ߓߊߘߍ ߟߋ߬ ߕߎ߲߬ ߦߴߌߘߐ߫ ߡߊߛߌ߲ߘߌ߫ ߘߎ߱ ߞߣߐ߫ ߎߜ߭ߊ߲ߘߊ߫߸ ߊ߬ߟߎ߫ ߣߐ߬ ߗߍ߭ ߡߍ߲ ߛߎ߭ ߘߏ߲߬ ߠߊ߫ ߏ߬ ߘߐ߫ ߛߊ߫߸ ߏ߬ ߟߋ ߢߣߊߡߊ ߣߐ߬ ߊ߬ ߞߐߛߊ߬ߦߌ߲߬ ߠߊ߫ ߞߊ߬ ߣߊ߬ ߝߏ߬ߟߌ߬ ߖߡߊ ߛߐ߬ߘߐ߲߬ ߟߎ ߞߣߐ߫.

ߗߍ߭ ߣߌ߲߬ ߕߐ߯ ߟߋ߬ ߞߏ߫ ߜ߭ߏߘߑߥߌ߲ ߓߊߜ߭ߎߡߊ߫߸ ߊ߬ ߦߋ߫ ߓߐ߫ ߟߊ߫ ߞߌߖ߭ߣߊ ߥߊ߬ ߞߌߖ߭ߎߙߊ߫ ߟߋ߬، ߊ߬ ߕߎߣߎ߲߫ ߘߴߊ߬ ߟߊ߫ ߡߐ߱ ߟߎ߫ ߡߊ߬ ߟߋ߬߸ ߞߊ߬ ߞߎ߲߬ߢߐ߲߰ ߘߊ߲ߘߐ߫ ߢߐ߲߰ ߓߐ߫߸ ߏ߬ ߞߵߏ߬ ߟߎ߫ ߓߊ߬ߟߌ߬ ߞߏߛߓߍ߫، ߓߊߏ߬߸ ߊ߬ߟߎ߫ ߞߵߊ߬ ߢߌߣߌ߲߫ ߢߊ ߓߍ߯ ߡߊ߬߸ ߊ߬ߟߎ߬ ߡߴߊ߬ ߦߋ߫، ߗߍ߭ ߣߌ߲߬ ߤߊ߲ߞߟߌ߫ ߞߏ ߜߍߣߍ߲߫ ߕߍ߫߸ ߊ߬ ߓߐ߫ ߘߊ߫ ߟߎ ߞߣߐ߫ ߟߋ߬߸ ߊ߬ ߡߴߊ߬ ߛߙߊ߬߸ ߝߏ߫ ߊ߬ߟߎ߫ ߞߵߊ߬ ߢߌߣߌ߲߫ ߞߏ ߛߌ߰ ߛߋ߲߬ߠߊ߬ ߦߙߐ ߓߍ߯ ߘߐ߫߸ ߊ߬ ߡߊ߫ ߦߋ߫.

ߒ߬ߓߊ߬߸ ߞߏ߲ߞߏߘߓߌ ߟߋ߬ ߟߊ߫߸ ߊ߬ ߟߊ߫ ߡߐ߱ ߟߎ߫ ߞߵߊ߬ ߡߍ߲߫ ߞߏ߫ ߛߎ߭ ߘߏ߫ ߞߎߙߎ߲ߞߎߙߎ߲ߕߐߟߊ ߓߘߊ߫ ߦߋ߫ ߜߐ߯ ߕߌߡߌ߲߫ ߝߍ ߘߏ߫ ߘߐ߫ ߞߌߛߊ߲ߖ߭ߊ߫، ߛߎ߭ ߏ߬ ߟߋ ߕߊ߬ߣߍ߲߫ ߞߊ߬ ߥߴߊ߬ ߘߌ߫ ߡߊߛߌ߲ߘߌ߫ ߘߊ߲ߘߊߛߏ ߛߎ߬ߓߏ߲ ߠߊ߫߸ ߊ߬ ߟߊ߫ ߡߐ߱ ߟߎ߫ ߞߵߊ߬ ߖߌ߰ ߛߊ߫ ߞߏ߫ ߓߊߜ߭ߎߡߊ߫ ߛߎ߭ ߟߵߏ߬ ߘߌ߫، ߊ߬ ߝߊ߬ ߖߍ߬ߘߍ߸ ߦߊ߬ߞߏߓߏ߬ ߞߊߡߕߎߙߊߞߌ߫ ߞߵߊ߬ ߦߌ߬ߘߊ߬ ߞߏ߫ <<ߒ ߘߋ߲ ߠߎ߬ ߟߋ߬ ߞߵߊ߬ ߝߐ߫ ߞߏ߫ ߊ߬ߟߎ߬ ߓߊߘߋ߲ ߠߵߏ߬ ߘߌ߫، ߊ߲ ߝߣߊ߫ ߟߊ߫ ߘߴߊ߬ߟߎ߬ ߟߊ߫߸ ߞߊ߬ ߘߍ߲߬ߞߣߍ߬ߦߊ߫ ߛߦߊ߬ ߞߏ ߡߊ߬.>>

