ߖߋ߬ߟߌ߬ߓߊ߬ߘߎ߯ ߣߌ߫ ߓߞߡ ߟߊ߫ ߞߊ߬ߣߌ߲ ߓߘߊ߫ ߛߊ߬߸ ߘߊ߰ߣߍ߲߫ ߥߋ߬ߘߋߥߋ߬ߘߋ ߘߌ߫ ߞߍ߫ ߂߀߂߇ ߥߊ߬ߛߌ߬ߥߙߊ ߁߈ ߡߊ߬

ߠߋ߬ ߡߊ߬.

ߖߋ߬ߟߌ߬ߓߊ߬ߘߎ߯ ߓߘߴߊ߬ ߟߊ߫ ߓߐߟߌ߫ ߞߏ ߔߘߋߔߘߋߟߊߕߍ߰ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ (CPI) ߘߐ߫ ߛߍߣߍ߲߬ ߝߛߊߦߌ߫، ߞߊ߬ߕߎ߲߯߸ ߛߌ߲߬ߝߏ߲߬ߘߊ ߣߌ߲߬ ߡߊߖߌ߰ߣߍ߲߫ ߤߊߦߌ߬ ߟߊ߫ ߟߋ߬߸ ߊ߬ߟߎ߫ ߞߵߊ߬ ߟߊߛߋ߫ ߞߎߣߎ߲߬ ߞߐ߬ߟߏ߲ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߃߸ ߞߏ߫ ߖߋ߬ߟߌ߬ߓߊ߬ߘߎ߯ ߝߊ߰ߡߊ ߟߎ߫ ߞߊ߬ ߟߊ߬ߛߏ߬ߓߟߌ߬ ߛߓߍ ߘߏ߫ ߗߋ߫ ߊ߬ߟߎ߫ ߡߊ߬ ߥߊ߬ߛߌ߬ߥߙߊ ߕߟߋ߬ ߁߈ ߡߊ߬߸ ߡߊ߲߬ߕߏ߲߬ ߠߊߘߍ߬ߣߍ߲ ߠߊ߫ ߛߌߟߊ ߝߍ߬߸ ߞߵߊ߬ߟߎ߬ ߟߊ߫ ߓߐߟߌ߫ ߞߏ ߝߐ߫ ߏ߬ ߞߣߐ߫، ߏ߬ ߟߵߊ߬ ߦߌ߬ߘߊ߬ ߟߊ߫߸ ߞߏ߫ ߖߋ߬ߟߌ߬ߓߊ߬ߘߎ߯ ߟߊ߫ ߓߐߟߌ ߘߌ߫ ߕߊ߬ ߓߊ߫ ߘߐ߫ ߞߵߊ߬ ߕߏ߫ ߊ߬ ߡߊ߬ ߂߀߂߇ ߥߊ߬ߛߌ߬ߥߙߊ ߕߟߋ߬ ߁߈ ߣߊ߬ߕߐ ߡߊ߬، ߞߊ߬ ߓߍ߲߬ ߙߐߡߎ߲߬ ߛߌ߰ߞߊ߲ ߕߐ߲ߛߋ߲ ߁߂߇߲ ߝߐ߫ ߞߊ߲ ߡߊ߬߸ ߏ߬ ߡߍ߲ ߣߐ߬ ߊ߬ ߦߌ߬ߘߊ߬ ߞߏ߫ ߡߍ߲ ߺ ߍ ߺ ߡߍ߲߫ ߦߴߊ߬ ߝߍ߬ ߞߊ߬ ߓߐ߫߸ ߏ߬ ߘߌ߫ ߛߴߊ߬ߟߎ߬ ߟߊߛߏ߬ߓߌ߬ ߟߊ߫ ߛߓߍ߫ ߞߣߐ߫ ߞߵߏ߬ ߗߋ߫ ߡߊ߲߬ߕߏ߲߬ ߠߊߘߍ߬ߡߍ߲ ߝߘߏ߬ߓߊ߬ ߞߟߊ߬ߕߌ߮ ߡߊ߬، ߓߐߟߌ߫ ߞߏ ߘߌ߫ ߘߏ߲߬ ߞߍߟߌ ߞߣߐ߫ ߛߊ߲߬ ߞߋߟߋ߲ ߘߝߊ ߡߊ߬ ߞߵߊ߬ ߕߊ߬ ߟߊ߬ߛߏ߬ߓߌ߬ߟߌ ߟߊߛߐ߬ߘߐ߲߬ ߟߏ߲ ߡߊ߬.

