ߖߋ߬ߟߌ߬ߓߊ߬ߟߊ߫ ߞߕߌߓߋߟߋ߲ ߣߐ߬ ߡߐ߰ ߥߐ߯ߙߐ߫ ߟߋ߬ ߡߊߝߌ߲߬ ߠߊ߫ ߞߐ߬ߟߏ߲ ߣߌ߲߬ ߡߊ߬߸ ߞߟߍ߬ߕߌ߰ ߟߊߣߡߐ߬ߣߍ߲߬ ߞߋߟߋ߲߫ ߦߋ߫ ߡߍ߲ ߘߐ߫، ߊ߬ߟߎ ߛߐ߲߭ ߦߋߣߍ߲߫ ߞߊ߬ߝߏ߬ ߖߊ߬ߛߏ߲߬ ߞߏ ߟߋ߬ ߘߐ߫߸ ߊ߬ߟߎ߫ ߕߘߍ߬ ߞߊ߲ߕߌ߯ ߓߏ߬ߟߊ߫ ߕߌ߬ߣߓߎ߬ ߟߊߥߟߏ߫ ߞߏ ߘߐ߫ ߡߍ߲ ߛߋ߲߭ߝߍ߬ ߂߀߂߅ ߟߊ߫߸ ߣߴߊ߬ ߞߏ ߛߋ߲߭ ߡߊ߫ ߘߎ߰ ߛߐ߬ߘߐ߲߬.

ߘߐ߬ߛߙߋ ߡߍ߲ ߦߌ߬ߘߊ߬ ߘߊ߫ ߊߓߎߖߊ߫ ߞߙߎߝߊ ߞߕߌߖߌ߲ ߛߊ߲ߘߐߕߊ ߟߊ߫߸ ߡߊ߬ߝߌ߲߬ߓߊ߰ߕߐ ߟߎ߬ ߣߐ߬ߝߍ߬ߜߍ߲߬ߣߍ߲߫ ߡߎ߲߬ ߞߏߛߐ߲߬߸ ߞߏ߫ ߊ߬ߟߎ߬ ߞߵߊ߬ ߣߊ߬ߕߊ߫ ߟߋ߬߸ <<ߞߊ߬ ߞߍ߬ߟߍ ߟߐ߬ ߖߡߊ߬ߣߊ ߡߊ߬>> ߛߊ߫ ߞߊ߬ ߞߊ߲ߕߌ߮ ߘߐߛߌߟߊ߲߫ ߢߊ ߡߍ߲ ߡߊ߬، ߊ߬ߟߎ߬ ߓߍߣߊ߬ ߟߊߟߐ߬ ߞߕߌ ߘߊߞߘߐ߫ ߛߌߣߌ߲߫ ߞߎߣߎ߲ߟߏ߲ ߡߊ߬، ߊ߲ ߞߏ߬ߣߌ߲ ߡߴߊ߬ ߟߐ߲߫ ߡߎߣߎ߲߬߸ ߣߴߊ߬ ߕߏߕߐ߫ ߣߊ߲߬ߒ߬ߕߊ߲߬ߧߊ߬ ߞߕߌ ߟߋ߬ ߡߊ߬߸ ߥߟߊ߫ ߣߌ߫ ߣߊ߲߬ߕߌ߰ߦߊ߬ ߞߕߌ ߟߋ߬ ߞߍߕߐ߫.

