ߔߊߞߌߛߑߕߊ߲߫ ߞߏߕߌ߯ ߝߟߐ ߛ߭ߋߤߑߓߊߖ߭ ߛ߭ߊ߬ߙߌߝ ߟߐ߬ߣߍ߲ ߕߏ߫ ߘߴߊ߬ߟߎ߬ ߟߊ߫ ߞߎߡߊߞߍߓߏ߲ ߘߊ ߟߋ߬ ߞߘߐ߫߸ ߞߊ߬ ߟߊ߬ߛߋ߬ߟߌ ߞߍ߫، ߞߵߊ߬ ߦߌ߬ߘߊ߬ ߞߏ߫ ߌߙߊ߲߫߸ ߊ߬ ߣߌ߫ ߊߡߙߌߞߌ߬߸ ߏ߬ ߟߎ߬ ߓߘߊ߫ ߛߋ߫ ߢߐ߲߯ ߠߊߡߍ߲ ߘߊ߲ߞߊ߲ ߠߊ߫߸ ߞߊ߬ ߓߍ߲߬ ߘߏ߫ ߘߐ߫، ߞߊߙߏ߫ ߦߙߌߞߊ߫ ߕߍߝߐ ߞߐߝߍ߬߸ ߡߍ߲ ߞߏ ߜߋ߬ߟߎ߲߬ ߘߊ߫ ߌߛߑߟߡߊߓߊߘ ߓߟߏ߫߸ ߊ߬ߟߋ ߡߍ߲ ߞߍ߫ ߘߊ߫ ߕߐߟߐ ߘߌ߫ ߣߌ߲߬ ߞߏ ߘߐ߫، ߕߟߏߡߊߟߐ߫ ߢߐ߲߰ ߠߊ ߡߍ߲ ߦߋ߫ ߣߌ߲߬߸ ߏ߬ ߟߋ ߞߍߕߐ߫ ߞߍ߬ߟߍ ߟߊߟߐ߬ ߟߊ߫ ߌߞߘߐ߫߸ ߞߊ߬ ߡߎ߯ ߝߏߘߏ߲߫ ߞߏ߫ ߞߎߡߊ ߓߊ߲߫ ߞߟߍ߬ߘߊ ߓߍ߯ ߘߐ߫߸ ߟߌߓߊ߲߫ ߕߊ ߦߴߏ߬ ߟߋ ߘߐ߫߸ ߊ߬ ߓߍ߯ ߛߋߣߍ߲߫ ߠߋ߬ ߥߛߊ߬ߦߊ߫ ߏ߬ ߘߌ߫.

ߞߏߕߌ߯ ߝߟߐ ߞߵߊ߬ ߟߊߛߋ߫߸ ߞߏ߫: <<ߓߌ߬߸ ߊߟߊ߫ ߟߊ߫ ߘߌ߬ߢߍ ߟߊ߫߸ ߘߎߢߊ߫ ߓߘߊ߫ ߛߋ߲߬ߕߊ߬ ߞߎߘߊ߫ ߞߍ߫ ߘߐ߬ߝߐ ߞߣߐ߫.>> ߊ߬ ߞߊ߬ ߓߍ߯ ߟߊߘߍ߬ߣߍ߲ ߝߏ߬ ߕߍߓߊ߯ߦߊ߫ ߞߏߢߌߡߊ ߟߊ߫،ߊ߬ ߞߊ߬ ߌߙߊ߲߫ ߡߙߊ߬ߓߊ߮ ߣߌ߫ ߊߡߙߌߞߌ߬ ߡߙߊ߬ߓߊ߮ ߝߏ߬߸ ߊ߬ߟߎ߬ ߟߊ߫ ߖߘߍ߬ߘߐ߬ߡߌߣߊ ߟߊ߫߸ ߊ߬ߟߎ߬ ߟߊ߫ ߡߐ߰ߓߊ߬ߦߊ ߦߌ߬ߘߊ ߘߐ߫߸ ߊ߬ ߣߴߊ߬ߟߎ߬ ߟߊ߫ ߞߊ߲ߞߋߟߋ߲ߕߌ߯ߦߊ ߘߐ߫ ߖߛߎ߬ߛߎߡߊ ߞߏߛߐ߲߬߸ ߏ߬ ߡߍ߲ ߞߍ߫ ߘߴߊ߬ߟߎ߬ ߓߟߏ߫ ߥߊ߯ߕߌ߫ ߟߊ߫߸ ߊ߬ ߞߟߊߡߊ߲߫ ߕߘߍ߬ ߥߊ߯ߕߌ ߡߍ߲ ߠߊ߫.

ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߞߟߍ߬ߟߊ߬ߟߐ ߣߴߊ߬ ߕߊ߫߸ ߜߛߏ߫ ߛߌߦߊߡߊ߲߫ ߦߟߍ߬ ߘߴߊ߬ ߞߘߐ߫، ߞߊ߬ߦߌ߯ ߞߟߍ߬ߟߊ߬ߟߐ߬ ߞߏ ߝߐ߫ ߘߊ߫ ߂߀߂߆ ߞߏ߲ߞߏߘߓߌ ߕߟߋ߬ ߈ ߡߊ߬ ߞߏ߫ ߞߵߊ߬ ߕߏ߫ ߘߊߖߐߥߏ ߡߊ߬߸ ߊ߬ ߞߏ ߞߛߊ߫ ߘߊ߫ ߞߏߛߓߍ߫، ߞߊ߬ߕߎ߲߯߸ ߌߙߊ߲߫ ߞߊ߬ ߕߏ߲ߘߋ߫ ߁߄ ߠߋ߬ ߝߐ߫߸ ߞߏ߫ ߣߴߏ߬ ߟߎ߬ ߛߋ߫ ߘߊ߫ ߢߊߓߐ߫ ߟߊ߫߸ ߊ߬ߟߎ߬ ߘߌ߫ ߛߐ߲߬ ߖߛߎ߬ߛߎ߬ߡߊ߬ ߞߏ ߡߊ߬ ߞߍ߬ߟߍ ߟߊߟߐ߭ ߘߐ߫، ߊߡߙߌߞߌ߬ ߞߵߊ߬ ߥߊ߬ߟߊ߲߬ߞߌ߫ ߕߏ߲ߘߋ ߏ߬ ߦߙߐ߫ ߛߌߦߊߡߊ߲߫ ߡߊ߬߸ ߊ߬ ߓߊ߯ ߓߍ߲߬ ߘߏ߫ ߡߊ߬ ߓߌ߬߸ ߊ߬ ߘߴߴߊ߬ ߦߌ߬ߘߊ߬ ߟߏ߲߫ ߜߘߍ߫߸ ߞߏ߫ ߊ߬ ߡߊ߫ ߓߍ߲߬ ߏ߬ ߡߊ߬، ߒ߬ߓߊ߬߸ ߞߊߙߏ߫ ߝߌ߬ߟߊ ߣߌ߲߬ ߞߍߣߍ߲߫ ߏ߬ ߟߋ ߘߐߢߌߡߌ߲ ߞߊ߲߬، ߏ߬ ߓߍ߯ ߓߊ߲ ߞߐ ߘߐߢߌߡߌ߲߫ ߠߊ߫߸ ߞߊ߬ ߓߍ߲߬ ߞߋߟߋ߲߫ ߡߊ߬߸ ߏ߬ ߟߋ ߓߍ߲߬ߞߊ߲ ߞߟߊ߬ߣߐ߬ߦߊ߬ߕߐ߫ ߖ߭ߋߣߍߝ߭ ߞߊߙߏ ߣߌ߲߬ ߕߟߋ߬ ߁߉ ߣߊ߬ߕߐ ߣߌ߲߬ ߡߊ߬.

ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߣߌ߫ ߞߟߊ߬ߣߐ߬ߦߊ߬ߟߌ ߣߌ߲߬ ߓߊ߲߫ ߘߊ߲߫߸ ߕߟߋ߬ ߆߀ ߡߍ߲ ߕߎ߲߰ߕߐ߫ ߊ߬ ߟߊ߫߸ ߏ߬ ߞߍߕߐ߫ ߖߡߊ߬ߣߊ߫ ߝߌ߬ߟߊ ߓߟߏ߫ ߘߊߘߐߖߊߥߏ߫ ߓߟߋߓߟߋ߫ ߟߋ߬ ߝߣߊ߫ ߞߊ߲߬߸ ߕߏ߲ߘߋ߫ ߜߘߍ ߡߍ߲ ߠߎ߬ ߟߛߊߣߌ߲ߧߓߊߟߌ ߦߋ߫ߟ ߣߌ߫ ߥߐ߬ߦߐ ߦߴߌߘߐ߫ ߏ߬ ߟߎ߫ ߝߍ߬߸ ߊ߬ߟߎ߬ ߘߌ߫ ߞߎߡߊ߫ ߏ߬ ߝߣߊ߫ ߞߊ߲߬ ߕߟߋ߬ ߆߀ ߞߎ߲߬ߕߊ߮ ߏ߬ ߞߣߐ߫.

ߔߊߞߌߛߑߕߊ߲߫ ߞߏߕߌ߯ ߝߟߐ ߛ߭ߋߤߑߓߊߖ߭ ߛ߭ߊ߬ߙߌߝ ߞߊ߲߫ ߞߏ߫߸ ߝߏߦߌ߬ ߕߍ߫ ߓߐߘߊ ߘߌ߫ߟ ߝߏ߫ ߛߌ߰ߞߊ߬ߝߐ߸ ߢߐ߲߯ ߠߊߡߍ߲߸ ߏ߬ ߟߋ ߘߐߙߐ߲߫ ߘߌ߫ ߛߋ߫ ߘߎߢߊ߫ ߘߐߛߎߡߊ߫ ߟߊ߫ ߥߊ߯ߕߌ߫ ߜߍߟߍ߲ ߢߌ߲߬ ߠߊ߫.