ߞߊ߬ߦߌ߯ ߋߙߌߕߑߙߋ߫ ߞߵߊ߬ ߟߊ߫ ߖߘߍ߬ߕߌ߰ߦߊ ߕߊ߬ ߁߉߉߃ ߟߊ߫ ߤߊ߲߯ ߕߋ߲߬߸ ߢߣߊߕߊߟߌ߫ ߡߊ߫ ߞߍ߫ ߦߋ߲߬ ߡߎߣߎ߲߬߸ ߖߡߊ߬ߣߊ ߓߘߍ߬ߓߘߍ߬ߟߌ ߝߊ߲߬ߞߊ ߦߋ߫ ߗߍ߬ ߞߋߟߋ߲߫ ߔߋ߫ ߟߋ߬ ߓߟߏ߫.

ߘߎߢߊ߫ ߖߡߊ߬ߣߊ ߟߎ߬ ߞߣߐ߫߸ ߌ ߘߴߊ߬ ߦߋ߫ ߢߣߊߕߊߟߌ ߘߌ߫ ߞߍ߫߸ ߊ߬ ߞߍߢߊ ߕߍ߫ ߡߐ߱ ߟߎ߬ ߘߌߦߊ߫߸ ߥߟߊ߫ ߡߐ߱ ߟߎ߬ ߕߍ߫ ߓߍ߲߬ ߊ߬ ߡߊ߬߸ ߤߊߡߊ߲ߕߍ߫ ߡߊ߲߬ߞ߲ߊ ߘߌ߫ ߞߍ߫، ߓߊ߬ߙߌ߬߸  ߖߡߊ߬ߣߊ߬ ߦߋ߫ ߘߎߢߊ߫ ߣߌ߲߬ ߘߐ߫߸ ߢߣߊߕߊߟߌ߫ ߟߋ߬ ߡߊ߫ ߞߍ߫ ߦߋ߲߬ ߡߎߣߎ߲߬ ߡߎ߰ߡߍ߫߸ ߞߊ߬ߦߌ߯ ߊ߬ߟߎ߫ ߞߵߊ߬ߟߎ߬ ߟߊ߫ ߖߘߍ߬ߕߌ߰ߦߊ ߕߊ߬. ߏ߬ ߖߡߊ߬ߣߊ ߟߋ߬ ߋߙߌߕߑߙߋ߫ ߘߌ߫߸ ߥߟߊ߫ ߝߘߊ߬ߝߌ߲߬ߠߊ߫ ߞߐ߰ߘߎ߰ ߞߏߙߋ߫.

ߞߊ߬ߦߌ߯ ߋߙߌߕߑߙߋ߫ ߞߵߊ߬ ߟߊ߫ ߖߘߍ߬ߕߌ߰ߦߊ ߕߊ߬ ߁߉߉߃ ߟߊ߫߸ ߡߐ߰ ߞߋߟߋ߲߫ ߔߋ߫ ߟߋ߬ ߊ߬ ߞߎ߲߬ߠߊ߫߸ ߏ߬ ߟߋ ߌߛߊߦߌߛߊߛ ߊߝߎߥߍߙߑߞߌ߫ ߘߌ߫، ߊ߬ߟߋ ߟߋ߬ ߞߊ߬ ߖߘߍ߬ߕߌ߰ߦߊ ߛߍ߬ߘߏ߲ ߞߍ߫ ߞߵߊ߬ ߘߌ߫ ߖߡߊ߬ߣߊ ߡߊ߬߸ ߊ߬ ߞߍ߫ ߊߘ߫ ߞߊ߲ߕߌ߯ ߝߟߐߝߟߐ ߣߌ߫ ߞߊ߲ߕߌ߯ ߞߎ߲߬ߞߋߟߋ߲ ߘߌ߫ ߝߘߊ߬ߝߌ߲߬ߠߊ߫ ߘߊߜߟߏ ߟߊ߫.

ߣߴߏ߬ ߕߍ߫߸ ߊ߬ߟߎ߬ ߟߊ߫ ߖߡߊ߬ߣߊ ߛߌ߰ߞߊ߲ ߡߍ߲ ߠߊߘߊ߲߫ ߘߊ߫ ߁߉߉߇ ߟߊ߫߸ ߏ߬ ߞߵߊ߬ ߝߐ߫ ߟߋ߬ ߞߏ߫ ߞߊ߬ߕߏ߫ ߢߣߊߕߊߟߌ ߛߌ߲߬ߝߏ߲߬ߧߊ߬ ߟߊ߫߸ ߊ߬ ߣߴߏ߬ ߞߊ߬ ߛߌߟߊ ߘߌ߫ ߞߙߎߞߊ߫ ߥߙߍߦߊ ߡߊ߬، ߒ߬ߞߊ߬߸ ߤߊ߲߯ ߕߋ߲߬߸ ߢߣߊߕߊߟߌ ߛߎߡߊ ߡߊ߫ ߕߊ߬ߡߌ߲߫ ߖߡߊ߬ߣߊ ߞߎ߲߬ߠߊ߬ ߡߎߣߎ߲߬، ߓߊߏ߬߸ ߊ߬ ߛߊ߲߬ ߓߌߛߊ߬ߓߊ ߟߋ߬ ߕߋ߲߬߸ ߓߘߍ߬ߓߘߍ߬ߟߌ ߦߋ߫ ߡߐ߰ ߞߋߟߋ߲ ߠߋ߬ ߞߓߊ߬ ߞߘߐ߫.