ߡߊ߬ߝߌ߲߬ߓߊ߰ߕߐ ߢߌ߲߬ ߘߐ߫߸ ߊ߬ߟߎ߬ ߕߐ߮ ߝߟߍ߫: ߡߏ߬ߤߊ߬ߡߍ߬ߘ ߌߓߙߊߤߌߡ ߜ߭ߊߣߊ߬߸ ߋߙߊߘߑߡߎߛ ߏߗߋߜߏߓߌߦߊ ߝ߭ߌߞߑߕߐߙ߸ ߊߤߑߡߍߘ ߌߓߙߊߤߌߡ߸ ߖ߭ߞߋߙߌ ߎߡߐߙߎ߫߸ ߓߎߞߊߙ ߞߊߛߌߡ ߜ߭ߏߣߌ߫߸ ߊ߬ ߣߌ߫ ߊߓߎߓߞߊߙ ߛߊߣߌ߫، ߊ߬ߟߎ߬ ߡߊߝߌ߲߬ߣߍ߲߫ ߝߣߊ߫߸ ߞߏ߫ ߊ߬ߟߎ߬ ߞߍ߫ ߘߊ߫ ߞߊ߬ߝߏ߬ ߖߊ߬ߛߏ߲߬ ߞߏ ߘߏ߫ ߞߊ߬ߟߊߡߊ߬߸ ߡߍ߲ ߖߊ߬ߕߋ߬ߘߐߛߌ߰ ߘߊ߫ ߝߊߙߌ ߡߏ߬ߤߊ߬ߡߍߘ ߊߟߑߤߊߛߊ߲߫ ߡߊ߰ߖߌ߬ ߓߟߏ߫߸ ߏ߬ ߡߍ߲ ߦߋ߫ ߖߊ߬ߕߋ߬ ߟߊ߫ ߞߊ߬ߝߏ߬ ߖߊ߬ߛߏ߲߬ ߞߏ ߣߌ߲߬ ߕߏ߬ߕߍ߬ߡߊ߬ߕߏ ߘߌ߫ ߞߊ߬ߣߌ߲߬، ߊ߬ ߘߏ߲߬ ߞߵߏ߬ ߞߍ߫ ߟߊ߫߸ ߊ߬ ߡߊ߫ ߝߊ߰ߡߊ ߟߎ߬ ߟߊߟߐ߲ߠߌ߲߫߸ ߊ߬ ߣߴߊ߬ ߞߊ߬ ߘߍ߬ߡߍ߲ ߠߊߛߋ߫ ߓߊ߰ߓߊ߰ߟߌ߬ߟߊ ߟߎ߬ ߝߣߊ߫ ߡߊ߬ ߛߌߟߊ߫ ߖߍ߲߬ߞߍ߬ߣߍ߲ ߝߍ߬.

ߊ߬ ߞߍ߫ ߘߊ߫ ߕߎ߬ߡߊ ߡߍ߲ ߠߊ߫߸ ߣߴߏ߬ ߦߋ߫ ߂߀߂߅ ߞߏ߲ߓߌߕߌ߮ ߘߌ߫߸ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߮ ߟߎ߫ ߞߵߊ߬ ߝߐ߫ ߟߋ߬ ߕߋ߲߬ ߘߐߙߐ߲߫߸ ߞߏ߫ ߊ߬ߟߎ߬ ߟߊ߫ ߡߐ߱ ߘߏ߫ ߟߎ߫ ߟߋ߬ ߕߎ߲߬ ߓߘߊ߫ ߝߢߊ߫߸ ߏ߬ ߟߎ߬ ߟߊ߫ ߞߟߏߓߊߟߌߦߊ ߏ߬ ߟߋ ߡߊ߲߬ߞߊ߲ ߕߘߍ߬، ߊ߬ ߖߍ߬ߘߍ߸ ߊ߬ߟߎ߫ ߞߵߊ߬ߟߎ߬ ߕߍ߯ ߞߍ߫ ߣߊ߲߬ߕߌ߰ ߞߎ߲߬ߕߌ߰ ߁߆ ߖߊ߬ߕߋ߬ ߘߐ߫، ߞߏ߬ߣߌ߲߬ ߓߌ߲ߠߊߥߎߟߋ߲ ߠߋ߬ ߟߊ߫ ߛߍߣߍ߲߬߸ ߊ߬ߟߎ߫ ߛߐ߲߬ ߘߴߊ߬ ߡߊ߬ ߞߏ߫ ߞߊ߬ߝߏ߬ ߖߊ߬ߛߏ߲߬ ߞߏ ߟߋ߬ ߕߍ߬ߘߍ߫ ߛߋ߲߬ߠߊ߫߸ ߞߊ߬ ߖߡߊ߬ߣߊ ߛߋߓߊ߯ߦߊ ߦߟߍ߬ߡߊ߲߬ ߥߟߊߞߌ ߞߍ߫، ߏ߬ ߞߍ߫ ߘߊ߫ ߕߙߎ߬ ߘߌ߫߸ ߞߊ߲ߕߌ߮ ߞߊ߬ ߦߟߍ߬ߡߊ߲ ߠߊߘߏ߲߬ ߣߊ߲߬ߕߌ߮ ߟߎ߬ ߟߊ߫ ߞߎ߲߬ߕߌ߰ ߞߏ ߘߐ߫.

