🔷 ߓߊ߰ߓߊ߰ߟߌ ߡߙߊ߬ߒ߬ߡߊ߬ߟߌ߬ ߥߙߍ߫ ߢߐ߲߰ ߞߐ ߟߎ߬: ߊ߬ ߛߐ߰ ߘߊ߫ ߞߎߡߊ ߡߊ߬ ߦߙߐ ߘߏ߫ ߟߎ߫ ߞߊ߲߬߸ ߡߙߊ߬ߒ߬ߡߊ߬ߟߌ ߞߍ߫ ߘߊ߫ ߦߙߐ ߡߍ߲ ߠߎ߬ ߘߐ߫ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫، ߡߙߊ߬ ߞߍ߫ ߘߊ߫ ߡߊ߬ߟߌ ߘߎ߰ ߛߌߦߊߡߊ߲߫ ߠߋ߬ ߡߊ߬ ߢߐ߲߮ ߞߐ߫ ߞߋߟߋ߲ߘߌ߫ (ߓߡߊ߬ߞߐ߫߸ ߞߊ߬ߕߌ߬߸ ߞߏߣߊ߫߸ ߡߐߔߑߕߌ߬߸ ߜ߭ߊ߬ߥߏ߫߸ ߊ߬߬ ߣߌ߫ ߞߌ߬ߘߊߟ)߸ ߏ߬ ߞߍ߫ ߘߊ߫ ߦߙߍߞߍߟߌ߫ ߓߟߋߓߟߋ߫ ߟߋ߬ ߘߐ߫ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫.

🔷 ߊ߬ ߞߊ߬ ߕߊ߲߬ߘߏ߬ߟߌ ߟߊߛߋ߫ ߣߊ߲߬ߕߌ߮ ߟߎ߫ ߡߊ߬: ߊ߬ߟߎ߬ ߞߍ ߘߐ߫ ߞߊ߬ ߞߣߐߜߍߦߊ ߣߌ߫ ߝߊ߬ߛߏ߬ ߞߊߣߌ߲ ߓߊ߯ߙߊ ߞߍ߫ ߖߡߊ߬ߣߊ ߟߊߞߊ߲ߘߊ ߘߐ߫߸ ߢߊߟߐ߲ ߣߌ߫ ߞߎ߬ߛߊ߲߬ߧߊ ߟߊ߫.

🔷 ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߞߏ ߟߎ߬ ߡߊߣߐ߬ ߝߛߊߦߌ߫: ߟߊ߬ߞߊ߲߬ߘߊ߬ߟߌ ߓߘߊ߫ ߝߊ߲߬ߞߊߘߏ߲߬߸ ߓߍߘߍ߲ߛߍߟߌ߫ ߦߙߍߞߍߟߌ ߦߋ߫ ߛߋ߲߬ߠߊ߫߸ ߟߊ߬ߛߏ߬ߓߌ߬ߟߌ ߘߏ߲߬ߞߏ ߟߎ߬ ߝߣߊ߫ ߦߋ߫ ߓߊ߯ߙߊ ߞߊ߲߬ ߊ߬ ߢߊ ߡߊ߬.

🔷 ߊ߬ ߞߵߊ߬ ߡߙߌ ߟߊߕߊ߯ ߞߏߕߐ ߟߎ߫ ߡߊ߬: ߞߊ߲ߕߌ߮ ߞߊ߬ ߝߏ߬ߟߌ ߟߊߛߋ߫ ߛߊ߬ߓߊ߰ߕߐ ߟߎ߬ ߣߌ߫ ߖߐߞߌߓߊ߯ߕߐ ߟߎ߬ ߞߐߙߍ ߟߎ߬ ߡߊ߬߸ ߣߊ߲߬ߕߌ߮ ߟߎ߬ ߣߌ߫ ߣߊ߲߬ߒ߬ߕߊ߲ ߠߎ߬ ߘߐ߫߸ ߞߊ߬ ߘߎߓߊ߫ ߝߎ߬ߙߋ ߟߎ߬ ߦߋ߫߸ ߞߊ߬ ߘߎߓߊ߫ ߖߐߞߌߓߊ߯ߕߐ ߟߎ߬ ߦߋ߫ ߞߍ߲ߘߍߦߊ߫ ߛߐߘߐ߲ ߠߊ߫.

