ߎߜ߭ߊ߲ߘߊ߫ ߞߊ߲ߕߌ߮߸ ߦߏߥߋߙߌ ߡߎߛߝ߭ߋߣߌ߫ ߓߘߴߊ߬ ߦߌ߬ߘߊ߬ ߞߏ߫ ߤߊߡߌ߲߫ ߞߋߟߋ߲ ߡߍ߲ ߊ߬ߟߋ ߟߊ߫߸ ߏ߬ ߟߋ ߞߋ߬ߙߏ߬ߖ߭ߍߣ ߛߐ߲߬ߞߐ ߦߟߍ߬ ߞߏ ߘߌ߫ (ߢߟߊߡߍߣߍ߲ߕߊߖߌ)߸ ߏ߬ ߡߍ߲ ߞߍ߫ ߟߊ߫ ߛߊ߲ߡߊߞߎߟߎ߲ ߠߎ߬ ߘߐ߫، ߞߏ߫ ߊ߬ ߟߊ߫ ߕߌ߬ߦߊ߬ ߕߍ߫ ߖߌߥߎ ߟߊ߫ ߞߏ ߘߐ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߔߏߔߏ ߟߎ߬ ߣߌ߫ ߘߎ߰ߞߎߟߎ߲ ߠߎ߬ ߘߐ߫.

ߘߎ߰ߞߎ߬ߟߎ߬ߟߎ߲߬ ߕߌ߮ ߟߎ߬ ߣߌ߫ ߔߏߔߏ߫ ߕߌ߮ ߟߎ߬ ߟߊ߫ ߞߎߡߊ ߟߋ߬ ߛߌߦߊߦߊߣߍ߲߫߸ ߞߊ߬ ߓߍ߲߬ ߊ߬ߟߎ߬ ߤߊߡߌ߲߫ ߞߏ ߡߊ߬ ߖߌߥߎ ߛߐ߲߬ߞߐ ߦߟߍ߬ ߞߏ ߟߊ߫ ߎߜ߭ߊ߲ߘߊ߫ ߞߣߐ߫، ߒ߬ߓߊ߬߸ ߊ߬ߟߎ߬ ߟߊ߫ ߞߊ߲ߕߌ߮ ߞߎߡߊߣߍ߲߫ ߏ߬ ߟߋ ߞߏߢߊ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߣߌ߫ ߓߐߟߌ ߛߋ߫ ߕߍ߫ ߡߍ߲ ߠߎ߬ ߦߋ߫߸ ߏ߬  ߟߎ߬ ߦߋ߫ ߕߏ߫ ߊ߬ߟߎ߬ ߓߘߊ ߞߍ߬.

ߊ߬ ߞߊ߬ ߞߎߡߊ ߣߌ߲߬ ߝߐ߫ ߓߌߟߏ߲ ߠߋ߬ ߣߊߦߌߙߏߓߌ߫ ߜߊ߬ߙߊ ߛߋ߲߭ߝߍ߬߸ "ߊߝߙߌߞߊ߬ ߥߌ ߓߌߟߘ ߂߀߂߆"، ߊ߬ ߞߵߊ߬ ߦߌ߬ߘߊ߫ ߟߊ߬ߘߍ߬ ߘߊߞߎ߲ ߏ߬ ߘߐ߫ ߞߋߣߌߦߊ߫ ߖߡߊ߬ߣߊ ߞߊ߲߬߸ ߞߏ߫ ߞߋ߬ߙߏ߬ߖ߭ߍߣ ߦߋ߫ ߞߏߓߊ߫ ߟߋ߬ ߢߊ߬ ߟߊ߫ ߖߡߊ߬ߣߊ ߟߊ߫ ߡߊ߬ߘߏ߬ߣߌ߲߬ߠߌ߲ ߠߎ߬ ߘߐ߫ ߛߊ߲ߝߍ߬߸ ߞߎ߲ߝߊ߲ߓߐߟߌߟߊ ߟߎ߬ ߟߊ߫ ߟߊ߬ߝߏߦߌ ߓߊ߯ߙߊ ߟߎ߬ ߘߐ߫.

ߊ߬ ߞߊ߲߫ ߞߏ߫ ߤߊߡߌ߲ߓߊ ߡߍ߲ ߊ߬ߟߋ ߟߊ߫ ߕߋ߲߬߸ ߏ߬ ߟߋ ߞߋ߬ߙߏ߬ߖ߭ߍߣ ߏ߬ ߛߐ߲߬ߞߐ ߦߟߍ߬ ߞߏ ߘߌ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߛߊ߲ߡߊߞߎߟߎ߲ ߠߎ߬ ߘߐ߫، ߡߍ߲ ߞߍ߫ ߟߊ߫ ߔߏߔߏ ߣߌ߫ ߘߎ߰ߞߎߟߎ߲ ߠߎ߬ ߘߐ߫ ߓߊ߬߸ ߏ߬ ߤߊߡߌ߲߫ ߕߴߊ߬ ߟߊ߫.

