߂߀߂߆ ߘߓߊ߬ߕߊ ߕߟߋ߬ ߁߄ ߡߊ߬߸ ߒߞߏ ߛߍ߬ߘߏ߲߬ߠߊ ߟߎ߫ ߞߊ߬ ߗߋߘߋ߲߫ ߓߟߋߓߟߋ߫ ߟߊߥߟߌ߬ ߞߊ߬ ߕߊ߯ ߞߏߕߌ߯ ߝߟߐߘߊ ߟߊ߫ ߞߐߣߊߞߙߌ߫߸ ߣߴߊ߬ߟߎ߬ ߟߊߞߢߐ߬ߡߊ߬ ߘߊ߫ ߞߏߕߌ߯ ߝߟߐ߫ ߊߡߊߘߎ߫ ߎ߯ߙߌ߬ ߓߊ ߓߟߏ߫، ߊ߬ߟߎ߬ ߟߊ߫ ߢߐ߲߯ߦߋ ߣߌ߲߬ ߞߎ߲߭ ߕߍ߬ߘߍ߫ ߡߎ߲߬ ߘߌ߫߸ ߘߊ߲ߞߎ߲ߠߌ߲ ߡߍ߲ ߓߘߊ߫ ߟߊ߫ ߝߊ߬ߛߏ߬ ߞߊ߲ ߠߎ߬ ߞߊ߲߬߸ ߞߊ߬ ߕߊ߯ ߏ߬ ߥߊߟߢߌߡߊߟߐ߲ ߝߏ߬ߟߌ ߟߊ߫.

ߗߋߘߋ߲ ߢߌ߲߬ ߠߎ߬ ߢߍߡߌ߬ߣߊ߬ߣߍ߲߫ ߕߍ߬ߘߍ߫ ߞߐ߬ߓߌ߬ߞߐ߬ ߓߎߙߊߡߊ߬ ߞߊ߬ߓߊ ߟߋ߬ ߓߟߏ߫߸ ߊ߬ߟߋ ߡߍ߲ ߦߋ߫ ߒ.ߢ.ߦ.ߘ ߞߊ߲ߕߌ߮ ߘߌ߫߸ ߝߋ߲߫ ߛߌߦߊߡߊ߲߫ ߕߊ߯ ߘߴߊ߬ߟߎ߬ ߓߟߏ߫ ߕߊ߯ߡߊ ߣߌ߲߬ ߘߐ߫߸ ߥߛߊ߬ߛߙߋ ߣߌ߫ ߒߞߏ ߞߝߊ ߘߏ߫ ߟߎ߫߸ ߞߵߏ߬ ߟߎ߬ ߞߍ߫ ߞߎ߲߬ߠߊ߬ߛߌ߮ ߕߊ߲߬ߘߏ߬ߟߊ߲ ߘߌ߫، ߊ߬ߟߎ߫ ߞߊ߬ ߞߐ߲ߘߐ߲߫ ߓߟߋߓߟߋ߫ ߞߎ߲߬ߠߊ߬ߦߋ߬ߙߋ߲߬ߕߊ߫ ߘߌ߫ ߞߊ߲ߓߍ߲ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߊ߬߸ ߞߵߏ߬ ߞߍ߫ ߊ߬ ߞߏߢߌߡߊߟߐ߲ ߘߌ߫ ߝߊ߬ߛߏ ߞߊ߲ ߠߎ߬ ߣߴߊ߬ ߛߓߍߟߌ ߟߎ߬ ߘߊ߲ߞߎ߲ ߘߐ߫ ߊ߬ ߓߟߏ߫.

