ߓߙߎߞߌߣߊ߫ ߝߊ߬ߛߏ߬ ߞߊ߲ߕߌ߮ ߢߍߡߌߘߊ߫ ߌߓߙߊߤߌߡ ߕߙߊߥߟߋ߫ ߞߎߡߊ߫ ߘߊ߫ ߟߋ߬ ߓߌߟߏ߲߸ ߞߊ߬ ߓߋߟߋ߲ߠߊ߫ ߞߟߊߒߞߋ߫ ߞߍ߫ ߖߡߊ߬ߣߊ ߞߐ߰ߘߎ߮ ߘߐ߫ ߦߊ߯ߘߑߜ߭ߊ߫ ߕߌ߲߬ߞߎߘߎ߲ ߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߜߘߋߜߘߋߦߟߊ ߟߎ߫ ߟߐ߬ ߦߙߐ߬ ߕߍ߫ ߖߡߊ߬ߣߊ ߞߣߐ߫ ߡߎ߬ߕߎ߲߬߸ ߊ߬ ߞߵߏ߬ ߟߊߛߏ߬ߓߌ߫ ߞߵߊ߬ ߞߊ߲߬ߞߊߙߌ ߟߊ߫ ߜߘߋߜߘߋ ߟߎ߬ ߦߋ߫، ߞߊ߬ ߓߊ߲߫ ߞߵߊ߬ ߟߊߢߌߣߌ߲߫߸ ߞߏ߫ ߡߊ߬ߞߏ ߦߋ߫ ߛߌ߬ߟߡߊ߬ߦߊ <<ߟߊߣߐ߰ߦߊ߬ߣߍ߲>> ߠߋ߬ ߟߊ߫، ߊ߬ ߞߊ߬ ߞߎߡߊ ߏ߬ ߝߐ߫ ߖߡߊ߬ߣߊ ߝߊ߲߬ߞߊߛߌ߬ߣߊߛߌߦߊߡߊ߲߫ ߠߋ߬ ߢߊߞߘߐ߫ ߦߋ߲߬߸ ߊ߬ ߣߌ߫ ߖߡߊ߬ߣߊ߬ߘߋ߲ ߠߎ߬ ߣߌ߫ ߞߏߟߊߕߍ߯ ߛߌߦߊߡߊ߲߫.
ߛߙߊ߬ߣߎ߲ ߕߊ߬ߣߍ߲ ߞߊ߬ߝߏ߬ ߞߎ߲ߕߌ߮ ߓߟߏ߫ ߎߥߊߦߌߜ߭ߎߥߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߘߌ߯ߣߊ ߡߊ߲߫ ߞߊ߲߫ ߞߵߊ߬ ߓߌߘߌ߲߫ ߖߡߊ߬ߣߊ ߞߎ߲߬ߠߊ߫ ߝߋߎ߫، <<ߣߴߌߟߋ ߞߵߊ߬ ߟߐ߲߫ ߞߏ߫ ߌߟߋ ߦߋ߫ ߜߘߋߜߘߋ ߟߋ߬ ߘߌ߫߸ ߊ߬ ߘߏ߲߬ ߦߴߌ ߞߣߐ߫ ߟߋ߬ ߞߏ߫ ߌ ߟߊ߫ ߘߌ߯ߣߊ ߟߋ߬ ߦߴߌ ߟߊ߫ ߖߡߊ߬ߣߊ ߛߊ߲ߝߍ߬، ߘߏ߫ ߜߘߍ߫ ߕߴߏ߬ ߘߐ߫߸ ߌ ߦߋ߫ ߓߐ߫ ߟߊ߫ ߟߋ߬ ߞߊ߬ ߥߊ߫ ߦߙߐ߫ ߘߐ߫߸ ߘߌ߯ߣߊ ߦߋ߫ ߞߏ ߓߍ߯ ߛߊ߲ߝߍ߬ ߦߙߐ ߡߍ߲ ߘߐ߫، ߜߘߋߜߘߋߦߟߊ ߟߎ߫ ߓߊ߬߸ ߊ߲ ߣߴߏ߬ ߟߎ߬ ߟߊ߫ ߞߎ ߕߍߣߊ߬ ߡߐ߬ ߟߊ߫ ߘߊ߰ ߞߋߟߋ߲߫ ߘߐ߫ ߝߋߎ߫.>> ߊ߬ ߞߵߏ߬ ߟߋ ߝߐ߫.
