ߞߊ߲ߕߌ߯ ߔߊ߬ߕߙߌߛ ߕߊߟߐ߲߫ ߣߴߊ߬ ߟߊ߫ ߓߐ߬ߟߐ߲߬ߞߊ ߞߑߟߏߘߌߣ ߕߊߟߐ߲߫ ߠߋ߬ ߞߵߊ߬ߟߎ߬ ߟߊ߫ ߘߎ߰ߘߋ߲߬ߧߊ ߡߊ߬ߞߍߕߊ ߞߍ߫ ߞߊ߯ߙߌ ߣߌ߲߬ ߡߊ߬ ߂߀߂߆ ߞߏ߲ߞߏߘߓߌ ߕߟߋ߬ ߁߂߸ ߞߊ߬ߙߊ߲߬ߕߊ߫ ߛ߭ߊߙߟ ߖߌߦߏ߫ ߘߋ߬ ߖ߭ߐ߲ߜ߭ߏ߫ ߟߊ߫߸ ߞߕߏߣߎ߫ ߘߎ߱ ߞߣߐ߫߸ ߞߊ߬ ߓߍ߲߬ ߖߡߊ߬ߣߊ ߞߊ߲ߕߌ߯ ߛߎߥߊ߲ߘߟߌ ߡߊ߬.

ߢߣߊߕߊߟߌ ߢߌ߲߬ ߦߋ߫ ߘߝߐ߬ߡߊ߬ߓߊ߫ ߟߋ߬ ߘߌ߫ ߓߋߣߍ߲߫ ߓߍ߯ߦߊ ߞߣߐ߫، ߓߊߏ߬߸ ߔߊ߬ߕߙߌߛ ߕߊߟߐ߲߫ ߓߊ߲ ߞߐ ߟߐ߬ߒ߬ߞߋ߬ߟߊ߫ ߝߌ߬ߟߊ ߞߍ߫ ߟߊ߫߸ ߊ߬ ߡߊ߫ ߛߐ߲߬ ߓߐ߫ ߟߊ߫ ߞߊ߲ߕߌ߯ߦߊ ߞߐ߫ ߜߘߍߞߍ߫ ߡߎ߬ߕߎ߲߬، ߏ߬ ߟߋ ߘߐ߫߸ ߌߞߏߡߌ߲߬ ߞߵߊ߬ ߕߏ߫ ߞߊ߲ߕߌ߯ߦߊ ߟߊ߫߸ ߏ߬ ߛߎߥߊ߲ߘߟߌ߫ ߟߊߓߊ߲ ߠߋ߬ ߞߍߣߍ߲߫ ߊ߬ ߓߟߏ߫ ߣߌ߲߬ (ߊ߬ ߦߋ߫ ߛߎߥߊ߲ߘߟߌ ߞߍ߫ ߞߊ߲ߕߌ߯ߦߊ ߡߐ߬ߟߐ߲ ߘߌ߫ ߞߊ߬ߣߌ߲߬)، ߊ߬ ߞߵߏ߬ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫ ߞߵߊ߬ ߞߊ߲ߠߊߘߌ߫ ߓߋߣߍ߲ߞߊ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߓߐ߫ ߡߊ߬ߝߊ ߘߐ߫ ߞߵߊ߬ߟߎ߬ ߟߊ߫ ߛߎߥߊ߲ߘߟߌ ߞߍ߫߸ ߞߊ߬ ߓߍ߯ߦߊ ߛߙߊߕߌ ߟߎ߬ ߡߊߓߏ߲߬ߧߊ߬߸ ߖߐ߲߰ߛߊ߫ ߓߊߛߌ߮ ߘߌ߫ ߝߊ߲߬ߞߊ߫ ߛߐ߬ߘߐ߲߬.

ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߋ ߟߊ߫ ߟߐ߬ߒ߬ߞߋ߬ߟߊ ߞߐ ߘߐ߫߸ ߊ߬ ߦߴߊ߬ ߝߍ߬ ߞ߲ߊߕߌ߯ߦߊ ߘߐ߬ߕߊߡߌ߲ ߦߋ߫ ߞߍ߫ ߡߊ߬ߝߊ ߟߋ߬ ߘߐ߫߸ ߊ߬ ߕߍ߫ ߣߊߡߙߊ߫ ߘߐ߫، ߊ߬ ߞߊ߲߫ ߞߏ߫: <<ߒ ߥߊߕߐ߫ ߒ ߡߝߊ߫ ߟߊ߫ ߞߊ߲ߕߌ߯ ߞߘߐߦߊ ߡߊ߬ߝߊ ߟߋ߬ ߘߐ߫ ߡߎ߬ߕߎ߲߬....ߒ ߢߣߊ߫߸ ߊߟߊ߫ ߘߌ߫ ߤߙߊ߫ ߛߌߦߊߡߊ߲߫ ߞߍ߫ ߓߋߣߍ߲߫ ߖߡߊ߬ߣߊ ߦߋ߫ ߡߎߣߎ߲߬.>> ߊ߬ ߞߵߏ߬ ߟߋ ߝߐ߫ ߝߐ߰ߓߍ߬ߦߟߊ߬ ߞߙߎ ߢߊߞߘߐ߫ ߦߋ߲߬، ߞߵߊ߬ ߛߐ߬ߘߐ߲߬߸ ߖߡߊ߬ߣߊ ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߕߌ߮ ߥߌ߬ߟߑߝߙߌߘ ߟߋߦߊ߲ߘߙ ߤߎ߲ߜߋߖߌ߫ ߝߣߊ߫ ߕߘߍ߬ ߞߣߍ ߞߊ߲߬ ߦߋ߲߬.