ߡߎߛߝ߭ߋߣߌ߫ ߞߊ߲߫ ߞߏ߫ ߡߐ߰ ߞߊ߫ ߞߊ߲߫ ߞߊ߬ ߡߍ߲ ߤߊߡߌ߲ ߛߌ߰ ߌ ߟߊ߫ ߡߎߣߎ߲߬߸ ߏ߬ ߟߋ ߞߋ߬ߙߏߖ߭ߍߣ ߛߐ߲߬ߞߐ ߟߊߖߌ߰ ߞߏ ߢߊߢߌߣߌ߲ ߘߌ߫߸ ߏ߬ ߡߍ߲ ߦߋ߫ ߖߡߊ߬ߣߊ ߡߊߘߍ߬ߡߍ߲߬ ߠߊ߫ ߛߐ߬ߘߐ߲ ߕߊ߫ ߝߊ߲߭ ߝߍ߬، ߊ߬ ߡߊ߫ ߖߡߊ߬ߣߊ߬ߘߋ߲ ߠߎ߬ ߣߌߘߐߕߊ ߤߊߡߌ߲߫ ߛߌ߰ ߊ߬ ߟߊ߫ ߞߎߡߊ߫ ߦߙߐ ߣߌ߲߬ ߘߐ߫ ߝߋߎ߫.

ߊ߬ ߝߊ߲߭ ߞߵߊ߬ ߝߐ߫ ߟߋ߬ ߞߏ߫: <<ߣߌ߫ ߖߋ߬ߣߌ߲߬ߕߊ ߘߊ ߞߊ߫ ߜߍ߬ߟߍ߲߬߸ ߊߟߎ߫ ߦߋ߫ ߕߏ߫ ߊߟߎ߫ ߓߘߊ߸ ߓߊ߰ ߊߟߎ߫ ߥߊߕߐ߫ ߡߌ߲߫ ߏ߬ ߘߐ߫؟>> ߎߜ߭ߊ߲ߘߊ߫ ߞߊ߲ߕߌ߮ ߟߋ߬ ߞߊ߲߫ ߕߋ߲߬.

ߊ߬ ߞߵߊ߬ ߟߴߊ߬ ߟߊ߫ ߞߎߡߊ ߞߊ߲߬ ߝߣߊ߫߸ ߞߏ߫ ߊ߬ ߦߴߊ߬ ߞߊ߲ߠߊߘߌ߫ ߟߊ߫ ߞߋߣߌߦߊ߫ ߣߌ߫ ߎߜ߭ߊ߲ߘߊ߫ ߡߊ߬߸ ߊ߬ߟߎ߬ ߦߴߊ߬ߟߎ߬ ߘߐߖߊ߬ ߞߊ߬ ߛߋ߫ ߞߋ߬ߙߏ߬ߖ߭ߍߣ ߞߏߢߊ ߛߌ߰ ߟߊ߫ ߞߟߊ߬ ߞߋߟߋ߲߫ ߠߊ߫߸ ߞߵߊ߬ ߛߐ߲߬ߞߐ߬ ߞߏ ߓߊߛߌ߰، <<ߏ߬ ߟߋ ߘߐ߫߸ ߒ ߣߌ߫ ߞߊ߲ߕߌ߯ ߙߎߕߏ߫ ߓߘߊ߫ ߞߎߡߊ߫߸ ߖߐ߲߰ߛߊ߫ ߞߋߣߌߦߊ߫ ߣߌ߫ ߎߜ߭ߊ߲ߘߊ߫ ߞߎ߲߬ߠߊ߬ߛߌ߮ ߘߌ߫ ߛߋ߫ ߓߍ߲߬ ߠߊ߫ ߞߋߟߋ߲߫ ߡߊ߬ ߢߊ ߡߍ߲ ߡߊ߬߸ ߞߊ߬ ߓߍ߲߬ ߕߟߎߥߙߏߝߋ߫ ߞߏ ߡߊ߬߸ ߊ߬ ߕߌ߯ߕߌ߯ ߡߍ߲ ߟߐ߬ߣߍ߲߫ ߞߋ߬ߙߏ߬ߖ߭ߍߡ ߡߊ߬.>> ߞߊ߲ߕߌ߮ ߞߵߏ߬ ߟߊߕߍ߰.