ߢߍߡߌߘߊ߫ ߕߙߊߥߟߋ߫ ߞߵߊ߬ ߦߌ߬ߘߊ߬ ߞߏ߫ ߢߍߓߊ߮ ߡߍ߲ ߠߎ߬ ߦߋ߫ ߞߊ߬ߥߊ߲߬ߘߌ߬ߟߌ ߞߍ߫ ߟߊ߫ ߖߡߊ߬ߣߊ ߞߣߐ߫ ߣߐ߰ߦߊ ߘߐ߫߸ ߊ߬ߟߎ߬ ߕߍ߫ ߡߐ߱ ߟߎ߬ ߞߟߌ߫ ߟߊ߫ ߜߘߋߜߘߋߦߊ ߡߊ߬߸ ߊ߬ߟߎ߬ ߕߍ߫ ߡߐ߱ ߟߎ߬ ߞߟߌ߫ ߟߊ߫ ߕߌߢߍߟߌ߫ ߡߊ߬߸ ߞߏ߫ ߞߎ߲߬ߠߊ߬ߛߌ߮ ߘߴߊ߬ ߓߟߏߘߏ߲߬ ߏ߬ ߟߎ߬ ߞߘߐ߫ ߞߵߊ߬ߟߎ߫ ߘߍ߬ߡߍ߲߫ ߣߊ߲߬ߝߟߏ߬ ߞߏ ߛߌߟߊ ߝߍ߬، ߏ߬ ߟߎ߬ ߦߴߊ߬ ߟߊߛߴߊ߬ߟߎ߫ ߢߍߓߊ߯ ߢߐ߲߯ ߕߐ߭ ߟߎ߬ ߡߊ߬߸ ߞߏ߫ ߓߍ߯ ߦߋ߫ ߞߎߡߊ߫ ߣߐ߰ߦߊ ߟߋ߬ ߞߊ߲߬، ߊ߬ ߞߵߊ߬ ߝߐ߫ ߝߣߊ߫ ߞߏ߫ ߡߐ߰ ߛߌ߫ ߞߊ߬ ߘߊ߯ߥߊ ߥߟߊ߫ ߞߕߎ߬ߓߊ ߞߍ߫߸ ߞߊ߬ ߞߎߡߊ߫ ߟߎ߫ ߝߐ߫ ߏ߬ ߞߣߐ߫߸ ߡߍ߲ ߘߌ߫ ߛߌ߱ ߞߛߊ߫߸ ߞߊ߬ ߡߐ߱ ߟߎ߬ ߓߟߏߓߐ߫ ߢߐ߲߮ ߓߟߏ߫߸ ߞߏ߫ ߝߊ߰ߡߊ ߟߎ߬ ߘߌ߫ ߞߊ߬ߥߊ߲߬ߘߌ߬ߟߌ ߏ߬ ߟߎ߬ ߟߊߘߎ߲߫ ߞߵߊ߬ߟߎ߬ ߟߊߟߐ߬.
ߓߙߎߞߌߣߊ߫ ߞߊ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߓߘߊ߫ ߤߊߡߌ߲߫߸ ߞߵߏ߬ ߞߎ߲߭ ߞߍ߫߸ ߓߙߎߞߌߣߞߊ ߘߏ߫ ߟߎ߫ ߟߋ߬ ߟߊߕߊ߯ߣߍ߲߫ ߞߊ߬ߙߊ߲߬ ߞߊ߲ߡߊ߬ ߊߙߊߓߎ߫ ߖߡߊߣߊ ߟߎ߫ ߞߊ߲߬߸ ߊ߬ ߞߊ߲߫ ߞߏ߫ ߏ߬ ߟߎ߬ ߘߌ߫ ߡߐ߰ ߈߀߀ ߖߊ߬ߕߋ߬ ߓߐ߫، ߊ߬ ߟߊ߫ ߝߐߟߌ߫ ߘߐ߫߸ ߞߏ߫ ߏ߬ ߟߎ߬ ߓߍ߯ ߟߊߕߊ߯ߣߍ߲߫ ߘߌ߯ߣߊ ߟߋ߬ ߞߊ߬ߙߊ߲߬ ߞߊ߲ߡߊ߬߸ ߣߊߟߌ߬ߡߎ߲߫ ߛߌ߬ߟߡߊ߬ߦߊ ߛߊ߬ߙߌ߬ߦߊ ߟߎ߬ ߘߌ߫߸ ߊ߬ߟߎ߬ ߝߏߦߌ߬ ߡߊ߫ ߥߊ߫ ߓߊ߯ߙߊ߫ ߞߊ߬ߙߊ߲߬ ߞߊ߲ߡߊ߬. ߊ߬ ߞߵߊ߬ ߖߊ߬ߛߙߋ߬ߡߊ߬ߟߊ߫ ߏ߬ ߟߋ ߘߐ߫ ߞߏ߫: <<ߊ߬ߟߎ߬ ߕߍ߫ ߓߊ߯ߙߊ߫ ߝߏߦߌ߬ ߟߋ߬ ߞߊ߬ߙߊ߲߬ ߠߊ߫ ߦߋ߲߬، ߒ ߘߴߊ߬ߟߎ߬ ߓߍ߯ ߟߊߞߐߛߊ߬ߦߌ߲߬߸ ߣߌ߫ ߡߍ߲ ߘߏ߲߬ ߞߵߊ߬ ߓߊ߲߬ ߣߊ߬ ߟߊ߫߸ ߏ߬ ߘߌ߫ ߓߐ߫ ߓߙߎߞߌߣߊߞߦߊ ߟߊ߫.>> ߊ߬ ߞߵߏ߬ ߞߊ߲߬ߞߊߙߌ ߟߊ߫.
