ߞߏ߲߬ߓߏ߫ ߘߊ߲߬ߛߊ߫ ߞߙߎ߬ߡߊ߬ ߓߘߊ߫ ߛߎߥߊ߲ߘߌ߫ ߞߊ߬ ߞߍ߫ ߝߊ߬ߛߏ߬ ߜߙߊ ߞߊ߲ߕߌ߮ ߘߌ߫، ߏ߬ ߞߍ߫ ߘߊ߫ ߢߊ߬ߡߊ߲߬ ߓߐ߲߬ߠߊ߬ ߟߊߘߍ ߟߋ߬ ߘߐ߫ ߡߌ߬ߙߌ߲߬ߘߌ ߟߊ߫ ߞߎߓߋ ߟߊ߫ ߓߌ߬ ߞߐߣߊߞߙߌ߫، ߏ߬ ߡߍ߲ ߢߊ߬ߡߊ߲߬ ߓߐ߲߬ߠߊ߬ ߟߊߘߍ ߞߍߣߍ߲߫ ߛߊ߬ߙߌ߬ߦߊ߬ߦߊ ߁߀߲ ߛߌߟߊ߫ ߟߞߊ߫ ߟߊߘߍ ߘߌ߫ ߞߊ߬ߣߌ߲߬، ߢߣߊߕߊߟߌߟߊ߫ ߁߄߇ ߘߐ߫߸ ߘߊ߲߬ߛߊ ߞߊ߬ ߞߊ߲ߢߊ߫ ߁߂߉ ߟߋ߬ ߛߐ߬ߘߐ߲߬߸ ߕߍ߯ߟߍ߲߫ ߝߏߝߏ߫ ߁߈ ߠߋ߬ ߟߊߣߴߏ߬ ߘߟߊ߫، ߥߛߊ߬ߘߋ߲߫ ߝߌ߬ߟߊ߬ ߓߍ߫߸ ߏ߬ ߟߎ߬ ߡߊ߫ ߛߐ߬ߘߐ߲߬ ߢߣߊߕߊߟߌ ߘߐ߫߸ ߏ߬ ߟߎ߬ ߕߊ ߞߍ߫ ߘߊ߫ ߢߌ߬ߣߊ߬ߓߐ߬ߕߊ ߟߋ߬ ߘߌ߫.
ߢߣߊߕߊߟߌ ߢߌ߲߬ ߠߋ߬ ߞߊ߬ ߘߐ߬ߕߊߡߌ߲ ߞߏߟߊߕߍ߯ߘߊ ߡߊߡߙߊ߬ߓߊ߰ ߞߘߐ ߟߊߦߟߍ߬ ߞߊ߲ߓߍ߲߫ ߟߏ߯ߟߎߣߊ߲ ߛߊ߬ߙߌ߬ߦߊ߬ߦߊ߬ ߝߟߐߝߟߐ ߞߎ߲߬ߠߊ߫ (ߣߊߟߌ߬ߡߎ߲߫ ߞߊ߲ߓߍ߲߫ ߟߏ߯ߟߎߣߊ߲ ߝߊ߬ߛߏ߬ ߜߙߊ߬ ߝߟߐ ߞߊ߲ߕߌ߯ ߝߟߐ ߘߌ߫)، ߊ߬ ߟߊ߫ ߗߋߦߊߟߌ ߞߍߕߐ߫ ߡߍ߲ ߘߌ߫߸ ߏ߬ ߟߋ ߞߎߡߊߞߍߓߏ߲ ߘߊߘߐߖߊߥߏ ߟߎ߬ ߟߊߛߌ߲ ߘߌ߫߸ ߞߊ߬ ߛߊ߬ߙߌ߬ߦߊ߬ߦߊ߬ߟߌ ߓߊ߯ߙߊ ߟߎ߫ ߜߋ߬ߟߎ߲߬߸ ߊ߬ ߣߌ߫ ߞߊ߬ ߝߊ߬ߛߏ߬ ߜߙߊ ߥߛߊ߬ߓߊ߰ߦߊ߬ ߓߐߣߍ߲߫ ߢߐ߲߰ ߡߊ ߟߎ߬ ߛߌ߱ ߛߋ߲߬ߠߊ߫.
