ߞߏ߲߬ߞߏ߲߬ ߓߊ ߢߌ߲߬ߘߍ ߡߙߎߕߌߓߊ߯ ߞߙߎ (AFC) ߣߌ߫ ߕߙߊߓߊ ߂߃ ߕߏ߰ߝߏ (M23) ߡߍ߲ ߠߎ߬ ߡߙߎߕߌߣߍ߲߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߣߐ߫߸ ߏ߬ ߟߎ߬ ߓߘߊ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ ߟߊ߫ ߓߌ߲߬ߓߊ߬ߥߏ߫ ߓߋ߬ߣߍ߲ ߡߍ߲߫ ߞߵߊ߬ ߡߌ߬ߣߊ߬، ߞߊ߬ߕߎ߲߯߸ ߓߌ߲߬ߓߊߥߏ ߓߋ߬ߣߴߊ߬ߟߎ߫ ߞߊ߲߬ ߠߋ߬߸ ߞߏ߫ ߊ߬ߟߎ߬ ߡߊ߫ ߞߟߍ߬ߟߊ߬ߟߐ ߓߍ߲߬ߞߊ߲ ߡߊߓߏ߲߬ߧߊ߬، ߏ߬ ߟߋ ߝߐ߫ ߘߊ߫ ߡߙߎߕߌߓߊ߮ ߟߎ߬ ߟߊ߫ ߓߋߟߋ߲ߕߌ߮ ߟߊߥߑߙߊ߲ߛ ߞߊߢߎߞߊ߫ ߓߟߏ߫ ߞߊ߬ߙߌ߬ߝߐ ߕߟߋ߬ ߁߇ ߡߊ߬.
ߊ߬ߟߎ߫ ߞߵߊ߬ ߝߐ߫ ߟߊ߬ߛߋ߬ߟߌ ߣߌ߲߬ ߞߣߐ߫ ߞߏ߫: <<ߞߓߢ/ߕ߂߃ ߓߘߊ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ ߟߊ߫ ߓߌ߲߬ߓߊ߬ߥߏ߬ ߞߏ ߡߍ߲߫، ߓߌ߲߬ߓߊ߬ߥߏ߬ ߜߘߍ߫ ߕߴߏ߬ ߡߍ߲ ߘߌ߫߸ ߞߏ߫ ߢߣߊߕߐߡߐ߲߫ ߓߌ߲ߓߊߥߏ ߞߐ߫߸ ߊ߬ ߣߌ߫ ߛߌߦߊߥߟߏߡߊ߫ ߓߌ߲ߓߊߥߏ߸ ߏ߬ ߡߍ߲ ߓߋ߬ߣߍ߲߫ ߊ߬ߟߎ߬ ߟߊ߫ ߞߏߟߊߕߍ߯ ߛߊ߲ߘߐ߫ ߡߐ߰ ߛߊ߬ߓߊ߫ ߞߊ߲߬߸ ߊ߬ ߣߴߊ߬ߟߎ߬ ߟߊ߫ ߛߌ߲߬ߝߏ߲߬ߘߊ ߖߍ߬ߘߍ [...] ߛߌ߲߬ߝߏ߲߬ߘߊ ߘߏ߲߬ ߦߋ߫߫ ߞߟߍ߬ߟߊ߬ߟߐ ߡߊߓߏ߲߬ߧߊ߬ ߟߊ߫ ߟߋ߬߸ ߣߌ߫ ߝߊ߲߬ߞߊ߬ ߜߘߍ߫ ߡߊ߫ ߥߊ߫ ߓߋ߬ ߊ߬ߟߎ߫ ߞߊ߲߬ ߞߌ߲߬ߛߊߛߊ߬ ߡߙߊ߬ߓߊ߮ ߟߎ߬ ߓߟߏ߫.>> ߟߊ߬ߛߋ߬ߟߌ ߣߌ߲߬ ߞߵߏ߬ ߝߐ߫.
ߞߊ߬ߙߌ߬ߝߐ ߢߌ߲߬ ߠߊ߫߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ ߞߊ߬ ߓߌ߲߬ߓߊߥߏ ߟߋ߬ ߓߋ߬ ߡߙߎߕߌߓߊ߯ ߞߙߎ ߢߌ߲߬ ߠߎ߫ ߞߊ߲߬߸ ߞߏ߲߬ߞߏ߬ ߓߊ ߢߌ߲߬ߘߍ ߣߌ߫ ߕߑߥߌߙߑߥߊߣߋߤߏ߫߸ ߏ߬ ߟߎ߬ ߡߍ߲ ߠߎ߬ ߦߋ߫ ߞߏ߲߬ߞߏ߫ ߕߟߋ߬ߓߐ ߘߐ߫߸ ߊ߬ ߣߌ߫ ߞߏ߲߬ߞߏ߬ ߓߊ ߢߌ߲߬ߘߍ ߡߙߊ߬ߓߊ߮ ߞߐߙߑߣߍߟ ߣߊ߲ߜ߭ߊ߯߸ ߞߵߏ߬ ߟߊ߫ ߕ߂߃ ߟߊ߬ߛߏ߬ߓߌ߬ߟߌ ߞߏߟߊߕߍ߮ ߞߊ߲߬߸ ߖߐߣ ߌߡߊߣߌ ߒߖ߭ߋ߲ߖ߭ߋ߫߸ ߊ߬ ߣߌ߫ ߡߙߎߕߌߓߊ߮ ߢߌ߲߬ ߠߎ߫ ߡߙߊ߬ߓߊ߯ ߡߐ߰ ߣߊ߯ߣߌ߲߫ ߜߘߍ߫.
ߊ߬ߟߋ߬ ߞߊߙߏ߫ ߞߋߟߋ߲ ߢߌ߲߬ ߠߊ߫߸ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߣߊ߲߬ߕߌ߮ ߟߎ߬ ߞߊ߬ ߣߊ߲߬ߕߌ߰ ߞߎ߲ߕߌ߯ ߡߐ߰ ߛߓߊ߬ ߟߊߕߊ߯ ߜ߭ߏߡߊ߫߸ ߦߋ߲߬ ߡߍ߲ ߦߋ߫ ߣߐߙߑߞߌߝ߭ߎ߫ ߡߙߊ߬ߓߏߟߏ߲ ߞߎߓߋߘߊ ߘߌ߫߸ ߞߏ߫ ߛߊ߫ ߡߐ߰ ߛߊ߬ߓߊ ߏ߬ ߟߎ߬ ߘߌ߫ ߥߊ߫ ߛߐ߬ߘߐ߲߫ ߞߟߍ߬ߟߊ߬ߟߐ ߓߍ߲߬ߞߊ߲ ߞߣߐ߬ߜߍ߲ ߘߐ߫، ߞߟߍ߬ߟߊ߬ߟߐ ߡߍ߲ ߦߴߊ߬ߟߎ߬ ߣߌ߫ ߕ߂߃ ߣߌ߫ ߞߏ߲߬ߞߏ߬ ߓߊ ߢߌ߲߬ߘߍ ߕߍ߫ ߞߊ߬ߣߌ߲߬.
Aucun commentaire pour le moment.