ߖߋ߬ߟߌ߬ߓߊ߬ߘߎ߰ߞߊ ߟߎ߬ ߟߊ߫ ߗߋߛߓߍ ߣߌ߲߬ ߞߣߐ߫߸ ߞߎ߲߬ߠߊ߬ߛߌ߮ ߞߊ߬ ߞߕߌߖߌ߲ ߡߊߝߌ߲߬ ߠߋ߬߸ ߞߏ߫ ߊ߬ߟߎ߬ ߓߘߴߊ߬ߟߎ߬ ߥߊ߫ ߛߌߟߊ <<ߝߘߏ߬>> ߝߊ߯ߙߌ߫، ߝߣߊ߫߸ ߞߏ߫ ߊ߬ߟߎ߬ ߟߊ߫ ߞߕߌ ߦߋ߫ ߢߣߊߕߐߡߐ߲ߠߌ߲߫ ߞߕߌ ߟߋ߬ ߘߌ߫. ߛߋ.ߔߋ.ߌ ߘߏ߲߬ ߝߣߊ߫ ߡߊ߫ ߕߏ߫ ߡߊ߬ߞߎ߲߬ ߘߐ߫ ߘߋ߬، ߊ߬ߟߎ߫ ߞߵߊ߬ ߦߌ߬ߘߊ߬߸ ߞߏ߫ <<ߣߌ߲߬ ߕߍ߫ ߓߘߍ߫ ߘߌ߫ ߛߊ߫߸ ߕߌߢߍߟߌ߫ ߖߎ߮ ߟ߫ߎ ߞߍ߬ߟߍ ߦߋ߫ ߓߍ߯ ߟߊ߫ ߞߏ ߟߋ߬ ߘߌ߫߸ ߖߋ߬ߟߌ߬ߓߊ߬ߘߎ߯ ߦߴߊ߬ ߝߍ߬ ߞߵߊ߬ ߛߋ߲߬ߓߐ߫ ߏ߬ ߟߋ ߘߐ߫ ߣߌ߲߬.>> ߊ߬ߟߎ߫ ߞߵߏ߬ ߦߌ߬ߘߊ߬.

ߓߐߟߌ ߣߌ߲߬ ߞߏ߬ߣߌ߲ ߞߘߐ߫ ߕߍ߫ ߞߏ߫ ߖߋ߬ߟߌ߬ߓߊ߬ߘߎ߯ ߓߘߴߊ߬ ߛߋ߲߬ߡߊ߬ߝߌߘߊ߲߫ ߠߵߏ߬ ߘߌ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߘߐ߫ ߝߋߝߋ߫، ߞߏ߫ ߛߌ߫ ߓߊ߯ ߕߍ߰ ߖߋ߬ߟߌ߬ߓߊ߬ߘߎ߯ ߞߣߐ߫ ߕߎ߬ߡߊ ߢߌ߲߬ ߠߊ߫ ߤߊ߲߯ ߞߵߊ߬ ߛߌ߰ ߂߀߂߇ ߥߊ߬ߛߌ߬ߥߙߊ ߟߊ߫߸ ߛߌ߲߬ߝߏ߲߬ߘߊ ߘߌ߫ ߛߴߊ߬ ߢߊ ߡߊߖߌ߰ ߟߴߏ߬ ߞߘߐ߫ ߝߛߊߦߌ߫، ߏ߬ ߝߣߊ߫ ߝߐߣߍ߲߫ ߊ߬ߟߎ߬ ߟߊ߫ ߕߐ߲ߛߋ߲ ߁߂߇߲ ߞߣߐ߫.

