ߓߙߌߕߊ߲ߞߊ߫ ߛߊ߲߬ ߃߅ ߘߏ߫߸ ߞߏ߫ ߡߊߕߋߥߎ ߊߟߌߞ߸ ߊ߬ߟߋ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߟߊߟߊߣߍ߲ ߕߏ߫ ߘߊ߫ ߓߎ߬ߙߋ ߟߊ߫߸ ߊ߬ ߛߊ߬ ߘߊ߫ ߡߌ߬ߛߍ߲߬ ߕߊ߲߫ ߢߐ߲߰ ߞߘߐ߫  (ߓߎ߬ߙߋ߬ ߟߊ߬ ߛߦߊ)، ߏ߬ ߞߎ߲߭ ߞߍ߫ ߘߊ߫ ߡߎ߲߬ ߘߌ߫߸ ߖߋ߬ߟߌ߬ߛߌ߲ߓߌ ߟߋ߬ ߞߵߊ߬ ߡߌ߬ߣߊ߬߸ ߞߵߊ߬ ߖߋ߬ߟߌ߬ ߛߌߟߊ ߕߍ߰߸ ߏ߬ ߞߍ߫ ߘߊ߫ ߂߀߂߃ ߟߋ߬ ߟߊ߫ ߟߐ߲ߘߙ.

ߓߙߌߕߊ߲ߓߊ߫ ߞߌ߬ߓߊ߬ߙߏ߬ߘߊ߬ ߛߌߦߊߡߊ߲߫ ߠߊ߫ ߟߞߊ߬ߟߌ߬ ߞߊ߲߫ ߘߐ߫߸ ߊ߬ ߞߊ߬ ߕߟߋ߬ ߦߙߌߞߊ߫ ߟߋ߬ ߞߍ߫߸ ߣߌߘߋ߬ߥߎ ߦߴߊ߬ ߞߊ߲߬߸ ߞߵߊ߬ ߣߌߟߊߞߟߌ ߘߐߜߍ߬ߘߍ߲߬߸ ߞߵߊ߬ ߛߋ߲߭ ߠߎ߬ ߟߝߊ߫، ߊ߬ ߕߊ߬ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߥߴߊ߬ ߘߌ߫ ߤߊߡߍߙߛߑߡߌߕ ߘߊ߲ߘߊߛߏ ߟߊ߫ ߞߊߟߌߦߊ߫ ߓߟߏ ߡߊ߬߸ ߟߐ߲ߘߙ، ߘߊ߲ߘߊߟߌߟߊ ߟߎ߫ ߞߵߊ߬ ߛߐ߬ߘߐ߲߬߸ ߖߋ߬ߟߌ߬ߓߎ ߓߘߊ߫ ߛߌߟߊ ߕߍ߰ ߖߋ߬ߟߌ ߢߍ߫ ߊ߬ ߛߐ߲߭ ߘߐ߫߸ ߊ߬ ߣߴߊ߬ ߖߐ߬ߝߐ.

ߌߞߘߐ߫߸ ߛߐ߲߬ߟߐ ߞߵߊ߬ ߡߌ߬ߣߊ߬߸ ߡߊߕߋߥ ߊߟߌߞ ߞߵߊ߬ ߦߌ߬ߘߊ߫ ߏ߬ ߟߋ ߘߐ߫ ߞߏ߫ ߊ߬ ߞߊ߬ ߡߌ߬ߛߍ߲߬ ߕߊ߲߫ ߞߍ߫ ߛߊ߬ߦߊ ߘߐ߫ ߓߎ߬ߙߋ ߟߊ߫، ߘߊ߲ߘߊߟߌߟߊ ߟߎ߬ ߛߋ߫ ߘߴߊ߬ ߓߌ߬ߟߊ߬ ߟߴߊ߬ ߦߟߌ߫ ߘߐ߫ ߛߐ߲߬ ߡߊ߬ߖߏ߬ߛߌ߬ ߛߌߦߊߡߊ߲ ߠߎ߬ ߞߐߝߍ߬.

ߊ߬ ߞߊ߬ ߕߋ߬ߟߋ߫ ߛߓߊ߬ ߞߍ߫ ߜߘߎ ߘߐ߫߸ ߊ߬ ߥߟߌ߬ ߘߊ߫ ߞߵߊ߬߬ ߛߐ߬ߘߐ߲߬ ߊ߬ ߡߴߊ߬ ߟߐ߲߫ ߝߏߦߌ߬ ߕߊ߬ߡߌ߲߬ ߘߊ߫ ߕߎ߬ߡߊ ߏ߬ ߞߘߐ߫، ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫ <<ߊ߬ ߞߍ߫ ߘߊ߫ ߟߋ߬ ߦߏ߫ ߛߎ߬ߣߐ߯ ߞߎ߲߬ߘߐ߬ߖߊ߲ ߡߊ߬ߝߊ ߘߐ߫.>> ߡߐ߱ ߡߍ߲ ߠߎ߬ ߦߋ߫ ߓߐ߫ ߟߊ߫ ߓߎ߬ߙߋ߬ ߟߊ߬ ߛߦߊ ߣߌ߲߬ ߘߐ߫ ߞߘߐ߬ߡߊ߲߬߸ ߏ߬ ߛߌߦߊߡߊ߲ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߊ߬ߟߎ߫ ߞߊ߬ ߛߎ߬ ߞߘߐ ߘߏ߫ ߟߎ߫ ߦߋ߫߸ ߥߟߊ߫ ߝߋ߲߫ ߜߘߍ߫ ߟߎ߫، ߒ߬ߞߊ߬߸ ߡߊߕߋߥ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߡߊ߫ ߝߏߦߌ߬ ߦߋ߫߸ ߤߊߟߌ߬ ߦߋߟߋ߲ ߥߟߊ߫ ߝߊߟߊ߲.

ߞߊ߬ߦߌ߯ ߏ߬ ߟߋ ߞߍ߫ ߘߊ߫߸ ߡߊߕߋߥ ߊߟߌߞ ߡߴߊ߬ ߖߍ߬ߘߍ߫ ߛߐ߬ߘߐ߲߫ ߡߎ߬ߕߎ߲߬ ߓߊߞߍ߫߸ ߊ߬ ߝߊ߬ߘߌ ߖߐ߲ߖߐ߲߫ ߕߍ߫߸ ߊ߬ ߤߊ߲ߞߟߌ ߝߣߊ߫ ߓߘߊ߫ ߡߊߕߊ߬، ߊ߬ ߞߊ߬ ߞߊ߬ߝߊ ߘߏ߫ ߛߓߍ߫ ߏ߬ ߟߋ ߘߐ߫߸ ߞߵߊ߬ ߟߊ߫ ߖߊ߲߬ߖߏ߲ ߢߊߝߐ߫ ߏ߬ ߞߣߐ߫߸ ߞߊ߬ ߓߊ߲߫ ߞߊ߬ ߖߊ߬ߡߊ ߟߊߟߌ߫߸ ߞߏ߫ ߊ߬ߟߎ߬ ߦߋ߫ ߖߋ߬ߟߌ ߘߌ߫ ߡߐ߰ ߟߎ߫ ߡߊ߬߸ ߡߍ߲ ߠߎ߬ ߦߋ߫ ߖߋ߬ߟߌ߬ ߛߌ߲ߓߌ ߣߌ߲߬ ߡߊ߬ߛߎߓߊ ߕߍߡߊ߬ ߘߊ߲ߘߊߛߏ ߟߎ߬ ߟߊ߫.