ߞߎ߲߬ߠߊ߬ߛߌ߮ ߦߋ߫ ߡߎ߲߬ ߝߐ߫ ߟߊ߫ ߕߎ߬ߡߊ߬ ߓߍ߯؟ ߞߏ߫ ߖߡߊ߬ߣߊ ߓߊߛߌ߰ߣߍ߲߬ ߕߍ߫، ߓߊߏ߬߸ ߡߊ߲߬ߞ߲ߊ ߦߴߊ߬ߟߎ߬ ߣߴߊ߬ߟߎ߫ ߛߌ߰ߢߐ߲߰ ߖߡߊߣߊ߫ ߋߗߏߔߌߞߊ ߟߎ߬ ߕߍ߫ (߁߉߉߈ ߣߌ߫ ߂߀߀߀ ߕߍߟߊ ߞߍ߬ߟߍ߸ ߊ߬ ߣߌ߫ ߕߌߜ߭ߙߋ ߟߎ߬ ߟߊ߫ ߝߐߢߐ߲߯ߞߐ ߡߍ߲ ߕߊ߬ߡߌ߲߬ ߛߊ߲ ߦߋ߫ ߞߐ ߢߌ߲߬ ߠߊ߫ ߕߋ߲߬)߸ ߞߎ߲߬ߠߊ߬ߛߌ߮ ߦߴߏ߬ ߟߋ ߞߍ߫ ߟߴߊ߬ ߘߊߘߐߡߌߣߊߞߎ߲ߧߊ ߘߌ߫ ߢߣߊߕߊߟߌ ߞߍߓߊߟߌߦߊ ߘߐ߫.

ߋߙߌߕߑߙߋ߫ ߞߣߐ߫߸ ߢߣߊߕߊߟߌ ߞߍߓߊߟߌߦߊ ߣߌ߲߬ ߞߋߟߋ߲߫ ߕߴߦߋ߲߬ ߘߋ߬߸ ߞߎ߲߬ߠߊ߬ߛߌ߮ ߟߊ߫ ߞߏ ߘߐߖߊ߬ߣߍ߲߫ ߠߋ߬ ߜߘߋߜߘߋ߫߸ ߊ߬ߟߎ߬ ߢߊ ߦߋ߫ ߞߏ ߓߍ߯ ߝߍ߬، ߊ߬ ߦߋ߫ ߘߌߦߊߜߏߦߊ ߟߋ߬ ߘߌ߫ ߖߡߊ߬ߣߊ߬ߘߋ߲ ߓߍ߯ ߞߊ߲߬߸ ߞߊ߬ ߘߏ߫ ߞߍ߫ ߝߊ߬ߛߏ ߦߋ߫߸ ߦߏ߫ ߣߊ߲߬ߕߌ߮ ߟߎ߬ ߦߋ߫ ߢߊ ߡߍ߲ ߡߊ߬، ߊߟߎ߫ ߘߌ߫ ߟߐ߬ ߖߡߊ߬ߣߊ ߟߊ߫ ߓߊ߯ߙߊ ߘߏ߫ ߟߊ߫߸ ߥߊ߯ߕߌ߫ ߘߏ߲߬ ߕߴߊ߬ ߓߊ߲ ߠߊ߫، ߓߊ߬ߙߌ߬߸ ߝߏ߫ ߌ ߦߴߊ߬ ߞߍ߫ ߟߋ߬߸ ߓߊߏ߬ ߝߊ߬ߛߏ ߞߏ ߟߋ߬߸ ߊ߬ ߘߌߦߊ߫ ߘߴߌ ߦߋ߫ ߥߟߴߊ߬ ߡߊ߫ ߘߌߦߊ߫ ߌ ߦߋ߫، ߌ ߘߌ߫ ߕߊ߬ ߞߵߌ ߟߊߕߊ߯ ߦߙߐ߫ ߘߐ߫߸ ߞߎ߲߬ߠߊ߬ߛߌ߮ ߓߊ߯ ߡߍ߲ ߛߎߥߊ߲ߘߌ߫߸ ߥߊ߯ߕߌ߫ ߕߴߊ߬ ߟߊ߫.

