ߖߌ߬ߣߍ߬ ߣߌ߫ ߛߌ߯ߣߌ߲߬ ߠߊ߫ ߞߏߟߊߘߍߢߐ߲߯ߦߊ ߓߘߊ߫ ߝߊ߲߬ߞߊ߬ ߞߎߘߊ߫ ߛߐ߬ߘߐ߲߬߸ ߣߴߏ߬ ߦߋ߫ ߞߊ߲߫ ߞߏ ߟߊ߬ߞߐ߰ߟߌ ߘߌ߫߸ ߞߵߏ߬ ߞߍ߫ ߣߊ߲߬ߕߌ߮ ߟߎ߬ ߞߎ߲߬߸ ߛߴߊ߬ߟߎ߬ ߘߌ߫ ߛߌߦߊߡߊ߲߫ ߟߐ߲߫ ߡߊ߲ߘߊߙߍ߲ ߘߐ߫.

ߛߌ߬ߣߌ߲߬ߟߏ߲ ߣߌ߲߬ ߡߊ߬ ߞߏ߲ߞߏߘߓߌ ߕߟߋ߬ ߁߇߸ ߛߣߌߥߊ߫ ߞߊ߲߫ ߞߊߙߊ߲ ߟߊ߬ߞߐ߰ߟߌ ߘߊߡߌ߬ߣߊ߬ ߘߊ߫߸ ߞߊ߬ ߕߌߙߌ߲ߘߊ ߘߏ߫ ߛߌ߰ ߛߋ߲߬ߠߊ߫߸ ߡߍ߲ ߦߋ߫ ߡߊ߲ߘߊߙߍ߲ ߕߌߙߌ߲ߘߊ ߘߌ߫، ߒ߬ߓߊ߬߸ ߏ߬ ߘߊߦߟߍߟߌ߫ ߢߊ߯ߢߊ߮ ߟߋ߬ ߞߍ߫ ߘߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߯ߘߊ ߘߊߓߎ߲ߘߍ߫ ߝߏ߮ ߞߣߐ߫ ߓߌ߬، ߏ߬ ߞߎ߲߭ ߡߊ߫ ߞߍ߫ ߘߏ߫ ߜߘߍ߫ ߘߌ߫߸ ߞߊ߬ ߖߌ߬ߣߍ߫ ߣߊ߲߬ߕߌ߮ ߟߎ߬ ߣߌ߫ ߛߌ߯ߣߌ߲߬ ߠߊ߫ ߞߏߟߊߘߍߢߐ߲߯ߦߊ ߞߣߐ ߟߊߥߙߊ߬ ߞߊ߲߫ ߞߏ ߛߌߟߊ ߝߍ߬.

ߘߏߝߊ߯ߘߋ߲߫ ߡߐ߰ ߗߍ߬ߡߍ߫ ߖߊ߬ߕߋ߫ ߟߋ߬ ߕߊ߬ߣߍ߲߫ ߣߊ߲߬ߕߌ߰ߘߊ ߓߏߟߏ߲߫ ߓߐߣߍ߲߫ ߢߐ߲߰ ߡߊ ߟߎ߬ ߞߣߐ߫߸ ߞߵߊ߬ߟߎ߬ ߞߍ߫ ߟߊ߬ߞߐ߰ߓߊ߰ߕߐ߬ ߝߟߐ ߟߎ߬ ߘߌ߫ ߕߌߙߌ߲ߘߊ ߢߌ߲߬ ߠߊ߫߸ ߞߊ߬ ߛߣߌߥߊ߫ ߞߊ߲ ߞߊ߬ߙߊ߲߫ ߞߊ߬ ߘߏ߫ ߟߐ߲߫ ߊ߬ ߘߐ߫، ߊ߬ߟߎ߬ ߟߊߞߐ߯ߕߐ߫ ߟߋ߬ ߝߢߊߝߢߊ߫߸ ߞߊ߬ ߡߊ߲ߘߊߙߍ߲ ߞߊ߬ߙߊ߲߬ ߞߊߙߏ߫ ߥߐ߯ߙߐ߫ ߞߎ߲߬ߕߊ߯ ߞߣߐ߫.

ߖߊ߲߬ߖߏ߲ ߣߌ߲߬ ߞߎ߲߬ߠߊߛߌ߰ ߘߊ߫ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߰ ߛߙߍߞߍ ߟߋ߬ ߓߟߏ߫߸ ߞߵߊ߬ ߛߐ߬ߘߐ߲߬ ߣߊ߲߬ߕߌ߰ ߞߏߟߊߕߍ߮ ߛߌߦߊߡߊ߲߫ ߢߊ ߦߋ߫ ߜߍ ߘߐ߫߸ ߊ߬ ߣߌ߫ ߖߊ߯ߓߘߊ ߘߏ߲߬ߞߏ ߘߏ߫ ߟߎ߫، ߓߊߏ߬߸ ߜ߭ߊ߬ߡߊߟ ߊߓߑߘߍߟ ߣߊߛߍߙ ߖߊ߯ߓߘߊ ߕߊ߬ߣߍ߲ ߞߵߊ߬ ߟߊ߫ ߞߐ߲ߝߌߞߎ߳ߛ ߘߋ߬ߙߌ߬ߘߊ ߞߊ߲߬߸ ߏ߬ ߟߎ߫ ߕߍ߬ߘߍ߫ ߦߋ߲߬߸ ߊ߬ߟߎ߬ ߞߏߟߊߘߍߢߐ߲߮ ߠߋ߬ ߏ߬ ߟߎ߬ ߘߌ߫ ߞߊ߬ߙߊ߲ ߣߌ߲߬ ߘߊߞߎ߲ ߘߐ߫.

ߘߐ߬ߝߐ ߞߣߐ߫߸ ߊ߬ߝߐ߫ ߝߘߊ߬ߝߌ߲߬ ߞߊ߲ ߘߏ߫ ߕߌߙߌ߲ߘߊ ߦߋ߫ ߛߌ߯ߣߌ߲߬ ߓߊ߬߸ ߛߌ߯ߣߌ߲߬ ߣߊ߲߬ߕߌ߮ ߟߎ߬ ߦߋ߫ ߝߘߊ߬ߝߌ߲߬ ߞߊ߲ ߘߏ߫ ߞߊ߬ߙߊ߲߬ ߠߊ߫ ߦߙߐ ߡߍ߲ ߘߐ߫؟ ߊ߬ ߣߌ߫ ߝߣߊ߫߸ ߡߊ߲ߘߊߙߍ߲ ߞߊ߬ߙߊ߲ ߖߌ߬ߣߍ߫ ߣߊ߲߬ߕߌ߮ ߟߎ߬ ߓߟߏ߫߸ ߏ߬ ߕߣߐ߬ ߞߋߟߋ߲߫ ߢߌ߬ߡߊ߲߬ ߦߋ߫ ߖߡߊ߬ߣߊ ߟߊ߫ ߞߟߍ߬ߦߊ ߘߐ߫߸ ߥߟߊ߫ ߟߐ߲ߠߌ߲ߦߊ ߛߌߟߊ ߝߍ߬߸ ߊ߬ ߕߣߐ߬ ߞߋߟߋ߲߫ ߢߌ߬ߡߊ߲߬ ߦߴߊ߬ ߟߊ߫؟