ߝߐ߰ߓߍ߬ ߜߙߊ ߘߏ߫ ߟߋ߬ ߞߍ߫ ߘߊ߫ ߞߊ߲ߞߊ߲߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߓߏ߲ߓߊ ߟߊ߫ ߘߓߊ߬ߕߊ ߕߟߋ߬ ߁߭ ߣߌ߲߬ ߡߊ߬߸ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ (ߓߞߛ) ߖߋ߬ߕߌ߮ ߡߍ߲ ߦߋ߫ ߞߊ߲ߞߊ߲߫߸ ߣߊߟߌ߬ߡߎ߲߫ ߡߊ߬ߡߊ߬ߘߌ߬ ߞߊ߲ߛߊ߲߫ ߘߎ߲߬ߓߎ߬ߦߊ߬ ߘߌ߫߸ ߏ߬ ߞߊ߬ ߝߐ߰ߓߍ߬ߦߊ߬ߟߊ ߟߎ߬ ߞߟߌ߫ ߞߏ߫ ߊ߬ߟߎ߬ ߦߋ߫ ߛߍ߬ߓߍ ߡߌ߬ߣߊ߬߸ ߞߵߊ߬ߟߎ߬ ߕߋߟߋ߲߫߸ ߞߊ߬ ߖߋ߬ߓߌ߬ߦߊ߬ߟߌ ߛߌߟߊ ߕߊ߬ ߟߌ߬ߤߟߊ ߟߎ߬ ߛߍ߲ߛߍ߲߫ ߕߎߡߊ ߟߊ߫ ߢߣߊߕߊߟߌ ߥߎ߬ߛߎ ߣߌ߲߬ ߞߣߐ߫.

ߊ߬ ߞߵߊ߬ ߦߌ߬ߘߊ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߕߎ߲߯߸ ߞߏ߫ ߊ߬ ߦߴߊ߬ߟߎ߫ ߝߏ߬ ߟߊ߫ ߡߎߣߎ߲߬߸ ߓߊߛߌ߮ ߟߊߕߊ߲߬ߞߊ ߞߏߛߐ߲߬ ߊ߬ߟߎ߬ ߓߟߏ߫ ߖߌ߬ߣߍ߬ ߜߍߞߊ߲ߠߊ ߘߐ߫߸ ߏ߬ ߡߍ߲ ߘߊ߬ߟߎ ߦߋ߫ ߟߐ߲߫ ߠߊ߫ ߢߣߊߕߊߟߌ߫ ߕߊ߬ߡߌ߲߬ߣߍ߲ ߠߎ߬ ߡߊ߬، <<ߊߟߎ߫ ߦߋ߫ ߖߐ ߣߌ߫ ߞߍߢߐ߲߯ߝߍ ߛߌ ߟߋ߬ ߓߙߎ߬ߞߎ ߞߊ߲߬ ߖߌ߬ߣߍ߬ ߜߍߞߊ߲ߠߊ ߘߐ߫، (...) ߊߟߎ߫ ߟߊ߫ ߓߘߊߟߊߝߛߊߓߊߟߌߦߊ ߣߴߊߟߎ߫ ߟߊ߫ ߢߊߟߐ߲ ߡߊ߫ ߖߐ߰ߖߐ߰ ߟߏ߲߫ ߞߋߟߋ߲߫، ߊߟߎ߫ ߦߋ߫ ߕߊ߯ ߢߊ߫ ߞߋߟߋ߲ ߏ߬ ߟߋ ߡߊ߬ ߞߘߊߎ߫.>> ߊ߬ ߞߵߏ߬ ߦߌ߬ߘߊ߬.

ߕߎ߬ߡߊ ߣߌ߲߬ ߦߋ߫ ߓߘߍ߬ߓߘߍ߬ߟߌ߬ߟߊ ߟߎ߬ ߞߎߡߊ߫ ߕߎߡߊ ߟߋ߬ ߘߌ߫߸ ߞߊ߬ ߓߋߟߋ߲ߠߓߊ ߟߎ߬ ߞߍ߫ ߓߘߍ߬ߓߘߍ߬ߟߌ ߞߊߡߊ߲ ߞߣߐ߫، ߒ߬ߓߊ߬߸ ߡߊ߬ߡߊ߬ߘߌ߬ ߞߊ߲ߛߊ߲ ߘߎ߲ߓߎߦߊ߫ ߞߵߊ߬ ߦߌ߬ߘߊ߬ ߞߏ߫ ߝߐ߰ߓߍ߬ߦߊ߬ߟߊ ߟߎ߫ ߟߐ߬ߘߎ߮ ߓߏ߲߬ߓߊ߫ ߘߊߞߎ߲ ߏ߬ ߘߐ߫ ߞߏߛߓߍ߫، ߓߊߏ߬߸ ߝߏ߫ ߊ߬ߟߎ߬ ߦߋ߫ ߖߐ ߟߋ߬ ߟߊߟߐ߬ߞߎ߬، <<ߣߴߊ߬ ߡߊ߫ ߢߊ߬ ߞߏ߫ ߝߐ߰ߓߍ߬ߦߊ߬ߟߊ ߟߵߊߟߎ߫ ߘߌ߫߸ ߊߟߎ߫ ߟߊ߫ ߓߊ߯ߙߊ ߦߋ߫ ߓߘߊߟߊߝߛߊߓߊߟߌߦߊ ߟߋ߬ ߘߌ߫߸ ߕߍߕߋߟߋ߲ ߠߋ߬ ߘߌ߫߸ ߞߊ߬ ߡߊ߬ߡߌ߬ߣߊ߬ߟߌ߬ߟߊ ߓߍ߯ ߡߌ߬ߣߊ߬ ߢߊ߫ ߞߋߟߋ߲߫ ߡߊ߬.>> ߊ߬ ߞߵߏ߬ ߦߟߌߓߌߟߊߟߌ ߞߍ߫.

