ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߉߸ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ߘߊ ߞߊ߬ ߤߊߖߊ߬ ߊ߲ߘߙߋ߫ ߕߎ߬ߙߋ߬ ߓߊߘߍ߫ ߞߏ ߢߍߥߟߊ ߟߊ߲ߞߣߍߡߊ߫߸ ߊ߬ߟߋ ߡߌ߲ ߦߋ߫ ߖߌ߬ߣߍ߫ ߜߊ߬ߕߌ߰ ߝߟߐ ߟߎ߬ ߘߐ߫ ߝߟߐߝߟߐ ߘߌ߫߸ ߡߊ߲߬ߕߏ߲ ߝߊ߬ ߊߤߑߡߍߘ ߛߋߞߎ߫ ߕߎ߬ߙߋ߬ ߟߊ߫ ߓߐ߬ߟߐ߲߬ߞߊ߸ ߣߴߊ߬ ߝߊߕߏ߫ ߘߊ߫ ߞߎߣߎ߲ߟߏ߲ ߡߊ߬ ߞߊ߬ߙߌ߬ߝߐ ߕߟߋ߬ ߈.

ߟߊ߬ߛߋ߬ߟߌ߫ ߟߋ߬ ߞߍߣߍ߲߫ ߣߊ߲߬ߒ߬ߕߊ߲߬ߧߊ߬ ߞߎߓߋߘߐ ߓߟߏ߫ ߞߊ߲ߕߌ߯ߘߊ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߤߊߖߊ߬ ߊ߲ߘߙߋ߫ ߛߎ߬ߞߌߙߊ ߘߌ߫ ߘߏ߲߬ ߞߍ߲ߘߍߟߏ߲ ߞߊ߬ߙߌ߬ߝߐ ߕߟߋ߬ ߁߁ ߣߊ߬ߕߐ ߡߊ߬߸ ߞߐߣߊߞߙߌ߫ ߡߊ߲߬ߕߏ߲߬ߕߍ߬ ߛߊ߲ߡߊߘߊ߲߫ ߊߤߑߡߍߘ ߛߋߞߎ߫ ߕߎ߬ߙߋ߬ ߟߊ߫߸ ߁߈ߕߎߡߊ ߟߊ߫.

ߞߊ߬ߙߌ߬ߝߐ ߕߟߋ߬ ߁߂ ߡߊ߬߸ ߏ߬ ߡߍ߲ ߓߍ߲߬ߕߐ߫ ߞߊ߯ߙߌ ߡߊ߬߸ ߊ߬ ߓߊߘߍ ߘߌ߫ ߞߍ߫ ߡߌ߬ߙߌ߲߬ߘߌ ߟߊ߫ ߞߎߓߋ ߟߊ߫ ߉ߕߎߡߊ، ߏ߬ ߟߋ ߞߐߝߍ߬߸ ߛߎ߬ ߡߊ߬ߛߊߟߌ ߘߌ߫ ߞߍ߫ ߞߐߣߊߞߙߌ߫ ߕߌ߲ߓߌߘߌ߲ߘߓߊ ߝߊߦߌߛߊߟ ߟߊ߫ ߁߃ߕߎߡߊ߃߀߸ ߞߣߊ߬ߕߏ߫ ߛߎ߬ߘߏ߲ ߞߍ߫ ߟߊ߫ ߁߄ߕߎߡߊ ߟߊ߫، ߏ߬ ߞߐߝߍ߬߸ ߊ߬ ߝߎ߬ߙߋ ߘߌ߫ ߕߊ߬ ߥߴߊ߬ ߛߎ߭ߘߏ߲߬ ߞߊߖ߭ ߘߋ߬ ߓߍߟߑߝ߭ߎ߳.

ߞߊ߲ߕߌ߯ߘߊ ߞߵߊ߬ ߘߊߣߐ ߕߏ߫ ߊ߬ ߡߊ߬߸ ߞߊ߬ ߓߍ߲߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߖߊ߬ߡߊߙߌ ߡߊ߬߸ ߞߏ߫ <<ߞߵߊ߬ ߛߎ߬ߞߏ ߞߍ߫ ߢߊ߫ ߡߊ߬߸ ߊ߬ ߣߌ߫ ߡߍ߲ ߞߊ߫ ߞߊ߲߫߸ ߘߐ߬ߝߐ ߞߊ߬ ߡߐ߬ߟߐ߲ ߡߍ߲ ߘߴߊ߬ ߡߊ߬߸ ߞߵߏ߬ ߢߐ߲߰ ߡߐ߬ߟߐ߲߬ ߘߴߊ߬ ߛߎ߬ߞߏ߬ߦߊ ߡߊ߬.>> ߟߊ߬ߛߋ߬ߟߌ߬ ߞߋߟߋ߲ ߣߌ߲߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߤߊߖߊ߬ ߊߘߙߋ߫ ߕߎ߬ߙߋ߫ ߕߍ߬ߘߍ߫ ߊ߬ ߗߍ߬ ߛߋߞߎ߫ ߕߎ߬ߙߋ߬ ߘߊߝߍ߬ ߟߋ߬ ߖߘߍ߬ߕߌ߰ߦߊ ߕߎ߬ߡߊ߬ ߖߏߣߊ ߏ߬ ߡߎ߰ߡߍ ߟߊ߫، ߏ߬ ߘߐ߫߸ ߞߏ߫ ߞߵߊ߬ ߡߐ߬ߟߐ߲ ߏ߬ ߘߴߊ߬ ߡߊ߬ ߛߎ߬ߞߏ߬ߦߊ ߣߌ߲߬ ߘߐ߫.

ߞߊ߲ߕߌ߯ߘߊ ߞߊ߲߫ ߌߞߐ߫߸ ߞߏ߫ ߖߡߊ߬߬ߣߊ ߝߊ߰ߡߊ ߟߎ߬߸ ߞߎ߲߬ߠߊ߬ߛߌ߮߸ ߘߐ߬ߕߊߡߌ߲ ߞߏߟߊߕߍ߯ߘߊ߸ ߣߊ߲߬ߕߌ߮ ߟߎ߬ ߣߌ߫ ߕߐ߲ߓߟߏߡߊ ߟߎ߬߸ ߞߵߏ߬ ߟߊ߫ ߖߌ߬ߣߍ߬ ߞߏߟߊߘߍߢߐ߲߮ ߠߎ߬ ߞߊ߲߬߸ ߊ߬ ߣߌ߫ ߖߡߊ߬ߣߊ߬ߘߋ߲ ߓߍ߯ ߟߊߘߍ߬ߣߍ߲، ߞߏ߫ ߓߍ߯ ߡߊߞߟߌߣߍ߲߫ ߞߊ߬ ߛߐ߬ߘߐ߲߬ ߓߊߘߍ ߣߌ߲߬ ߘߐ߫.

ߟߊ߬ߛߋ߬ߟߌ ߞߎ߲߬ߘߏ߲ ߞߍ߫ ߘߊ߫ ߕߌ߲ߞߌ ߟߋ߬ ߘߌ߫ ߝߎ߬ߙߋ ߦߋ߫߸ ߞߵߊߟߊ߫ ߕߙߊ߫߸ ߞߏ߫ ߊߟߊߡߵߊ߬ ߓߌ߬ߟߊ߬ ߘߊ߫ ߣߍߡߊ ߘߐ߫߸ ߞߵߊ߬ ߟߊߘߏ߲߬ ߡߍ߲ߘߌߦߊ ߣߊߞߐ ߘߐ߫.