ߞߊ߬ߝߏ߬ ߖߊߛߏ߲ ߡߍ߲ ߛߌ߰ ߘߊ߫ ߛߋ߲߬ߠߊ߫ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߣߐ߫ ߂߀߂߅ ߟߊ߫߸ ߣߴߊ߬ ߛߋ߲߭ ߡߊ߫ ߘߎ߰ ߛߐ߬ߘߐ߲߬، ߛߌߞߊ߫ ߞߍߣߍ߲߫ ߡߐ߰ ߥߐ߯ߙߐ߫ ߟߋ߬ ߡߊ߬ ߞߵߊ߬ߟߎ߬ ߟߊߟߐ߬ ߛߊ߬ߙߌ߬ߦߊ߬ ߢߊߞߘߐ߫، ߡߐ߰ ߥߐ߯ߙߐ ߏ߬ ߟߎߎ߬ ߘߐ߫߸ ߞߟߍ߬ߕߌ߰ ߟߊߣߡߐ߬ߣߍ߲߬ ߞߋߟߋ߲߫ ߦߴߊ߬ ߘߐ߫߸ ߊ߬ ߣߌ߫ ߡߐ߰ ߟߏ߯ߟߎ߫ ߜߘߍ߫، ߒ߬ߓߊ߬߸ ߏ߬ ߟߎ߫ ߟߋ߬ ߟߊ߫ ߞߏ ߓߘߊ߫ ߘߐߢߌߡߌ߲߫ ߛߊ߬ߙߌ߬ߦߊ߬ ߓߟߏ߫߸ ߊ߬ߟߎ߬ ߟߊ߫ ߟߊ߬ߥߟߍ߬ߟߌ߬ ߝߟߐ ߞߍߣߍ߲߫ ߓߌ߬ ߟߋ߬߸ ߊ߬ߟߎ߬ ߛߌ߫ ߡߴߊ߬ߟߎ߫ ߟߐ߬ ߊ߬ ߟߊ߫߸ ߊ߬ߟߎ߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߊ߬ߟߎ߫ ߛߐ߲߬ ߕߍ߫ ߞߊ߬ߝߏ߬ ߖߊ߬ߛߏ߲߬ ߞߏ ߘߐ߫ ߡߎ߰ߡߍ߫. ߏ߬ ߞߎߡߊ ߝߐ߫ ߘߊ߫ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߝߐ߰ߓߍ߬ߘߊ ߘߏ߫ ߟߎ߫ ߟߋ߬ ߓߟߏ߫ ߕߓߌ߬ ߞߎߣߎ߲ߟߏ߲ ߣߌ߲߬ ߡߊ߬.

ߡߊ߬ߝߌ߲߬ߓߊ߰ߕߐ ߟߎ߬ ߟߊߟߐ߬ ߘߊ߫ ߊߓߎߖߊ߫ ߞߙߎߝߊ ߞߕߌߖߌ߲߫ ߛߊ߲ߘߐ ߟߋ߬ ߟߊ߫߸ ߞߵߊ߬ߟߎ߬ ߘߊߘߐߢߌ߬ߣߌ߲߬ߞߊ߬، ߊ߬ ߓߘߊ߫ ߦߌ߬ߘߊ߬ ߞߏ߫ ߊ߬ߟߎ߬ ߓߍߣߊ߬ ߡߊߞߟߌ߫ ߞߏߞߎߘߊ߫ ߂߀߂߆ ߞߏ߲ߞߏߘߓߌ ߕߋ߬ߟߋ߫ ߂߇ ߣߊ߬ߕߐ ߣߌ߲߬ ߡߊ߬، ߊߟߎ߫ ߦߴߊ߬ ߟߐ߲߫߸ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߰ ߛߌߦߊߡߊ߲߫ ߠߋ߬ ߛߋ߲߬ ߦߋ߫ ߣߌ߲߬ ߞߏ ߘߐ߫، ߏ߬ ߟߋ ߘߐ߫߸ ߊ߬ ߞߏ ߥߊߕߐ߫ ߟߋ߬ ߤߊ߲߯ ߣߊ߲߬ߕߌ߮ ߟߎ߬ ߟߊ߫ ߞߕߌߘߊ ߟߊ߫߸ ߞߵߏ߬ ߟߎ߬ ߟߊ߫ ߞߕߌ ߟߊ߫ ߦߋ߲߬.

ߊ߬ ߞߏ ߘߊߡߌߣߊ ߟߊ߫߸ ߦߏ߫ ߊ߲ ߠߊ߫ ߟߌ߬ߤߟߊ߫ ߕߊ߬ߡߌ߲߬ߣߍ߲ ߠߎ߬ ߞߵߏ߬ ߦߌ߬ߘߊ߬ ߢߊ ߡߍ߲ ߡߊ߬߸ ߖߋ߬ߟߌ߬ߓߊ߬ߟߊ߫ ߕߎ߲߬ ߞߵߊ߬ ߦߌ߬ߘߊ߫ ߟߋ߬ ߡߎߣߎ߲߬ ߞߏ߫ ߞߊ߬ߝߏ߬ ߖߊߛߏ߲߫ ߡߊ߫ ߞߍ߫، ߓߊ߬ߙߌ߬߸ ߂߀߂߆ ߓߌ߲ߠߊߥߎߟߋ߲ ߠߊ߫߸ ߊ߬ߟߎ߫ ߞߵߊ߬ ߟߊߟߐ߬ ߛߍߣߍ߲߬ ߝߋߎ߫߸ ߞߏ߫ ߞߊ߬ߝߏ߬ ߖߊ߬ߛߏ߲߬ ߞߏ ߟߋ߬ ߕߎ߲߬ ߦߋ߫ ߛߋ߲߬ߠߊ߫، ߞߊ߬ߦߌ߯ ߏ߬ ߟߋ ߞߍ߫ ߘߊ߫ ߛߊ߫߸ ߡߐ߰ ߢߌߣߌ߲ ߣߌ߫ ߡߐ߰ ߡߌߣߊ ߟߎ߬ ߘߊߡߌ߬ߣߊ߬ ߘߊ߫ ߞߵߊ߬ߟߎ߫ ߣߐ߬ߝߍ߬ߜߍ߲߫߸ ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߵߊ߬ ߞߏ ߘߐ߫.

ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߝߊߙߌ߲ ߡߏ߬ߤߊ߬ߡߍ߬ߘ ߊߟߑߤߊߛߊ߲߫ ߡߊ߮ߖߌ߫ ߟߋ߬ ߞߊ߬ߝߏ߬ ߖߊ߬ߛߏ߲߬ ߞߏ ߖߊ߬ߕߋ߬ߘߐ߬ߛߌ߮ ߕߏ߬ߕߍ߬ߡߊ߬ߕߏ ߘߌ߫߸ ߊ߬ߟߋ ߖߊ߬ߕߋ߬ߣߍ߲߫ ߖߊ߲߬ߝߊ߬ߒ߬ߕߋ ߟߋ߬ ߘߌ߫߸ ߞߊ߬ ߞߊ߲ߕߌ߯ ߓߏ߬ߟߊ߫ ߕߌ߬ߣߓߎ߬ ߟߊ߫ ߛߋߓߊ߯ߦߊ ߘߊߝߘߌ߫߸ ߏ߬ ߡߍ߲ ߦߋ߫ ߖߡߊ߬ߣߊ ߞߎ߲߬ߠߊ߫ ߕߋ߲߬.