ߖߋ߬ߟߌ߬ߓߊ߬ߘߎ߯ ߞߋߟߋ߲߫ ߘߏ߲߬ ߕߍ߫ ߓߐߟߌ ߛߌߟߊ ߣߌ߲߬ ߞߊ߲߬ ߘߋ߬، ߞߊ߬ߕߎ߲߯߸ ߂߀߂߅ ߟߊ߫߸ ߡߊ߬ߟߌ ߣߌ߫ ߓߙߎߞߌߣߊ߫ ߝߊ߬ߛߏ߬ ߟߎ߬ ߞߎߡߊ ߡߍ߲ ߞߍ߫ ߘߊ߫ ߞߊ߬ ߓߍ߲߬ ߓߐߟߌ߫ ߞߏ ߡߊ߬߸ ߖߋ߬ߟߌ߬ߓߊ߬ߘߎ߯ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߓߐߟߌ߫ ߟߐ߮ ߦߴߊ߬ ߟߊ߫، ߓߊ߬ߙߵߊ߬ ߕߎ߲߬ ߡߊ߫ ߞߍ߫ ߞߏ߫ ߟߊߕߍ߰ߣߍ߲߫ ߠߋ߬ ߘߌ߫ ߡߎߣߎ߲߬، ߒ߬ߞߊ߬߸ ߛߓߍ ߣߌ߲߬ ߗߋߣߍ߲ ߞߐߝߍ߬߸ ߢߊߡߍ߫ ߓߘߊ߫ ߡߙߌߘߐ߫ ߜߍߟߍ߲߫ ߠߋ߬ ߡߊ߬ ߏ߬ ߘߌ߫ ߛߊ߫߸ ߊ߬ ߝߐߣߍ߲߫ ߞߏ߫ ߛߌ߲߬ߝߏ߲߬ߘߊ ߡߍ߲ ߗߋ ߦߋ߫ ߛߌߦߊߥߟߏߡߊ߫ ߞߟߍ ߟߎ߬ ߣߌ߫ ߞߍ߬ߟߍ ߞߎ߲߬ߞߏ߬ߓߊ߬ߕߐ ߟߎ߬ ߣߌ߫ ߡߐ߰ߦߊ ߞߊ߬ߛߙߊ߬ ߞߏ ߟߎ߬ ߟߊߕߐ߲ ߘߌ߫߸ ߊ߬ߟߋ ߓߘߴߊ߬ ߛߋ߲߬ߓߐ߫ ߏ߬ ߟߋ ߘߐ߫ ߣߌ߲߬، ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߣߴߊ߬ߟߎ߬ ߟߊ߫ ߓߐߟߌ߫ ߞߏ ߕߏ߫ ߘߴߊ߬ ߡߊ߬ ߟߏ߲ ߡߍ߲߸ ߂߀߂߇ ߥߊ߬ߛߌ߬ߥߙߊ ߟߊ߫߸ ߊ߬ߟߋ ߟߋ߬ ߞߍߕߐ߫ ߖߡߊ߬ߣߊ߬ ߛߓߊߣߊ߲ ߘߌ߫߸ ߡߍ߲ ߠߎ߬ ߓߘߴߊ߬ߟߎ߫ ߛߋ߲߬ߓߐ߫ ߛߋ.ߔߋ.ߌ ߘߐ߫߸ ߓߎߙߎ߲ߘߌ߫ ߕߊ ߞߐߝߍ߬ ߂߀߁߇ ߟߊ߫߸ ߊ߬ ߣߌ߫ ߝߟߌ߬ߔߌ߲߬ ߕߊ ߞߐߝߍ߬ ߂߀߁߉ ߟߊ߫.