ߞߊ߬ߦߌ߯ ߋߓߏߟߊ߫ ߞߏ ߘߊߡߌ߬ߣߊ߬ ߘߊ߫ ߞߏߞߎߘߊ߫ ߞߐ ߢߌ߲߬ ߠߊ߫߸ ߊ߬ ߛߋ߲߬ߢߊ߬ ߝߟߐ ߟߋ߬ ߕߋ߲߬߸ ߊ߬ ߦߋ߫ ߡߐ߱ ߡߌ߬ߣߊ߫ ߝߊ߬ߙ߲߬ߛߌ߬ ߞߣߐ߫، ߘߊ߲ߘߊߟߌߟߊ ߘߏ߫ ߟߋ߬ ߣߊ߬ߣߍ߲߫ ߞߊ߬ ߓߐ߫ ߡߐ߰ߦߊ ߡߞߊߘߊ߲߫ ߗߋߦߊߟߌ߫ ߘߐ߫ ߓߍ߯ߦߊ߫ ߞߏ߲߬ߞߏ߫ ߖߡߊ߬ߣߊ ߞߊ߲߬߸ ߊ߬ ߓߘߊ߫ ߦߋ߫ ߞߏ߫ ߋߓߏߟߊ߫ ߓߊ߰ߙߋ߲ ߦߴߊ߬ ߟߊ߫߸ ߏ߬ ߞߎߡߊ ߝߐ߫ ߘߊ߫ ߜߋߙߋ߲ߜߋߙߋ߲ߧߊ ߞߏߕߌ߯ߘߊ ߟߋ߬ ߓߟߏ߫ ߓߌ߬ ߞߎߣߎ߲ߟߏ߲ ߢߌ߲߬ ߡߊ߬، ߊ߬ߟߋ߬ ߘߊ߲ߘߊߟߌߟߊ߫ ߖߊ߬ߞߊ߲߬ߙߏ߬ߕߐ ߓߘߊ߫ ߓߌ߬ߟߴߊ߬ ߞߋߟߋ߲߫ ߠߊ߫߸ ߞߵߊ߬ ߟߊߞߋ߲߬ߛߎ߬߸ ߊ߬ ߞߏ߬ߣߌ߲ ߦߌ߬ߘߊ߬ߣߍ߲߬ ߞߏ߫ ߊ߬ ߝߊ߬ߘߌ ߞߊ߫ ߝߌ߬ߛߊ߬.

ߞߏߕߌ߯ߘߊ ߞߵߊ߬ ߝߐ߫ ߞߵߊ߬ <<ߟߊߕߍ߰ ߓߌ߬ ߢߐ߲߰ ߟߏ߲߫߸ ߡߐ߰ ߝߟߐ߫ ߓߘߊ߫ ߛߐ߬ߘߐ߲߬ ߋߓߏߟߊ߫ ߓߊ߰ߙߋ߲ ߦߋ߫ ߡߍ߲ ߝߊ߬ߘߌ ߞߘߐ߫ ߝߊ߬ߙߊ߲߬ߛߌ߫ ߘߎ߰ߞߟߏ ߞߊ߲߬.>> ߏ߬ ߝߐ߫ ߘߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫. ߊ߬ߟߎ߬ ߓߊ߲߫ ߘߊ߫ ߞߵߊ߬ ߟߴߊ߬ ߞߊ߲߬ ߌߞߐ߫߸ ߞߏ߫: <<ߘߐ߬ߓߍ߲ ߓߍ߯ ߟߊߘߍ߬ߣߍ߲ ߓߘߊ߫ ߞߍ߫ ߞߵߊ߬ ߞߏ ߢߍߓߍ߲߬߸ ߊ߬ ߣߌ߫ ߞߊ߬ ߖߊ߲߬ߞߊ߬ߙߏ߬ߕߐ ߟߊߞߋ߲߬ߛߎ߫، ߊ߬ ߛߋ ߝߊ߬ߙߊ߲߬ߛߌ߫ ߘߎ߰ߞߟߏ ߞߊ߲߬ ߌߞߘߐ߫߸ ߊ߬ ߟߊ߫ ߞߏ ߕߊ߬ ߘߊ߫ ߓߊ߫ ߘߐ߫ ߞߊ߬ ߘߐ߰ߘߏ߲߬ ߞߍ߫ ߊ߬ ߟߊ߫߸ ߞߵߊ߬ ߟߊߞߊ߲ߘߊ߫ ߞߊ߬ ߕߊ߲߬ߞߊ߬ ߞߍ߫ ߊ߬ ߟߊߛߐ߬ߘߐ߲ ߡߊ߬ ߢߊ ߓߍ߯ ߡߊ߬߸ ߛߊ߫ ߡߐ߰ ߜߘߍ߫ ߞߊߣߵߊ߬ ߡߊߛߐ߬ߘߐ߲߫ ߊ߬ ߝߍ߬.>> ߜߋߙߋ߲ߜߋߙߋ߲ߧߊ ߞߏߕߌ߯ߘߊ ߞߵߏ߬ ߝߐ߫ ߞߵߊ߬ ߟߊߕߍ߰. ߏ߬ ߘߐ߫߸ ߊ߬ߟߋ߬ ߖߊ߲߬ߞߊ߬ߙߏ߬ߕߐ <<ߘߊ߲ߘߊ ߦߴߌߘߐ߫ ߘߊ߲ߘߊߛߏ߫ ߢߣߊߡߊ߫ ߟߊ߫.>> ߓߊ߯ߙߊ߫ ߡߎߙߊ߲ ߓߍ߯ ߘߝߊߣߍ߲߫ ߡߍ߲ ߠߎ߬ ߓߟߏ߫.

