ߗߍ߭ ߘߏ߫ ߟߋ߬ ߛߎ߭ ߦߋߣߍ߲߫ ߛߟߊߡߊߣߌ߲߫ ߞߌ߲߬ߘߊ ߟߊ߫ ߓߌ߬ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߓߌߟߊ ߕߟߋ߬ ߁߈ ߡߊ߬، ߗߍ߬ ߛߊ߲߬ ߄߉ ߣߌ߲߬ ߛߎ߭ ߦߋ߫ ߘߊ߫ ߝߏߟߏ߲ ߠߋ߬ ߞߣߐ߫߸ ߊ߬ ߞߎ߲߭ ߕߍ߰ߣߴߊ߬ ߟߊ߫ ߞߵߊ߬ ߡߟߋߞߋ߫ ߡߣߊ ߘߐ߫. ߊ߬ ߦߋ߫ ߘߊ߫ ߦߙߐ ߡߍ߲ ߘߐ߫߸ ߦߋ߲߬ ߦߋ߫ ߛߊ߲ߝߌߟ ߓߏ߲ ߏ߬ ߖߎ߬ߞߘߐ߫ ߟߋ߬߸ ߛߊ߲ߕߙߌ߫ ߌߛߑߟߊߡߌߞ ߓߍ߲߬ߕߍ ߘߐ߫ ߌߞߘߐ߫.
ߞߊ߬ߕߎ߲߯߸ ߞߐ߬ߓߊ߬ߟߏ߲ ߛߎ ߟߋ߬ ߘߐ߫߸ ߗߍ߭ ߣߴߊ߬ ߡߏ߬ߛߏ ߕߍ߬ߘߍ߫ ߖߌ߬ߦߊ߬ߞߊ߲߬ ߡߊ߬ߝߟߍ ߟߊ߫ ߝߏ߮ ߞߣߐ߫߸ ߊ߬ ߟߊ߫ ߜߋߟߋ߲ߜߋߟߋ߲ ߞߊ߬ߛߌ߬ ߘߊ߫، ߊ߬ ߞߊ߬ ߞߟߌߟߌ ߏ߬ ߟߋ ߖߋ߬ߓߌ߬߸ ߞߊ߬ ߓߐ߫ ߞߊ߬ ߖߌ߰ ߘߎ߱ ߡߊ߬، ߊ߬ ߞߐߛߊߦߌ߲߫ ߡߊ߫ ߦߋ߫ ߡߎ߬ߕߎ߲߬߸ ߊ߬ ߘߏ߲߬ ߓߊ߯ ߞߟߌ߫ ߊ߬ ߟߊ߫ ߜߋߟߋ߲ߜߋߟߋ߲ ߕߍ߫ ߕߊ߬ߡߌ߲߬ ߠߊ߫، ߒ߬ߓߊ߬߸ ߛߎ߭ ߡߍ߲ ߦߋߣߍ߲߫ ߓߌ߬ ߏ߬ ߘߐ߫ ߛߊ߫߸ ߏ߬ ߖߌ߬ߦߊ ߕߊ߬ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߥߴߊ߬ ߦߌ߬ߘߴߊ߬ ߡߏ߬ߛߏ ߟߊ߫߸ ߊ߬ ߞߵߊ߬ ߟߐ߲߫ ߊ߬ ߟߊ߫ ߝߊߘߌߦߊߓߐ ߟߋ߬ ߝߟߐ߫ ߡߊ߬ ߡߎߣߎ߲߬ ߌߞߘߐ߫߸ ߞߏ߫ ߊ߬ ߗߍ߬ ߟߋ߬، ߏ߬ ߖߊ߬ ߢߊ ߟߋ߬ ߞߍߣߴߊ߬ ߟߊ߫ ߏ߬ ߘߌ߫ ߞߊ߬ ߥߴߊ߬ ߘߌ߫ ߘߊ߲ߘߊߛߏ ߟߊ߫، ߞߊ߬ߕߎ߲߯߸ ߟߊ߬ߞߙߐ߬ߛߌ߬ߟߌ ߟߎ߬ ߞߐߝߍ߬ ߘߊ߲ߘߊߛߏ ߟߊ߫߸ ߊ߬ ߦߋ߫ ߘߊ߫ ߞߏ߫ ߗߍ߭ ߞߎ߲߭ ߕߍ߰ ߘߴߊ߬ ߟߊ߫ ߟߋ߬ ߊ߬ ߝߊ߰ߓߊ߮ ߟߎ߬ ߓߟߏ߫߸ ߞߵߊ߬ ߓߌ߬ߟߊ߬ ߡߣߊ ߞߣߐ߫߸ ߞߊ߬ ߥߴߊ߬ ߓߌ߬ߟߊ߬ ߝߏߟߏ߲ ߞߣߐ߫ ߡߎ߬ߕߎ߲߬ ߛߊ߫.