ߊ߬ ߞߊ߬ ߖߊ߲߬ߕߏ߬ߒ߬ߘߐ߬ ߜߘߍ߫ ߦߌ߬ߘߊ߬ ߞߊ߬ ߓߍ߲߬ ߟߌ߬ߤߟߊ߬ ߟߊ߬ߖߍ߲ߛߍ߲ ߔߕߊ߬ߞߊ߬ߙߌ߬ߦߊ߬ ߞߏ߬ ߞߍ ߟߎ߫ ߡߊ߬ ߞߎߡߊ߫ ߢߍ߬ߣߍ߲߬ߡߊ ߟߎ߬ ߣߌ߫ ߖߎ߯ߦߊ߫ ߞߎߡߊ ߟߎ߬ ߟߊߖߍ߲ߛߍ߲ ߘߐ߫، <<ߊߟߎ߫ ߞߊߣߊ߬ ߛߐ߲߬ ߝߋߎ߫ ߞߊ߬ ߖߎ߯ߦߊ߫ ߞߎߡߊ ߟߎ߬ ߟߊߕߊ߬ߡߌ߲߬ ߊߟߎ߫ ߟߊ߫ ߟߊ߬ߛߋ߬ߟߌ߬ ߦߙߐ ߟߎ߬ ߘߐ߫.>> ߊ߬ ߞߵߏ߬ ߦߌ߬ߘߊ߬߸ ߞߵߊ߬ ߞߊ߲ߠߊߘߌ߫ ߓߍ߯ ߡߊ߬ ߦߟߌߡߊߟߐ ߘߌ߫߸ ߟߌ߬ߤߟߊ ߛߎߥߊ߲ߘߌ ߣߴߊ߬ ߟߊߖߍ߲ߛߍ߲ ߘߐ߫.

ߓߞߛ ߖߋ߬ߕߌ߮ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߢߣߊߕߊߟߌ ߡߍ߲ ߣߊ߬ߕߐ߫ ߣߌ߲߬߸ ߣߊߟߌ߬ߡߎ߲߫ ߞߊ߬ߝߏ߬ߙߋ߲߬ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߘߌ߫߸ ߏ߬ ߟߎ߬ ߣߌ߫ ߢߣߊߕߊߟߌ߫ ߕߊ߬ߡߌ߲߬ߣߍ߲ ߠߎ߬ ߕߍ߫ ߞߋߟߋ߲߫ ߘߌ߫ ߘߋ߬، <<ߛߊ߲ߞߊߢߐ߲߯ߦߊ߫ ߛߌߦߊߡߊ߲߫ ߠߋ߬ ߣߌ߲߬ ߘߐ߫߸ ߞߎߡߊ ߛߎ߮ ߓߍ߯ ߟߋ߬ ߘߏ߲߬ ߦߋ߫ ߝߐ߫ ߟߊ߫.>> ߊ߬ ߞߵߏ߬ ߟߊ߬ߛߏ߬ߓߌ߬ߟߌ ߞߍ߫߸ ߞߵߊ߬ ߦߌ߬ߘߊ߫ ߝߐ߰ߓߍ߬ߘߊ ߟߎ߬ ߟߊ߫ ߏ߬ ߘߐ߫߸ ߞߏ߫ ߓߍ߯ ߦߴߊ߬ ߟߊ߫ ߢߊߟߐ߲ ߦߌ߬ߘߊ߫ ߟߌ߬ߤߟߊ߬ ߟߊ߬ߘߍ ߘߐ߫߸ ߟߌ߬ߤߟߊ߬ ߛߓߍ ߘߐ߫߸ ߟߌ߬ߤߟߊ߬ ߟߊ߬ߖߍ߲ߛߍ߲ ߘߐ߫.

ߟߊ߬ߓߊ߲ ߘߐ߫߸ ߊ߬ ߞߊ߬ ߝߐ߰ߓߍ߬ߦߊ߬ߟߊ ߞߙߎߞߍ߬ߙߍ ߘߐߛߎ߫ ߖߛߎ߬ߛߎߡߊ ߟߊߕߊ߲߬ߞߊ ߡߊ߬ ߖߡߊ߬ߣߊ ߞߣߐ߫. <<ߊ߲ ߡߊ߲߫ ߞߊ߲߫ ߝߋߎ߫߸ ߢߊ ߺ ߊ ߺ ߢߊ߫ ߟߋ߬ ߡߊ߬߸ ߞߐߜߊߟߌ߫ ߝߏߦߌ߬ ߞߊߣߵߊ߲ ߟߐ߬߸ ߖߘߍ߬ ߣߝߊ߬ ߡߞߊ߬ߘߊ߲߬ ߝߏߦߌ߬ ߞߊߣߵߊ߲ ߟߐ߬ ߊ߲ ߠߊ߫ ߞߍߕߊ߫ ߛߋ߲ߛߋߘߋ߲ ߠߎ߬ ߓߌ߬ߟߊ߬ ߟߊ߫، ߊ߲ ߞߊ߫ ߞߊ߲߫ ߞߊ߬ ߝߐ߰ߓߍ߬ߦߊ߬ߟߌ ߞߎ߬ߙߎ߲߬ߘߎ ߣߴߊ߬ ߕߊ߯ߛߌߟߊ ߟߎ߫ ߟߋ߬ ߟߊߓߊ߬ߕߏ߬ ߞߘߊߎ߫.>> ߊ߬ ߞߵߏ߬ ߟߋ ߞߍ߫ ߞߎߡߊ ߞߎ߲߬ߝߊ߮ ߘߌ߫.