ߘߊ߲߬ߛߊ߫ ߞߙߎ߬ߡߊ߬ ߦߋ߫ ߘߊ߲ߘߊߟߌߟߊ ߟߋ߬ ߘߌ߫ ߟߊ߬ߞߐ߬ߟߌ ߛߌߟߊ ߝߍ߬߸ ߊ߬ ߣߌ߫ ߣߊ߲߬ߒ߬ߕߊ߲߬ ߘߍ ߓߊ߯ߙߟߊ߫ ߞߘߐ ߘߏ߫ ߟߋ߬، ߘߊ߲߬ߛߊ ߟߊߦߟߍ߬ ߘߊ߫ ߘߐ߬ߕߊߡߌ߲ ߞߏߟߊߕߍ߯ߘߊ ߞߎ߲߬ߠߊ߫ ߂߀߂߂ ߞߏ߲ߞߏߜߍ ߕߟߋ߬ ߅ ߟߋ߬ ߡߊ߬߸ ߞߵߊ߬ ߞߍ߫ ߏ߬ ߞߊ߲ߕߌ߮ ߘߌ߫، ߊ߬ ߟߊ߫ ߡߊ߬ߙߊ ߞߣߐߡߊ߬߸ ߞߏߟߊߕߍ߯ߘߊ ߏ߬ ߛߋ߫ ߘߊ߫ ߖߡߊ߬ߣߊ ߛߊ߬ߙߌ߬ߦߊ߬ ߛߓߍ ߛߌߦߊߡߊ߲߫ ߘߐߢߌߡߌ߲߫ ߠߊ߫߸ ߞߊ߬ ߛߌߦߊߡߊ߲߫ ߓߌ߬ߟߊ߬ ߓߟߏߟߊ߫، ߏ߬ ߘߏ߫ ߟߋ߬ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߘߌ߫߸ ߡߍ߲ ߠߊߘߌ߬ߢߍ߬ ߘߊ߫ ߂߀߂߅ ߕߎߟߊߝߌ߲ ߞߊ߲ߘߟߌ ߝߍ߬ ߡߌ߬ߙߌ߲߬ߘߌ ߓߟߏ߫ ߢߣߊߕߊߟߌ߫ ߖߛߊ ߞߣߐ߫.
ߊ߬ ߣߊ߭ ߝߊ߬ߛߏ߬ ߜߙߊ ߞߎ߲߬ߠߊ߫ ߏ߬ ߘߐ߫߸ ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߘߐ߬ߕߊߡߌ߲ ߛߌߟߊ߫ ߞߘߐ ߏ߬ ߟߋ ߕߊ߯ߡߊ ߦߴߌߘߐ߫ ߤߊߟߌ߬ߛߊ߫.
ߘߊ߲߬ߛߊ ߓߘߊ߫ ߟߊߛߌ߰ ߝߛߊߦߌ߫߸ ߞߵߊ߬ ߛߐ߬ߘߐ߲߬ ߢߊߢߌߣߌ߲ߠߌ߲ ߘߏ߫ ߟߎ߫ ߦߋ߫ ߛߋ߲߬ߠߊ߫ ߞߙߌߦߍߝ ߓߟߏ߫ ߞߊ߬ ߓߍ߲߬ ߊ߬ߟߎ߬ ߟߊ߫ ߞߣߐߘߐߘߌߦߊ߫ ߥߊߘߌ ߘߏ߫ ߟߊߕߊ߯ߡߊ߫ ߢߊ ߡߊ߬ ߓߊ߯ߙߊ ߞߎ߲߭ߝߊ߰ ߕߎߡߊ ߟߊ߫.
Aucun commentaire pour le moment.