ߟߊ߱ߖߌ߬ ߡߊ߬ߡߊߘߎ߬ ߛߌ߬ߟߊ ߡߍ߲ ߦߋ߫ ߖߌ߬ߣߍ߬ ߓߍ߯ߦߊ ߘߍ߭ (ߖߓߘ) ߞߙߎߞߊ ߞߊ߲ߕߌ߮ ߘߌ߫߸ ߊ߬ ߣߌ߫ ߖߌ߬ߣߍ߫ ߝߊ߲߬ߞߊߛߌ߬ߣߊ ߟߎ߬ ߘߐ߫ ߞߎ߲߬ߕߌ߰ ߞߘߐ߸ ߏ߬ ߟߋ ߛߊ߬ ߘߊ߫ ߂߀߂߆ ߞߏ߲ߞߏߘߓߌ ߕߟߋ߬ ߁߅ ߛߍ ߞߵߊ߬ ߘߎ߰ߛߊ ߜߍ߫ ߁߁߆ߦ ߟߊ߫߸ ߘߌ߲߬ߞߑߛߌߣ ߓߏߙߊ߬߸ ߘߌ߬ߞߑߛߌߞ ߞߊ߬ߝߏ߬ߙߋ߲ ߞߣߐ߫ ߞߐߣߊߞߙߌ߫، ߟߊ߬ߛߋ߬ߟߌ ߣߌ߲߬ ߞߍ߫ ߘߴߊ߬ ߓߊߘߋ߲ߞߍ߫ ߥߛߊ߬ߘߋ߲߬ ߞߘߐ ߟߋ߬ ߓߟߏ߫߸ ߘߋ߲ߓߏ߬ ߛߌ߬ߟߊ، ߡߊ߬ߡߊߘߎ߬ ߛߌ߬ߟߊ ߦߋ߫ ߖߌ߬ߣߍ߫ ߥߊߟߌߘߊ ߟߎ߬ ߟߊ߫ ߞߎ߲߬ߕߌ߰ߘߊ ߡߊߡߙߊ߬ߓߊ߰ ߞߘߐ ߟߋ߬ ߘߌ߫ (ߔߊߕߙߐߣߊ)߸ ߊ߬ ߣߌ߫ ߓߘߍ߬ߓߘߍ߬ߟߌ߬ߟߊ߬ ߞߘߐ߸ ߡߍ߲ ߞߵߊ߬ ߕߐ߮ ߕߏ߫ ߘߎߢߊ߫ ߞߏߢߊߓߐ ߟߎ߬ ߘߐ߫.

ߊ߬ ߟߊ߫ ߞߏ ߕߍ߫ ߞߏ߫ ߘߏ߲߰ߣߍ߲߬ ߘߌ߫ ߖߌ߬ߣߍ߫ ߓߘߍ߬ߓߘߍ߬ߟߌ ߞߣߐ߫، ߊ߬ ߟߊ߫ ߛߊ߬ߦߊ ߣߌ߲߬ ߦߋ߫ ߖߌ߬ߣߍ߫ ߓߘߍ߬ߓߘߍ߬ߟߌ ߘߐ߬ߝߐ ߞߐߜߍ ߘߏ߫ ߟߋ߬ ߦߟߍ߬ߡߊ߲߬ߣߍ߲ ߘߌ߫، ߓߊߏ߬߸ ߡߊ߬ߡߊߘߎ߬ ߛߌ߬ߟߊ ߡߍ߲ ߕߐ߯ ߣߌ߲߬ ߞߏ߫ <<ߔߊߕߙߐߣߊ>> ߊ߬ ߞߊ߬ ߛߊ߲߬ ߓߌ߫ ߦߙߌߞߊ߫ ߟߋ߬ ߞߍ߫߸ ߝߊ߲߬ߞߊ ߦߴߊ߬ ߟߊ߫ ߖߡߊ߬ߣߊ ߛߐ߬ߘߐ߲ ߛߌߟߊ ߝߍ߬߸ ߊ߬ ߣߴߊ߬ ߓߘߍ߬ߓߘߍ߬ߟߌ، ߝߏ߫ ߘߏ߫ ߟߎ߫ ߖߍ߬ߘߍ ߞߊ߲߫߸ ߞߏ߫ ߊ߬ ߛߊ߬ߦߊ ߣߌ߲߬ ߞߏߛߐ߲߬߸ ߖߌ߬ߣߍ߬ ߛߊ߲ߡߊߞߎߟߎ߲߫ <<ߍߙ ߖߌߣߋ>> ߟߊ߫ ߞߏ ߢߊߘߐߜߍ ߘߌ߫ ߟߐ߲߫ ߜߏߦߊ߫.

