ߊߟߌߖ߭ߋߙߌ߫ ߓߘߴߊ߬ ߦߌ߬ߘߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߏ߫ ߜߊ߬ߟߏ߬ߡߊ߬ߦߌߘߊ ߡߍ߲ ߦߴߌߘߐ߫ ߡߊ߬ߟߌ ߞߣߐ߫ ߕߋ߲߬߸ ߊ߬ߟߎ߬ ߦߴߏ߬ ߥߊ߬ߥߎ߬ߟߋ ߞߐ߲߫ ߠߊ߫ ߢߊ ߓߍ߯ ߡߊ߬، ߝߣߊ߫߸ ߊ߬ߟߎ߬ ߣߌ߫ ߡߊ߬ߟߌ ߓߍ߯ ߦߋ߫ ߝߊ߲߬ ߞߋߟߋ߲߫ ߠߋ߬ ߝߍ߬ ߣߌ߲߬ ߞߏ ߘߐ߫، ߏ߬ ߟߋ ߘߐ߫߸ ߜߟߍ߬ߦߊ ߟߊߣߍ߲ ߡߊ߬ߟߌ ߞߊ߲߬߸ ߊ߬ߟߎ߬ ߦߋ߫ ߞߏߓߊ߫ ߛߓߊ߬ ߛߌߟߊ߫ ߜߍߣߍ߲ ߠߋ߬ ߞߊ߲߬: ߞߊ߬ ߡߊ߬ߟߌ ߡߎ߰ߡߍ ߞߐߡߊߓߌ߲ߓߌ߲߫߸ ߊ߬ ߘߎ߰ߘߋ߲ ߣߴߊ߬ ߛߌ߲߬ߝߏ߲߬ߘߊ ߟߎ߬߸ ߞߵߏ߬ ߟߊ߫ ߖߡߊ߬ߣߊ ߟߊ߫ ߖߘߍ߬ߕߌ߰ߦߊ ߖߍ߬ߘߍ ߞߊ߲߬، ߊ߬ ߝߌߟߊߣߊ߲߫߸ ߓߊ߰ߓߊ߰ߟߌ ߞߟߍ߬ߣߴߊ߬ߟߎ߬ ߓߟߏ߫ ߟߋ߬ ߢߊ ߓߍ߯ ߡߊ߬߸ ߊ߬ߟߎ߬ ߕߍ߫ ߓߊ߰ߓߊ߰ߟߌ ߝߊ߲߬ߞߊ ߝߍ߬߸ ߊ߬ ߞߍߢߊ߫ ߝߏߦߌ߬ ߟߋ߬ ߡߊ߲߫ ߘߴߊ߬ߟߎ߬ ߦߋ߫، ߊ߬ ߛߓߊߣߊ߲ ߦߋ߫ ߡߍ߲ ߘߌ߫߸ ߊ߬ߟߎ߫ ߣߕߊ߬ߣߍ߲߫ ߞߍߢߐ߲߯ߝߍ ߟߊ߫ ߡߊ߬ߟߌ ߞߣߐ߫، ߓߊߏ߬߸ ߞߏ߫ ߞߍߢߐ߲߯ߝߍ ߟߋ߬ ߘߐߙߐ߲߫ ߘߌ߫ ߟߊߞߊ߲ߘߊ ߛߓߊ߬ߕߌ߬.

ߊߟߌߖ߭ߋߙߌ߫ ߞߎ߲߬ߠߊ߬ߛߌ߮ ߞߵߊ߬ ߦߌ߬ߘߊ߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߊ߬ߟߎ߬ ߟߊ߫ ߞߐߞߊ߲ߞߏ ߟߎ߬ ߞߏߕߌ߮ ߞߊ߲߫ ߘߐ߫ ߊߤߑߡߍߘ ߊߕߊߝ߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊߟߌߖ߭ߋߙߌ߫ ߦߋ߫ ߡߊ߬ߟߌ ߞߐߡߊߓߌ߲ߓߌ߲߫ ߠߊ߫ ߢߊߖߎ߯ ߣߌ߫ ߢߊ߫ ߢߌߡߊ߫ ߟߋ߬ ߝߛߊߦߌ߫߸ <<ߊ߬ ߘߎ߰ߞߟߏ߸ ߊ߬ ߡߌ߬ߙߌ߲߬ߘߌ߸ ߊ߬ ߣߴߊ߬ ߛߌ߲߬ߝߏ߲߬ߘߊ ߟߎ߬>> ߞߊ߬ ߓߍ߲߬ ߜߟߍ߬ߦߊ߫ ߡߊ߬߸ ߖߡߊ߬ߣߊ ߦߋ߫ ߡߍ߲ ߕߍߡߊ߬ ߕߋ߲߬.

