ߓߌ߬ ߞߍ߲ߘߍߟߏ߲ ߣߌ߲߬ ߡߊ߬߸ ߢߣߊߕߊߟߌ ߟߋ߬ ߘߊߡߌ߬ߣߊ߬ ߘߊ߫ ߔߊߟߍߛߑߕߌߣߌ߲߬ ߞߣߐ߫߸ ߣߊߟߌ߬ߡߎ߲߫ ߞߊ߬ߝߏ߬ߙߋ߲ ߢߣߊߕߊߟߌ ߘߌ߫، ߏ߬ ߦߴߌߘߐ߫ ߛߌߛߑߖ߭ߐߙߑߘߊߣߌ߫ ߣߌ߫ ߘߋߦߌߙߑߓߊ߬ߟߊ߫ ߟߋ߬ ߘߐ߫߸ ߜ߭ߊ߯ߖ߭ߊ߬ ߕߊ߲ߓߊ߲ ߘߐ߫، ߞߵߊ߬ ߛߐ߬ߘߐ߲߬ ߞߍ߬ߟߍ ߛߎߡߊߣߍ߲߫ ߕߍ߫ ߖߡߊ߬ߣߊ ߞߣߐ߫߸ ߡߐ߱ ߟߎ߬ ߝߣߊ߫ ߦߴߊ߬ ߘߐ߫ ߦߟߌߡߊߟߐ ߟߋ߬ ߘߐ߫߸ ߊ߬ ߖߡߊ߬ ߞߏ ߡߊ߲߫ ߛߌߦߊ߫߸ ߛߊ߲ߞߊߢߐ߲߯ߦߓߊ߫ ߕߴߊ߬ ߘߐ߫.

ߢߣߊߕߊߟߌߟߊ߫ ߞߋ߲߬ߥߟߎ߬ ߁،߅ ߟߋ߬ ߡߊߞߟߌߣߍ߲߫ ߢߣߊߕߊߟߌ߫ ߞߊ߲ߞߌߙߊ ߞߣߐ߫ ߛߌߛߑߖ߭ߐߙߑߘߊߣߌ߫߸ ߡߐ߰ ߇߀ ߀߀߀ ߢߐ߲߰ ߠߋ߬ ߡߊߞߟߌߣߍ߲߫ ߘߋߦߌߙߑߓߊ߬ߟߊ߫ ߝߊ߲߭ ߝߍ߬، ߢߣߊߕߊߟߌ ߡߌ߲ ߦߋ߫ ߕߋ߲߬߸ ߊ߬ ߛߌ߲߬ߝߏ߲߬ߧߊ߬ ߞߏ߬ ߝߟߐ ߟߋ߬ ߞߍ߬ߟߍ ߥߎ߬ߛߎ ߣߌ߲߬ ߞߘߐ߫ ߣߌ߲߬߸ ߞߵߊ߬ ߛߐ߬ߘߐ߲߬ ߟߊߞߊ߲ߘߊ ߜߟߍ߬ߦߊ ߦߋ߫ ߖߡߊ߬ߣߊ ߞߣߐ߫߸ ߓߘߍ߬ߓߘߍ߬ߟߌ߬ ߞߏ߬ ߡߊ߲ߞߊ߲ ߠߎ߬ ߦߴߌߘߐ߫߸ ߖߊ߬ߡߊ ߓߊߛߌ߰ߣߍ߲߬ ߕߍ߫.

