ߞߊ߬ ߓߍ߲߬ ߟߊ߬ߕߍ߰ߦߊ ߘߏ߫ ߓߐ߫ ߡߊ߬߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߕߟߋ߬ߝߌ߬ߟߊ߬ ߢߐ߲ߢߐ߲ߠߌ߲ ߟߊߕߍ߰ߣߍ߲߬ ߡߍ߲ ߞߣߐ߫، ߛߴߊ߬ ߘߴߊ߬ ߘߐߝߢߐ߫ ߘߏ߯ߣߍ߲߫ ߜߙߍ߬ߞߌ߬߸ ߘߊ߯ߘߐ ߞߎ߲߬ߕߌ߮ ߓߘߴߊ߬ ߞߊ߲ߠߊߓߐ߫ ߞߊ߬ ߞߏ ߟߎ߬ ߓߌ߬ߟߊ߫ ߞߊ߬ߘߊ߲ ߞߣߐ߫ ߞߊ߬ ߘߊ߲߭ߛߌ߰ ߥߣߎ߬ߥߎ߬ߣߎ߲߬ߞߊ߲ ߠߎ߬ ߣߌ߫ ߞߎߡߊ߫ ߓߘߎߓߘߎ ߟߎ߬ ߟߊ߫.

 ߞߎߣߎ߲߬ ߞߐ߬ߟߏ߲ ߘߓߊ߬ߓߌߟߊ ߕߋ߬ߟߋ߫ ߃߸ ߡߊ߬ߡߙߊ߬ߟߌ ߛߊ߲ߘߐߕߊ ߞߊ߬ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߟߎ߬ ߟߊ߫ ߞߣߐߜߍߦߊ ߣߴߊ߬ߟߎ߬ ߕߋߟߋ߲ ߠߊߞߎߘߦߊ߫ ߞߵߊ߬ ߟߐ߬ ߞߊ߬ߝߏ߬ ߞߎ߲ߕߌ߮ ߣߌ߫ ߖߡߊ߬ߣߊ ߛߊ߬ߙߌ߬ߦߊ ߟߎ߫ ߡߊ߬.

 ߞߎߡߊ ߣߌ߲߬ ߝߐ߫ ߘߴߊ߬ ߓߟߏ߫ (ߍߙ.ߕߋ.ߖ߭ߋ) ߖߌ߬ߦߊ߬ߞߊ߲߬ߛߏ߬ߓߊ߬ ߟߋ߬ ߟߊ߫߸  ߏ߬ ߡߍ߲ ߝߐ߫ ߘߴߊ߬ ߓߟߏ߫ ߕߋߟߋ߲ ߣߌ߫ ߛߍ߬ߓߍ ߘߝߊߣߍ߲ ߘߐ߫ ߞߊ߬ ߖߡߊ߬ߣߊ ߟߊ߫ ߡߊ߬ߝߊ ߡߞߊߘߊ߲߫:  <<ߒ ߧߋ߫ ߞߎߡߊ ߣߌ߲߬ ߝߐ߫ ߟߊ߫ ߡߞߊ߬ߘߊ߲߬ߠߌ߲߬ ߝߊ߲ߞߊ ߣߌ߫ ߞߎ߲߬ߠߊ߬ߝߎ߬ߟߋ߲߬ߠߊ ߟߎ߫ ߟߋ߬ ߕߐ߯ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߲ ߠߊ߫ ߞߣߐߜߍߦߊ ߣߴߊ߲ ߠߊ߫ ߕߋߟߋ߲ ߞߵߊ߬ ߟߐ߬ ߞߊ߲ߕߌ߮ ߣߌ߫ ߖߡߊ߬ߣߊ߬ ߞߣߐ߬ߘߋ߲ ߠߎ߫ ߖߡߊ߬ߣߊ ߛߊ߬ߙߌ߬ߦߊ ߟߎ߫ ߡߊ߬߸ ߏ߬ ߕߍ߫ ߓߟߏߕߍ߰ ߟߊ߫>> ߞߟߍ߬ߕߌ߰ ߌߓߙߊߤߌߡߊ߫ ߛߏߙߌ ߓߊ߲߬ߜ߭ߎߙߊ߫ ߞߵߏ߬ ߦߌ߬ߘߊ߫.

 ߊ߬ ߞߵߊ߬ ߟߴߊ߬ ߞߊ߲߬߸ ߞߏ߫ ߊ߬ߟߎ߬ ߘߌ߫ ߖߡߊ߬ߣߊ ߘߊߘߐߓߍ߲߬߬ ߞߊ߬ ߞߏ ߟߎ߬ ߓߐ߫ ߊ߬ߟߎ߬ ߛߌߟߊ ߝߍ߬، ߦߏ߫ ߊ߬ ߞߊ߫ ߞߊ߲߫ ߢߊ ߡߍ߲ ߞߊ߲ߕߌ߮ ߟߊ߫ ߞߐߓߊ߯ߦߊ ߣߌ߲߬ ߘߐ߫߸ ߊ߬ ߞߊ߬ ߖߊ߬ߛߙߋ߬ߡߟߊ߬ ߜߍߟߍ߲߫ ߞߍ߫ ߡߐ߰ ߟߎ߫ ߦߋ߫߸ ߡߍ߲ ߠߎ߬ ߦߋ߫ ߞߎ߲߬ߘߐ߬ߕߍ߰ߟߌ߬ ߞߊ߲ ߠߎ߬ ߣߌ߫ ߥߎߦߊ ߟߎ߬ ߝߐ߫ ߟߊ߫ ߞߊ߲ߕߌ߮ ߟߊ߫ ߞߐߓߊ߯ߦߊ ߣߌ߲߬ ߘߐ߫ ߖߌ߬ߣߍ߬ ߞߣߐ߫.

ߞߎߡߊ ߣߌ߲߬ ߠߊߛߋ߫ ߘߴߊ߬ ߓߟߏ߫ ߞߊ߲ߕߌ߮ ߟߊ߫ ߕߊ߯ߟߌ ߞߐ ߟߋ߬ ߘߐ߫߸ ߏ߬ ߡߍ߲ ߞߎ߲߭ ߦߋ߫ ߖߊ߬ߡߊ ߟߊ߫ ߡߊ߬ߝߊ ߡߞߊߘߊ߲ ߘߌ߫ ߞߊ߬ ߖߡߊ߬ߣߊ߬ ߞߣߐ߬ߘߋ߲ ߠߎ߬ ߟߤߊߕߍߦߊ߫.

​