ߊ߬ ߟߊ߫ ߞߎߡߊ ߝߐ߫ ߥߊ߯ߕߌ ߢߌ߲߬ ߠߊ߫߸ ߝߘߊ߬ߝߌ߲߬ߠߊ߫ ߕߟߋ߬ߓߐ߬ ߖߡߊߣߊ ߝߊ߲߬ߓߊ ߖߋ߬ߣߌ߲߬ߕߊ ߛߐ߲߬ߞߐ ߦߟߍ߬ߣߍ߲߫ ߠߋ߬ ߔߏ߲߫߸ ߞߵߏ߬ ߟߊ߫ ߢߣߊߡߦߊ ߘߐߕߍ߱ ߖߍ߬ߘߍ ߝߣߊ߫ ߜߟߍ߬ߦߊ ߞߊ߲߬ ߦߋ߲߬.

ߞߊ߬ߕߎ߲߯߸ ߟߊ߬ߞߙߐ߬ߛߌ߬ߟߌ ߟߎ߬ ߞߐߝߍ߬߸ ߕߟߋ߬ߓߐ߬ ߊߝߙߌߞߌ߬ ߞߣߐ߫ ߕߋ߲߬߸ ߞߋߣߌߦߊ߫ ߟߋ߬ ߖߋ߬ߣߌ߲߬ߕߊ ߛߐ߲߬ߞߐ ߦߟߍ߬ߣߍ߲߬ ߓߍ߯ ߕߊ߫ ߘߌ߫ ߦߋ߲߬، ߓߊߏ߬߸ ߖߌߥߎ ߕߏ߲ߜߊ ߦߋ߫ ߝߙߋ߬ ߟߊ߫ ߛ߭ߌߟߌ߲ ߂߀߆،߉߇ ߟߋ߬ ߟߊ߫߸ ߏ߬ ߡߍ߲ ߦߋ߫ ߓߍ߲߬ ߠߊ߫ ߖߌ߬ߣߍ߬ ߕߊߡߊ߲ ߁߄ ߀߀߀ ߢߐ߲߰ ߡߊ߬߸ ߞߓߊߕߟߎ ߛߐ߲߬ߞߐ ߦߋ߫ ߛ߭ߌߟߌ߲ ߂߀߆،߈߄ ߘߌ߫߸ ߏ߬ ߝߣߊ߫ ߦߋ߫ ߖߌ߬ߣߍ߬ ߕߊߡߊ߲ ߁߃ ߉߅߀ ߟߋ߬ ߘߌ߫߸ ߓߘߍ߬ ߕߴߏ߬ ߟߎ߬ ߕߍ߫ ߝߋߎ߫.

ߞߋߣߌߦߊ߫ ߓߊ߯ ߓߐ߫ ߦߋ߲߬ ߛߐ߲߬ߞߐ߬ ߦߟߍ ߘߐ߫ ߕߋ߲߬߸ ߙߎߥߊ߲ߘߊ߫ ߟߋ߬ ߕߎ߲߰ߣߍ߲߫ ߊ߬ ߟߊ߫، ߕߊ߲ߖ߭ߊߣߌ߫ ߣߌ߫ ߎߜߵߊ߲ߘߊ߫ ߟߋ߬ ߖߡߊ߬ߣߊ߬ ߘߌ߫ ߦߋ߲߬ ߕߋ߲߬߸ ߡߍ߲ ߠߎ߬ ߛߐ߲߬ߞߐ߬ ߞߏ ߓߊߛߌ߰ߣߍ߲߬ ߣߍ߲ߞߍ߫߸ ߞߓߊߕߟߎ ߖߍ߬ߘߍ ߘߊ ߘߌߡߊ߲߫.

ߞߊ߲ߕߌ߮ ߞߏ߬ߣߌ߲ ߠߊ߫ ߞߎߡߊ ߣߌ߲߬ ߦߋ߫ ߦߋ߫ ߟߊ߫ ߡߐ߰ ߛߌߦߊߡߊ߲߫ ߓߟߏ߫ ߘߊߞߘߐߓߐߟߌ߫ ߞߎߡߊ ߟߋ߬ ߘߌ߫߸ ߡߍ߲ ߓߘߴߊ߬ ߦߌ߬ߘߊ߫ ߡߐ߰ ߛߌߦߊߡߊ߲߫ ߠߊ߫ ߞߏ߫ ߖߡߊ߬ߣߊ ߟߊ߫ ߛߐ߬ߘߐ߲ ߓߊߛߌ߱ ߟߋ߬ ߤߊߡߌ߲ ߦߋ߫ ߞߊ߲ߕߌ߮ ߟߊ߫߸ ߞߊ߬ ߕߊ߬ߡߌ߲߬ ߡߐ߱ ߟߎ߬ ߟߊ߫ ߢߣߊߡߦߊ ߟߊߣߐ߰ߦߊ ߞߊ߲߬.