ߏ߬ ߟߋ ߘߐ߫߸ ߢߐ߲߯ ߛߊ߲ߞߊߢߐ߲߯ߦߊ ߘߐ߯ߡߊ߲߫ ߊ߬ ߘߐ߫، ߘߎ߱ ߘߏ߫ ߟߎ߫ ߓߍ߫߸ ߦߏ߫ ߙߊߡߊ߬ߟߊ߫߸ ߊ߬ ߣߌ߫ ߣߊߔߑߟߍߖ߭߸ ߛߙߍߘߍ߫ ߞߋߟߋ߲߫ ߔߋ߫ ߟߵߏ߬ ߟߎ߬ ߓߟߏ߫ ߦߋ߲߬߸ ߡߍ߲ ߠߎ߬ ߓߍߣߊ߬ ߛߎߥߊ߲ߘߌ߫ ߣߌ߫ ߢߣߊߕߊߟߌ߫ ߕߍ߫، ߔߊߟߍߛߑߕߌߣߌ߲߬ ߞߊ߲ߕߌ߮ ߡߊ߬ߤߑߡߎߘ ߊߓߊߛ ߟߊ߫ ߓߘߍ߬ߓߘߍ߬ߟߌ߬ ߕߏ߯ߝߏ߸ ߝߕߊߤ ߡߊ߬ߡߌ߬ߘߊ߬ߟߌ߬ߟߊ ߘߏ߫ ߟߎ߫ ߦߋ߫ ߘߍߒߖߘߍߟߊ ߟߋ߬ ߘߌ߫ ߣߌ߲߬ ߞߊ߬ߝߏ߬ߙߋ߲߬ ߢߣߊߕߊߟߌ ߘߐ߫، ߤߡߊߛߌ߬ ߡߊ߫ ߛߐ߬ߘߐ߲߬ ߢߣߊߕߊߟߌ ߣߌ߲߬ ߘߐ߫ ߛߋ߲߬ߢߊ߬ ߣߌ߲߬ ߝߍ߬.

ߖߡߊ߬ߣߊ߬ߘߋ߲ ߝߊ߲߬ߓߊ ߟߊ߫ ߞߎߛߎ߲ ߓߘߴߊ߬ ߣߐ߭ ߟߊ߫ ߢߣߊߕߊߟߌ ߣߌ߲߬ ߞߊ߲߬، ߏ߬ ߞߏ߬ߣߌ߲ ߣߴߊ߬ ߕߊ߫߸ ߢߣߊߕߊߟߌ ߣߌ߲߬ ߦߋ߫ ߕߐ߰ߡߊ߬ߛߙߋ߬ߓߊ߫ ߟߋ߬ ߘߌ߫߸ ߊ߬ ߕߌ߯ߕߌ߯ ߜ߭ߊ߯ߖ߭ߊ߬ ߞߣߐ߫، ߓߊߏ߬߸ ߞߊ߬ߦߌ߯ ߂߀߀߆ ߟߊ߫߸ ߥߛߊ߬ߘߋ߲߬ ߢߣߊߕߊߟߌ ߘߏ߫ ߞߍ߫ ߘߊ߫ ߦߋ߲߬ ߓߌ߲ߠߊߥߎߟߋ߲ ߠߊ߫߸ ߣߌ߫ ߤߡߊߛߌ߬ ߛߎߘߊ߲߫ ߘߊ߫ ߞߊ߬ ߝߊ߲߬ߓߊ߬ߦߊ ߛߐ߬ߘߐ߲߬ ߞߎߡߊߞߍߓߏ߲ ߠߊ߫، ߞߊ߬ߦߌ߯ ߛߊ߲߭ ߏ߬ ߓߐ߫ ߘߴߊ߬ ߘߐ߫߸ ߢߣߊߕߊߟߌ߫ ߜߘߍ߫ ߡߊ߫ ߞߍ߫ ߦߋ߲߬ ߏ߬ ߞߐ߫، ߏ߬ ߟߋ ߘߐ߫߸ ߕߣߐ߬ߓߊ߫ ߦߋ߫ ߣߌ߲߬ߛߋ߲߬ ߕߊ ߢߌ߲߬ ߠߊ߫߸ ߊ߬ ߦߋ߫ ߕߐ߰ߡߊ߬ߛߙߋ߬ߡߊ ߟߋ߬ ߝߣߊ߫ ߘߌ߫، ߟߊ߬ߞߙߐ߬ߛߟߌ߬ߟߊ ߟߎ߫ ߞߏ߬ߣߌ߲ ߞߊ߲߫ ߞߏ߫ ߢߣߊߕߊߟߌ ߣߌ߲߬ ߦߋ߫ ߓߘߍ߬ߓߘߍ߬ߟߌ ߛߎߡߊ߲ߒߘߐ ߟߋ߬ ߘߌ߫߸ ߞߵߊ߬ ߡߊߝߟߍ߫ ߣߌ߫ ߢߣߊߕߊߟߌ ߘߌ߫ ߓߍ߲߬ ߡߊ߲߬ߞߊ߲ ߕߎ߬ߡߊ ߢߌ߲߬ ߠߊ߫.