ߖߌ߬ߣߍ߬: ߞߎ߲߬ߠߊ߬ߛߌ߮ ߓߘߊ߫ ߟߊ߬ߕߐ߲߬ߠߌ߲ ߘߏ߫ ߞߍ߫ ߕߎ߬ߡߊ߬ߣߍ߲߬ ߞߘߐ߫ ߡߎߣߎ߲߬߸ ߦߙߌ ߕߍ߱ ߓߊ߬߸ ߊ߬ ߡߊߘߏ߬ߣߌ߲ ߓߊ߬߸ ߏ߬ ߓߍ߯ ߓߘߊ߫ ߟߊߟߐ߬ ߡߎߣߎ߲߬ ߤߊ߲߯ ߕߎߟߊߝߌ߲ ߕߟߋ߬ ߃߀

ߖߌ߬ߣߍ߫ ߞߎ߲߬ߠߊ߬ߛߌ߮ ߞߊ߬ ߡߙߌߘߐ ߘߏ߫ ߕߊ߬ ߞߎߣߎ߲߬ ߞߐ߬ߟߏ߲ ߂߀߂߆ ߞߊ߬ߙߌ߬ߝߐ ߕߟߋ߬ ߇ ߡߊ߬߸ ߞߏ߫ ߞߵߊ߬ ߕߊ߬ ߞߊ߬ߙߌ߬ߝߐ ߕߟߋ߬ ߈ ߣߌ߲߬ ߡߊ߬ ߞߵߊ߬ ߛߌ߰ ߕߎߟߊߝߌ߲߫ ߣߊ߬ߕߐ ߕߟߋ߬ ߃߀ ߟߊ߫߸ ߦߙߌ ߕߍ߱ ߓߊ߬߸ ߊ߬ ߡߊߘߏ߬ߣߌ߲ ߓߊ߬߸ ߏ߬ ߓߍ߯ ߓߘߊ߫ ߟߊߕߐ߲߫ ߖߡߊ߬ߣߊ ߘߎ߬ߞߟߏ ߡߎ߰ߡߍ ߞߊ߲߬، ߏ߬ ߞߎߡߊ ߝߐ߫ ߘߊ߫ ߥߙߎߞߌ߫ ߓߟߏߕߍ߰ߓߊߟߌ ߣߌ߫ ߓߐ߰ߝߍ ߞߏߕߌ߯ߘߊ ߟߋ߬ ߓߟߏ߫߸ ߞߵߏ߬ ߞߍ߫ ߥߊ߫ߕߌ߫ ߞߎߘߎ߲߫ ߘߌ߫߸ ߕߎ ߟߎ߬ ߝߣߊ߫ ߘߴߊ߬ߟߎ߬ ߢߐߢߐ߲߫ ߥߊ߯ߕߌ ߡߍ߲ ߞߘߐ߫ ߢߌ߬ߣߊ߫ ߛߊ߲߭ ߢߌ߲߬ ߠߊ߫߸ ߛߊ߫ ߕߎ ߘߌ߫ ߕߊ߬ߡߌ߲߬ ߖߘߌߖߘߌ߫ ߟߊ߫ ߢߊ ߡߍ߲ ߡߊ߬.

ߞߏߕߌ߯ߘߊ ߞߊ߲߫ ߞߏ߫ ߊ߬ ߣߐ߬ ߡߙߌߘߐ ߣߌ߲߬ ߕߊ߬ ߟߊ߫ ߞߊ߬ ߓߍ߲߬ ߕߎ ߛߊ߬ߙߌ߬ߦߊ߬ߛߎ߲ ߠߊߓߊ߯ߚߊ ߟߋ߬ ߡߊ߬ ߖߌ߬ߣߍ߬ ߞߊ߲ߓߍ߲ ߞߣߐ߫߸ ߊ߬ ߣߌ߫ ߛߊ߬ߙߌ߬ߦߊ߬ ߛߓߍ߬ ߜߘߍ ߡߍ߲ ߠߎ߬ ߦߋ߫ ߦߋ߲߬߸ ߣߴߊ߬ߟߎ߬ ߦߋ߫ ߕߎ ߟߊߞߊ߲ߘߊ߫ ߞߏ ߞߎ߲߬ߠߊ߫߸ ߊ߬ ߣߌ߫ ߕߎ ߞߏߢߊ ߟߎ߬ ߡߊߡߊ߬ߙߊ ߞߎ߲߬ߠߊ߫ ߥߊ߯ߕߌ߫ ߖߊ߲߫ ߞߘߐ߫، ߊ߬ ߟߊߥߟߌ߬ߣߍ߲߫ ߕߎ ߕߏ ߟߋ߬ ߡߵߊ߬ ߖߍ߬ߘߍ߫ ߡߊ߬߸ ߊ߬ ߦߴߊ߬ ߢߐߢߐ߲߫ ߞߊ߬ ߛߋ߫ ߛߓߊ߬ߕߌ߬ ߟߊ߫߸ ߛߊ߫ ߖߡߊ߬ߣߊ ߕߎ߫ ߞߏ ߘߌ߫ ߕߏ߫ ߊ߬ ߡߊ߬߸ ߊ߬ ߣߌ߫ ߞߎ߲߬ߠߊ߬ߛߌ߮ ߦߋ߫ ߛߌߟߊ ߡߍ߲ ߞߊ߲߬ ߕߎ ߟߊߞߊ߲ߘߊ ߣߌ߫ ߟߊ߬ߡߌߣߌ߲ ߠߊߕߊ߲߬ߞߊ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߛߌߟߊ ߏ߬ ߦߴߊ߬ ߡߊ߬ ߟߋ߬ ߞߘߊߎ߫.