ߊ߬ ߛߐ߬ߘߐ߲߬ ߘߊ߫ ߁߉߆߀ ߟߋ߬ ߟߊ߫ ߓߏ߬ߞߋ߫߸ ߊ߬ ߛߐ߰ ߘߊ߫ ߞߏߢߊߓߐ ߟߋ߬ ߡߊ߬ ߡߎߣߎ߲߬߸ ߞߊ߬ ߣߊ߬ ߕߏ߫ ߘߏ߲߬ ߠߊ߫ ߓߘߍ߬ߓߘߍ߬ߟߌ ߘߐ߫، ߟߊ߲߰ߛߣߊ߬ ߞߐ߲ߕߍ߫ ߘߊߝߍ߫ ߡߐ߯ ߜߐߞߎ ߟߋ߬ ߕߎ߲߬ ߦߴߊ߬ ߘߌ߫߸ ߊ߬ ߣߌ߫ ߖߡߊ߬ߣߊ ߛߋߓߊ߯ߦߊ ߓߟߏ߫ ߕߘߍ߬ ߢߐ߲߯ ߓߟߏ߫ ߞߏߛߓߍ߫، ߊ߬ ߕߘߍ߬ ߛߋ߫ ߟߊ߫ ߞߎ߲߬ߠߊ߬ߛߌ߮ ߟߊ߫ ߞߏ ߟߎ߬ ߡߊߡߙߊ߬ ߟߊ߫߸ ߊ߬ ߣߌ߫ ߘߎ߲߬ߘߎ߬ߡߊ߬ ߞߏ ߟߎ߬ ߝߣߊ߫߸ ߞߵߊ߬ ߛߐ߬ߘߐ߲߬ ߊ߬ ߦߋ߫ ߔߊߕߙߐߣߊ ߞߎ߲߬ߠߊ߫߸ ߊ߬ ߞߊ߬ ߛߊ߲߬ ߦߙߌߞߊ߫ ߞߍ߫ ߏ߬ ߡߍ߲ ߡߊߡߊ߬ߙߊ ߞߊ߲߬.

߂߀߀߇ ߟߊ߫߸ ߊ߬ ߡߌ߬ߣߊ߬ ߘߊ߫ ߞߵߊ߬ ߟߊߘߏ߲߬ ߥߛߎ ߟߊ߫߸ ߞߏ߫ ߊ߬ ߓߘߊ߫ ߝߘߏ߬ߓߊ߬ ߣߊ߲ߝߟߏ ߞߊ߲ߛߏ߲߫߸ ߞߊ߬ ߥߎߦߊ ߕߌ߫ ߥߎߦߊ ߟߊߓߊ߯ߙߊ߸ ߊ߬ ߣߌ߫ ߞߏ߫ ߊ߬ ߓߘߊ߫ ߜߍߛߓߍ߫ ߟߊߘߊ߲߫߸ ߞߵߊ߬ ߛߐ߬ߘߐ߬ ߥߊߘߌ ߡߍ߲ ߏ߬ ߞߣߐ߫߸ ߏ߬ ߢߐ߲߰ ߕߍ߫ ߊ߬ߟߋ ߟߊ߫ ߖߊ߬ߕߋ߬ߘߊ ߟߊ߫، ߒ߬ߓߊ߬߸ ߊ߬ ߡߌ߬ߣߊ ߡߍ߲ ߞߍߣߴߏ߬ ߘߌ߫ ߞߵߊ߬ ߟߊߞߘߎ߬߸ ߏ߬ ߞߊ߬ ߡߊ߲߬ߞߊ߲߬ߓߊ߫ ߟߊߥߟߌ߬߸ ߝߏ߫ ߞߊ߬ ߝߘߏ߬ߓߊ߬ ߝߎ߬ߙߎ߲߬ߞߎ߬ߟߌ ߟߊߥߟߌ߬ ߂߀߀߇ ߟߊ߫ ߖߡߊ߬ߣߊ ߝߊ߲߭ ߓߍ߯ ߘߐ߫، ߏ߬ ߞߵߊ߬ ߕߐ߮ ߕߏ߫ ߕߎߣߎ߲ߓߊߟߌߦߊ ߘߐ߫ ߞߏߛߓߍ߫.

