ߘߌ߲߬ߞߌߙߊ ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߡߐ߰ ߂߆ ߢߐ߲߰ ߠߋ߬ ߝߊ߰ߣߍ߲߫ ߙߎ߬ߛߌ߬ ߟߊ߫ ߘߐ߬ߝߏ߬ߘߏ߲߬ߠߌ߲߬ ߓߟߋߓߟߋ ߘߏ߫ ߘߐ߫ ߎ߳ߞߑߙߍߣߌ߲߬ ߘߎ߰ ߘߊ߲ߘߐ߫ ߞߣߐ߫߸ ߣߊߟߌ߬ߡߎ߲߫ ߖ߭ߊߔߏߙߖ߭ߌߦߊ߫ ߣߌ߫ ߞߙߊߡߊߕߐߙߛߞ ߘߌ߫، ߡߙߊ߬ߒ߬ߡߊ߬ߟߌ ߢߌ߲߬ ߠߎ߬ ߘߐ߫߸ ߙߎ߬ߛߌ߫ ߞߊ߬ ߝߏߘߏ߲߫ ߞߊ߬ߡߊ߲߬ߡߊ ߟߋ߬ ߟߐ߬ ߘߐ߬ߖߍ߲߬ߛߍ߲߬ߠߌ߲ ߞߍ߫ ߟߊ߫߸ ߡߍ߲ ߞߊ߬ ߛߏ ߝߊ߲߬ ߛߌߦߊߡߊ߲߫ ߖߊߡߎߙߊ߲߫߸ ߞߊ߬ ߡߊ߬ߞߍ߬ ߦߙߐ ߛߌߦߊߡߊ߲߫ ߠߊߥߎ߬ߦߊ߬߸ ߊ߬ ߣߌ߫ ߘߍ߲߰ߘߊ ߘߏ߫ ߟߎ߫، ߊߔߋ ߝߐ߰ߓߍ߬ߘߊ ߟߊ߫ ߝߐߟߌ߫ ߘߐ߫߸ ߞߏ߫ ߡߐ߰ ߂߂ ߕߎ߲߬ ߓߘߊ߫ ߝߊ߰ ߞߟߍ߬ߟߊ߬ߟߐ ߕߎ߬ߡߊ߬ ߖߋߞߎ ߛߋߟߌ ߢߍ߫߸ ߙߋߎ߳ߕߍ߳ߙ ߞߊ߲߫ ߞߏ߫ ߡߐ߰ ߂߇ ߟߋ߬ ߝߊ߰ ߘߊ߫ ߙߎ߬ߛߌ߬ ߟߊ߫ ߥߊ߬ߟߏ߲߬ߠߌ߲߬ ߞߐߟߕߊ ߢߌ߲߬ ߠߎ߬ ߘߐ߫߸ ߘߏ߫ ߟߎ߫ ߖߍ߬ߘߍ ߦߴߏ߬ ߞߍ߫ ߟߊ߫ ߂߈ ߘߌ߫.

ߣߴߌ ߞߊ߬ ߖ߭ߊߔߏߙߖ߭ߌߦߊ߫ ߕߊ߬߸ ߙߎ߬ߛߌ߬ ߟߊ߫ ߥߊ߬ߟߏ߲߬ߠߌ߲ ߞߊ߬ ߡߐ߰ ߁߂ ߟߋ߬ ߝߊ߰ ߦߋ߲߬߸ ߞߊ߬ ߡߐ߰ ߃߇ ߖߐߞߌ߫߸ ߝߊ߰ߡߊ ߟߎ߬ ߟߊ߫ ߟߊ߬ߛߋ߬ߟߌ ߞߣߐߘߐ ߟߞߊ߬ߟߌ߬ ߞߊ߲ ߘߐ߫ ߞߊ߬ߣߌ߲߬، ߣߴߌ ߘߏ߲߬ ߞߊ߬ ߞߙߊߡߊߕߐߙߛߞ ߕߊ߬߸ ߏ߬ ߦߋ߫ ߖߡߊ߬ߣߊ ߕߟߋ߬ߓߐ ߟߋ߬ ߘߐ߫߸ ߣߊ߲߬ߒ߬ߕߊ߲߬ ߟߏ߯ߟߎ߫ ߟߋ߬ ߝߊ߰ ߘߊ߫ ߦߋ߲߬߸ ߙߎ߬ߛߌ߬ ߟߊ߫ ߥߊ߬ߟߏ߲߬ߠߌ߲ ߞߐ ߘߐ߫ ߛߏ߫ ߕߍߡߟߊ ߞߊ߲߬.