ߊ߬ߟߎ߬ ߦߴߊ߬ ߞߊ߲߬ ߞߵߊ߬ ߢߊߢߌߣߌ߲߫ ߝߣߊ߫߸ ߊ߬ߟߋ߬ ߘߊ߲ߘߊߟߌߟߊ ߣߌ߫ ߡߐ߱ ߡߍ߲ ߠߎ߬ ߛߋߣߍ߲߫ ߓߊ߯ ߞߍ߫ ߢߐ߲߮ ߡߊ߬߸ ߞߏ߫ ߊ߬ߟߎ߬ ߘߴߏ߬ ߟߎ߬ ߓߍ߯ <<ߞߟߌ߫ ߞߊߟߌߦߊ߫ ߓߟߏ ߖߍ߬ߘߍߖߍ߬ߘߍ ߡߊ߬ ߕߌ߲߬ߞߎߘߎ߲ ߜߋߙߋ߲ߜߋߙߋ߲ߧߊ ߖߋ߬ߕߌ߰ߘߊ ߓߟߏ߫߸ ߞߵߊ߬ߟߎ߬ ߟߊߞߋ߲߬ߛߎ߫ ߊ߬ߟߎ߬ ߟߊ߫ ߟߎ ߞߣߐ߫ ߕߋ߬ߟߋ߫ ߂߁ ߞߘߐ߫߸ ߞߊ߬ ߢߊ ߕߏ߫ ߊ߬ߟߎ߫ ߝߍ߬.>> ߏ߬ ߝߐ߫ ߘߊ߫ ߞߏߕߌ߯ߘߊ ߓߟߏ߫ ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߞߣߐ߫.

ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߣߊ߭ ߌߞߘߐ߫߸ ߊ߬ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߘߊߘߊߛߏ߫ ߓߟߏߡߊߞߊ߬ߣߍ߲ ߘߏ߫ ߟߊ߫، ߊ߬ ߣߌ߫ ߞߏ߫  <<ߊ߬ ߝߊ߬ߘߌ ߞߊ߫ ߝߌ߬ߛߊ߬ ߞߏߛߓߍ߫.>> ߞߏߕߌ߯ߘߊ ߟߋ߬ ߞߊ߲߫ ߕߋ߲߬.

ߌߡߊߘ ߞߊ߲ߛߏ߫ ߡߍ߲ ߦߋ߫ ߘߊ߲ߘߊߟߌߟߊ߫ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߖߘߐ߬ ߛߌ߫ ߕߴߦߋ߲߬ ߖߡߊ߬ߣߊ߬ߘߋ߲ ߕߐ߭ ߟߎ߬ ߟߊ߫ ߞߎ߲߬ߠߊ߫.

ߏ߬ ߘߐ߫߸ ߊ߲ ߢߊ ߦߴߏ߬ ߝߍ߬ ߛߎߡߍߛߎߡߍ߫߸ ߊ߬ ߞߏ ߓߊ߯ ߞߍ߫ ߢߊ ߡߍ߲ ߡߊ߬߸ ߊ߲ ߓߍߣߵߏ߬ ߞߌ߬ߦߴߊߟߎ߫ ߡߊ߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫.