ߊߡߙߌߞߌ߬ ߞߏߟߊߘߍ߯ ߛߊ߲ߘߐ ߘߏ߫ ߞߵߊ߬ ߦߌ߬ߘߊ߫ ߜߎ߲߬ߘߎ߬ ߓߟߏ ߡߊ߬ ߛߌ߬ߣߌ߲߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߂ ߡߊ߬߸ ߞߏ߫ ߊߡߙߌߞߌ߬ ߣߌ߫ ߌߙߊ߲߫ ߓߍ߲߭ ߞߋߟߋ߲߫ ߘߐ߫ ߞߊ߬ ߛߋ߫ ߓߍ߲߬ߘߐ ߘߏ߫ ߞߟߊ߬ߣߐ߬ߦߊ ߟߊ߫߸ ߏ߬ ߓߍ߲߬ ߞߏ ߛߌߞߊ ߦߴߊ߬ߟߎ߬ ߘߐ߫ ߤߊ߲߯ <<%߈߀ ߞߵߊ߬ ߛߌ߰ ߈߅ ߖߊ߬ߕߋ߬ ߟߊ߫>> ߝߛߊߦߌ߫، ߓߊ߬ߙߌ߬߸ ߞߏ߫ ߊ߬ ߕߍ߫ ߛߴߊ߬ ߝߐ߫ ߞߏ߫ <<%߁߀߀>> ߟߋ߬ ߘߋ߬.

ߊ߬ ߞߊ߬ ߣߌ߲߬ ߝߐ߫ ߊ߬ ߣߌ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߓߊ߬ߘߏ ߘߏ߫ ߟߋ߬ ߘߐ߫߸ ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ <<ߊ߬ߟߋ ߛߍߥߊߣߍ߲߫ ߞߏߛߓߍ߫> ߞߵߏ߬ ߞߎ߲߭ ߞߍ߫ ߕߍߝߐ ߕߊ߬ߡߌ߲߬ ߢߊ ߘߌ߫، ߊ߬ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߓߍ߯ ߦߴߊ߬ ߖߊ߲߬ߕߏ߫ ߘߋ߬߸ <<ߛߋ߫ ߡߊ߫ ߞߍ߫ ߞߟߍ߬ߓߊ߲ ߞߎ߲߭ ߠߊ߫ ߘߋ߬>> ߏ߬ ߘߐ߫߸ ߞߏ߫ ߡߐ߰ ߘߴߊ߬ ߦߟߌߕߏ߫ ߏ߬ ߦߙߐ ߘߐ߫.

ߘߐ߬ߛߙߋ ߡߍ߲ ߞߎߡߊ ߦߴߊ߬ߟߎ߬ ߘߊ߫ ߣߌ߲߬߸ ߣߴߊ߬ ߞߍ߫ ߓߍ߲߬ߘߐ ߘߌ߫߸ ߣߴߊ߬ ߦߋ߫ ߝߐ߫ ߟߴߊ߬ ߡߊ߬ ߝߣߊ߫ ߞߏ߫ ߦߟߌߓߌߟߊߛߓߍ߸ ߏ߬ ߞߍߕߐ߫ ߕߙߎ߬ ߘߌ߫ ߞߊ߬ ߕߟߋ߬ ߆߀ ߛߋߒߞߏߟߊ߫ ߕߍߝߐ ߟߋ߬ ߛߌ߰ ߛߋ߲߬ߠߊ߫، ߣߴߊ߬ߟߋ ߓߊ߲߫ ߘߊ߫ ߞߟߊ߬ߣߐ߬ߦߊ߬ ߟߊ߫ ߕߎ߬ߡߊ ߡߍ߲ ߠߊ߫߸ ߒ߬ߓߊ߬ ߞߏ ߟߎ߬ ߟߊߕߊ߯ߡߊ߫ ߢߊ ߢߊߝߕߐ߫ ߏ߬ ߟߋ ߞߐ ߘߐ߫ ߛߊ߫ ߞߵߊ߬ ߛߙߊߕߌ ߟߎ߬ ߝߐ߫.

ߥߊ߲ߛߌ߲ߕߐ߲߫ ߠߊ߫ ߞߎߡߊ߫ ߘߐ߫߸ ߞߏ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߢߊߓߐ߫߸ ߏ߬ ߟߎ߫ ߟߋ߬ ߐߙߑߡߎߖ߭ ߖߌߓߐߟߐ߲ ߘߊߦߟߍ߬ ߞߏ ߘߌ߫߸ ߞߊ߬ ߖߌߞߊ߲߫ ߛߌߟߊ ߟߊߓߌ߬ߟߊ߬ ߞߵߊ߬ ߞߎߟߎ߲ߞߎߟߎ߲ߠߌ߲ ߠߊߛߣߐ߬ߦߊ߬، ߊ߬ ߣߌ߫ ߞߊ߬ ߊߡߙߌߞߌߞߊ ߟߎ߬ ߟߊ߫ ߘߟߊߛߌ߯ߟߌ ߟߊߥߟߌ߬ ߞߵߊ߬ ߓߐ߫ ߌߙߊ߲߫ ߘߊ߲ߞߊ߲ ߠߎ߬ ߞߊ߲߬.