ߜߍ ߘߐ߫ ߦߋ߲߬ ߌߞߘߐ߫߸ ߡߞߊ߬ߘߊ߲߬ߠߌ߲߬ߠߊ ߟߎ߫ ߞߊ߬ ߞߌ߬ߣߌ߲߬ߞߌ߬ߣߌ߲߬ߞߏ ߣߌ߫ ߖߌ߰ߕߍ߰ߞߏ߫ ߛߌߦߊߡߊ߲߫ ߦߋ߫: ߘߎ߰ߞߎߟߎ߲߫ ߖߋ߬ߣߌ߲߬ߣߍ߲ ߠߎ߬߸ ߘߋ߲߬ߞߊ߬ ߝߊߣߍ߲߫ ߖߋ߬ߟߌ߬ ߟߊ ߟߎ߬߸ ߖߐߞߌߓߊ߯ߕߐ ߡߍ߲ ߠߎ߬ ߦߋ߫ ߥߊ ߞߊ߲߬ ߘߊ߲ߘߊߛߏ ߟߊ߫߸ ߛߎ߭ ߡߍ߲ ߠߎ߬ ߦߋ߫ ߟߊ߬ߡߌߣߌ߲ ߠߎ߬ ߘߐ߫، ߡߞߊ߬ߘߊ߲߬ߠߌ߲߬ ߞߙߎ ߞߊ߬ ߓߊ߯ߙߓߊ߫ ߞߍ߫ ߛߎ ߝߍ߬، ߓߊߏ߬߸ ߊ߬ߟߎ߬ ߛߋ߫ ߘߊ߫ ߜߊ߲ߜߘߊ ߓߍ߯ ߘߐߥߎ߯ߙߌ߫ ߟߊ߫߸ ߞߊ߬ ߢߣߊߡߊ ߟߎ߬ ߣߌ߫ ߝߎ߬ߙߋ ߟߎ߬ ߟߊߓߐ߫.

ߞߏߕߐ߫ ߜߘߍ߫ ߟߎ߫ ߟߊ߫߫ ߞߏ ߝߐ߫ ߘߊ߫ ߘߣߌߔߙߏ߫ ߣߌ߫ ߣߌߞߏߔߐߟ ߘߎ߱ ߟߎ߬ ߞߣߐ߫߸ ߥߊ߬ߟߏ߲߬ߠߌ߲߬ ߞߎߘߊ߫ ߟߎ߫ ߝߣߊ߫ ߞߍ߫ ߘߊ߫ ߙߎ߬ߛߌ߬ ߓߟߏ߫ ߗߍߙߑߣߤߌߝ߭، ߞߌߦߍߝ߭ ߣߐ߬ ߡߐߛߑߞߎ߫ ߟߋ߬ ߡߊߝߌ߲߬ ߠߊ߫ ߣߌ߲߬ ߞߏ ߘߐ߫߸ ߞߏ߫ ߊ߬ ߣߐ߬ ߊ߬ ߟߊߥߟߌ߬ ߟߊ߫ ߣߊ߲߬ߒ߬ߕߊ߲ ߠߎ߬ ߟߊ߫ ߓߏ߲ ߠߎ߬ ߘߐߕߌߢߍ ߟߋ߬ ߡߊ߬، ߙߎ߬ߛߌ߫ ߞߏ߬ߣߌ߲ ߕߍ߫ ߞߎߡߊ߫ ߛߎ߮ ߏ߬ ߟߎ߬ ߟߊߟߐ߬ ߟߊ߫ ߡߎ߰ߡߍ߫߸ ߞߵߊ߬ ߕߊ߬ ߞߍ߬ߟߍ ߘߊߡߌ߬ߣߊ ߡߊ߬ ߂߀߂߂ ߞߏ߲ߞߏߜߍ ߟߊ߫ ߤߊ߲߯ ߕߋ߲߬، ߓߊߏ߬߸ ߛߊ߲߬ߘߊ ߞߊ߲߫ ߠߋ߬ ߞߏ߫ ߐ߲߰ߤߐ߲߬ ߘߌ߫ ߡߐ߰ ߓߌ߬ߟߊ߬ ߞߏ߫ ߘߐ߫߸ ߒ ߡߴߊ߬ ߢߊ߫ ߟߐ߲߫ ߘߏ߲߬ ߣߌ߫ ߛߌߞߊ߫ ߕߍ߫ ߝߘߊ߫.