ߞߏߢߊ ߣߌ߲߬ ߘߏ߲߬ ߓߍ߯ ߞߍ ߦߴߌߘߐ߫ ߟߋ߬ ߣߌ߲߬߸ ߞߵߊ߬ ߛߐ߬ߘߐ߲߬ ߞߊߙߏ߫ ߘߊ߲ߘߐ߫ ߟߋ߬ ߕߏߣߍ߲߫ ߞߊ߲ߕߌ߯ ߢߣߊߕߊߟߌ ߟߊ߫ ߡߎ߬ߕߎ߲߬، ߓߊߏ߬߸ ߏ߬ ߟߐ߯ߟߊߣߍ߲߫ ߞߵߊ߬ ߕߏ߫ ߂߀߂߇ ߓߌ߲ߠߊߥߎߟߋ߲ ߠߋ߬ ߟߊ߫߸ ߓߏ߬ߟߊ ߕߌ߬ߣߓߎ߬ ߞߊ߫ ߞߊ߲߫ ߞߊ߬ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫ ߟߐ߬ߒ߬ߞߋ߬ߟߊ߬ ߝߌߟߊߣߊ߲ ߣߐ߭ߝߍ߬، ߊ߬ߟߎ߬ ߟߊ߫ ߖߡߊ߬ߣߊ ߘߏ߲߬ ߦߋ߫ ߜߟߍ߬ߦߊ߬ ߜߘߍ߫ ߟߎ߫ ߘߐ߫ ߞߘߐ߬ߡߊ߲߬߸ ߓߊ߰ߓߊ߰ߟߌ߬ ߞߏ ߦߋ߫ ߞߐ߰ߘߎ߯ ߕߟߋ߬ߓߐ ߘߐ߫߸ ߛߏ߫ ߣߌ߫ ߛߏ߫ ߦߋ߫ ߞߍ߬ߟߍ ߞߊ߲߬ ߖߡߊ߬ߣߊ ߕߊ߲ߓߊ߲ ߘߐ߫߸ ߕߍߝߘߊߟߊ߲ߘߌ ߟߎ߬ ߝߣߊ߫ ߦߋ߫ ߢߐ߲߯ ߠߊ߫ ߥߟߏ߬ߘߎ߯ ߕߟߋ߬ߓߐ ߘߐ߫߸ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߝߣߊ߫ ߦߋ߫ ߜߊ߬ߟߏ ߟߊ ߞߊ߲߬ ߊ߬ ߘߐ߫ ߖߡߊ߬ߣߊ ߞߐ߰ߘߎ߯ ߕߟߋ߬ߓߋ ߘߐ߫.

ߣߴߌ ߘߏ߲߬ ߞߊ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߟߊ ߕߊ߬߸ ߓߏ߬ߟߊ ߟߊ߫ ߞߎ߲߬ߠߊ߬ߛߌ߮ ߓߘߊ߫ ߛߌߦߊߡߊ߲߫ ߞߍ߫ ߝߋߎ߫، ߓߊߏ߬߸ ߊ߬ߟߎ߬ ߓߘߊ߫ ߡߊ߬ߜߍ߲߬ߠߌ߲߬ ߞߏ ߟߊߥߌ߬ߟߌ߫ ߖߋ߬ߣߌ߲߬ߕߊ ߟߎ߫ ߞߊ߲߬߸ ߞߊ߬ ߥߊߘߌ ߕߏ߫ ߊ߬ ߞߎ߲߬ߓߋ ߘߐ߫، ߓߊ߬ߙߌ߬ ߝߙߋߞߋ ߦߋ߫ ߦߙߐ ߡߍ߲ ߘߐ߫߸ ߟߊ߬ߖߏ߰ߙߏ߬ߟߌ ߓߘߊ߫ ߥߙߊ߬߸ ߓߟߏߞߏߟߏ߲ߧߊ ߓߘߊ߫ ߦߍ߬ߟߍ߫ ߛߊ߲߬ߞߊ߬ߟߊ߲ ߠߊ߫߸ ߝߏ߫ ߖߡߊ߬ߣߊ߬ߘߋ߲ %߆߃ ߓߍ߯ ߓߘߊ߫ ߞߍ߫ ߢߜߊߕߐ ߘߌ߫ ߂߀߂߅ ߖߊ߬ߕߋ߬ߛߎ߬ߓߐ ߞߐ ߘߐ߫.