ߊ߬ ߛߊ߲߬ ߞߋߟߋ߲ ߠߋ߬ ߣߊ߬ߕߐ߫ ߕߋ߲߬߸ ߖ߭ߊ߲ߓߌ߫ ߞߊ߲ߕߌ߯ ߞߘߐ ߋߘߑߜ߭ߊߙ ߟߎ߲ߜ߭ߎ߫ ߝߊߕߏ߫ ߘߊ߫߸ ߞߏ߬ߣߵߊ߬ ߛߎ߭ ߞߢߊ߬ߣߴߊ߬ ߖߌ߰ߦߘߊ߬ ߟߊ߬ߓߊ߲ ߡߊߛߐ߬ߘߐ߲߬ ߠߊ߫ ߤߊ߲߯ ߕߋ߲߬، ߖ߭ߊ߲ߓߌ߫ ߞߎ߲߬ߠߊ߬ߛߌ߮ ߞߵߊ߬ ߟߊߛߋ߫ ߞߎߣߎ߲ߟߏ߲ ߡߊ߬߸ ߞߏ߫ ߞߊ߲ߕߌ߯ ߞߘߐ ߝߎ߬ߙߋ ߓߘߊ߫ ߛߴߊ߬ߟߎ߬ ߓߟߏ߫߸ ߏ߬ ߡߍ߲ ߡߙߌߘߐ ߝߘߊ߫ ߘߊ߫ ߥߙߏ߬ߘߎ߰ ߊߝߙߌߞߌ߬ ߞߕߌߘߊ ߟߊ߫ ߞߊ߬ߣߌ߲߬.

ߝߊ߰ߡߊ ߟߎ߫ ߞߵߊ߬ ߟߴߊ߬ ߞߊ߲߬ ߞߏ߫ ߛߎ߭ ߓߘߊ߫ ߛߴߊ߬ߟߎ߬ ߟߊ߫ ߛߎ߬ߡߙߊ߬ ߘߌ߲ߞߌߙߊ ߘߏ߫ ߘߐ߫ ߔߙߋߕߏߙߌߦߊ߫، ߓߊ߬ߙߌ߬߸ ߞߏ߫ ߊ߬ߟߎ߬ ߓߘߴߊ߬ ߓߐ߫ ߛߎ߬ߡߙߊ߬ ߦߙߐ ߏ߬ ߘߐ߫ ߦߋ߲߬߸ ߞߊ߬ ߥߴߊ߬ ߘߌ߫ ߓߏ߲ߓߊ߫ ߜߘߍ߫ ߟߊ߫߸ ߖߐ߲߰ߛߴߊ߬ߟߎ߬ ߘߴߊ߬ߟߎ߬ ߓߟߏߘߐߓߍ߲߬ ߓߊߘߍ߫ ߞߏ ߟߊ߫ ߢߊ ߡߍ߲ ߡߊ߬.

ߞߏ߬ߣߌ߲߬߸ ߛߊ߬ߓߊ߰ߕߐ ߟߊ߫ ߘߋ߲ߓߦߊ ߡߴߊ߬ ߛߋ߲߭ ߟߴߊ߬ ߓߟߏ߫ ߞߊ߲߬ ߣߌ߲߬ ߞߏ ߘߐ߫، ߏ߬ ߟߎ߬ ߕߊ߯ ߘߊ߫ ߖߡߊ߬ߙߌ߬ ߛߓߍ߬ ߞߟߊߡߊ߲ߞߟߊߡߊ߲ ߘߌ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊߓߐߣߍ߲߫ ߛߎ߬ߡߙߊ߬ ߦߙߐ߬ ߝߟߐ ߡߍ߲ ߘߐ߫߸ ߞߏ߫ ߞߵߊ߬ ߟߊߞߐߛߊ߬ߦߌ߲߫ ߦߋ߲߬ ߌߞߘߐߞߘߐߣߌ߲߬߸ ߊ߬ ߟߊߡߙߊ߬ߣߍ߲߫ ߕߘߍ߬ ߦߙߐ߫ ߝߟߐߝߟߐ ߡߍ߲ ߘߐ߫ ߞߵߊ߬ ߕߊ߬ ߛߊ߬ߦߊ ߞߍ߫ ߟߏ߲ ߡߊ߬ ߞߵߊ߬ ߛߌ߰ ߛߌߛߍ߲߬ ߠߊ߫.

ߊߟߎ߫ ߦߴߊ߬ ߟߐ߲߫߸ ߏ߬ ߓߘߊ߫ ߞߍ߫ ߜߟߍ߬ߦߊ߬ߓߊ߫ ߘߌ߫ ߞߐߙߍ ߣߌ߫ ߖ߭ߊ߲ߓߌ߫ ߝߊ߰ߡߊ ߟߎ߬ ߕߍ߫߸ ߊ߬ ߣߌ߫ ߞߊ߲ߕߌ߯ ߞߘߐ ߞߙߍ߬ߝߍ߬ ߡߐ߮ ߟߎ߬، ߊ߬ ߘߏ߲߬߸ ߊ߬ߟߎ߬ ߕߍ߫ ߢߐ߲߮ ߠߊ߫ ߘߏ߫ ߜߘߍ߫ ߘߐ߫߸ ߏ߬ ߟߋ ߓߊߘߍ߫ ߞߏ ߛߌ߲߬ߝߏ߲߬ߧߊ߬ߓߊ߰ ߞߏ ߣߌ߫ ߛߎ߭ ߘߏ߲߬ ߦߙߐ߬ ߞߏ ߘߌ߫، ߓߊߏ߬߸ ߞߐߙߍ ߞߊ߲߫߸ ߞߏ߫ ߝߏ߫ ߞߊ߬ ߓߊߘߍ ߕߏ߫ ߊ߬ߟߎ ߟߋ߬ ߓߟߏ߫߸ ߞߊ߬ ߓߊ߲߫ ߞߊ߬ ߛߎ߭ ߘߴߊ߬ߟߎ߫ ߡߊ߬߸ ߊ߬ߟߎ߬ ߦߴߊ߬ ߘߏ߲߬ ߦߙߐ߫ ߘߐ߫߸ ߊ߬ߟߎ߬ ߦߋ߫ ߡߍ߲ ߝߍ߬، ߒ߬ߞߊ߬߸ ߞߎ߲߬ߠߊ߬ߛߌ߮ ߛߐ߲߬ߣߍ߲߬ ߕߴߏ߬ ߟߋ ߡߊ߬.

ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߗߍ߭ ߣߌ߲߬ ߛߊ߬ ߘߊ߫ ߂߀߂߅ ߥߊ߬ߛߌ߬ߥߙߊ ߕߟߋ߬ ߁߅ ߟߋ߬ ߡߊ߬ ߥߙߏ߬ߘߎ߰ ߊߝߙߌߞߌ߬، ߞߵߊ߬ ߕߊ߬ ߏ߬ ߡߊ߬ ߤߊ߲߯ ߕߋ߲߬߸ ߋߘߑߜ߭ߊߙ ߟߎ߲ߜ߭ߎ߫ ߛߎ߭ ߦߋ߫ ߓߟߏߟߊ߫، ߊ߬ ߣߊ߬ߕߐ߫ ߛߊ߲߬ ߞߋߟߋ߲ ߠߋ߬ ߡߊ߬ ߕߋ߲߬߸ ߊ߬ ߞߏ ߡߊ߫ ߛߎߡߊ߫.