ߛߎ߭ ߦߋ߫ ߘߊ߫ ߘߋ߲ߣߍ߲߫ ߖߍ߯ ߡߌߣߟߊ ߘߏ߫ ߟߎ߫ ߟߋ߬ ߓߟߏ߫ ߝߏߟߏ߲ ߞߣߐ߫߸ ߞߊ߬ ߡߐ߰ߓߊ ߟߎ߬ ߟߊߟߐ߲ߠߌ߲߫ ߢߊ ߏ߬ ߡߊ߬ ߛߊ߫، ߏ߬ ߟߎ߬ ߝߣߊ߫ ߞߍߢߊ ߟߵߏ߬ ߘߌ߫ ߞߊ߬ ߡߏߙߌߥߎߟߋ߲߫ ߞߡߊ߬ߙߊ߬ ߟߊߟߐ߲ߠߌ߲߫߸ ߊ߬ߟߋ ߡߍ߲ ߦߋ߫ ߛߟߊߡߊߣߌ߲߫ ߞߌ߲߬ߘߊ ߞߌ߲߬ߕߌ߮ ߘߌ߫، ߏ߬ ߝߣߊ߫ ߞߵߊ߬ ߛߊ߲ߘߐ߫ ߡߐ߮ ߟߎ߬ ߟߊߟߐ߲ߠߌ߲߫ ߞߊ߬ߝߏ߬ߙߋ߲߬ ߞߣߐ߫߸ ߏ߬ ߟߎ߫ ߞߊ߬ ߣߊ߲߬ߒ߬ߕߊ߲߬ߧߊ߫ ߟߊߕߊ߲߬ߞߊ ߣߌ߫ ߓߊߙߊ߲ߕߏ߲߫ ߥߎߟߋ߲ ߠߊߟߐ߲ߠߌ߲߫.
ߞߌ߲߬ߕߌ߮ ߟߊ߫ ߝߐߟߌ߫ ߘߐ߫߸ <<ߊ߬ߟߎ߫ ߞߵߊ߬ ߝߊ߰ ߟߋ߬ ߞߣߊ߬ߕߏ߫ ߛߎ߭ ߕߏ߫ ߟߴߊ߬ߟߎ߬ ߞߐ߫ ߝߏߟߏ߲ ߞߣߐ߫، ߘߋ߲ߣߍ߲ ߡߍ߲ ߠߎ߬ ߦߋ߫ ߖߍ߯ ߡߌߣߊ ߞߍ߫ ߟߊ߫߸ ߏ߬ ߟߎ߫ ߟߋ߬ ߞߊ߬ ߛߎ߭ ߦߋ߫ ߢߊ ߏ߬ ߡߊ߬، ߒ ߠߊߟߐ߲ߠߌ߲ ߡߍ߲ ߞߍ߫ ߘߴߊ߬ ߞߏߢߊ ߟߊ߫߸ ߒ ߝߣߊ߫ ߞߊ߬ ߞߊ߬ߝߏ߬ߙߋ߲߬ߕߌ߮ ߟߊߟߐ߲ߠߌ߲߫߸ ߏ߬ ߞߊ߬ ߝߊ߰ߡߊ ߕߐ߭ ߟߎߎ߬ ߣߌ߫ ߣߊ߲߬ߒ߬ߕߊ߲߬ߧߊ߫ ߟߊߕߊ߲߬ߞߊ ߟߊߟߐ߲ߠߌ߲߫.>> ߞߌ߲߬ߕߌ߮ ߞߵߏ߬ ߦߌ߬ߘߊ߬.