ߛߙߊ߬ߣߎ߲ ߕߊ߬ߣߍ߲ ߡߎߛߊ߫ ߓߊߟߊ߲ߘߎ߯ ߖߊߟߏ߫ ߓߟߏ߫ ߗߋߘߋ߲ ߠߎ߬ ߕߐ߯ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߝߊ߬ߛߏ߬ ߞߊ߲ ߠߎ߬ ߓߘߊ߫ ߛߋ߲߬ߕߊ߬ ߛߌߦߊߡߊ߲߫ ߠߋ߬ ߞߍ߫ ߞߎ߲߬ߠߊ߬ߛߌ߰ ߞߎߘߊ ߢߌ߲߬ ߠߎ߫ ߕߋ߬ߟߋ ߘߐ߫، ߊ߬ ߞߊ߲߫ ߞߏ߫ ߞߎ߲߬ߠߊ߬ߦߋ߬ߙߋ߲߬ ߛߋ߲ߕߊ ߏ߬ ߘߏ߫ ߟߋ߬ ߝߊ߬ߛߏ߬ ߞߊ߲ ߠߎ߬ ߘߊ߲ߞߎ߲ ߘߌ߫߸ ߞߵߊ߬ߟߎ߬ ߞߍ߫ ߖߡߊ߬ߣߊ ߞߎ߲߬ߠߊ߬ߛߌ߮ ߖߍ߬ߘߍ ߟߊ߫ ߓߌ߬ߟߊ߬ߢߐ߲߰ߡߊ ߡߎ߬ߙߊ߲ ߘߏ߫ ߘߌ߫߸ ߊ߬ ߣߌ߫ ߝߐ߰ߓߍ߬ ߓߟߏߡߊߞߊ߬ߣߍ߲ ߘߏ߫ ߟߊߘߊ߲ ߞߏߕߌ߯ߝߟߐߘߊ ߟߊ߫߸ ߡߍ߲ ߠߊߥߟߌ߬ߣߍ߲߫ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ ߟߎ߬ ߦߌ߬ߘߊ ߡߊ߬ ߡߌ߬ߙߌ߲߬ߘߌ ߟߊ߫.

<<ߞߎ߲߬ߠߊ߬ߛߌ߰ ߞߎߘߊ ߢߌ߲߬ ߠߎ߬ ߓߘߊ߫ ߓߊ߯ߙߊ߫ ߓߟߋߓߟߋ߫ ߞߍ߫ ߝߊ߬ߛߏ߬ ߞߊ߲ ߠߎ߬ ߦߋ߫.>> ߊ߬ ߞߵߏ߬ ߦߌ߬ߘߊ߬.

ߖߊ߲߬ߖߏ߲ ߣߌ߲߬ ߘߊߞߎ߲ ߘߐ߫߸ ߞߎ߬ߙߣߊ߬ ߞߟߊߒߞߋ ߘߋ߲߫ ߆߀ ߘߌ߫ ߘߊ߫ ߞߏߕߌ߯ ߝߟߐ ߡߊ߬߸ ߊ߬ ߣߌ߫ ߤߊߕߍ߫ ߜߋ߲߬ߞߝߊ ߘߋ߲߫ ߅߀߸ ߞߵߏ߬ ߟߊ߫ ߥߛߊ߬ߛߙߋ߬ ߞߋߟߋ߲߫ ߣߌ߫ ߞߐ߲ߘߐ߲߫ ߞߋߟߋ߲߫ ߞߊ߲߬، ߞߐ߲ߘߐ߲ ߏ߬ ߟߋ <<ߛߟߏ߬ߡߣߊ߬ ߞߊ߲߬ߕߍ߬ ߞߐ߲ߘߐ߲>> ߘߌ߫߸ ߡߍ߲ ߘߌ߫ ߘߊ߫ ߖߡߊ߬ߣߊ ߞߊ߲ߕߌ߮ ߡߊ߬߸ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߘߐ߫߸ ߦߏ߫ ߖߌ߬ߣߍ߫ ߛߌ߰ߞߊ߲ ߕߐ߲ߛߋ߲ ߅߲ ߖߍ߬ߘߍ ߞߵߏ߬ ߓߛߊߞߟߌߕߋ߫ ߢߊ ߡߍ߲ ߡߊ߬.

ߘߍ߬ߞߙߎ߬ ߛߌߦߊߡߊ߲߫ ߕߘߍ߬ ߕߊ߯ߡߊ߫ ߛߘߍ ߣߌ߲߬ ߘߐ߫߸ ߡߍ߲ ߠߎ߬ ߞߊ߬ ߛߊ߲߬ߞߎ߲߬ߓߍ߲߫ ߕߊ߬ߡߌ߲߬ߣߍ߲ ߛߌ߲߬ߝߏ߲߬ߧߊ߬ ߞߐߣߊߞߙߌ߫߸ ߦߏ߫ ߒ.ߛ.ߟ.ߢ.ߘ߸ ߒߓߘ߸ ߊ߬ ߣߌ߫ ߟߞߝ߸ ߏ߬ ߟߎ߬ ߝߣߊ߫ ߕߘߍ߬ ߥߊߟߢߌߡߊߟߐ߲ ߕߊ߯ߡߊ ߣߌ߲߬ ߘߐ߫.