ߊ߬ ߞߵߊ߬ ߝߙߊ߬ ߞߎߡߊ ߞߊ߲߬ ߞߏ߫ ߊߟߌߖ߭ߋߙߌ߫ ߕߍ߫ ߛߐ߲߬ ߓߊ߰ߓߊ߰ߟߌ ߝߊ߬ߘߌ߬ ߛߌ߫ ߡߊ߬߸ ߞߊ߲߫ ߛߌ߫ ߕߴߦߋ߲߬߸ ߡߍ߲ ߘߌ߫ ߛߋ߫ ߓߊ߰ߓߊ߰ߟߌ߬ ߞߏ ߟߊߗߋ߲߰ߧߊ߬ ߟߊ߫، ߞߏ߫ ߛߌ߫ ߝߣߊ߫ ߕߴߦߋ߲߬߸ ߡߍ߲ ߘߴߊ߬ ߞߍ߫ ߡߐ߰ ߘߴߌ ߢߊ ߟߊߜߊ߲߫ ߓߊ߰ߓߊ߰ߟߌ ߞߎ߲߬ߠߊ߫، ߏ߬ ߘߐ߫߸ ߊߟߌߖ߭ߋߙߌ߫ ߦߴߊ߬ ߘߐߜߏߦߊ߫ ߟߊ߫߸ ߞߵߊ߬ ߞߟߍ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߊ߬ ߞߊ߲߫ ߞߏ߫ ߣߴߌ ߞߵߊ߬ ߦߋ߫߸ ߊߟߌߖ߭ߋߙߌ߫ ߦߋ߫ ߞߎߡߊ߫ ߛߎ߮ ߏ߬ ߝߐ߫ ߟߊ߫߸ ߞߏ߫ ߊ߬ߟߎ߬ ߝߣߊ߫ ߓߘߊ߫ ߕߊ߬ߡߌ߲߬ ߊ߬ߟߋ߬ ߓߟߊ߬ߥߎ߬ ߞߏ߬ ߛߎ߮ ߘߐ߫ ߟߋ߬، ߏ߬ ߘߐ߫߸ ߊ߬ߟߎ߫ ߞߵߊ߬ ߟߐ߲߫ ߊ߬ ߘߌߡߌ߲ߣߍ߲߫ ߢߊ ߡߍ߲ ߡߊ߬.

ߞߏߕߌ߮ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊߟߌߖ߭ߋߙߌ߫ ߦߴߊ߬ ߞߊ߲ߠߊߘߌ߫ ߟߊ߫ ߡߊ߬ߟߌ ߡߊ߬ ߡߍ߲ ߝߣߊ߫ ߘߐ߫߸ ߏ߬ ߟߋ ߓߊߘߋ߲ߧߊ ߛߌ ߓߙߎ߬ߞߎ ߘߌ߫ ߖߡߊ߬ߣߊ ߞߣߐ߫ ߞߍߢߐ߲߯ߝߍ ߛߌߟߊ ߞߊ߲߬، ߣߌ߫ ߡߊ߬ߟߌ߬ߞߊ ߟߎ߫ ߜߊ߲߰ߛߊ߲ ߓߍ߲߬ ߘߊ߫ ߞߊ߬ ߢߐ߲߮ ߡߌ߬ߣߊ߬߸ <<ߏ߬ ߦߋ߫ ߖߌ߲߬ ߓߟߋߓߟߋ ߟߋ߬ ߘߌ߫ ߓߊ߰ߓߊ߰ߟߌ ߞߊ߲ߡߊ߬.>> ߊ߬ ߣߴߊ߬ ߦߋ߫ <<ߞߐ߬ߘߙߍ߫ ߕߎ߬ߢߊ߬ߡߊ ߟߋ߬ ߘߌ߫>> ߞߊ߬ ߓߊ߰ߓߊ߰ߟߌ ߞߟߍ߬.

ߊߟߎ߫ ߦߴߊ߬ ߟߐ߲߫߸ <<ߊߖ߭ߥߊߘ ߞߊ߲ߠߊߓߌߟߊ߫ ߞߟߊߘߊ>> ߦߋ߫ ߕߏ߰ߝߏ߫ ߟߋ߬ ߘߌ߫߸ ߡߍ߲ ߢߍߡߌ߬ߣߊ߬ߣߍ߲߫ ߕߎߥߊߙߍߜ߭ ߟߎ߬ ߓߟߏ߫، ߏ߬ ߟߎ߫ ߟߋ߬ ߣߌ߫ ߓߊ߰ߓߊ߰ߟߌ߬ ߞߙߎ߫ <<ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲߫ ߞߙߎ>> (ߛߛߞߞ) ߞߵߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߡߙߊ߬ߒ߬ߡߊ߬ߟߌ ߘߏ߫ ߘߊߘߐߓߍ߲߬ ߞߵߏ߬ ߥߊߟߋߦߊ߫ ߞߍ߲ߘߍߟߏ߲، ߊ߬ߟߋ߬ ߛߛߞߞ ߣߌ߲߬ ߦߋ߫ ߊߟߑߞߊߦߌߘߊ ߓߏߟߏ߲ߝߘߊ ߘߏ߫ ߟߋ߬ ߘߌ߫، ߊ߬ߟߎ߫ ߓߋ߬ ߘߊ߫ ߡߊ߬ߟߌ ߡߊ߲߬ߕߏ߲߬ߕߍ߬ ߛߊ߲ߡߊߘߊ߲ ߞߊ߲߬ ߓߡߊ߬ߞߐ߫߸ ߊ߬ ߣߌ߫ ߘߎ߰ ߣߊ߯ߣߌ߲߫ ߜߘߍ߫ ߝߣߊ߫ ߡߊ߬ߟߌ ߕߍߡߊ߬߸ ߊ߬ ߣߴߊ߬ ߞߐ߰ߘߎ߮ ߘߐ߫.

ߊ߬ߟߋ߬ ߡߙߊ߬ߒ߬ߡߊ߬ߟߌ ߘߐ߫߸ ߊ߬ ߦߌ߬ߘߊ߬ߣߍ߲߫ ߞߏ߫ ߡߊ߬ߟߌ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߫ ߞߎ߲߭ ߕߏ߫ ߘߴߊ߬ ߘߐ߫.