🔷 ߊ߬ ߞߊ߬ ߡߙߌ߫ ߛߎ߮ ߏ߬ ߢߐ߲߰ ߠߊߛߋ߫ ߛߊ߬ߓߊ߰ߕߐ߫ ߞߟߍ߬ߕߌ߯ ߛߊ߯ߖߐ߬ ߞߡߊ߬ߙߊ߫ ߡߊ߬: ߏ߬ ߡߍ߲ ߠߊ߫ ߛߊ߬ߦߊ ߓߛߌ߬ߞߌ߬ߣߴߊ߬ ߓߟߏ߫ ߓߐ߬ߣߐ߫ ߘߍ߬ߜߍ ߘߌ߫߸ ߡߍ߲ ߠߊ߫ ߞߟߊߓߎ ߟߊߒߡߊ߫ ߕߍ߫߸ ߊ߬ ߞߍ߫ ߘߊ߫ ߝߊ߬ߛߏ߬ ߞߊ߬ߣߌ߲߬ߠߊ߫ ߘߌ߫ ߞߵߊ߬ ߞߍߕߊ ߟߎ߬ ߞߍ߫ ߊ߬ ߢߊ ߡߊ߬.

🔷 ߊ߬ ߞߵߊ߬ ߦߌ߬ߘߊ߬ ߞߏ߫ ߡߙߊ߬ߒ߬ߡߊ߬ߟߌ ߢߌ߲߬ ߠߊߥߟߌ߬ߣߍ߲߫ ߖߡߊ߬ߣߊ ߟߊߟߏ߲߬ߓߏ߲߬ߟߊ߲߬ߓߊ߲߬ ߞߊ߲ ߠߋ߬ ߡߊ߬: ߊ߬ ߞߵߊ߬ ߦߌ߬ߘߊ߬ ߞߏ߫ ߡߙߊ߬ߒ߬ߡߊ߬ߟߌ ߣߌ߲߬ ߦߋ߫ ߞߏ߫ ߘߐߓߍ߲߬ߣߍ߲ ߠߋ߬ ߘߌ߫߸ ߡߍ߲ ߞߐߞߘߐߓߌ߲ߓߌ߲ߣߍ߲߫ ߡߐ߱ ߘߏ߫ ߟߎ߫ ߓߟߏ߫ ߖߡߊ߬ߣߊ ߞߣߐ߫߸ ߊ߬ ߣߴߊ߬ ߞߐߞߊ߲߬.

🔷 ߊ߬ ߞߊ߬ ߡߊ߬ߟߌ ߟߊ߫ ߖߘߍ߬ߕߌ߰ߦߊ ߡߊߜߟߍ߬ߦߊ߬: ߊߛߡߌ߫ ߞߵߊ߬ ߦߌ߬ߘߊ߬ ߞߏ߫ ߡߊ߬ߟߌ ߡߊ߫ ߣߡߌߛߴߊ߬ ߟߊ߫ ߖߘߍ߬ߕߌ߰ߦߊ ߕߊ߬ߟߌ ߘߐ߫߸ ߊ߬ ߟߊ߫ ߡߊ߲߬ߕߎ߬ߙߋ߬ߦߊ ߞߊ߫ ߘߴߊ߬ ߦߋ߫߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߴߏ߬ ߟߎ߬ ߡߊߞߊ߲ߞߊ߲ ߡߊ߬ߞߏ ߦߋ߫ ߖߘߍ߬ߡߊ߬ ߛߘߊߞߊ ߛߌߦߊߡߊ߲߫ ߠߊ߫.

🔷ߊ߬ ߞߵߊ߬ ߞߊ߲ߠߊߘߌ߫ ߓߊߘߋ߲ߧߊ ߛߌ ߓߙߎ߬ߞߎ ߡߊ߬: ߞߵߊ߬ ߦߌ߬ߘߊ߬ ߞߏ߫ ߞߍߢߐ߲߯ߝߍ ߣߌ߫ ߢߐ߲߯ߘߍߡߍ߲߸ ߏ߬ ߟߋ ߖߡߊ߬ߣߊ ߘߍ߬ߡߍ߲߬ ߠߊ߫ ߜߟߍ߬ߦߊ ߟߎ߬ ߟߊߕߊ߬ߡߌ߲ ߘߐ߫.

🔷 ߊ߬ ߞߊ߬ ߟߊߒߠߦߊ ߟߊߞߎߘߦߊ߫ ߖߡߊ߬ߣߊ ߗߍ߬ߘߋ߲ ߠߎ߬ ߘߐ߫: ߞߵߊ߬ ߦߌ߬ߘߊ߬ ߞߏ߫ ߦߙߍߞߍߟߌ ߦߋ߫ ߛߋ߲߬ߠߊ߫߸ ߊ߬ ߕߍ߫ ߟߊߟߐ߬، ߝߏ߫ ߓߊ߰ߓߊ߰ߟߌ߬ ߞߙߎ ߓߍ߯ ߟߋ߬ ߓߊ߯ ߛߌߟߊߛߊ߬ ߕߋߜߊ߫.

