ߓߌ߬ ߞߍ߲ߘߍߟߏ߲ ߛߎߓߊ߯ ߡߊߜߍ߲ ߣߌ߲߬ ߝߍ߬߸ ߡߊ߬ߙߌ߬ߝߊ߬ ߜߊߛߌ ߟߋ߬ ߞߍߣߍ߲߫ ߢߊߡߍ߫ ߘߌ߲߬ߞߌ߬ߙߊ߬ ߛߌߦߊߡߊ߲߫ ߘߐ߫߸ ߖߋ߬ߟߌ߬ߓߊߘߎ߯ ߞߎߓߋߘߊ ߟߊ߫߸ ߞߊ߬ ߝߘߊ߫ ߛߙߋ ߘߏ߫ ߟߎ߫ ߟߊ߫߸ ߡߍ߲ ߞߏߝߐߣߍ߲߫ ߙߋߎ߳ߕߍߙ ߓߟߏ߫.

ߊ߲ ߞߏ߬ߣߌ߲ ߡߊ߫ ߡߊ߬ߙߌ߬ߝߊ߬ߕߋ ߣߌ߲߬ ߞߎ߲߬ ߖߐ߲ߖߐ߲߫ ߛߌ߫ ߟߐ߲߫ ߡߎߣߎ߲߬߸ ߡߊ߬ߛߎߓߊ ߞߍߓߊ߮ ߟߎ߬ ߣߴߊ߬ ߓߐ߫ ߦߙߐ߫ ߖߐ߲ߖߐ߲߸ ߏ߬ ߟߐ߲ߣߍ߲߫ ߕߍ߫ ߒ߬ ߓߟߏ߫ ߕߍ߰ߒ߬ߞߊ߲߬ ߓߟߏ ߡߊ߬.

ߓߊ߬ߙߌ߬߸ ߟߊ߬ߘߊ߲߬ߞߊ߬ߟߌ ߓߐߛߎ߲ ߠߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ <<ߓߊ߰ߓߊ߰ߟߌ߬ߟߊ>> ߟߎ߫ ߟߋ߬ ߕߊ߯ߣߍ߲߫ ߊ߬ߟߎ߬ ߞߍ߫ ߟߊ߫ ߖߋ߬ߟߌ߬ߓߊߘߎ߯ ߡߊ߲߬ߕߏ߲߬ߕߍ߬ ߛߊ߲ߡߊߘߊ߲߫ ߖߏߙߌ ߤߡߊߣߌ߫ ߞߊ߲߬߸ ߊ߬ ߣߌ߫ ߣߊ߲߬ߕߌ߮ ߡߍ߲ ߠߎ߬ ߦߋ߫ ߟߊ߬ߞߊ߲߬ߘߊ߬ߟߌ ߟߊ߫ ߞߊ߲ߕߌ߯ߘߊ ߡߊߛߎ߬ߘߎ߲߬ߧߊ ߘߐ߫߸ ߞߵߊ߬ߟߎ߬ ߞߍ߫ ߏ߬ ߟߎ߬ ߝߣߊ߫ ߞߊ߲߬.

ߓߊ߬ߣߊ ߥߊߜ߭ߣߊ ߌߓߙߊߤߌߡ ߦߋ߫ ߖߋ߬ߟߌ߬ߓߊ߬ߘߎ߯ ߛߌ߰ߞߊ߲ ߞߏߟߊߕߍ߯ ߛߓߍߘߊ ߛߌ߲߬ߝߏ߲ ߘߏ߫ ߟߋ߬ ߘߌ߫߸ ߊ߬ ߣߴߊ߬ ߦߋ߫ ߥߛߊ߬ߘߋ߲ ߠߋ߬ ߘߌ߫ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߞߎߡߊߞߍߓߏ߲ ߠߊ߫، ߏ߬ ߞߵߊ߬ ߟߊߕߍ߰ ߊ߬ ߟߊ߫ ߝߍߛߑߓߎߞ ߖߊ߬ߕߋ߬ߘߊ ߟߊ߫߸ ߞߏ߫ ߣߊ߲߬ߕߌ߮ ߘߊ߯ ߁߀߁߲ ߡߍ߲ ߦߋ߫ ߛߊ߲ߡߊߘߊ߲ ߠߊ߫ ߢߊߡߍ߫ ߞߣߐ߫߸ ߞߍߒߞߊ߲ߠߌ߲ߠߊ ߟߎ߫ ߣߐ߬ ߦߋ߲߬ ߠߋ߬ ߛߎߡߊ߲߫ ߖߐ߲ߖߐ߲ ߞߍ߫ ߟߊ߫، ߓߊ߬ߙߌ߬߸ ߞߏ߫ ߖߋ߬ߟߌ߬ߓߊߘߎ߯ ߣߊ߲߬ߕߌ߮ ߟߎ߬ ߓߘߊ߫ ߦߋ߲߬ ߞߍ߫ ߊ߬ߟߎ߬ ߕߊ ߘߌ߫߸ ߞߊ߬ ߡߙߊ߬ߒ߬ߡߊ߬ߟߌ߬ߟߊ ߟߎ߬ ߡߊߕߊ߯.