ߊ߬ ߟߊ߫ ߞߎߡߊ ߣߌ߲߬ ߞߍߣߍ߲߫ ߥߊ߯ߕߌ߫ ߟߋ߬ ߟߊ߫ ߓߙߎߞߌߣߊ߫ ߞߣߐ߫ ߕߋ߲߬߸ ߊ߬ߟߎ߬ ߓߘߊ߫ ߗߏ ߟߊߥߟߌ߬ ߘߌ߯ߣߊߡߐ߮ ߟߎ߬ ߞߐ߫ ߥߊ߯ߕߌ ߡߍ߲ ߞߣߐ߫߸ ߞߊ߬ ߘߌ߯ߣߊ ߞߎߡߊ ߟߎ߬ ߓߐ߫ ߖߘߍ߬ߛߊ߬ߥߏ߬ߦߊ ߘߐ߫߸ ߞߵߊ߬ ߓߌ߬ߟߊ߫ ߛߊ߲߬ߛߊ߲ ߞߣߐ߫، ߏ߬ ߟߋ ߖߍ߬ߘߍ ߞߏߛߐ߲߬߸ ߊ߬ߟߎ߫ ߞߵߊ߬ ߝߐ߫ ߥߊ߬ߛߌ߬ߥߙߊ ߟߊߓߊ߲ ߠߊ߫߸ ߞߏ߫ ߓߙߎߞߌߣߊ߫ ߞߊ߬ߙߊ߲߬ߠߊ߬ߘߋ߲߬ ߝߏߦߌ߬ ߓߊ߯ ߞߍ߫ ߊ߬ ߝߍ߬ ߞߊ߬ ߥߊ߫ ߞߊ߬ߙߊ߲ ߞߍ߫ ߞߐߞߊ߲߬ ߡߎ߬ߕߎ߲߬߸ ߝߏ߫ ߖߡߊ߬ߙߌ߬ߛߓߍ ߟߋ߬ ߦߋ߫ ߘߴߏ߬ ߕߌ߱ ߡߊ߬߸ ߞߊ߬ ߝߘߊ߫ ߟߞߊ߬ߙߊ߲߬ߠߌ߲ ߛߊ߲ߘߐߕߊ ߞߏߕߌ߯ߘߊ ߟߊ߫.
ߢߍߡߌߘߊ߫ ߌߓߙߊߤߌߡߊ߬ ߕߙߊߥߟߋ߫ ߣߊ߬ ߘߊ߫ ߖߡߊ߬ߣߊ ߞߎ߲߬ߠߊ߫ ߞߊ߬ߝߏ߬ ߖߊߛߏ߲ ߠߋ߬ ߛߌߟߊ ߝߍ߬ ߂߀߂߂ ߟߊ߫߸ ߊ߬ߟߋ ߟߊ߫ ߖߊ߬ߕߋ߬ ߘߐ߫߸ ߘߌ߯ߣߊ ߞߣߐ߫ ߜߘߋߜߘߋߦߊ ߟߋ߬ ߦߋ߫ ߓߊ߰ߓߊ߰ߟߌ ߛߓߊߓߎ ߘߌ߫߸ ߏ߬ ߘߏ߲߬ ߞߍ߬ߟߍ ߦߴߊ߬ ߓߟߏ߫ ߞߏ ߓߍ߯ ߘߐ߫ ߢߍߕߊ ߟߋ߬ ߘߌ߫ ߊ߬ ߕߋ߬ߟߋ ߢߌ߲߬ ߘߐ߫.
Aucun commentaire pour le moment.