🔷 ߊ߬ ߞߊ߬ ߡߌ߬ߙߌ߲߬ߘߌ ߞߟߌ߫ ߖߊ߲߬ߕߏ߬ߟߌ ߡߊ߬:  ߞߵߊ߬ ߦߌ߬ߘߊ߬ ߞߏ߫ ߖߡߊ߬ߣߊ߬ߘߋ߲ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߞߊ߫ ߞߊ߲߫ ߞߵߊ߬ ߖߊ߭ߛߌ߰߸ ߞߊ߬ ߛߋ߫ ߖߡߊ߬ߣߊ ߝߊ߰ߡߊ ߟߎ߬ ߡߊߘߍ߬ߡߍ߲߬ ߠߊ߫߸ ߞߊ߬ ߞߏߙߏ߲ߧߊ߫ ߛߌߟߊ ߓߍ߯ ߟߊ߲ߞߣߍߡߊ߫.

🔷 ߊ߬ ߞߊ߬ ߞߌ߬ߓߊ߬ߙߏ߬ ߘߐ߬ߝߌ߲ ߞߟߍ߬ ߞߏ ߝߐ߫ ߢߊ ߓߍ߯ ߡߊ߬: ߞߊ߲ߕߌ߮ ߞߵߊ߬ ߘߊߣߐ ߕߏ߫ ߊ߬ ߡߊ߬߸ ߞߏ߫ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߟߎ߬߸ ߓߟߏߛߐߙߐ߲ߞߣߐ ߟߎ߬ ߣߌ߫ ߞߣߐߘߐߛߏߙߏ߲ߞߏ ߟߎ߬߸ ߏ߬ ߟߎ߬ ߦߋ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߞߟߍ߬ߡߎߙߊ߲ ߘߏ߫ ߟߎ߫ ߟߋ߬ ߘߌ߫.

🔷 ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߢߌ߲߬ ߞߐߞߊ߲߫ ߖߡߊߣߊ ߟߎ߫ ߞߵߊ߬ ߘߍ߬ߡߍ߲߬: ߞߐߞߊ߲߫ ߖߡߊߣߊ ߟߎ߬ ߟߊ߫ ߓߊ߯ߙߊߢߐ߲߯ߦߊ ߞߣߐ߫߸ ߞߊ߲ߕߌ߮ ߞߊ߬ ߝߏ߬ߟߌ ߟߊߛߋ߫ ߙߎ߬ߛߌ߫ ߡߊ߬߸ ߏ߬ ߟߊ߫ ߘߍ߬ߡߍ߲߬ߠߌ߲ ߞߏߛߐ߲߬ ߓߊ߰ߓߊ߰ߟߌ ߞߍ߬ߟߍ ߘߐ߫.

🔷 ߊ߬ ߞߊ߬ ߞߏߕߐ ߟߎ߬ ߞߐߡߊߓߌ߲ߓߌ߲߫: ߞߊ߲ߕߌ߮ ߞߊ߬ ߡߙߌߦߊ ߘߏ߫ ߟߎ߫ ߦߌ߬ߘߊ߬߸ ߞߵߏ߬ ߞߍ߫ ߖߐߞߌߓߊ߯ߕߐ ߟߎ߬ ߣߌ߫ ߛߊ߬ߓߊ߰ߕߐ ߟߎ߬ ߞߐߙߍ ߟߎ߬ ߡߊߘߍ߬ߡߍ߲ ߘߌ߫.

🔷 ߊ߬ ߞߊ߬ ߞߟߌߟߌ ߞߍ߫ ߕߡߌߣߊ߲ߘߌߦߊ ߡߊ߬: ߡߊ߬ߟߌ ߕߍߣߵߊ߬ ߟߊ߫ ߛߌߟߊ ߕߊ߯ߡߊ ߟߊߟߐ߬ ߟߊ߫، ߘߐ߬ߛߌ߬ߟߊ߲߬ߠߌ߲ ߠߎ߬ ߣߴߊ߬ ߕߊ߫߸ ߡߊ߬ߟߌ ߘߴߊ߬ ߟߊ߫ ߓߊߛߌ߯ߟߌ ߛߌߟߊ ߕߊ߯ߡߊ߫ ߟߋ߬ ߘߍ߯.

🔷 ߊ߬ ߞߵߊ߬ ߟߊ߫ ߞߎߡߊ ߞߎ߲߬ߝߊ߮ ߞߍ߫ ߟߋ߬߸ ߞߏ߫ ߡߊ߬ߟߌ߬ߘߋ߲ ߠߎ߬ ߓߌߣߍ߲߫ ߠߋ߬ ߛߎ ߣߌ߫ ߕߋ߬ߟߋ߸ ߊ߬ߟߎ߫ ߘߏ߲߬ ߘߌ߫ ߛߎߘߊ߲߫ ߜߟߍ߬ߦߊ ߟߎ߬ ߘߐ߫ ߟߋ߬ ߘߍ߯.