ߌߓߙߊߤߌߡ ߞߵߊ߬ ߛߓߍ߫ ߟߋ߬ ߞߏ߫: <<ߡߊ߬ߞߏ߬ߛߊ߬ ߞߍߒߞߊ߲ߠߌ߲ ߘߏ߫ ߓߘߊ߫ ߢߍߛߌ߲߫ ߘߊ߯ ߁߀߁߲ ߠߊ߫ ߌߞߐߕߎ߲߯، ߓߊ߬ߙߌ߬߸ ߊ߲ ߠߊ߫ ߡߊ߬ߞߊ߲߬ߞߊ߲߬ߠߌ߲ ߗߍ߬ߘߋ߲ ߠߎ߬ ߓߘߴߊ߬ߟߎ߬ ߓߊ߯ߙߊ߫ ߞߘߐ ߞߍ߫߸ ߞߊ߬ ߞߏ ߟߎ߬ ߓߌ߬ߟߴߊ߬ߟߎ߬ ߕߊ߫ ߓߟߏ߫ ߞߊ߲߬....>>

ߙߋߎ߳ߕߍߙ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߡߊ߫ ߛߋ߫ ߊ߬ ߞߏ ߔߘߋߔߘߋߟߊߕߍ߰ ߟߊ߫ ߊ߬ߟߎ߫ ߖߍ߬ߘߍ ߕߊ߫ ߜߋ߲߬ ߘߐ߫߸ ߣߌ߫ ߓߊ߬ߣߊ ߥߊߜ߭ߣߊ ߌߓߙߊߤߌߡ ߠߊ߫ ߞߎߡߊ ߦߋ߫ ߕߎ߬ߢߊ߫ ߟߋ߬ ߘߌ߫߸ ߥߟߊ߫ ߏ߬ ߛߌ߬ߣߊ.

ߊ߬ ߦߌ߬ߘߊ߬ ߘߊ߫ ߟߊ߬ߞߊ߲߬ߘߊ߬ߟߌ ߓߐߛߎ߲ ߘߏ߫ ߓߟߏ߫ ߌߞߐ߫߸ ߞߏ߫ ߞߍߒߞߊ߲ߠߌ߲ߠߊ ߛߌߦߊߡߊ߲߫ ߓߘߊ߫ ߕߏ߲ߓߐ߫߸ ߘߏ߫ ߟߎ߫ ߝߣߊ߫ ߓߘߊ߫ ߕߊ߲߫ ߛߊ߲߬ ߝߢߐ ߟߊ߫ ߞߵߊ߬ߟߎ߫ ߓߏ߬ߙߌ߬.

ߛߙߋ߫ ߝߌߟߊߣߊ߲ ߞߵߊ߬ ߦߌ߬ߘߊ߬ ߞߏ߫ ߡߊ߬ߙߌ߬ߝߊ߬ ߜߊߛߌ ߞߍ߫ ߘߊ߫ ߟߋ߬ ߞߊ߲ߕߌ߯ߘߊ ߟߊߡߌߣߌ߲ ߘߐ߫ ߊ߬ ߢߊ ߖߍ߬ߘߍߖߍ߬ߘߍ ߡߊ߬.

ߊ߬ ߣߊ߬ ߘߊ߫ ߡߊߛߍ߬ߟߍ߲߬ߓߍ߫ ߏ߬ ߞߐ߫، ߓߊ߬ߙߌ߬߸ ߛߎ ߂ߕߎߡߊ߁߃߸ ߊ߬ ߘߊߡߌ߬ߣߊ߬ ߘߊ߫ ߕߎ߲߯߸ ߞߊ߬ ߡߊ߬ߙߌ߬ߝߊ ߜߊ߬ߛߌ߫ ߊ߬ ߢߊ ߡߊ߬ ߢߊߡߍ߫ ߡߊ߲߬ߕߏ߲߬ߕߍ߬ ߛߊ߲ߡߊߘߊ߲ ߠߊ߫.

ߣߊ߲߬ߕߌ߰ ߞߎ߲ߕߌ߮ ߟߎ߬ ߣߌ߫ ߞߎ߲߬ߠߊ߬ߛߌ߮ ߡߊ߫ ߛߌߟߊ߫ ߝߏߦߌ߬ ߘߌ߫ ߛߎߓߊ߮ ߣߌ߲߬ ߝߍ߬ ߡߎߣߎ߲߬ ߞߊ߬ ߞߎߡߊ߫ ߣߌ߲߬ ߞߏ ߞߊ߲߬.