ߘߌ߲߬ߞߌߙߊ ߞߏߟߊߕߍ߮ ߟߎ߬ ߛߋ ߞߣߍ ߞߊ߲߬߸ ߊ߬ߟߎ߫ ߞߵߊ߬ ߛߐ߬ߘߐ߲߬ ߖߊ߬ߡߊ߫ ߘߍ߬ߜߍ ߓߘߊ߫ ߓߐ߫ ߞߊ߬ ߦߋ߲߬ ߠߊߡߌߣߌ߲߫، ߛߎ߭ ߟߊߓߐ߫ ߢߊ ߟߋ߬ ߞߍ߫ ߘߴߏ߬ ߘߌ߫߸ ߊ߬ ߡߊ߫ ߛߋ߫ ߟߊߞߊ߬ ߟߊ߫ ߦߋ߲߬ ߜߘߍ߫ ߞߍ߫ ߡߎ߬ߕߎ߲߬߸ ߞߵߊ߬ ߕߊ߬ ߞߊ߬ ߥߴߊ߬ ߘߌ߫ ߘߊ߲ߘߊߛߏߓߊ ߟߊ߫.
ߞߌ߲߬ߕߌ߮ ߞߵߊ߬ ߦߌ߬ߘߊ߬߸ ߞߏ߫: <<ߌߞߏߡߌ߲߬ ߖߊ߬ߡߊ ߞߊ߫ ߛߌߦߊ߫ ߕߘߍ߬ ߦߙߐ ߘߐ߫߸ ߊ߲ ߞߊ߬ ߛߎ߭ ߣߌ߫ ߡߣߊ ߏ߬ ߓߌ߬ߟߊ߫ ߓߐ߬ߘߐ ߞߣߐ߫߸ ߞߵߊ߬ ߕߊ߬ ߞߊ߬ ߥߴߊ߬ ߘߌ߫ ߘߊ߲ߘߊߛߏ ߟߊ߫، ߊ߲ ߛߋ ߦߋ߲߬ ߛߊ߫߸ ߊ߲ ߞߵߊ߬ ߦߋ߫ ߞߏ߫ ߗߍ߭ ߟߋ߬߸ ߊ߬ ߞߎ߲߭ ߕߴߊ߬ ߟߊ߫.>> ߡߏߙߌߥߎߟߋ߲߫ ߞߵߊ߬ ߟߊ߫ ߞߎߡߊ ߘߊߓߊ߲߫ ߏ߬ ߢߊ ߟߋ߬ ߡߊ߬.
ߊߟߎ߫ ߦߴߊ߬ ߟߐ߲߫߸ ߗߍ߭ ߟߊ߫ ߡߐ߱ ߟߎ߫ ߕߍ߬ߘߍ߫ ߊ߬ ߢߌߣߌ߲ ߞߊ߲߬ ߞߊ߬ߦߌ߯ ߛߎ߫ ߕߊ߬ߡߌ߲߬ߣߍ߲، ߒ߬ߓߊ߬߸ ߖߐ߲߰ߛߴߊ߬ ߘߌ߫ ߟߐ߲߫ ߣߌ߫ ߡߍ߲ ߢߌߣߌ߲ ߦߴߌߘߐ߫ ߏ߬ ߟߋ ߦߋ߫߸ ߊ߬ߟߎ߫ ߞߵߊ߬ ߖߌ߬ߦߊ߬ߓߍ ߕߊ߬ ߞߊ߬ ߥߴߊ߬ ߦߌ߬ߘߊ߬ ߕߎߣߎ߲ߓߊ߯ߕߐ ߡߏ߬ߛߏ ߟߊ߫.
