ߊߡߙߌߞߌ߬ ߞߊ߲ߕߌ߮߸ ߘߏߣߊߟ ߕߑߙߐ߲ߔ ߟߋ߬ ߣߐ߬ ߘߎߢߊ߫ ߌߛߊ߫ ߣߊߡߎ߲ ߘߏ߲߬ߞߏ ߟߎ߬ ߟߊ߫ ߝߊ߬ߓߊ ߔߊߔ ߟߋߥߐ߲߫ ߁߄߲ ߡߊߞߕߌ߫ ߟߊ߫߸ ߞߏ߫ ߏ߬ ߦߋ߫ ߒߝߊ߬ߡߐ߰ߢߌߡߊ߫ ߟߋ߬ ߘߌ߫ ߕߌߢߍߟߌ ߘߊ ߝߍ߬، ߊ߬ ߟߊ߫ ߣߎ߲ߞߘߐߕߊ߫ ߞߎߡߊ ߣߐ߬ ߊ߬ ߛߐ߬ߘߐ߲߬ ߠߊ߫ ߟߋ߬߸ ߝߊ߬ߓߊ ߦߋ߫ ߛߋ߲߬ߠߊ߬ߓߐ߬ߟߌ ߘߏ߫ ߞߊ߲߬ ߘߎߢߊ߫ ߝߊ߲߬ ߛߌߦߊߡߊ߲߫ ߘߐ߫߸ ߊ߬ ߖߍ߬ߘߍ ߓߘߊ߫ ߛߋ߫ ߊߟߌߖ߭ߋߙߌ߫، ߞߊ߬ߕߎ߲߯߸ ߕߑߙߐ߲ߔ ߟߊ߫ ߣߎ߲ߞߘߐߕߊ ߓߘߴߊ߬ ߞߍ߫߸ ߊ߬ ߓߘߊ߫ ߥߴߊ߬ ߞߍ߫ ߝ߭ߊߕߌߞߊ߲߫ ߗߍ߬ߓߊ߬ ߞߋߟߋ߲ ߠߊ߫߸ ߘߌ߯ߣߊ߫ ߢߍߡߐ߮.

ߊߡߙߌߞߌ߬ ߞߊ߲ߕߌ߮ ߞߵߊ߬ ߟߊ߫ ߝߊ߲ߘߐߓߦߊ߫ ߞߎߡߊ ߘߐ߫ ߘߍ߬ߞߙߏߝߏ ߟߎ߫ ߞߊ߲߬߸ ߊ߬ ߞߊ߲߫ ߞߏ߫: <<ߒߠߋ ߣߌ߫ ߝߊ߬ߓߊ ߣߌ߲߬ ߕߍ߫ ߝߊ߲߬ ߞߋߟߋ߲߫ ߝߍ߬߸ ߊ߲ ߠߊ߫ ߞߎ ߕߍ߫ ߡߐ߬ ߟߊ߫ ߘߊ߰ ߞߋߟߋ߲߫ ߘߐ߫، ߊ߬ߟߋ ߦߋ߫ ߒߡߊ߬ߞߏߕߍ ߡߐ߱ ߟߋ߬ ߘߌ߫߸ ߡߍ߲ ߕߍ߫ ߞߏߟߊߕߐ߲߫ ߠߊ߫߸ ߊ߬ ߕߍ߫ ߞߎ߲߬ߞߏ ߟߎ߬ ߘߐߜߏߦߊ߫ ߟߊ߫.>> ߞߊ߬ߕߎ߲߯߸ ߌ ߓߴߊ߬ ߦߋ߫߸ ߊ߬ ߣߐ߬ ߣߎ߲ߞߘߐߕߊ߫ ߞߊ߲ ߏ߬ ߝߐ߫ ߟߊ߫ ߝߊ߬ߓߊ ߡߊ߬߸ ߏ߬ ߞߵߊ߬ ߦߌ߬ߘߊ߫ ߟߋ߬ ߊ߬ ߟߊ߫ ߞߎߡߊ߫ ߕߊ߬ߡߌ߲߬ߣߍ߲ ߘߏ߫ ߘߐ߫߸ ߊ߬ ߕߍ߫ ߞߍ߬ߟߍ߫ ߝߍ߬ ߝߋߎ߫، ߊ߬ ߞߵߊ߬ ߝߐ߫ ߊ߬ ߟߊ߫ ߞߎߡߊ ߘߐ߫ ߞߏ߫ : <<ߘߏ߫ ߓߘߊ߫ ߞߍ߫ ߝߊ߲߬ߞߊ߬ ߟߊ߬ߖߊ߲ߞߏ ߘߐ߫߸ ߘߏ߫ ߓߘߊ߫ ߞߍ߫ ߞߍ߬ߟߍ ߘߐ߫>>. ߏ߬ ߘߐ߫߸ ߏ߬ ߦߋ߫ ߘߊ߲߬ ߛߍߣߍ߲߬.