ߞߊ߬ߦߌ߯ ߂߀߀߁ ߕߎߟߊߝߌ߲ ߠߋ߬ ߟߊ߫߸ ߊ߬ߟߎ߫ ߞߵߊ߬ߟߎ߫ ߛߋ߲߬ߓߐ߫ ߞߌ߬ߓߊ߬ߙߏ߬ߘߊ߬ ߞߏ ߘߐ߫، ߊ߬ߟߎ߫ ߞߊ߬ ߝߐ߰ߓߍ߬ߘߊ߬ ߘߍߒߖߘߍߟߊ ߓߍ߯ ߟߊߕߐ߲߫߸ ߞߵߊ߬ ߕߏ߫ ߞߎ߲߬ߠߊ߬ߛߌ߮ ߕߊ߫ ߞߋߟߋ߲߫ ߡߊ߬، ߏ߬ ߘߐ߫߸ ߋߙߌߕߑߙߋ߫ ߦߋ߫ ߖߡߊ߬ߣߊ߫ ߟߋ߬ ߘߌ߫߸ ߡߍ߲ ߘߏ߲߰ߣߍ߲߫ ߘߎߢߊ߫ ߡߊ߬، ߓߊߏ߬߸ ߘߎ߲߬ߘߎ߬ߡߊ߬ ߞߌ߬ߓߊ߬ߙߏ߬ߘߊ߬ ߕߴߦߋ߲߬ ߡߎ߰ߡߍ߫.

ߌߛߊߛߌߦߊߛ ߊߝߎߥߍߙߑߞߌ߫ ߛߊ߲߬ ߇߅ ߟߋ߬ ߕߋ߲߬߸ ߊ߬ ߡߊ߬ߞߏ߬ ߕߍ߫ ߢߣߊߕߊߟߌ߫ ߟߊ߫߸ ߊ߬ ߘߏ߲߬ ߕߴߊ߬ ߟߊ߫ ߢߍߥߟߊ߫ ߘߐ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫߸ ߋߙߌߕߑߙߋ߫ ߖߡߊ߬ߣߊ߬ߘߋ߲߬ ߘߋ߲ߡߌߛߍ߲ ߥߊ߯ ߦߙߌߞߊ߫ ߓߘߊ߫ ߓߐ߫߸ ߞߊ߬ ߖߡߊ߬ߣߊ ߓߌ߬ߟߊ߬، ߞߊ߬ߕߎ߲߯߸ ߌ ߜߊ߲߬ߞߘߊ߬ߡߊ߬ߕߐ߫ ߟߋ߬ ߕߋ߲߬ ߌߞߘߐ߫ ߕߟߋ߬ߞߎߣߊ ߘߐ߫߸ ߞߵߌ ߟߊߘߏ߲߬ ߣߊ߲߬ߕߌ߰ߦߊ ߘߐ߫߸ ߥߟߊ߫ ߞߊ߬ ߥߴߌ ߘߌ߫ ߖߡߊ߬ߣߊ ߝߘߏ߬ߓߊ߬ ߓߊ߰ߙߊ߬ ߦߙߐ ߘߏ߫ ߘߐ߫߸ ߌ ߘߌ߬ߢߍ߬ ߕߍ߫، ߌ ߘߏ߲߬ ߓߊ߯ ߥߊ߫߸ ߌ ߘߌ߫ ߛߴߌ ߛߌ߭ ߞߍ߫ ߟߊ߫ ߦߋ߲߬߸ ߓߊߏ߬ ߞߐߛߊߦߌ߲߫ ߕߎߡߊ߫ ߕߴߌ ߟߊ߫.

ߒ߬ߓߊ߬߸ ߋߙߌߕߑߙߋ߫ ߢߐ߲߱ ߞߊ߫ ߘߐ߯ ߘߎߢߊ߫ ߘߐ߫، ߓߊߏ߬߸ ߝߊ߬ߛߏ߬ ߜߙߊ߫ ߕߴߦߋ߲߬߸ ߞߎߡߊߞߍߓߏ߲߫ ߞߏ߫ ߞߎߡߊ߫ ߕߴߦߋ߲߬ ߡߎ߰ߡߍ߫، ߝߘߏ߬ߓߊ߬ ߞߏ߲ߘߏ߫ ߝߣߊ߫ ߕߴߦߋ߲߬، ߖߡߊ߬ߣߊ ߡߙߌߘߐ ߓߍ߯ ߦߋ߫ ߕߊ߬ ߟߊ߫ ߞߊ߲ߕߌ߯ߘߊ ߟߋ߬ ߟߊ߫.