ߟߊ߬ߛߋ߬ߟߌ߬ ߞߟߊߒߞߋ߫ ߟߋ߬ ߞߍߣߍ߲߫ ߓߌ߬ ߞߎߣߎ߲ߟߏ߲ ߢߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߈߸ ߘߋ.ߖ߭ߋ.ߕߋ ߛߓߍߘߊ ߦߴߊ߬ ߦߌ߬ߘߊ߬ ߟߊ߫ ߡߍ߲ ߘߐ߫߸ ߞߏ߫ ߞߎߡߊ ߡߍ߲ ߦߴߌߘߐ߫ ߞߊ߬ ߝߐ߫ ߞߏ߫ ߊ߬ߟߎ߬ ߣߌ߫ ߖ߭ߋ.ߍߡ.ߘߋ ߓߘߊ߫ ߝߙߊ߬ ߢߐ߲߯ ߞߊ߲߬߸ ߏ߬ ߕߍ߫ ߛߥߊ߬ߓߊ߬ ߘߌ߫ ߢߊ߫ ߛߌ߫ ߡߊ߬، ߏ߬ ߝߐ߫ ߘߊ߫ ߛߓߍ߫ ߟߋ߬ ߞߣߐ߫ ߓߌ߬߸ ߡߍ߲ ߞߟߊ߬ߣߐ߬ߦߊ߬ ߘߴߊ߬ߟߎ߬ ߓߟߏ߫ ߕߐ߲߬ߓߊ߬ ߞߊ߲ߛߊ߫ ߞߣߐ߫.

<<ߘߋ.ߖ߭ߋ.ߕߋ ߦߴߊ߬ ߦߌ߬ߘߊ߬ ߟߊ߫߸ ߞߊ߬ ߝߐ߫ ߞߏ߫ ߊ߬ߟߎ߬ ߣߌ߫ ߖ߭ߋ.ߍߡ.ߘߋ ߓߘߊ߫ ߝߙߊ߬ ߢߐ߲߯ ߞߊ߲߬߸ ߏ߬ ߕߍ߫ ߛߥߊ߬ߓߊ߬ ߘߌ߫ ߝߛߍߞߘߎ߫.>> ߏ߬ ߝߐ߫ ߘߊ߫ ߘߐ߬ߛߙߋ ߣߌ߲߬ ߞߣߐ߫߸ ߡߍ߲ ߞߟߊ߬ߣߐ߬ߦߊ߬ ߘߊ߫ ߎߛߑߡߊߣ ߓߙߋߕߋ߫ ߓߟߏ߫߸ ߊ߬ߟߋ ߡߍ߲ ߦߋ߫ ߘߋ.ߖ߭ߋ.ߕߋ ߟߊ߫ ߛߙߍߘߍ߫ ߢߍߟߐ ߘߌ߫.

ߊ߬ߟߎ߫ ߞߏ߬ߣߌ߲ ߞߵߊ߬ ߟߊߛߙߋߦߊ߫߸ ߞߏ߫ ߕߎ߬ߢߊ ߟߋ߬ ߝߛߊߦߌ߫߸ ߊ߬ߟߎ߬ ߣߌ߫ ߡߐ߰ ߛߌߦߊߡߊ߲߫ ߦߋ߫ ߞߎߡߊ ߞߊ߲߬߸ ߊ߬ߟߎ߬ ߓߘߊ߫ ߞߎߡߊ ߘߏ߫ ߟߎ߫ ߞߍ߫߸ ߘߏ߫ ߟߎ߫ ߦߋ߫ ߛߋ߲߬ߠߊ߫ ߝߣߊ߫، ߒ߬ߞߊ߬߸ ߊ߬ ߝߐ ߛߍߣߍ߲߬߸ ߞߏ߫ ߊ߬ߟߎ߬ ߣߌ߫ ߘߏ߫ ߓߘߊ߫ ߞߍ߫ ߢߐ߲߮ ߞߊ߲߬߸ ߏ߬ ߟߋ ߕߍ߫ ߕߎ߬ߢߊ߬ ߘߌ߫ ߢߊ߫ ߛߌ߫ ߡߊ߬، ߞߏ߫ ߣߴߏ߬ ߘߏ߲߬ ߞߍ߫ ߘߊ߫ ߞߍߕߊ߫ ߘߌ߫߸ ߊ߬ߟߎ߬ ߘߴߏ߬ ߝߣߊ߫ ߞߍ߫ ߊ߬ ߕߊ߫ ߛߓߍ߫ ߘߌ߫ ߞߵߏ߬ ߞߟߊ߬ߣߐ߬ߦߊ߬.