ߌߞߏߡߌ߲߬ ߛߎ߭ ߕߎ߲߬ ߓߘߊ߫ ߕߏ߬ߟߌ߬ ߝߊߦߌߘߊ߫߸ ߊ߬ ߓߊߘߍ߫ ߞߏ ߟߞߊߟߌߦߊ߫ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߓߍ߲߬ ߞߊ߯ߙߌߟߏ߲ ߘߏ߫ ߡߊ߬߸ ߞߊ߬ ߛߎ߭ ߘߏ߲߬، ߡߐ߱ ߟߎ߬ ߓߐ߫ ߘߊ߫ ߝߊ߲߬ ߓߍ߯ ߞߊ߬ ߣߊ߬ ߓߊߘߍ ߘߐ߫߸ ߞߵߊ߬ߟߎ߬ ߟߊ߫ ߘߎ߬ߥߊ߬ߥߎ ߟߎ߬ ߞߍ߫.

ߏ߬ ߘߎ߰ߛߊ߬ߜߍ ߟߋ߬ ߡߊ߬ ߛߍߣߍ߲߬߸ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߘߏ߫ ߟߎ߫ ߛߊߙߌ ߘߊߡߌ߬ߣߊ߬ ߘߊ߫ ߛߏ ߟߊ߫: ߞߏ߫ ߊ߫߹ ߊ߬ ߞߍߣߍ߲߫ ߦߏ߫ ߓߊߜ߭ߎߡߊ߫ ߞߍ߲ߘߍ ߓߘߊ߫ ߦߋ߫ ߟߊ߬ߡߌ߬ߣߌ߲߬ ߛߏ ߘߏ߫ ߟߊ߫، ߏ߬ ߞߊ߬ ߓߍ߯ ߞߎߛߎ߲߫ ߢߊ ߏ߬ ߡߊ߬߸ ߞߊ߬ ߞߐߙߍ ߕߏ߫ ߛߌߞߊ ߕߍߡߊ߬ ߛߍߣߍ߲߬ ߛߌߞߊ߫، ߊ߬ ߘߐ߯ߡߛߏ߫ ߗ߭ߊߣ ߓߌߙߎ߲ߖ߭ߌ߫ ߞߵߊ߬ ߦߌ߬ߘߊ߬ ߞߏ߫ <<ߊ߲ ߣߐ߬ ߊ߬ ߦߋ߫ ߟߊ߫߸ ߞߵߊ߬ ߘߓߊ߬ߙߌ߬ߓߊ߲ ߞߍ߫ ߊ߲ ߓߍ߯ ߟߊ߫، ߊ߲ ߕߎ߲߬ ߡߊ߫ ߟߴߊ߬ ߟߊ߫ ߝߋߎ߫߸ ߞߏ߫ ߊ߬ ߦߋ߫ ߘߎߢߊ߫ ߘߐ߫ ߡߎ߬ߕߎ߲߬.>>

ߊ߬ߟߎ߬ ߥߊ߫ ߘߴߊ߬ ߛߐ߬ߘߐ߲߫ ߏ߬ ߘߐ߫߸ ߓߊߜ߭ߎߡߊ߫ ߟߊߣߍ߲߫ ߊ߬ ߘߍ߬ߢߐ߰ߗߍ߬ ߘߏ߫ ߓߘߊ ߛߌ߬ߣߐ߮ ߘߐ߫ ߞߌߤߊ߲ߜ߭ߎߖ߭ߌ߫ ߘߎ߰ߣߍ߲ ߞߣߐ߫߸ ߊ߬ߟߎ߫ ߞߵߊ߬ ߕߊ߬ ߢߊ ߏ߬ ߟߋ ߡߊ߬ ߌߞߘߐ߫ ߞߊ߬ ߥߴߊ߬ ߘߌ߫ ߛߏ߫߸ ߞߵߊ߬ ߛߐ߬ߘߐ߲߬ ߝߏ߬ߟߌ߬ ߖߡߊ ߟߎ߬ ߦߋ߫ ߟߎ ߞߣߐ߫ ߤߊߟߌ߬ߛߊ߫، ߛߊ߲߬ߞߊ߬ ߝߏ߬ ߖߡߊߣߊ ߦߟߍ߬ߡߊ߲߬ ߢߊ ߟߋ߬ ߞߍߣߍ߲߫ ߘߊߘߐߖߊ߫ ߖߡߊ ߣߌ߫ ߛߍߥߊ߫ ߖߡߊ ߘߌ߫ ߏ߬ ߘߌ߫.

