߬ ߞߍ ߌߞߘߐ߫߸ ߘߎߢߊ߫ ߝߣߊ߫ ߡߊ߫ ߕߏ߫ ߡߊ߬ߞߎ߲߬ ߘߐ߫، ߞߏߟߐ߲ߓߌ߫ ߞߊ߲ߕߌ߮ ߜ߭ߎߛߑߕߊߝ߭ߏ ߔߋߕߙߏ߫ ߞߵߊ߬ ߦߌ߬ߘߊ߬ ߞߏ߫ ߡߙߊ߬ߒ߬ߡߊ߬ߟߌ ߞߍߣߍ߲߫ ߓߌ߬ߢߍ߬ߞߎߟߎ߲ ߠߋ߬ ߟߊ߫߸ ߊ߬ ߓߊ߲߫ ߘߊ߫ ߞߵߊ߬ ߞߊ߲ߠߊߘߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߣߌ߫ ߊߡߙߌߞߌ߬ ߞߊ߬ߝߏ ߛߌ߲߬ߝߏ߲߬ߧߊ߬ߟߌ ߡߊ߬߸ ߞߏ߫ ߊ߬ߟߎ߬ ߦߴߊ߬ߟߎ߬ ߢߊ ߡߊߖߌ߰ ߣߌ߲߬ ߞߏ ߞߘߐ߫ ߞߊߟߌߦߊ߫ ߘߐ߫. ߌߙߊ߲߫ ߓߊ߬߸ ߙߎ߬ߛߌ߫ ߓߊ߬߸ ߏ߬ ߟߎ߬ ߓߍ߯ ߞߊ߬ ߣߌ߲߬ ߞߏ ߘߐߜߏߦߊ߫ ߟߋ߬߸ ߞߵߊ߬ ߦߌ߬ߘߊ߬ ߞߏ߫ ߡߟߛ ߦߋ߫ ߞߎߡߊ߫ ߣߌ߲߬ ߞߏ ߘߐ߫ ߖߏߣߊ߫، ߊߡߙߌߞߌ߬ ߡߐ߰ߘߐ߬ߜߍ߬ ߝߌߟߊߣߊ߲߸ ߞߙߌߛߑߕߏߝߍߙ ߟߊ߲ߘߎ߫ ߞߊ߲߫ ߞߏ߫ ߣߌ߲߬ ߓߘߊ߫ ߞߍ߫ ߥߊ߯ߕߌ߫ ߜߍߟߍ߲߫ ߘߌ߫ ߝ߭ߣߋߖ߭ߎߥߋߟߊ߫ ߡߊ߬، ߓߊ߬ߙߌ߬ ߓߏ߲ߜߍ ߓߊ߬߸ ߔߍ߲ߕߊߜ߭ߐߣ ߓߊ߬߸ ߏ߬ ߟߎ߬ ߛߌ߫ ߡߊ߫ ߝߋ߲߫ ߝߐ߫ ߣߌ߲߬ ߞߏ ߞߊ߲߬، ߊ߬ ߞߏ߬ߣߌ߲ ߦߌ߬ߘߊ߬ ߘߊ߫ ߊߡߙߌߞߌ߬ ߞߏߟߊߕߍ߮ ߘߏ߫ ߟߎ߫ ߓߟߏ߫ ߕߐ߯ ߜߎߕߙߎ߫ ߓߟߏ ߡߊ߬ ߝߐ߰ߓߍ߬ߦߊ߬ߟߊ ߟߎ߬ ߟߊ߫߸ ߞߏ߫ ߊߡߙߌߞߌ߬ ߝߊ߲߬ߞߊ߬ ߓߟߏߡߊߞߊ߬ߣߍ߲ ߠߎ߬ ߟߋ߬ ߞߊ߬ ߡߎߘߎߙߏ߫ ߣߴߊ߬ ߟߊ߫ ߓߐ߬ߟߐ߲߬ߞߊ ߖߊ߬ߛߏ߲߫߸ ߞߵߊ߬ߟߎ߬ ߟߊߓߐ߫.
ߊߡߌߙߞߌ߬ ߞߊ߬ ߡߍ߲ ߛߐ߬ߘߐ߲߫ ߞߵߊ߬ ߝߐ߫ ߣߌ߲߬ ߞߏ ߘߐ߸ ߞߏ߫ ߊ߬ߟߎ߬ ߟߊ߫ ߡߐ߱ ߟߎ߬ ߦߋ߫ ߕߏ߫ ߡߊ߬ߝߊ ߘߐ߫߸ ߓߍ߯ ߦߋ߫ ߞߎ߲߫ ߊ߬ ߟߊ߫ ߓߏ߲߫ ߞߣߐ߫.
ߒ߬ߓߊ߬߸ ߛߎ߲߰ߕߟߋ ߕߎ߬ߡߊ ߢߌ߲߬ ߠߊ߫߸ ߛߌߟߊߓߐߛߐ߯ߣߊ߫ ߘߌ߫ ߛߋ߫ ߡߍ߲ ߝߐ߫ ߟߴߊߟߎ߫ ߦߋ߫ ߞߵߊ߬ ߓߍ߲߬ ߝ߭ߣߋߖ߭ߎߥߋߟߊ߫ ߞߊ߲ߕߌ߮ ߡߌ߬ߣߊ߬ ߞߏ ߡߊ߬߸ ߘߊ߬ߟߎ߬ ߖߐ߲ߖ߲߫ ߝߏߦߌ߬ ߡߊ߫ ߛߐ߬ߘߐ߲߬ ߊ߲ ߓߟߏ߫ ߡߎߣߎ߲߬߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߊߘߎߙߏ߫ ߓߘߊ߫ ߡߌ߬ߣߊ߬، ߓߊߏ߬߸ ߊ߲ ߓߊ߲ߓߊ߲ߣߍ߲߫ ߡߍ߲ ߞߊ߲߬߸ ߏ߬ ߟߋ ߘߏߣߊߟ ߕߑߙߐ߲ߔ ߖߍ߬ߘߍ ߟߊ߫ ߞߎߡߊ ߘߌ߫߸ ߊ߬ ߣߌ߫ ߝ߭ߣߋߖ߭ߎߥߋߟߊ߫ ߞߊ߲ߕߌ߯ ߛߙߍߞߍ ߞߵߊ߬ ߝߐ߫ ߡߍ߲ߞߍ߬ ߞߏ߫ ߊ߬ߟߎ߬ ߡߊ߫ ߞߊ߲ߕߌ߮ ߟߌ߬ߤߟߊ߬ ߞߋߟߋ߲߫ ߟߐ߲߫، ߓߊ߬ߙߌ߬߸ ߝߐ߰ߓߍ߬ߘߊ߬ ߝߏߦߌ߬ ߕߴߦߋ߲߬߸ ߡߍ߲ ߓߟߏ ߓߘߊ߫ ߟߴߊ߬ ߓߊ ߘߐ߫ ߡߎߣߎ߲߬߸ ߞߵߊ߬ ߝߐ߫ ߞߏ߫ ߡߊߘߎߙߏ߫ ߦߋ߫ ߦߙߐ߫ ߞߋߟߋ߲ ߢߌ߲߬ ߠߋ߬ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.