ߊ߬ ߝߐߣߍ߲߫ ߛߓߍ ߣߌ߲߬ ߞߣߐ߫ ߏ߬ ߟߋ ߘߐ߫߸ ߞߏ߫: <<ߣߌ߫ ߝߙߊ߬ ߢߐ߲߰ ߞߊ߲ ߞߍ߫ ߘߊ߫ ߞߍߕߊ߫ ߘߌ߫ ߕߎ߬ߡߊ ߡߍ߲ ߠߊ߫߸ ߏ߬ ߘߌ߫ ߞߍ߫ ߟߊ߬ߛߋ߬ߟߌ ߘߌ߫߸ ߡߍ߲ ߞߟߊ߬ߣߐ߬ߦߊ߬ߕߐ߫ ߝߊ߲߭ ߝߌ߬ߟߊ߬ ߓߟߏ߫߸ ߝߊ߲߬ ߞߋߟߋ߲ ߕߍ߫ ߘߋ߬.>> ߘߋ.ߖ߭ߋ.ߕߋ ߞߵߊ߬ ߘߊߣߐ ߕߏ߫ ߦߙߐ ߏ߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߕߏ߰ߝߏ ߞߊ߬ߣߌ߲߬ߒ߬ߕߋ ߟߎ߬ ߕߊ߬ߣߍ߲ ߞߵߊ߬ ߟߴߊ߬ߟߎ߬ ߟߊ߫ ߛߍ߬ߘߏ߲߬ߠߊ ߟߎ߬ ߞߊ߲߬߸ ߞߏ߫ ߓߍ߯ ߦߴߊ߬ ߡߝߊ߫ ߘߐߙߐ߲߫.

ߟߊ߬ߛߋ߬ߟߌ߬ ߛߓߍ ߣߌ߲߬ ߘߐ߫߸ ߘߋ.ߖ߭ߋ.ߕߋ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ ߤߊߡߌ߲ ߦߋ߫ ߡߍ߲ ߘߌ߫߸ ߏ߬ ߟߋ ߕߐ߲߬ߓߊ߬ ߞߊ߲߬ߛߊ߬ߞߊ ߟߎ߬ ߟߊ߫ ߕߐ߬ߣߐ ߡߞߊߘߊ߲ ߘߌ߫߸ ߞߏ߬ߣߌ߲߬ ߊ߬ߟߎ߬ ߕߍ߫ ߓߘߍ߬ߓߘߍ߬ߟߌ߬ ߕߏ߰ߝߏ߬ ߞߋߟߋ߲߫ ߞߐߡߊߓߌ߲ߓߌ߲߫ ߠߊ߫ ߘߋ߬، ߏ߬ ߟߋ ߘߐ߫߸ ߊ߬ߟߎ߫ ߞߵߊ߬ ߛߓߍ߫ ߞߏ߫: <<ߘߋ.ߖ߭ߋ.ߕߋ ߦߋ߫ ߖߊ߬ߡߊ ߟߊ߫ ߣߊ߬ߝߊ ߟߋ߬ ߡߞߊߘߊ߲߫ ߠߊ߫߸ ߊ߬ ߕߍ߫ ߓߘߍ߬ߓߘߍ߬ߟߌ߬ ߕߏ߯ߝߏ߫ ߜߘߍ߫ ߛߊ߬ߥߏ ߞߍ߫ ߟߊ߫ ߘߋ߬߸ ߊ߬ ߞߍ߫ ߘߴߊ߬ ߛߎ߯ ߺ ߎ ߺ ߛߎ߯ ߘߌ߫.>> ߟߊ߬ߛߋ߬ߟߌ ߣߌ߲߬ ߞߵߏ߬ ߟߊߕߍ߰.