ߊ߬ߟߋ߬ ߘߐ߬ߛߙߋ߬ ߞߋߟߋ߲ ߦߴߊ߬ ߦߌ߬ߘߊ߬ ߟߊ߫ ߝߣߊ߫߸ ߞߏ߫ ߌߙߊ߲߫ ߠߊ߫ ߝߕߌߝߏߘߏ߲߫ ߘߌ߲ߞߌߙߊ ߟߎ߬ ߞߊ߫ ߞߊ߲߫ ߞߊ߬ ߕߋ߬ ߟߋ߬ ߝߋߎ߫، ߡߎ߯ߖߎ߮ ߓߟߋߓߟߋ ߡߍ߲ ߠߎ߬ ߦߴߊ߬ߟߎ߬ ߓߟߏ߫߸ ߞߵߏ߬ ߟߎ߬ ߖߊߡߎߙߊ߲߫߸ ߞߵߊ߬ߟߎ߬ ߟߊߓߐ߫ ߖߡߊ߬ߣߊ ߞߣߐ߫ ߝߋߎ߫، ߊ߬ߟߎ߬ ߘߌ߫ ߓߊ߲߫ ߞߊ߬ ߜߋ߬ߟߎ߲߬ߠߌ߲߬ ߞߙߎ ߘߏ߫ ߟߊߘߊ߲߫߸ ߡߍ߲ ߠߎ߬ ߘߴߊ߬ߟߎ߫ ߖߊ߲߬ߕߏ߬ ߌߙߊ߲߫ ߘߐ߫߸ ߣߴߊ߬ ߘߴߊ߬ ߞߎߡߊ߫ ߞߊ߲ ߓߐ߫ ߊ߬ ߛߌߟߊ ߝߍ߬ ߥߟߴߊ߬ ߕߴߊ߬ ߓߐ߫ ߊ߬ ߛߌߟߊ ߝߍ߬، ߏ߬ ߕߐ߬ߣߐ ߞߍߕߐ߫ ߡߍ߲ ߘߌ߫ ߌߙߊ߲߫ ߞߊ߲߬߸ ߏ߬ ߝߟߐ ߦߋ߫ ߡߍ߲ ߘߌ߫߸ ߓߌ߲߬ߓߊ߬ߥߏ߬ ߓߟߋߓߟߋ ߡߍ߲ ߠߎ߬ ߌߙߊ߲߫ ߞߊ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߟߊ ߝߍ߬߸ ߏ߬ ߝߊ߲߬ߓߊ ߘߌ߫ ߟߊߥߟߌ߬ ߞߵߊ߬ ߓߐ߫ ߊ߬ߟߎ߫ ߞߊ߲߬، ߓߊ߬ߙߌ߬ ߛߙߊߕߌ߫߸ ߣߌ߫ ߕߤߋߙߊ߲߫ ߡߴߊ߬ ߡߴߊ߬ ߞߙߌ߬ߞߙߊ߫ ߓߍ߲߬ߘߐ߬ ߞߏ ߢߍߥߟߊ ߞߘߐ߫.

ߐ߲߸ ߊ߲ ߞߏ߬ߣߌ߲ ߦߋ߫ ߘߊߞߎ߲ ߡߍ߲ ߘߐ߫ ߕߋ߲߬߸ ߌߙߊ߲߫ ߝߊ߬ߡߊ ߟߎ߬ ߡߊ߫ ߞߎߡߊ߫ ߡߎߣߎ߲߬߸ ߞߵߊ߬ ߦߌ߬ߘߊ߬ ߣߌ߫ ߊ߬ߟߎ߬ ߣߌ߫ ߊߡߙߌߞߌ߬ ߓߘߊ߫ ߓߍ߲߬ ߥߟߴߊ߬ߟߎ߬ ߓߍߣߊ߬ ߓߍ߲߬ ߞߋߟߋ߲߫ ߘߐ߫، ߞߊ߬ߕߎ߲߯߸ ߡߎ߯ߖߎ߯ ߞߏ ߣߌ߫ ߝߕߌߝߏߘߏ߲߫ ߞߏ ߡߍ߲ ߠߎ߬ ߦߴߊ߬ ߘߐ߫ ߣߌ߲߬߸ ߦߊ߯ߟߊ߫߸ ߌߙߊ߲߫ ߘߌ߫ ߛߐ߲߬ ߏ߬ ߡߊ߬ ߓߊ߬؟ ߣߴߊ߬ ߘߏ߲߬ ߡߊ߫ ߛߐ߲߬ ߏ߬ ߡߊ߬߸ ߊ߬ߝߐ߫ ߞߍ߬ߟߍ ߟߊߟߐ߬ ߞߊ߲߫ ߦߴߏ߬ ߘߌ߫؟ ߒ߬ߓߊ߬ ߢߍߥߟߊ ߦߋ߫ ߘߊߞߎ߲ ߏ߬ ߟߋ ߘߐ߫ ߕߋ߲߬.