ߕߑߙߐ߲ߔ ߞߎߡߊ ߡߍ߲ ߞߍߣߍ߲߫ ߝߊ߬ߓߊ ߡߊ߬ ߣߌ߲߬߸ ߝߐ߰ߓߍ߬ߦߊ߬ߟߊ ߟߎ߫ ߣߐ߬ ߝߊ߬ߓߊ ߢߌ߬ߣߌ߲߬ߞߊ߬ ߟߊ߸ ߞߵߊ߬ ߕߏ߫ ߛߊ߲ߡߊߞߎߟߎ߲ ߞߣߐ߫ ߞߊ߬ ߊߟߌߖ߭ߋߙߌ߫ ߡߊߜߍ߲߫߸ ߝߊ߬ ߛߊߣߌ߲ߡߊ߲ ߣߌ߲߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߕߍ߫ ߞߍ߬ߟߍ߫ ߝߍ߬߸ ߊ߬ ߘߏ߲߬ ߕߴߊ߬ ߘߐߘߌߦߊ߫، ߊ߬ ߓߊ߲߫ ߘߊ߫ ߞߵߊ߬ ߣߌ߫ ߕߑߙߐ߲ߔ ߟߐ߬ߘߎ߮ ߓߐ߫ ߢߐ߲߮ ߘߐ߫، ߊ߬ ߞߊ߲߫ ߞߏ߫: <<ߒߠߋ ߕߍ߫ ߓߘߍ߬ߓߘߍ߬ߟߌ߬ߟߊ߫ ߘߌ߫، ߒ ߘߏ߲߬ ߕߴߊ߬ ߝߍ߬ ߞߊ߬ ߒ ߓߌ߬ߟߴߊ߬ ߘߊ߫ ߘߐ߫ ߞߊ߬ ߛߐ߬ߛߐ߬ߟߌ߬ ߟߊߘߏ߲߬ ߊ߲ ߕߍ߫، ߒ ߞߏ߬ߣߌ߲ ߕߍߣߊ߬ ߛߍ߰ ߟߴߊ߬ ߝߐ ߘߐ߫߸ ߞߏ߫ ߞߊ߬ ߞߍ߬ߟߍ ߟߊߟߐ߬߸ ߞߍ߬ߟߍ ߡߊ߫ ߢߌ߲߬، ߞߊ߬ ߖߐ ߓߌ߬ߟߊ߬ ߢߍߝߍ߬߸ ߞߊ߬ ߘߊߘߐߖߊߥߏ ߛߌ߰ߞߊ߬ߝߐ ߓߌ߬ߟߊ߬ ߢߍߝߍ߬.>> ߟߋߥߐ߲ ߁߄߲ ߠߋ߬ ߞߊ߲߫ ߕߋ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ <<ߕߑߙߐ߲ߔ ߟߊ߫ ߔߕߊ߬ߞߊ߬ߙߌ߬ߦߊ߬ ߞߊ߲>> ߏ߬ ߕߴߊ߬ߟߋ ߡߊߛߌߟߊ߲߫ ߠߊ߫ ߡߎ߰ߡߍ߫.

ߣߌ߲߬ ߠߵߊ߬ ߦߌ߬ߘߊ߬ ߟߊ߫ ߞߏ߫ ߕߑߙߐ߲ߔ ߟߊ߫ ߘߊ߲߬ߠߊ߬ߕߊߡߌ߲ ߓߘߊ߫ ߛߋ߫ ߘߎߢߊ߫ ߘߊߞߎ߲ ߓߍ߯ ߟߋ߬ ߘߐ߫ ߡߎ߬ߕߎ߲߬߸ ߊ߬ ߓߘߴߊ߬ ߛߎߡߊ߲߫ ߓߍ߯ ߘߐ߫ ߝߣߊ߫.