ߝߊ߰ߡߊ ߟߎ߬ ߞߊ߲߫ ߞߏ߫ ߞߎߡߊ ߣߌ߲߬ ߟߐ߬ߣߍ߲߬ ߕߍ߫ ߦߙߐ߫ ߞߋߟߋ߲߫ ߡߊ߬ ߘߋ߬߸ ߖߡߊ߬ߣߊ ߝߊ߲߭ ߓߍ߯ ߟߋ߬ ߞߏ߫ ߦߋ߫߸ ߊ߬ ߕߍ߫ ߓߍ߲߬ ߞߊ߬ ߦߙߌ ߕߍ߰߸ ߊ߬ ߕߍ߫ ߓߍ߲߬ ߞߊ߬ ߦߙߌ ߡߊߘߏ߬ߣߌ߲߬߸ ߏ߬ ߓߘߊ߫ ߞߍ߫ ߞߏ߫ ߟߊߕߐ߲ߣߍ߲ ߘߌ߫ ߝߊ߲߭ ߓߍ߯ ߘߐ߫، ߊ߬ߟߎ߬ ߞߊ߲߫ ߌߞߐ߫߸ ߞߏ߫ ߣߌ߫ ߡߍ߲ ߞߊ߬ ߕߐ߲߫ ߛߌ߰ߣߍ߲ ߣߌ߲߬ ߡߊߛߐ߬ߛߐ߬߸ ߊ߬ߟߎ߬ ߘߌ߫ ߞߏߟߊߕߐ߲߫ ߏ߬ ߟߊ߫߸ ߦߏ߫ ߖߡߊ߬ߣߊ ߞߏߟߊߕߐ߲ ߛߊ߬ߙߌ߬ߦߊ ߞߵߊ߬ ߝߐ߫ ߢߊ ߡߍ߲ ߡߊ߬، ߏ߬ ߟߋ ߘߐ߫߸ ߞߏߕߌ߯ߘߊ ߞߵߊ߬ ߞߊ߲ߠߊߘߌ߫ ߦߙߌ߫ ߓߊ߯ߙߟߊ ߟߎ߫ ߡߊ߬߸ ߘߎ߰ߘߋ߲ ߠߎ߬ ߡߊ߬߸ ߊ߬ ߣߌ߫ ߡߍ߲ ߠߎ߬ ߦߋ߫ ߛߌߟߘߊ߫ ߝߍߟߊ ߟߎ߬ ߘߐ߫߸ ߞߏ߫ ߓߍ߯ ߦߋ߫ ߛߊ߬ߙߌ߬ߦߊ ߣߌ߲߬ ߡߊߓߏ߲߬ߧߊ߫߸ ߓߍ߯ ߦߴߊ߬ ߖߊ߬ߕߏ߫ ߊ߬ ߘߐ߫، ߊ߬ߟߎ߫ ߞߵߊ߬ ߦߌ߬ߘߊ߬߸ ߞߏ߫ ߣߌ߫ ߦߙߌ߫ ߕߍ߮ ߞߍ߫ ߘߊ߫ ߘߊߡߌ߬ߣߊ߬ ߟߊ߫߸ ߊ߬ߟߎ߬ ߘߴߏ߬ ߝߣߊ߫ ߞߍ߫ ߊ߬ ߕߊ߫ ߟߊ߬ߛߋ߬ߟߌ߬ ߘߌ߫ ߊ߬ ߞߏߟߊ߫߸ ߓߍ߯ ߘߌ߫ ߞߍ߫ ߡߍ߲ ߞߊ߬ߟߊߡߊ߬.