ߏ߬ ߞߍ߫ ߘߊ߫ ߕߙߎ߬ ߘߌ߫߸ ߊ߬ ߟߊ߫ ߞߐߙߍ ߕߎ߲߬ ߞߊ߬ ߛߎ߭ ߡߍ߲ ߓߌ߬ߟߊ߬ ߞߊߓߙߎ ߞߣߐ߫߸ ߊ߬ߟߎ߬ ߕߊ߯ ߘߴߏ߬ ߘߐߥߎ߯ߙߌ߫ ߞߵߊ߬ ߟߊߓߐ߫߸ ߞߵߊ߬ ߟߊߕߊ߯ ߘߊ߲ߘߊߛߏ ߟߊ߫ ߊ߬ ߟߊ߫ ߞߏ ߢߊߢߌߣߌ߲߫ ߞߊ߲ߡߊ߬ ߞߵߊ߬ ߟߐ߲߫، ߕߐ߲ߓߟߏߡߊ ߟߎ߬ ߝߣߊ߫ ߞߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫ ߏ߬ ߟߊ߫ ߞߏ ߢߊߢߌߣߌ߲߫ ߞߊ߲ߡߊ߬.

ߕߌ߲߬ߞߎߘߎ߲ ߏ߬ ߕߐ߲ߓߟߏߡߊ ߟߎ߬ ߟߊ߫ ߓߋߟߋ߲ߕߌ߮߸ ߛߟߏߡߐ߲ ߡߎߖ߭ߌߛߊ߫ ߞߵߊ߬ ߦߌ߬ߘߊ߬ ߞߏ߫: <<ߛߎ߭ ߦߌߘߊߞߊ߭ ߡߍ߲ ߞߍ߫ ߘߊ߫ ߞߐߙߍ ߟߊ߫߸ ߏ߬ ߟߎ߫ ߞߵߊ߬ ߝߐ߫ ߟߋ߬ ߞߏ߫ ߊ߬ߟߎ߬ ߟߊ߫ ߡߐ߱ ߛߎ߭ ߟߋ߬، ߞߏ߬ߣߵߊ߬ߟߎ߫ ߣߊ߬ ߘߴߊ߬ ߦߋ߫ ߞߐ ߟߊ߫ ߞߏ߫ ߏ߬ ߦߋ߫ ߓߊߟߏ߫ ߘߐ߫߸ ߏ߬ ߟߋ ߣߊ߬ ߘߊ߫ ߡߐ߱ ߟߎ߫ ߞߣߐ߬ߘߐߝߟߌ߬ ߛߊ߫.>>

ߝߊ߰ߡߊ ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߖߊ߲߬ߕߏ߬ߒ߬ߘߐ ߣߌ߫ ߦߟߌߛߌ߮ ߟߋ߬ ߡߊ߬ ߛߎ߭ ߡߊߟߐ߲ ߘߐ߫߸ ߊ߬ ߕߌ߯ߕߌ߯ ߛߎ߭ ߡߍ߲ ߓߊ߯ ߥߌ߬ߟߌ߫ ߕߏ߬ߟߌ߬ ߟߊ߫߸ ߣߴߏ߬ ߟߊ߫ ߞߏ ߡߊ߫ ߡߌ߬ߣߊ߬ ߞߏߢߊ߬߸ ߌ ߘߌ߫ ߥߊ߫ ߝߍ߭ ߞߍ߫. ߊ߬ ߣߌ߫ ߝߣߊ߫߸ ߞߏ߫ ߊ߬ߟߎ߫ ߥߟߌ߬ ߢߊ ߡߍ߲ ߏ߬ ߘߌ߫ ߌߞߘߐ߫ ߞߊ߬ ߥߊ߫ ߛߎ߭ ߘߏ߲߬ߣߍ߲ ߏ߬ ߟߊߓߐ߫߸ ߏ߬ ߞߍߢߊ߫ ߕߴߏ߬ ߘߌ߫، ߓߊߏ߬߸ ߛߙߊߕߌ ߘߏ߫ ߟߎ߫ ߟߋ߬ ߛߎ߭ ߟߊߓߐ ߟߊ߫ ߞߊߓߙߎ ߞߣߐ߫ ߡߎߣߎ߲߬.

ߣߌ߲߬ ߞߏ ߞߎߡߊ ߓߌ߬ߟߊ ߓߟߏߟߊ߫߸ ߊ߬ ߣߊ߬ߕߐ߫ ߞߊߙߏ߫ ߞߋߟߋ߲ ߠߋ߬ ߡߊ߬ ߕߋ߲߬߸ ߊ߬ ߓߊ߯ ߝߐ߫ ߝߊ߲߬ ߛߌ߫ ߘߐ߫߸ ߊ߬ ߦߋ߫ ߛߐ߰ ߟߊ߫ ߥߊ߬ߙߊ ߟߋ߬ ߡߊ߬ ߓߍ߯ ߡߊ߬ ߡߎߣߎ߲߬، ߊ߬ ߞߏ߬ߣߌ߲ ߓߊ߯ ߢߊߝߐ߫߸ ߌ ߘߴߊ߬ ߟߐ߲߫ ߞߏ߫ ߊ߬ ߘߌ߫ ߛߋ߫ ߞߍ߫ ߟߊ߫.