ߓߘߍ߬ߓߘߍ߬ߟߌ ߞߊߡߊ߲ ߞߣߐ߫߸ ߡߊ߬ߡߊߘߎ߬ ߛߌ߬ߟߊ ߞߵߊ߬ ߡߊߝߟߍ߫ ߞߊ߲ߕߌ߯ߦߊ ߢߌߣߌ߲ ߘߐ߫ ߂߀߁߀ ߠߊ߫߸ ߊ߬ ߡߴߊ߬ ߛߐ߬ߘߐ߲߬، ߓߊߏ߬߸ ߊ߬ ߞߊ߬ ߀،߅ ߟߋ߬ ߛߐ߬ߘߐ߲߬، ߓߊ߬ߙߌ߬߸ ߥߛߊ߬ߘߋ߲߬ ߢߣߊߕߊߟߌ ߣߌ߫ ߞߊ߲ߘߟߌ ߡߍ߲ ߞߍ߫ ߘߊ߫ ߂߀߂߀ ߕߙߊߓߊ ߂߂ ߡߊ߬ ߊߟߌߝߊ߫ ߕߟߋ ߘߐ߫߸ ߖߡߊ߬ߣߊ ߞߙߎߞߓߊ ߕߐ߭ ߟߎ߫ ߞߊ߬ ߢߣߊߕߊߟߌ ߏ߬ ߓߐ߬ߘߍ߬ߓߐ߫߸ ߦߏ߫ ߘߊߟߍ߲߬ ߣߴߊ߬ ߞߐ، ߒ߬ߓߊ߬߸ ߊ߬ߟߋ ߞߵߏ߬ ߟߋ ߓߍ߬ߒ߬ߛߋ߲߬ߡߊ ߕߣߐ߬ߓߐ߫߸ ߝߏ߫ ߊ߬ ߟߊ߫ ߞߙߎߞߊ ߖߓߘ ߢߐ߲߰ ߡߊ߫ ߛߐ߬ߘߐ߲߬ ߊߟߌߝߊ߫ ߟߊ߫ ߖߡߟ ߞߐߝߍ߬.

ߏ߬ ߟߋ ߞߏߛߐ߲߬߸ ߊ߬ ߞߍ߫ ߘߊ߫ ߖߡߊ߬ߣߊ ߝߊ߲߬ߞߊߛߌ߬ߣߊ ߟߎ߬ ߘߐ߫ ߞߎ߲߭ ߘߌ߫߸ ߊ߬ ߕߍ߬ߘߍ߫ ߟߐ߬ߘߎ߮ ߏ߬ ߟߋ ߘߐ߫ ߤߊ߲߯ ߞߵߊ߬ ߛߌ߰ ߞߊ߬ߝߏ߬ ߖߊߛߏ߲ ߠߊ߫ ߂߀߂߁ ߠߊ߫.

ߡߊ߬ߡߊߘߎ߬ ߛߌ߬ߟߊ ߔߊߕߙߐߣߊ߸ ߊ߬ ߛߊ߬ ߘߊ߫ ߞߊ߬ ߡߏ߬ߛߏ߫ ߛߊ߬ߓߊ߫ ߟߋ߬ ߕߏ߫ ߊ߬ ߞߎ߲߬߸ ߘߋ߲߫ ߁߂߸ ߘߋ߲ߡߛߏ߫ ߥߐߙߐ߲ߝߌ߬ߟߊ߬ ߣߌ߫ ߗߍ߬ߡߊ߲߬ ߟߏ߯ߟߎ߫.

ߡߊ߬ߡߊߘߎ߬ ߛߌ߬ߟߊ ߟߊ߫ ߛߊ߬ߦߊ ߣߌ߲߬ ߞߍߣߍ߲߫ ߞߐߜߍ߫ ߞߎߘߊ߫ ߟߋ߬ ߦߟߍ߬ߡߊ߲߬ߣߍ߲ ߘߌ߫ ߖߌ߬ߣߍ߫ ߓߘߍ߬ߓߘߍ߬ߟߌ ߓߙߊ ߘߐ߫ ߣߌ߲߬.