<<ߊ߬ ߞߵߊ߬ ߝߐ߫ ߊ߲ ߧߋ߫ ߞߏ߫ ߊ߬ ߗߍ߬ ߟߋ߬߸ ߞߏ߫ ߊ߬ߟߎ߬ ߓߍ߯ ߟߋ߬ ߕߍ߬ߘߍ߫ ߖߌ߬ߦߊ߬ߞߊ߲߬ ߡߊ߬ߝߟߍ ߞߊ߲߬ ߝߏ߮ ߞߣߐ߫ ߛߎ ߘߐ߫، ߞߏ߫ ߊ߬ ߗߍ߬ ߞߊ߬ ߞߟߌߟߌ ߟߋ߬ ߛߐ߬ߘߐ߲߬߸ ߊ߬ ߖߌ߰ ߘߊ߫ ߛߊ߲ߓߏ߲ ߠߊ߫، ߊ߬ ߞߟߌ߫ ߘߊ߫ ߏ߬ ߞߐ ߘߐ߫߸ ߊ߬߬ ߟߊ߫ ߝߙߍߕߍ ߕߍ߫ ߕߊ߬ߡߌ߲߬ ߠߊ߫، ߊ߬ ߡߏ߬ߛߏ ߣߐ߬ ߟߌ߬ߤߟߊ ߣߌ߲߬ ߛߐ߬ߘߐ߲߬ ߠߊ ߌߞߘߐ߫߸ ߊ߬ ߖߊ߬ ߘߴߊ߬ ߟߊ߫ ߟߋ߬.>> ߞߌ߲߬ߕߌ߮ ߞߵߏ߬ ߢߊߝߐ߫.ߞߊ߲ߞߊ߲߫: ߗߍ߬ ߘߋ߲߫ ߟߏ߯ߟߎ߫ ߕߌ߯ ߛߊ߲߬ ߓߌߣߊ߯ߣߌ߲߫ ߣߌ߫ ߞߐ ߘߏ߫ ߟߋ߬ ߛߎ߭ ߦߋߣߍ߲߫ ߛߟߊߡߊߣߌ߲߫ ߞߌ߲߬ߘߊ ߟߊ߫߸ ߊ߬ ߞߎ߲߭ ߕߍ߰ߣߴߊ߬ ߟߊ߫ | Silabosoona
ߗߍ߭ ߣߌ߲߬ ߦߋ߫ ߛߊ߲߬ ߄߈ ߤߊ߲߯ ߛߊ߲߬ ߄߉ ߖߊ߬ߕߋ߫ ߟߋ߬ ߘߐ߫߸ ߡߛߏ߬ ߞߋߟߋ߲߫ ߦߴߊ߬ ߞߎ߲߬߸ ߊ߬ ߣߌ߫ ߘߋ߲߫ ߟߏ߯ߟߎ߫ ߖߊ߬ߕߋ߬، ߏ߬ ߡߍ߲ ߞߎߡߊ ߟߊߕߍ߰ ߘߴߊ߬ ߟߊ߫ ߞߐߙߍ ߘߏ߲߬ߞߏ ߘߏ߫ ߓߟߏ߫߸ ߊߓߘߎߟߊߦߌ߬ ߞߊ߬ߓߊ߸ ߡߍ߲ ߡߊߖߌ߰ߣߍ߲߫ ߖߌ߲߭ ߞߣߐ߫߸ ߏ߬ ߦߴߊ߬ ߓߏߙߌ߲ߗߍ߫ ߟߋ߬ ߘߌ߫، ߏ߬ ߞߊ߬ ߡߐ߱ ߟߎ߬ ߡߊߛߓߊߙߌ߫ ߟߋ߬߸ ߞߏ߫ ߛߊ߬ߦߊ ߓߘߊ߫ ߓߊ߲߫ ߞߍ߫ ߟߊ߫.
ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߣߌ߲߬߸ ߊ߬ ߡߊ߫ ߟߐ߲߫߸ ߖߐ߲߫ ߞߵߊ߬ ߞߟߌ߫ ߜߋߟߋ߲ߜߋߟߋ߲ ߠߊ߫߸ ߊ߬ ߡߊ߫ ߟߐ߲߫߸ ߖߐ߲߫ ߞߵߊ߬ ߝߊ߰߸ ߊ߬ ߟߊ߫ ߜߋߟߋ߲ߜߋߟߋ߲ ߝߣߊ߫ ߡߊ߫ ߦߋ߫߸ ߊ߬ ߞߎ߲߭ ߡߊ߫ ߦߋ߫.
Commentaires 0
La lecture des commentaires est libre. Connectez-vous pour participer.
Aucun commentaire pour le moment.